سبب نزول زين المفاجىء

[حسين الشطي]

السلام عليكم
شباب اي اشاعه الي تداول السهم بشكل خرافي و منو الي يشتري
كلام صاح الموضوع فيه من الصحة شي كبير

 

[بو سجي]

الكلام الي سمعته من مدير محفظه ان محافظ مجموعه الاوراق التابعه لمجموعه الشيخ سالم العلي شاريه السهم بأسعار من 600 الي 770 فلس و نفس الشي طبعا توجد محافظ شركات اخري وطبعا دوبلت فيهم الاسعار والمحافظ التابعه للشيخ سالم العلي تملك اكثر من 100 مليون سهم وباعو نسبه كبيره منهم اليوم هذي فرصته للبيع الناس قتاله تبي تشتري ولو بوقت ثانى جان نزل السهم لي 500 فلس لو يبي يبيع ويمكن يكون الخرافي متفق معاه علي شراء حصته في هذي الاسعار كل شي راح يبين في العطله و نشوف جم زادت شركة الخير نسبتها في زين

 

[ابن عمير]

مابي أحلف أنا لأني متأكد من كلامي 100%

وهذا اللي عندي

تبي تصدقني كيفك منت مصدق شي راجعلك

وانا اعتذر عن الرد على هذا الموضوع اكثر من جذي

الأخوة الكرام اقسم لكم بالله ان هذا الكلام صحيح وسمعته من مصدر صادق ومطلع وكلام بلفوس اليوم باجر ببلاش والميه تكذب العطاس .

وسعوا صدوركم يمكن الموضوع فيه لبس معين ...

 

[ابن عمير]

السهم أرتفع على وقع الشائعات ولهذا السبب نزل..لان ما في شئ رسمي....ما في سبب آخر!!!

وقيمة التداول العاليه شنو تفسرها؟؟؟؟

 

[معشي الجن]

الكمية
زين 1,480 260 8,412,500 زين 1,460 92 2,877,500
زين 1,440 51 1,617,500
زين 1,420 37 1,522,500
زين 1,400 55 3,172,

فما دمت السبب , فما أحلى الألم

 

[معشي الجن]

الأخوة الكرام اقسم لكم بالله ان هذا الكلام صحيح وسمعته من مصدر صادق ومطلع وكلام بلفوس اليوم باجر ببلاش والميه تكذب العطاس .

انشاء الله النيه زينه
بس مو خوش سالفه تسولف فيها ,, جان أحتفظت فيها حق نفسك وربعك ا

ما تخاف باجر اذا طلع الخبر مو صحيح ؟ والله تصير شماته ,,, بس الا أذا انت متعمد
ما راح يهمك لان حلفك من مصدر موثوق ندري,,, و هو اللي قالك لأنك معانا بالمنتدى و وايد تصدق وعلى نياتك . بالنهايه الصكه براسك (حمال الأسيه ) و باجر يطلع ببلاش ورأسني ياقدع

 

[الاولى]

مشكور
الناس هذى ماتحرق فلوسها
الفلس له رزه عندهم
وعندى بعد

 

[Winchester SX3]

اوكي احترم رايك بس ممكن تفسر اللي حصل اليوم بالسوق شنو معناه هل هذا طبيعي نزول السوق بالسيوله الكبيره ما اعتقد معناه في شي

انا كنت ماني راد بس المشاركات اللي دارت خلتني ارد

منو اللي لقّط من 1 الى 1.250 باع اليوم
من وين تحصل 25% وأكثر بهالسرعه وبهالفرصه الثمينه ؟ هذا واحد

اثنين ارتفع السهم بسبب اشاعه والشركه مالهه شغل فيها وصرحت هذا يعود لقرار الملاك الكبار وهم معروفين وطلبوا جمعية عموميه وبدت اشاعه رفع نسبة تملك كبار الملاك الاجانب الى اكثر من 50% وانهم ببيعون السهم بــ 2 او 1.900 هذا الكلام كله يدش العقل ومنطقي ولكنه يندرج تحت ( إشاعه وتحولت إشاعات )

ثلاثه هذا سوق الكويت


هذا تفسيري البسيط

الأخوة الكرام اقسم لكم بالله ان هذا الكلام صحيح وسمعته من مصدر صادق ومطلع وكلام بلفوس اليوم باجر ببلاش والميه تكذب العطاس .

يا ريتك مو حالف بالله لأنك معتمد بكلامك على مصدر!! وهالسوالف تره ماتطلع من تجار كبار!!!!!

و بالنسبه لك انت مصدقك لأنك ناقل والناقل ما أشره عليه بس مصدرك اللي قالك عن هالموضوع اسمحلي مو شي او مصدره مو شي او مصدر مصدره موشي!! اختار وحده فيهم


وازيدك ان اغلب مشاركات الأعضاء كلام غير صحيح بالمره واشاعات بهالموضوع تشيّب الراس وانت كيفك موضوعك وانت حر فيه


ماني قايل زود ولا بقول بيع ولا اشتر كلن عقله براسه ومالك قراره
اكتفي بهذا الرد والحين ارتاح ضميري

واسمحولي ماراح التفت حق اي رد لكائن من كان


موفقين خير

 

[ابن تيميه]

وقيمة التداول العاليه شنو تفسرها؟؟؟؟

زين لوحدها تداولها 190مليون دينار والقيمه الاجماليه283مليون دينار...ممكن يبيع ويرد يشتري بنفس الكميه فقط يدفع العموله وبذلك تزداد القيمه ...يشتري مليون سهم من اللي هو عارضه ويرد يبيعه على نفسه ليوهم المتداولين ان هناك سيوله وشراء على السهم ............هل تتذكر المليار دينار تداول معظمه على شركه زين .!!وقيل عندئذ انهم سوف يتحققون منها ..شنو نتائج التحقيق؟؟؟ حتى الان لم تظهر للناس

 

[ka3000]

هذا الكلام السليم
معدل دوران عالى لمحافظ الخرافى
اما موضوع ورثة سالم العلى فغير صحيح بتاتا

مع التحفظ بالاسترسال بالموضوع
وتقبلو تحياتى 100% كلامى صحيح
انتهى

 

[هادى ابو محمد]

السهم مضغوط حده من قبل اعضاء مجلس الاداره

 

[أيام المناخ]

التجار يحترمون بعض ومافي اي دخول من مجموعة العلي

كل مافي الموضوع مجموعة الخرافي قاعد تظارب بالسوق


...

 

[جيزااااني]

التجار يحترمون بعض ومافي اي دخول من مجموعة العلي

كل مافي الموضوع مجموعة الخرافي قاعد تظارب بالسوق


...

أخي أيام المناخ أي مضاربة..هذي معركة والله.​

 

[أيام المناخ]

صح كلامك معركة ضد صغار المتداولين

...

 

[كلمتين]

نفس هالحجي وصلني اليوم صراع بين الكبار وتكسير عظام

 

[المهندس الكويتي]

هذا الكلام السليم
معدل دوران عالى لمحافظ الخرافى
اما موضوع ورثة سالم العلى فغير صحيح بتاتا

مع التحفظ بالاسترسال بالموضوع
وتقبلو تحياتى 100% كلامى صحيح
انتهى

اخوي الشيخ الله يطول بعمره حي ما مات والله يرده بالسلامه .... ادعيله الله يرده بالسلامه ؟؟​

 

[بيتك للتداول]

محافظ «كبيرة» اشترت بالحد الأعلى وعادت للبيع حتى «الأدنى»
تقرير / تداولات تقارب 190 مليون دينار على «زين» ونصف أوامر البيع من مساهمين كبار



استحوذت مجموعة الاتصالات المتنقلة «زين» على نحو 66 في المئة من تعاملات سوق الاوراق المالية امس، بعد تداول 141.3 مليون سهم بقيمة اجمالية تقدر بـ189.344 مليون دينار نفذت من خلال 3620 صفقة قفزت بالقيمة السوقية للاسهم المتداولة الى 283.2 مليون دينار للمرة الاولى منذ أشهر طويلة.
وعلى وقع تلك التداولات التي غابت كثيراً عن السوق خصوصا على «زين» تحركت الجهات الرقابية في البورصة لمتابعة حركة السهم، وتؤكد مصادر مسؤولة ان «رقابة السوق» راقبت تعاملات المجموعة لافتة لعدم وجود اي مآخذ قانونية على حركة السهم حيث تمت بشكل يتوافق مع الضوابط المعمول بها.
ومن ناحية اخرى، افادت معلومات ان محافظ تابعة لكبار الملاك في المجموعة قامت بعمليات شراء تمت عند الحد الاعلى (1.480 دينار)، الا ان المحافظ ذاتها عادت لتقود عمليات البيع لتستأثر بما يزيد على 40 في المئة من الكميات المباعة، فيما ترددت إشاعات بين المتداولين أن مساهمين استراتيجيين في الشركة (مجموعة الأوراق المالية مثلاً) تقوم بالبيع، لكن تلك الاشاعة لم تجد ما يؤكدها في كشوف التداولات. وانتهى الأمر بالسهم مع نهاية التداولات عند الحد الادنى البالغ 1.280 دينار.