افضل عروض الجمعيات التعاونية للشهر الفضيل

[الدمقراطي]

السلام عليكم ورحمة الله وبركاته


انا فتحت هالموضوع على اساس نشوف من الاعضاء اللي قاموا بشراء مستلزمات الشهر الفضيل من الجمعيات التعاونية , وين لقوا افضل العروض


وبالتالي الواحد يقدر يقارن بين اسعار الجمعيات ويشوف وين توجه الناس لأفضل العروض , ومن خلال هالشيء يستفيد رواد هذا المنتدى من معرفة افضل العروض دون التعب والفراره على الجمعيات التعاونية



نبي كل شخص يقول لنا وين شاف افضل العروض ويعطينا شوية تفاصيل مثل سعر المواد الغذائية ...الخ الخ الخ



وبارك الله فيكم وتقبلوا تحيات اخوكم \ الدمقراطي

 

[NICK]

يعطيك العافيه اخوي على هالموضوع

حاليا من خلال متابعتي لعروض الجمعيات ..لقيت افضل عروض ثلاث جمعيات
الصليبيخات ولكن لسكان المنطقه
جمعية الفحيحيل ..وماجيتها عروضها يقولون حلوه ..ولكن الناس ماخلت شي اغلبها فاضيه

جمعية العارضيه قريت عروضهم بالجريده اقوى عروض

ولكن يوم السبت يبدا العرض نصيحتي روح بدري يعني الصبح تفتك من الزحمه

وتلقى الي تبيه

وسلامتك

 

[الذيبة]

أنا الي اشوفة يحطون دعايات لهم بس علشان الناس تجي ,,,,,
ولما تجي يقولون العرض خلص يعني وين لوين تلقى جمعية صادقة ,,,,,
وهذا الموقف صغير صار معي ,,,
تخبرون المجلات الاعلانية الصغيرة اللي تنحط على باب البيت ,,,,,
كان في عرض في سوق احلى شي عندهم الحب المشكل والمكسرات ,,,
وكان العرض اشتر بدينار ونص كيلو حب واحصل على نفس الكمية مجاناًً ,,,
قلت يبه لا يحوشك وربي وصلتنا الليل ع الساعة 9 وثاني يوم الصبح غبشتهم,,,
ع الساعة 10 رحت مالي قلب ع المكسرات والا يقولي الهندي العرض خلص ,,,,
قلت خلص هــــــــــاء يعني النصب عيني عينك بغيت اشخلهم شخال ,,,
بس قلت ما تسوا انقهرت وشريت احسن لارد ايد ورا وايد جدام ,,,,
اخــــذوها مني كله دعايات ,,,,,,
تحياتي : الذييبــــة,,

 

[الدمقراطي]

الله يعطيك العافيه اخوي نايك , انا مثلك سمعت ان جمعية الصليبخات عليها عروض قويه قويه ولكن لأهالي المنطقة بس وهذا اللي حدني على اني ما اقرب صوبها لاني مو من سكان المنطقة

اما بالنسبة لجمعية العارضية فأعتقد اني مريتها قبل ثلاث ايام ولكن ما ابتدت العروض ولا من ناحية الزحمه ما من زحمه ان شاء الله


اختي الذيبه عزت الله انج صاجه وهذا اللي يبط الجبد .. يسوون دعايات وعروض وكأن العروض لمدة خمس دقايق وعقبه يغشوننا ويصدموننا بالامر الواقع

 

[@ عاشق الريم @]

أفضل جمعيات بالكويت الجيش الشرطه الحرس الوطني الفحيحيل أسعارهم تفرق 20% الى 30% بالميه عن باقي الجمعيات الى جربتها والخضره يوم الأثنين بصالة المزارعين الى بالشويخ أسعاره بلاش وبعد الأثنين تدوبل

 

[70 abo-talal]

ياأخوان كل جمعيه تنزل فى سلعه أو سلعتىن لا والكميه مثل كرتونين فيمتو وبعدين يقولون انتهى العرض بسعرمناسب والباقى الله لايوريك وأيدكلام الاخ عاشق الريم

 

[الهاجـــــري]

كارفــــــــــــور
عنده عروض حلوة ​

 

[بو حسن22]

شباب اليوم شفت بجريدة الوسيط جمعية الدعيه وجميعة صباح الناصر مسوين عروووض الفيمتو بجمعية الدعيه على 200فلس وبجميعة صباح الناصر على 350فلس

اهم شي الفيمتو

 

[F- AL-hajri]

السلام عليكم .... مثل ما قال اخووي الهاجري كاارفوور واللي انا اشووفه جمعيه الرووضه التعاونيه ( لاني من سكان المنطقه)

 

[sawa7]

أفضل جمعيات بالكويت الجيش الشرطه الحرس الوطني الفحيحيل أسعارهم تفرق 20% الى 30% بالميه عن باقي الجمعيات الى جربتها والخضره يوم الأثنين بصالة المزارعين الى بالشويخ أسعاره بلاش وبعد الأثنين تدوبل

الله يعطيك العافيه

مكتوب عليها صالة الزارعين

وشكرا

 

[om aziz]

كارفــــــــــــور
عنده عروض حلوة ​

كارفور ابو الفيران!
لاقين فيه فار يحوس صوب قسم اللحم! شوفو الفلم على يوتوب

 

[q8royale]

كارفور فيه فيران - انا شايف واحد صوب الخضرة

بعدين راعي كارفور واحد هندوسي... لا تشترون لحم منهم و يفضل و لا شيء