السخان المركزي......

[الأبطح]

شباب مفكر اركب سخان مركزي
خاصة ان الاسعار الحين اقل
فما نستغني عن نصائحكم
وتجاربكم

 

[بونواف]

بلعكس تفكيرك شي جيد وخاصة انه السخان المركزي يعطيك دفع الماء قوي جدا وصيانته اسهل واسرع ولا يوجد به اعطال كثيرة انا مركب سخان مركزي من 5 سنين والحمدلله بحلابة جيده وما بدلت فيه الا الشمعة مره واحدة....بس عيبة مو اي احد يشتغل فيه اذا خرب لازم الشركة ولما تدق على الشركة يعطونك موعد يومين او ثلاث واسعارهم غاليه شوي بس اعطالة غالبا ماتكون الشمعة...
الشمعة سعرها 3دنانير اذا تشتريها من قطع الغيار وتركيبها سهل جدا
اما اذا اتصلت على الشركة ياخذون 30دينار وهذا العيب الوحيد الي فيه انهم محتكرين الصيانه...

واذا تبي تركب سخان مركزي انصحك بلمورد الكويتي اهوا افضل الموجود

 

[الأبطح]

مشكوور بو نواف
طيب اشرايك بشركة العربي
وممكن ترسلي رقم المورد الكويتي

 

[فارس العنزي]

شركة رهام الغانم بالشويخ ، بجانب محلات الرخام ، أنا حجزت عندهم وحتى للحين ما ركبوها عندي شمعتين كل وحده 50 جالون والفلتر والمضخه أوتوماتيك يعني إذا إنقطع الماي تفصل بروحها وقوتها 1 حصان والسعر 580 دينار ، باقي الشركات أغلى ومجربها واحد من الربع وممتازه​

 

[الأبطح]

شركة رهام الغانم بالشويخ ، بجانب محلات الرخام ، أنا حجزت عندهم وحتى للحين ما ركبوها عندي شمعتين كل وحده 50 جالون والفلتر والمضخه أوتوماتيك يعني إذا إنقطع الماي تفصل بروحها وقوتها 1 حصان والسعر 580 دينار ، باقي الشركات أغلى ومجربها واحد من الربع وممتازه​

أخوي فارس كم حمام (تكرمون) عندك
وشنو صناعتهم السخانات والمضخة والفلتر

 

[سناعيس]

خذ من شركه عربى حتى لو اغلى شوى
خاصة ماكينة الضخ
اهم شئ لازم البول بيرنغ والتوصيلات الداخليه و الشفرات فيها حديد مو بلاستيك حتى ما تنشف من الحراره

 

[فارس العنزي]

أخوي فارس كم حمام (تكرمون) عندك
وشنو صناعتهم السخانات والمضخة والفلتر

هلا بالأبطح

توني أقرأ الرسالة وسامحني عالتأخير بالرد

عندي وإنت بكرامه 7 حمامات ، وصناعة السخانات والمضخه أمريكي ، وعندهم فلتر ما شفته عند جميع الشركات ، كل الشركات الفلتر رملي ، وحجمه كبير مقارنه مع الموجود عند رهام ، فلتر حجمه صغير جداً وبتقنيه تختلف عنهم لا رمل ولكن فلتر فتحاته عملت بالليزر ، مرهم وشوف بنفسك​

 

[الأبطح]

خذ من شركه عربى حتى لو اغلى شوى
خاصة ماكينة الضخ
اهم شئ لازم البول بيرنغ والتوصيلات الداخليه و الشفرات فيها حديد مو بلاستيك حتى ما تنشف من الحراره

مجربهم
اذا مجربهم شلون شغلهم وشنو حجم الساخانات اللي عندك
وعدد دورات المياه والمطابخ
ومشكور لا هتمامك

اخوي فارس مشكور لاهتمامك وراح امرهم ان شاءالله
واشوف عروضهم

 

[خير الكلام]

السلام عليكم

رهام الغانم الافضل