الساير متى يعمل عروضه ؟؟

[rahaly]

يا جماعه العادة الساير يسوي تخفيضات وعروض كل سنة ..
متى في شهر رمضان او في شهر 9 ؟؟

ويسوه الواحد ينتظر العروض ؟؟ يعني خصم يسوه ؟؟


شكرا

 

[أبوفلان]

يقولك اذا حجت البقر على قرونها يسوي الساير عروض

اول شي يحلب الناس وبعدين يفكر يعطيهم من هالحليب اذا حزر

 

[الطريق]

يوقلك اذا حجت البقر على قرونها والله الساير ساحر هلعالم على شنو ما دي

 

[نيويورك]

غالبا اغلب العروض تكون برمضان .. و الله اعلم ..

 

[ولد الشعب]

يقولك اذا حجت البقر على قرونها يسوي الساير عروض

اول شي يحلب الناس وبعدين يفكر يعطيهم من هالحليب اذا حزر

صح السانك بوفلان

 

[rahaly]

غالبا اغلب العروض تكون برمضان .. و الله اعلم ..

بارك الله فيك استاذنا الفاضل ...


تصدق .. مشكلة ما يرضون يجاوبون .. الظاهر ما يبون احد ينتظر العروض !!!

 

[نيويورك]

بارك الله فيك استاذنا الفاضل ...


تصدق .. مشكلة ما يرضون يجاوبون .. الظاهر ما يبون احد ينتظر العروض !!!

الله يبارك فيك و يجزيك خير اخوي الكريم رحالي ..

الحين عندهم ثلاث مناسبات احتمال يسوون اغلب الوكالات عروض للتخلص من موديل 2009 .. و فيه ناس تشوفها فرصه لأقتناص الفرص ..الأولى رمضان .. و عقبها عيد الفطر .. و عيد الاضحى .. بالنسبه للساير سياراته تارسه الميناء لأن يصدر للعراق و بالتالي مو مضطر يسوي عروض مثل قبل لأنه مستحوذ على اهم سوقين بالمنطقه .. و بصراحه سياراته ممتازه و جودتها ممتازه .. و الله يوفقك ان شاء الله في فرصه طيبه ..

 

[GMC يفرض هيبته]

شنو العروض ...؟

يا شرطان قرآن الله يجزاه خير ... ولا ميدالية مفاتيح ..!!

والبابطين عروضه بس في الشتاء .. خيمة 4 باربعة ... حقت حارس مخيم ..؟

المفروض يكون فيهم روح وطنية ويحطون خصومات للكويتيين ...؟ اشرايكم انعرض الفكرة
على الجويهل ..؟

 

[نبض الهواجر]

السلام والله سالفة العروض انا ماحبها , , , انا اقول لكم ليش

اول شي انا شتريت سياره من الغانم قبل جم يوم بسعر 9900 كاش اليوم رحت بستلمها ولا اشوف مسوي عروض امسح وتربح مبالغ . . . والله حزنت اول بعدها ضحكت قلت الحمدالله اني شتريت قبل العرض ابو الشباب رفع سعر السياره لي 10200 وقال امسح واربح يعني ياخذ منك الفلوس الي يبعطيك ايها ويقولك مسوي عروض في الناهيه العرض من فلوسك



ثاني شي الساير رفع قيمة السيارات قبل سبوع من اليوم علشان يسوي خصم على السيارات في رمضان تصدقون كريم ’ ’ ’ ’ ياخي الواحد قام يخلي العروض ويدور السعر الاصلي انا اقول خلكم مع عروض الجمعيه ارحم دووورو الفينتو وين رخيص

 

[الهاجري6]

انا اقولك وين الفيتو ارخص 275 بجمعية الرميثية هههههههههههه ادري عبيط بس هذا الصحيح

 

[F- AL-hajri]

يا الربع احسن العرووض حق كل الوكالات في شهر فبراير .. وتكوون السيارات من الدفعه الجديده ما تنغش من النصاابين اللي يشتغلوون اهناك ..... وفي سالفه احب اذكرهاا انا شريت كامري 2006 في اخر 2005 وقتلهم بتغير الشكل قاالوولااا مستحيل يمكن بعد 4 سنوات وتفاجئت بعد 8 شهوور بالظبط نزلواا الشكل الجديد.. للافاده فقط

 

[mansuoor]

شنو العروض ...؟

يا شرطان قرآن الله يجزاه خير ... ولا ميدالية مفاتيح ..!!

والبابطين عروضه بس في الشتاء .. خيمة 4 باربعة ... حقت حارس مخيم ..؟

المفروض يكون فيهم روح وطنية ويحطون خصومات للكويتيين ...؟ اشرايكم انعرض الفكرة
على الجويهل ..؟

والله كلامك صح ههههههههههههههه

بس ياجماعه تبون الصراحه مواتر الساير تستاهل كل دينار لانها صج جوده
وديرتنا ما ينفع لهل الا الساير

 

[q8royale]

الساير برمضان يسوي عروض

الوكالة كخدمة افضل و بالنسبة لكزس اذا خربت يطلعون لها من الوكالة.

عندي شفر 2009 وديته الغانم سيرفس - رجعولي السيارة فيها زلغ بالدعامية - دخت شهر و صلوحها بالاخر - لكن يبقى صبغ تجميلي اذا ابي ابيعها ( تفقد السيارة من سعرها )

تويوتا او لكزس افضل لجو الكويت

فيه احد يبي شفر 2009 استعمال خفيف

 

[hello bankok]

والله نهيبه هالوكالات ..
شفيها لادا اخذ سيارة منهم يعطيونك هدية سيارتين مثلها بالوان غير
خخخخخخ

 

[فوارق]

الساير يستاهل اللي ياخذ منه سياره بلعرض او غيره وانا من عمري الياباني قلت خلني بغير باخذ امريكي من الوكاله صار معاي فلم طويل المهم نصيحتي الساير يستاهل اللي ينطره ويشهد الله مو قصدي دعايه له لكن المثل يقول اسال مجرب ولا تسال طبيب

 

[بو عبد الرحمن]

برمضان راح يسوي عروض الساير علي كلام واحد من الربع واليوم انا عند الساير قالي البايع ان بعد رمضان او اخر رمضان رايح ينزلون مودير 2010 ولقيت عندهم بالوكاله لاندكروزر gxr 8 سلندر ديزل ومسوين عليه عرض سعره ثلاثه عشر الف وكسور حبيت افيدكم

 

[Medo]

المنطق يقول طول ما الين واليورو مرتفعين لازم نصير خوش أوادم ونبعد عن السيارات اليابانية والأوروبية لأن كلفة استيرادها "فاحشة"

الآن وقت الأمريكي فقط لا غير​

 

[Mac]

ليش يسوي عروض ؟؟ يبيع بيع الشر
عسى الله يرزقنا

 

[zidantheking]

التويتا و لكزس ما راح يسوون عروض لانه ارباحهم وايد حتى بلازمة الاقتصادية