لجميع مشاريعكم التجاريه

[general]

انزين اخوي اذا في مجال تشرحلي اكثر عن مشروع مشروبات الطاقه و كم تكلف؟

اصرف النظر عن هل مشروع في وقت الحالي لان في 3 أو 4 من شباب المنتدى ابتدؤا بالمشروع وانا في انتظار النتيجه ومن ثم اعطيك الضوء الاخضر

 

[general]

السلام عليكم...
مشكور ويعطيك الف عافيه على هالموضوع..

ابي منك فكرة مشروع حق زوجتي ..هي عندها تقريبا 7 الاف تبي تسوي مشروع بس بشرط مايكون فيه لوية وايد...قصدي ماتبي تطلع وايد من البيت يعني مشروع تقدر تديره وهي ببيتها او لو تطلع بس قليل...لانك عارف التزامات الاطفال والبيت...
وهي عندها هوايه اشغال يدوية وتصميم الملابس والطبخ بعد...وشاطرة فيهم...

فكرة المشغل النسائي اشرايك فيه؟؟اقدر افتحلها بالبيت مشغل؟؟ وشنو المطلوب والشروط؟؟وكم يبيله راس مال؟؟

واشرايك بالطلب من مواقع النت الاجنبية مثل ملابس او اي سلعه نسائية وعرضهم بالمنتديات..هل هذا يكفي او تقدر تفيدني بشي ثاني؟؟

ماشاء الله عليك افكارك وايد حلوة وذكية...جزاك الله خير...

وعليكم السلام
بنطرك يومين و ارد عليك بشكل مدروس مو عشوائي , للعلم انا مو هدفي الرد الفوري كثر مايهمني اكتب النصيحه بشكل دقيق لافيدكم . لان كل كلمه اكتبها لكم محاسب فيها امام الله

 

[ابو مبارك200]

وعليكم السلام
بنطرك يومين و ارد عليك بشكل مدروس مو عشوائي , للعلم انا مو هدفي الرد الفوري كثر مايهمني اكتب النصيحه بشكل دقيق لافيدكم . لان كل كلمه اكتبها لكم محاسب فيها امام الله

يجزاك الله الف خير وانا بانتظارك...

 

[shocked]

بسم الله الرحمن الرحيم

الله يعطيك العافية وبارك الله بمجهودك الطيب.

وبعد إذنك أحب أضيف بعض الملاحظات:
- أنصح نفسي أولا وجميع الأخوة المقبلين على مشاريع تجارية بتقوى الله عز وجل وعدم الدخول
في مشاريع محرمة، كالمقاهي اللي تضيع صحة الشباب وأعمارهم ومحلاتبيع الأغاني ونحوه.
ومن يتق الله يجعل له مخرجا ويرزقه من حيث لايحتسب.

- عدم التلاعب بالأنظمة، مثل موضوع دعم العمالة لغير مستحقيه عن طريق التحايل.
يا إخوان مهما كان الربح من الحرام كبير فالعبرة ببركة هذا المال وأن لا يسائل عنه يوم القيامة.

-نصيحتي لايفكر أحد بمكتب عقاري إلا أن تتعدل أوضاع القوانين العقارية.

- أخ جنرال ببالي مشروع مصبغة بحولي موقع ممتاز شارع رئيسي عمارات جديدة بالقرب من الموقع مافيه إلامصبغة وحدة تبعد كيلو تقريبا مستواها تعبان، بس الأجار 1000 دينار ،شرايك؟
تحروا الحلال بارك الله في الجميع
وشكرا للأخ جنرال

 

[general]

بسم الله الرحمن الرحيم

الله يعطيك العافية وبارك الله بمجهودك الطيب.

وبعد إذنك أحب أضيف بعض الملاحظات:
- أنصح نفسي أولا وجميع الأخوة المقبلين على مشاريع تجارية بتقوى الله عز وجل وعدم الدخول
في مشاريع محرمة، كالمقاهي اللي تضيع صحة الشباب وأعمارهم ومحلاتبيع الأغاني ونحوه.
ومن يتق الله يجعل له مخرجا ويرزقه من حيث لايحتسب.

- عدم التلاعب بالأنظمة، مثل موضوع دعم العمالة لغير مستحقيه عن طريق التحايل.
يا إخوان مهما كان الربح من الحرام كبير فالعبرة ببركة هذا المال وأن لا يسائل عنه يوم القيامة.

-نصيحتي لايفكر أحد بمكتب عقاري إلا أن تتعدل أوضاع القوانين العقارية.

- أخ جنرال ببالي مشروع مصبغة بحولي موقع ممتاز شارع رئيسي عمارات جديدة بالقرب من الموقع مافيه إلامصبغة وحدة تبعد كيلو تقريبا مستواها تعبان، بس الأجار 1000 دينار ،شرايك؟
تحروا الحلال بارك الله في الجميع
وشكرا للأخ جنرال

الاخ العزيز فعلا استمتعت في قراءه تعليقك الي فيه تحريك لمشاعر التقوى والايمان وشكرا لك

واسمح لي اقولك انت رجل عاقل ووفرت علي الكلام المفصل عن مشروع المصبغه عند ذكرك ان الايجار 1000 دينار

الجواب هو لا انصحك و أأمرك بنسيان الموضوع نهائيا

 

[general]

السلام عليكم...
مشكور ويعطيك الف عافيه على هالموضوع..

ابي منك فكرة مشروع حق زوجتي ..هي عندها تقريبا 7 الاف تبي تسوي مشروع بس بشرط مايكون فيه لوية وايد...قصدي ماتبي تطلع وايد من البيت يعني مشروع تقدر تديره وهي ببيتها او لو تطلع بس قليل...لانك عارف التزامات الاطفال والبيت...
وهي عندها هوايه اشغال يدوية وتصميم الملابس والطبخ بعد...وشاطرة فيهم...

فكرة المشغل النسائي اشرايك فيه؟؟اقدر افتحلها بالبيت مشغل؟؟ وشنو المطلوب والشروط؟؟وكم يبيله راس مال؟؟

واشرايك بالطلب من مواقع النت الاجنبية مثل ملابس او اي سلعه نسائية وعرضهم بالمنتديات..هل هذا يكفي او تقدر تفيدني بشي ثاني؟؟

ماشاء الله عليك افكارك وايد حلوة وذكية...جزاك الله خير...

اهلا بالاخ العزيز ابومبارك عسى اكون وفيت وعدي معاك ارد عليك خلال يومين

ابومبارك الواضح من رغبتك و المحتم علي اني اقوم بإستبعاد فكره ارشادك لتأسيس مؤسسه أو شركه لتزاول زوجتك الكريمه للمهنه بشكل رسمي.
ثانيا اياً كان لها رغبه في نشاطات مختلفه لتديره من البيت فلا يجب ان يزيد مبلغ الاستثمار عن 3000 الى 3500 دينار .
ثالثا عندي لك مشروع افضل اني اقوله لك بالخاص عشان يكون المشروع لك حصري وراح اتعرض لوايد نقد لكن ارد من الحين واقول انا فتحت هل موضوع لمناقشه مشاريعكم بشكل عام لكن البعض له رغبه يكون المناقشه بشكل خاص فما ادري تحب اتكلم عن المشروع بشكل عام ولا بشكل خاص وشكرا لك

 

[ابو مبارك200]

هلا اخوي انا بانتظارك عالخاص...وجزاك الله خير...

 

[general]

تم الرد بالخاص

 

[aburashed]

مشكور جنرال على الجهد الجبار.........

حبيت اسال عن مشروع قطع كمبيوتر جملة..شنو تنصحني فيه علما اني لست جديدا بهذا المجال حيث كان عندي انترنت كافيه وورشة صيانة منذ ٩ سنوات وراح اركز على قطع معينة بالكمبيوتر.

شكرا مقدما

 

[general]

مشكور جنرال على الجهد الجبار.........

حبيت اسال عن مشروع قطع كمبيوتر جملة..شنو تنصحني فيه علما اني لست جديدا بهذا المجال حيث كان عندي انترنت كافيه وورشة صيانة منذ ٩ سنوات وراح اركز على قطع معينة بالكمبيوتر.

شكرا مقدما

اذا بتشتغل جملة كمبيوتر مو اقل من 30 الى 40 ألف تحتاج ان تقدر عليه , قولي وانا اعرضك لك المشروع وتستفيد منه انت والاخوان .
(بروسسر , هارديسك , موذر بورد , رام , كروت شاشة , طابعات)
هذا يعني جمله ولاحظ اني حطيت لك اقل راس مال مطلوب

 

[aburashed]

توكل على الله اعرض يا جنرال........ومشكور مقدما.

ملاحظة: لا تنسى ان في شريحة معينة ماسكة السوق.

 

[general]

توكل على الله اعرض يا جنرال........ومشكور مقدما.

ملاحظة: لا تنسى ان في شريحة معينة ماسكة السوق.

بعطيك المعطيات وعقبها نستنتج الحل ونطلق الحكم :
1- سوق الجمله الرئيسي شارع بن خلدون ابتداءا من دوار صادق الى نادي المعاقين (حولي) .
2- يوجد 5 شركات كبيره تقريبا اهي الجمله و يغذون السوق .
3- يجب تصريف البضاعه بسرعه (لان القانون المتفق عليه بالكمبيوتر ان كلما طال الوقت كلما انخفضت الاسعار) .
4- لابد لابد لابد البيع على الحساب يعني تبيع على المحلات وتاخذ فلوسك بعد 10 ايام الى 20 يوم , وهل شي راح يجمد فلوسك وماتقدر تشتري من دبي مره اخرى الى حين تحصيل اموالك من السوق (واي انتظار و عدم توفر البضاعه عندك اصحاب المحلات راح يشيلونك من بالهم لان ماكو شي اسمه انطر تحصيل فلوسي وعقبها اشتري بضاعه .
5- مشكله رقم 4 راح تنحل بعد سنه والسبب ان شركات دبي تبلش تثق فيك وتعطيك على الحساب شهر الى شهرين , يعني بالكويتي راح تشتغل بفلوسهم وماراح يهمك سرعه تحصيل اموالك من السوق .
6- للأسف أقل فاتوره راح تصدرها لاتقل عن مئات الدنانير واي محل يتخلف بالسداد سواء هرب أو مادفع أو سكر المحل , راح تواجه فاتوره قيمتها 200 الى 300 دينار اصبحت من الديون المعدومه . وهل شي يكسرك لنا الرقم كبير .
7- الحلو بالكمبيوتر ان مهما تيب قطع راح ينتهي ولو تيب كميات كبيره لان السوق كبير ومتعطش للتطوير .
8- اي يوم حصل عندك ازمه ومحتاج فلوس تقدر تكيش وتسيل بضاعتك بتلفون واحد يخمون الي عندك .
9- لازم تعرف تشحن وتيب كونتينر من دبي الى الكويت وتعرف نظام تخليص الجمارك وغيرها .
10- حاليا ماتقدر تشتغل بكل القطع الي ذكرتها لكن ابي اعطيك قطعه وحده تشتغل فيها وتصنع سوق وعقبها تيب الباقي .

هذيل تقريبا اهم 10 معلومات لك /
القطعه الي تقدر تصنع فيها سوق حاليا طابعات hp بجميع فئاته و انواعه
ابتداءا من طابعه ب 8 دنانير الى طابعات سعر الوحده منها 200 دينار .

خلك مشهور بالطابعات حاليا وزباينك راح يكونون المحلات والشركات الكبيره والوزارات , لان مو كل المحلات عندهم طابعات جمله وبكل الفئات الي شركتين فقط من الـ 5 شركات .
لكن اهم شي حاليا تدخل موقه اتش بي وتدرس جميع انواع الطابعات واستخداماته واحبارهم كل شي بحيث احد يعطيك رقم طابعه تعطيه السيره الذاتيه للطابعه .
وانت جمله يعني لاتحتاج موقع ولا معرض ولا موظفين و ديكور كل الي تحتاجه محل بشارع بن خلدون ايجاره مايتعدى ال 200 روح مجمع البسام وخذ مكتب وكرسي من سوق الجمعه (عناد اقولك سوق الجمعه عشان بعلمك شلون تشتغل من غير فخفخه) وخط تلفون فقط لاغير وانت تقعد تجابل الشغل مع عدد 1 حمالي معاشه مايزيد عن 70 دينار دوامين وان صار عليك طلبيات وايد حزتها تيب بعد واحد
وحاليا ماتحتاج بياع الا نفسك تقعد وتجابل أو تيب بياع هندي (مو مصري) لان الاغلب هنادوه ويحتاجون واحد يتكلم هندي

هذا الي اقدر افيدك فيه فقط ))

 

[aburashed]

بعطيك المعطيات وعقبها نستنتج الحل ونطلق الحكم :
1- سوق الجمله الرئيسي شارع بن خلدون ابتداءا من دوار صادق الى نادي المعاقين (حولي) .
2- يوجد 5 شركات كبيره تقريبا اهي الجمله و يغذون السوق .

مشكور وما قصرت.....اللي اعرفه حاليا ٣ شركات كبيرة للجملة حسب دراستي المتواضعة للسوق.

3- يجب تصريف البضاعه بسرعه (لان القانون المتفق عليه بالكمبيوتر ان كلما طال الوقت كلما انخفضت الاسعار) .

عدل كلامك....هذي القاعدة الاولى بهالسوق.

4- لابد لابد لابد البيع على الحساب يعني تبيع على المحلات وتاخذ فلوسك بعد 10 ايام الى 20 يوم , وهل شي راح يجمد فلوسك وماتقدر تشتري من دبي مره اخرى الى حين تحصيل اموالك من السوق (واي انتظار و عدم توفر البضاعه عندك اصحاب المحلات راح يشيلونك من بالهم لان ماكو شي اسمه انطر تحصيل فلوسي وعقبها اشتري بضاعه .

عدل عندي خبر.....برسم البيع.

5- مشكله رقم 4 راح تنحل بعد سنه والسبب ان شركات دبي تبلش تثق فيك وتعطيك على الحساب شهر الى شهرين , يعني بالكويتي راح تشتغل بفلوسهم وماراح يهمك سرعه تحصيل اموالك من السوق .

ليش دبي بس؟ ليش مو الصين او غيرها؟

6- للأسف أقل فاتوره راح تصدرها لاتقل عن مئات الدنانير واي محل يتخلف بالسداد سواء هرب أو مادفع أو سكر المحل , راح تواجه فاتوره قيمتها 200 الى 300 دينار اصبحت من الديون المعدومه . وهل شي يكسرك لنا الرقم كبير .

مو مشكلة هذي نسبة بسيطة اذا راس المال عود.

7- الحلو بالكمبيوتر ان مهما تيب قطع راح ينتهي ولو تيب كميات كبيره لان السوق كبير ومتعطش للتطوير .
8- اي يوم حصل عندك ازمه ومحتاج فلوس تقدر تكيش وتسيل بضاعتك بتلفون واحد يخمون الي عندك .
9- لازم تعرف تشحن وتيب كونتينر من دبي الى الكويت وتعرف نظام تخليص الجمارك وغيرها .
10- حاليا ماتقدر تشتغل بكل القطع الي ذكرتها لكن ابي اعطيك قطعه وحده تشتغل فيها وتصنع سوق وعقبها تيب الباقي .

هذيل تقريبا اهم 10 معلومات لك /
القطعه الي تقدر تصنع فيها سوق حاليا طابعات hp بجميع فئاته و انواعه
ابتداءا من طابعه ب 8 دنانير الى طابعات سعر الوحده منها 200 دينار .

خلك مشهور بالطابعات حاليا وزباينك راح يكونون المحلات والشركات الكبيره والوزارات , لان مو كل المحلات عندهم طابعات جمله وبكل الفئات الي شركتين فقط من الـ 5 شركات .
لكن اهم شي حاليا تدخل موقه اتش بي وتدرس جميع انواع الطابعات واستخداماته واحبارهم كل شي بحيث احد يعطيك رقم طابعه تعطيه السيره الذاتيه للطابعه .
وانت جمله يعني لاتحتاج موقع ولا معرض ولا موظفين و ديكور كل الي تحتاجه محل بشارع بن خلدون ايجاره مايتعدى ال 200 روح مجمع البسام وخذ مكتب وكرسي من سوق الجمعه (عناد اقولك سوق الجمعه عشان بعلمك شلون تشتغل من غير فخفخه) وخط تلفون فقط لاغير وانت تقعد تجابل الشغل مع عدد 1 حمالي معاشه مايزيد عن 70 دينار دوامين وان صار عليك طلبيات وايد حزتها تيب بعد واحد
وحاليا ماتحتاج بياع الا نفسك تقعد وتجابل أو تيب بياع هندي (مو مصري) لان الاغلب هنادوه ويحتاجون واحد يتكلم هندي

هذا الي اقدر افيدك فيه فقط ))

اللي اعرفه hp لها وكيل (شركة الخالدية) جملة ومفرق وماسكين السوق. بعدين فيه بضاعة معطوبة مرتجعة وشغلة الكفالة.

 

[general]

عزيزي بوراشد بالنسبه ليش دبي و مو الصين لأن انت مو رايح تيب اكسسوارات انت رايح تيب شغلات بضاعه صناعه امريكيه (القطع الي ذكرتها) مالك دخل بالصين وكل تجمعات الشركات الامريكيه في دبي مو الصين .
ثانيا اتش بي وكيله الخالديه صحيح كلامك لكن ماكو اي مشكله تيب طابعات من برا ولعلمك الخاص انت يبت طابعات من شركات الكبيره من دبي وطلع فيها عطل عليها كفاله وتخلي الزبون ياخذ الفاتوره ويروح الخالديه يصلحونه له بأمر من شركه اتش بي .
وللعلم في محلات بحولي يبيعون طابعات اتش بي (محل 4× 4 متر) مبيعاتهم اكثر من الوكيل الي بالخالدية
وشكرا

 

[كحيلان العازمي]

السلام عليكم ورحمة الله وبركاته
بو عقيل تكفى قل تم
تكفى يا بو عقيل بغيت منك طلبا ليس امرا معلوماتك وخبرتك عن كيفية البداية بفتح مؤسسة انتاج فني لانتاج البرامج والمسلسلات بنظام المنتج المنفذ للمحطات الفضائية
تكفى يا بو عقيل لا تردني

 

[general]

السلام عليكم ورحمة الله وبركاته
بو عقيل تكفى قل تم
تكفى يا بو عقيل بغيت منك طلبا ليس امرا معلوماتك وخبرتك عن كيفية البداية بفتح مؤسسة انتاج فني لانتاج البرامج والمسلسلات بنظام المنتج المنفذ للمحطات الفضائية
تكفى يا بو عقيل لا تردني

تم يالعازمي
اولا بالنسبه لفتح مؤسسه انتاج فني لانتاج البرامج والمسلسلات بنظام المنتج المنفذ هذي رخصتها سهله وحالها حال اي رخصه
ثانيا هذا مشروع صعب وما في شخص قدر ينجح فيه بدون مايكون في اطار التمثيل والانتاج مثال على ذلك ( يعني الكثير من اصحاب شركات الانتاج الفني كانوا بالسابق في الساحات الفنيه و تطوروا شوي شوي الى ان اصبحوا مخرجين و منتجين منفذين ) لكن ان يأتي شخص من خارج الساحه الفنيه وبيصير منتج منفذ فأعتقد هذي صعبه يالعازمي .
ثالثا هل شغله تحتاج علاقات مع الطبقه الفنيه العليا (ممثلين مخضرمين) والا مايقع عليك الاختيار ابدا
رابعا تدري تحتاج راس مال كم ؟ فوق ال 40 الى 50 الف بحد ادنى ادنى (كتبتها مرتين)
خامسا لازم يكون معاك فريق عمل له خبره طويله بهل مجال يعني المسأله مو وضع اعلان بالوسيط و تلاقي فريق عمل .
سادسا تحتاج الى شبكه كبيره عزك الله من اهل الانس والطرب .
سابعا شنو الخبره الي تمتلكها بهل مجال

اخيرا انا اتوقع اختيارك لهل مشروع صار عن طريق حبك له وليس عن طريق تقييمك و المنطق

واي شي انا حاضر

 

[خالد بوحمد]

والله خوش موضوع

طيب زوجتي عندها مشغل باسواق القرين خياط نسائي

شلون تبدي

يعني بخياط واحد ماستر

او اثنين كبدايه

وافضل طريقة لجلبهم المكتب ام اصحابهم الخياطين

وبالنسبه لطريقة احتساب المردود المادي من غير لايبوقنها الخياطين فواتير ام ماذا

وشغل المشغل من مكائن وخلافه من وين اجيبه وهل اشتريه مستعمل اوفرلي

واجيبهم بنفسي ولا اخلي الخياطين يشترونها

وافضل معاش للخياط الماستر لاني مااعرف اسعارهم

وممكن تملي دراسه جدوى للمشروع

والربح المتوقع علما ان ايجار المحل 160 دينار

وادري اكلتك بالاسئله بس لولا شفت كرمك بالردود جان مسألت كل هالاسئله

ومشكوررررررر حتى لو ماجاوبت استفدنا من مواضيعك واجد

 

[general]

والله خوش موضوع

طيب زوجتي عندها مشغل باسواق القرين خياط نسائي

شلون تبدي

يعني بخياط واحد ماستر

او اثنين كبدايه

وافضل طريقة لجلبهم المكتب ام اصحابهم الخياطين

وبالنسبه لطريقة احتساب المردود المادي من غير لايبوقنها الخياطين فواتير ام ماذا

وشغل المشغل من مكائن وخلافه من وين اجيبه وهل اشتريه مستعمل اوفرلي

واجيبهم بنفسي ولا اخلي الخياطين يشترونها

وافضل معاش للخياط الماستر لاني مااعرف اسعارهم

وممكن تملي دراسه جدوى للمشروع

والربح المتوقع علما ان ايجار المحل 160 دينار

وادري اكلتك بالاسئله بس لولا شفت كرمك بالردود جان مسألت كل هالاسئله

ومشكوررررررر حتى لو ماجاوبت استفدنا من مواضيعك واجد

عزيزي راح اجاوبك لما ارد من الدوام واجابات مفصله

 

[sasa911]

مساء الخير اخوي بوعقيل

الله يجزاك خير على المجهود اللي تبذله لنفع اخوانك اعضاء المنتدى
وادعوا الله ان لا يحرمك الاجر

اخوي بوعقيل ...لك رساله على الخاص
فصلا لا امرا ..التكرم بقرائتها والرد عليها

وشكرا لك

 

[general]

مساء الخير اخوي بوعقيل

الله يجزاك خير على المجهود اللي تبذله لنفع اخوانك اعضاء المنتدى
وادعوا الله ان لا يحرمك الاجر

اخوي بوعقيل ...لك رساله على الخاص
فصلا لا امرا ..التكرم بقرائتها والرد عليها

وشكرا لك

يا محفوظ السلامه تم الرد