الله يجزاه خير اللي يرد عليه بسرعة000

[حدي متفائلة]

السلام عليكم

عندي استفسار ديني --- الموضوع وما فيه

قبل كم شهر فزت بسيارة عن طريق المشتريات اللي نشتريها من المجمعات والله ما كان في نيتي ان ابي افوز بس حبيت اجرب حظي المقرود وسبحان الله فعلا فزت بالسيارة ولما بعت السيارة قالت لي رفيجتي ان فلوسها حرام وهي مثل اليانصيب وفلوسها تعتبر ربا وحرام تصرفين منهم -- واتصلت على كم شيخ عندنا اللي حرم هالسالفة واللي حللها وصرت بين نارين -- انا وحده اخاف ربي وما ابي يدخل بطني فلوس ربا والعياذ بالله
والله لو اموت من الجوع ما آكل الربا -- اللحين انا محتارة ابي احد ينورني ويقول لي الصح وجزاه الله الف خير

 

[قلم حر]

اللي اعرفها اذا كنتي رايحه تشترين وما كان القصد
الفوز بالسياره هذا طبيعي ما فيه شئ

لكن الراي الشرعي اهم


(( استفتي قلبك ولو افتوك الناس ))​

 

[MOHAMMED11]

هذي على مااعتقد تعتمد على النية ، فلو سألتي لجنة الفتوى افضل
لانه راح يسألك اذا كانت نية الشراء على شان السيارة او لأ .
يعني مثل شخص راح يشتري شغله ولقا ان الجمعية مسوين سحوبات
واخذ كوبون وبالسحب فاز ، هذا ماعليه شي اكيد .لان نيته من الاول
مو على شان السيارة .

لاكن اذا نية الشراء من اجل السحوبات . اهنيه اسألى لجنة الفتوى
افضل .. لان اعتقد فيها كلام ..

 

[فضل]

انا متأكد من فتوى تشترط شرطين حتى تكون الجائزه حلال
الشرط الاول على المشترى < اللى هو انتى > :
انك ناويه تشترين من اول مو عشان العرض
الشرط الثانى على البائع :
ان سعر السلعه ما يتغير قبل او بعد العرض

هذا والله اعلم​

 

[NICK]

اقول والله انه فتنه والله يوفقج وتجتازينها واسال الله ان ماامر بموقفج لان نفوسنا ضعيفه
والحلال بين والحرام بين مثل ماقال الرسول ...صلى الله عليه وسلم ..........والله يوفقج يارب ...

 

[أبوفلان]

أختي اذا اختلف الامر بين الحل والتحريم فاستفت قلبك

والي اشوفه انها حلال لانج مو رايحه تشترين عشان السحب

اذكر سالت شيخ عن بطاقات شوووت الي هبوا فيها الناس

قالي اذا انت رايح للمباراة ولازم تشتريها تدخل فيها وربحت منها يجوز اما انك تشتريها عشان تمسح وتربح ويمكن ماتربح ماتجوز

 

[حدي متفائلة]

جزاكم الله خير يااااااااااااااااااااااااارب

انا فعلا لما رحت للسوق ما كان في بالي اني اصلا اشتري بس تدرون حريم ما يصير نروح السوق ما نشتري :d

وما كنت ادري ان هالمحل فيه عروض بس تفاجأت لما دفعت الحساب ان الكاشير عطاني كوبون على مشترياتي وكان السحب على سيارة وقلت لنفسي خلني اجرب حظي يمكن افوز بالسيارة وصار اللي صار

 

[MOHAMMED11]

جزاكم الله خير يااااااااااااااااااااااااارب

انا فعلا لما رحت للسوق ما كان في بالي اني اصلا اشتري بس تدرون حريم ما يصير نروح السوق ما نشتري :d

وما كنت ادري ان هالمحل فيه عروض بس تفاجأت لما دفعت الحساب ان الكاشير عطاني كوبون على مشترياتي وكان السحب على سيارة وقلت لنفسي خلني اجرب حظي يمكن افوز بالسيارة وصار اللي صار

الله يعطيك خيرها ويكفيك شرها ، ان شاء الله مافيها شي


عاد شنو السيارة ..

 

[q8royale]

السلام عليكم

اختي انت رايحة الجمعية تشترين اغراض و الكوبونات اللي تسويها الجمعيات هي مقابل الشراء ( يعني انا ما اقدر ادخل الجمعية و اعطيهم 10 دنانير و اخذ مقابلهم كوبونات ) بمعنى انتي ما شريتي الكوبونات.

بعدين عروض الجمعيات مو يانصيب , هي هدايا تتم بطريقة السحب

انزين بيت التمويل بكروت الائتمان يسوون سحوبات وطريقة حساب النقاط ( مونقاط الا كوبونات ) تتم بقسمة مبلغ المشتريات على رقم و الغالب 10.

اعتقد ان الشيوخ اللي قالوا ما يجوز ما فهموا منك بشكل صحيح و هذا ممكن يكون رزق وصلك

والله العالم