الحرااااااااج...

[فارس الكلمه]

اخترت هذا العنوان لان المنتدى ( الهواتف والارقام ) اشبه بالحراج متروس شريطيه....
ارقام ما تسوى شيء يطيرونها... اسعار خياليه( طبعا مالتهم )
وارقام حلوه يكسرون فيها وما يعطونها حقها....
اتمنى من ادارة المنتدى يوقفون الشريطيه عند حدهم... حتى لا يفقد المنتدى اعضاءه... واتمنى مراجعه المواضيع والتأكد من كلامي مثال رقم 50000595 يعلقون عليه ويكسرون فيه وهو رقم حلو... وارقام خايسه قاعدين يتزايدون عليها وطيروها...

 

[بـــــــراك]

اشاركك الراي
هالشي من زمان مو من تو
وفقد المنتدى اغلب الاعضاء
وبدال لاندخل طول الوقت
قمنا نتردد يدوب بالثلاث او اربع ايام 3 دقايق ندخل

 

[ابن عجلان]

والله اخوي فارس الكلمه .... انا عضو جديد وكنت شاك في البدايه ان الشباب شريطيه والحين تأكد بعد كلام اخوي براك........ الله يسامحهم

 

[قتيبه]

نعم اوافقكم الراي ...............لازم يحطون نقاط تفتيش وزارة الداخلية بالنت علشان مايدشون الشريطية مكسرين البضايع
واقول لشريطية (( ونهيمه )) طبعا مايعرفها ومايعلق عليها الا االا مايحتاج

 

[سعود العجمى]

والله يافارس انك على صواب والكلام الى تقولة صحيح 100\100 ياجماعة ليش جذى اولا حرام الى يزيد واهو مابى السلعة فنرجوا من الادارة الموقرة لفت النظر فى الى يسوم ومايكون قد السومة او بالاحرا يزيد على غيره من غير وجه حق وهذى وجهت نظرى وتقبلو مرورى وشكرا

 

[kuwiti]

لافض فوك اخوي فارس وياريت وقفت على الارقام ، حتى الاجهزة حالها من حال الارقام .

 

[Kuwait]

اغلاق

يوجد قسم للشكاوي