ما الفرق بين Hp and acer

الحالة
موضوع مغلق

Faris

عضو نشط
التسجيل
10 نوفمبر 2004
المشاركات
477
الإقامة
Kuwait
السلام عليكم ...


سؤالى الى الاخوان إلي إستعملوا الجهازين وهما " HP " acer "

من الافضل بينهما من ناحية الاستعمال فقط, هل يوجد حراره ؟ هل يوجد مشاكل فى السرعه والخ ..

لإنى يا اخوان محتار ما بين الجهازين وأتمنى أن يكون الطرح مفيد لى وللإخوان جميعا

ولى بقلبه شي ما وده يقوله على العام يدز رساله :)
 

KuWaiT DriFT

عضو نشط
التسجيل
9 سبتمبر 2008
المشاركات
2,233
الإقامة
الـــكـــويــــت الحــبــيـــبـــه
أخوي أنا أستعملت أيسر كذا نوع و الأج بي كذا نووع

اثنينهم خووش أجهزه بس للأمانه الأج بي في حراره و ساعات يعلق طبعا هذا أخر اج بي شريته مصخرني والله كان واايد يحتر و مره شريت اج بي amd لا يحوشك واايد يهنق بشكل مو طبيعي و البطاريه من ساعه الى ساعه و ثلث تقريبا

الأيسر الصراحه جهااز ما عليه كلاام أنصحك فييه ما عمري واجهت فيه مشاكل الحمدلله طبعا التهنييق البسيط يحصل بأي لابتوب اذا كان في برامج كثيره و مو مفرمت الجهااز من مده

الأيسر بطاريته أفضل من الأج بي و على فكرة أنا أعرف كذا أج بي مع الاستعمال بطاريته تضعف و يمكن تخترب بس للأمانه هذا ما حصل وياي بس كذا واحد أعرفه حصل وياه و حتى كام الأج بي في مشكلة ان ساعات لمن تشغله ما يشتغل يحتاج الى ريستارت عشان يشتغل و هذي المشكله ما حاشتني بالأيسر

الأيسر أفضل كرأي شخصي و الأج بي جهاز قوي بس في العيوب اللي قلتهم و اذا في أحد مجرب الأج بي اليديد الي يشب ليت من ورا يمكن هذا أفضل الله أعلم

أنا جربت الأيسر من القصه السلفر الأولي إلى أخر قصه الأخيره اللي أهيا السوده اللي كلمة أيسر تشب ليت كلهم أجهزه روعة

و سامحني على الإطالة و اذا تبي تشتري أيسر و محتار شاورني عالخااص و من عيوني و ما أقصر ويااك و موفق خير ان شاء الله
 

Faris

عضو نشط
التسجيل
10 نوفمبر 2004
المشاركات
477
الإقامة
Kuwait
أكتبلك هنى واكتبلك رساله بعد عشان بس أشكرك الله يجزاك الف خير , لانى فعلا كنت محتار , بارك الله فيك وبيّض الله وجهك
 

maue7bd

عضو نشط
التسجيل
21 يوليو 2007
المشاركات
104
احذر

السلام عليكم ورحمة الله وبركاته
أخي الكريم انا استخدم أتش بي وأستخدمت أيسر وفكيت جهاز ايسر وجهاز اتش بي
قطع الايسر الداخلية كلها من اسؤا الشركات واغلبها من دون ما ركة اغلب راماتها تجي من دون ماركة وباقي القطع تجي من ماركات سيئة يعني شغل تجاري مو اكثر من هيك
أما الاتش بي قطعه كلها ماركات نظامية ومعروفة
ومن ناحية الإستخدام انا أفضل الاتش بي على الأيسر وحتى على التوشيبا أحسه احسن
طبعاً هذا رأيي من خلال الاجهزة اللي شفتها وممكن يكون راي خطأ
نصيحتي إلك انك أشتري أتش بي ولا تخاف
والأمر بالأخير راجع لك
وشكراً
:)
 

LAHOoOB

موقوف
التسجيل
20 يوليو 2009
المشاركات
87
انا جهازى اتش بي ابو بصمة بصراحة خوش جهاز بس عيييبة يحتر حيل
 

Bo_Fahad_Q8

عضو نشط
التسجيل
23 يونيو 2008
المشاركات
55
اخوي الاتش بي مو ذاك الزود .. مشاكله كثيرة بالحرارة ،البطارية ،كرت الشاشة ..

اخذ لك فرة سريعة بمحلات وورش صيانة الكمبيوترات بحولي .. تلاقي غالبيته الاجهزة الخربانة هي اتش بي


انصحك بالتوشيبا والدل ممتازين .. واذا ميزانيتك اقل .. الايسر ترى هم زين ويكد
 

f.16

عضو نشط
التسجيل
23 أبريل 2008
المشاركات
533
فرق الـhp عن الايسر
نفس فرق الكابرس عن الكامري
 

matador_kuw

عضو نشط
التسجيل
24 فبراير 2006
المشاركات
115
الإقامة
kuw
اخوي الاتش بي مو ذاك الزود .. مشاكله كثيرة بالحرارة ،البطارية ،كرت الشاشة ..

اخذ لك فرة سريعة بمحلات وورش صيانة الكمبيوترات بحولي .. تلاقي غالبيته الاجهزة الخربانة هي اتش بي


انصحك بالتوشيبا والدل ممتازين .. واذا ميزانيتك اقل .. الايسر ترى هم زين ويكد

:d
سولك لفه على ورش محلات التليفونات راح تلقى اكثر الاجهزه في الورش هي نوكيا
لأنها الاكثر انتشارا

انا شريت اغلى جهاز ايسر بالسوق من الصراف قبل 9 سنين تقريبا وكانت مواصفاته صخر
الجهاز قبل لا تنتهي الكفاله وديته تصليح بورد وطول لين ما انتهت الكفاله
وبعدين سنه ورد اخترب لدرجة غير قابل للتصليح وعمره الافتراضي اقل من 3 سنين هذا على خدمة تعيسه من الوكيل بعدها شريت lg صراحه جهاز صح
والحين hp لانتشاره فقط ومواصفاته واخذت على نفسي عهد لا للايسر :)
 

Bo_Fahad_Q8

عضو نشط
التسجيل
23 يونيو 2008
المشاركات
55
اخوي .. اكثر جهازين منتشرين بالكويت (لابتوبات) هم ايسر واتش بي .. وهذا الغانم روح وتاكد بنفسك عن اكثر مبيعاتهم .. الايسر منتشر بشكل كبير جدا بالكويت وينافس الاتش بي بالانتشار


الايسر اللي من 9 سنوات .. كان تعبان والكل يدري .. لكن شركة ايسر عدلت اجهزتها .. وتعدلوا بشكل كبير .. وكل اللي استعمل الايسر والاتش بي في السنوات الاخيرة يدري ان الايسر احسن من الاتش بي .. ويكد اكثر .. الاتش بي جهاز ناعم شوي .. مو مال كرف
 

KuWaiT DriFT

عضو نشط
التسجيل
9 سبتمبر 2008
المشاركات
2,233
الإقامة
الـــكـــويــــت الحــبــيـــبـــه
أكتبلك هنى واكتبلك رساله بعد عشان بس أشكرك الله يجزاك الف خير , لانى فعلا كنت محتار , بارك الله فيك وبيّض الله وجهك

حبيب يا فارس اسمحلي توني أشوف الموضوع :)

العفو ما سويت شي هذا واجبنا كأخوانك المنتدى :)
 

matador_kuw

عضو نشط
التسجيل
24 فبراير 2006
المشاركات
115
الإقامة
kuw
اخوي .. اكثر جهازين منتشرين بالكويت (لابتوبات) هم ايسر واتش بي .. وهذا الغانم روح وتاكد بنفسك عن اكثر مبيعاتهم .. الايسر منتشر بشكل كبير جدا بالكويت وينافس الاتش بي بالانتشار


الايسر اللي من 9 سنوات .. كان تعبان والكل يدري .. لكن شركة ايسر عدلت اجهزتها .. وتعدلوا بشكل كبير .. وكل اللي استعمل الايسر والاتش بي في السنوات الاخيرة يدري ان الايسر احسن من الاتش بي .. ويكد اكثر .. الاتش بي جهاز ناعم شوي .. مو مال كرف
لولا اختلاف الاذواق لبارت السلع :cool:
انا عندي hp من اكثر من سنه البطاريه من 2.30 - 3.0 او اكثر شويه تقريبا بعدين اغلى جهاز ايسر بسعر جهاز متوسط الكفاءه من الانواع العالميه الاخرى علشان جذيه منتشر واسمحلي انا ما ادافع عن الاتش بي ولو خيرتني اختار الديل او الال جي
تحياتي
تحياتي
 

r77a

عضو نشط
التسجيل
16 فبراير 2008
المشاركات
1,729
الصراحة اخوي كل الاجهزة زينة وشينة بنفس الوقت والناس اذواق وانا تقريبا اوافق الاخ KuWaiT DriFT بكلامه
والفرق يجي على حسب الاستعمال
انا برأي جريت الاثنين . بس اللي صاير انه الاتش بي اسمه وسمعته افضل من الايسر
لكن على حسب استعمالي ارشح الايسر بالنسبة لقوة التحمل والكد والمد عليه وانه مافيه مشاكل نفس الاتش بي
يعني بالنهاية عشان ما اطول عليك اخوي
اذا تبي جهاز حق كشخة واستعمال خفيف بس خذلك hp
واذا تبي حق استعمال وايد وكرف وجذي خذلك acer
والسلام ختام
 

rahy

عضو نشط
التسجيل
15 سبتمبر 2008
المشاركات
125
السلام عليكم
اخوي انا كنت من مستخدمين ايسر لمدة خمس سنين // صراحه // الجهاز عملي وسعره معقول
والحين استخدم hp من رمضان اللي فات موديل الجهاز dv4 صحيح انه ما يقبل وندوز xp بس مواصفات ممتازه وسعر معقول والبطاريه ساعتين بالضبط
مرات اشغله ثلاث ايام لا حراره ولا تهنيق الرام 4 قيقا
بس للمعلوميه الفيستا مشاكله مشاكل يعني مو الجهاز
بس اذا انت محتار شوف المواصفات والسعر
تلاقي نفسك بين ايسر و hp واخرتها كلهم بيدخلونك النت
حدد شنو استخدامك

ولا تاخذ معالج AMD صحيح رخيص بس يحتر ما يصلح لجونا
 

ابو بندر2000

عضو نشط
التسجيل
27 يناير 2006
المشاركات
1,752
اخوي شنو جاب الايسر للاتش بي الايسر مشاكله وووايد وقطعه كلها اي شي مو ماركات روح الورش بحولي وشوف الاجهزه الخربانه بتعرف الفرق
انا استعملت الاثنين صج الاتش بي فيه مشكله الحراره لاكن يهون عند الايسر التهنق وخراب القطع خصوصا الرامات والهاردسك
وهالكلام من بااب تجربه شخصيه
 

LighTninG

عضو نشط
التسجيل
31 يناير 2008
المشاركات
646
الإقامة
Kuwait
يبا على قولتهم ليش مطولها واهيا قصيره

الاج بي قوي ويفوق الايسر بمراحل كثيره من تطور وغيره

والي يقول كرت الشاشه ماله اسمحلي يالغالي هذا كلام بطالي

واكبر دليل كا عندي واحد كرت الشاشه 512 تعال شوف اللعب اون لاين شلون صاير ومو بأي لعبه لا كاونتر سترايك الي تحتاج كرت شاشه قوي

عمره ما صار عندي خلل بكرت الشاشه

اي حراره اي صح في حراره اذا اشتغلت عليه 24 ساعه

بس وين الي يشتغل على جهاز 24 ساعه !!؟

شنو ما عنده بيت ما عنده اهل ماكو ربع دوانيه على الاقل

يعني خل يكون الحجي بعقلانيه شويه

حبيبي اخذ اج بي وانته مريح بالك واذا ميزانيتك قويه اخذ dell احسن واحسن وبلا توشيبا بلا ايسر بلا صخر

هذيله احسن اجهزه واقواهم بالسوق

والي يقولك بطيئ ويهنق هذا ما يعرف شي مع احترامي الي يعلق الفيستا الهوم برايم مو الجهاز

الهوم برايم اصلا لانه مجاني حاطيلك اياه بشكل سخيف

جرب غيره روح حق الالتيميت وشوف القرق بنفسك

عموما صح لسان الي قال لولا اختلاف الاذواق لبارت السلع

على قوله اخوانا المصريين عقلك براسك تعرف خلاصك

موفق




سلالالالالالالالالالالالالالالالالالالامن :)
 

abo_djanh

عضو نشط
التسجيل
17 سبتمبر 2007
المشاركات
333
بختصار

الشركتين يستخدمون تقريبا نفس نوعية القطع

الفروق تجي فى

الشكل و المواصفات و العيوب المصنعية

الشكل تعود لك

المواصفات تعود لك

العيوب المصنعية .. مع فيزتا .. صرنا مانعرف العيب من الجهاز ولا من الوندوز

انا جهازى hp جديد وفيه عيوب مصنعية كثيرة .. قمت بأصلاحها بالكفالة

جهازى القديم كان ايسر .. بس الوندز أكس بي .. وبدون مبالغة كان وحشش

بس الحين مات لانى دقيته 6 سنوات

بختصار

الايسر حالياً اكثر شركة مستقرة من ناحية العيوب المصنعية وبس


وتذكر انى قلت لك بختصار


وانصحك دامنك تبي تشترى لاب توب

جرب الماك .. والله يمدحونه واشدراك يمكنها خيرة


سلام يالغالى وكل عام وانت بخير
 

مشامس

عضو نشط
التسجيل
9 يناير 2009
المشاركات
112
أخلصك؟....

اذا تبي الاكس بي اشتر ايسر واذا تبي الفيستا وبصراحه ما انصح فيه اشتر hp وسلامتك
 

G900

عضو نشط
التسجيل
21 يوليو 2008
المشاركات
961
عن تجربه طويله مع كل الموديلات انا افضل التوشيبا والديل كمستوى أول
ولكن بين الاتش بي والايسر لأ طبعا أفضل الايسر من حيث الاستخدام اما اذا تبي شكل روح للاتش بي.........

نصيحه توكل على الله وخدلك ايسر
 
الحالة
موضوع مغلق
أعلى