سؤال

[@ عاشق الريم @]

للأخوه والخوات المبدعين بالقسم وخدمتهم الطيبه ومجهودهم الرائع بالقسم ولا أريد أن أذكر أسم وأنسى أحد وهم معروفين

عندي قضيه على البنك وجلستي بتاريخ 7 - 9 وأول مره أدش على قاضي شقوله قريت لخالد الزامل أن بأول جلسه تقول أصمم على طلباتي يعني أول مادش على القاضي أقول نفس الكلام ولا أخذ راحتي وثاني جلسه أقول أطلب أجل للأطلاع وأقدر أحد من المحامين يكتب لي صيغة الرد لأن الزامل بعد فشله بلأنتخابات سحب سيفون على الناس وقالتلي موظفه أن في مذكره مهمه لو تقدمها تكسب القضيه كانت عندنا بس بدور لك عليها أرجو التوضيح والمساعده

نقطه ثانيه وقع حادث 2006 وكان واحد دعمني ووجدت رقم القضيه وحكمت المحكمه بغرامه 10 دنانير على صاحب السياره هل يحق لي مطالبة شركة التأمين الأن بقيمة تصليح سيارتي وطبعا ماعندي فواتير بس بحاول أجيب فواتير شلون الطريقه

ولكم الأجر أنشالله والدعوه الطيبه

 

[مودQ8]

عوى البنك فيها كلام المفروض ان الدعوى اللي رفعتها تطلب فيها احالة الدعوى للخبير وحسب الطلبات اللي انت طالبها من المفروض انك طالب من الخبير اشياء وايد منها حساب الفوائد والتاكد من ان البنك يطبق تعليمات البنك المركزي وان الفايده ماتزيد عن اصل الدين 000 الخ وتحضر عند القاضي تصمم على الطلبات واذا قدم البنك شي تطلب اجل للاطلاع والرد وتعرض المذكره على محامي يرد عليها والدعوى راح تاخذ وقت طويل وجلسات خبره انصحك توكل محامي لان مندونه ممكن تخسر الدعوى لان البنوك موسهلين وممكن يقدمون مستندات يكذبون فيها بس يكسبون الدعوى
موضوع التامين مفروض انك رحت لشركة التامين وقت الحادث ومصورين السياره وهات فواتيرك وراح يخصمون عليك بدل استهلاك ويصرفون لك المهم روح وشوف شنو يقولون وقول لي وانا اوجهك صح انشاء الله
شكرااااااااااا للجميع

 

[fayoona74]

اخوي اذا صرت جدام القاضي تكلم كويتي عادي وقول اللي بقلبك لاتتمسك بصيغة معينة وحتى اذا حسيت انك محتاج تتطلع على مستندات او تبي ماتتسرع باجابة بدال كلمة اطلب اجل للاطلاع والرد قول بالكويتي عطني فرصة اشوف المستندات يعني اخذ الامور ببساطة لحد يعقدك وتحس ان الموضوع صعب ولازم تقول شي معين انت شخص عادي والقاضي مايحاسبك على الجمل المهم الغرض
والزامل بموقعه حاط كل صحف الدعاوى والاحكام تقدر تستعين فيها

 

[@ عاشق الريم @]

بيض الله وجيهكم ماقصرتوو عساكم ذخر أنشالله

 

[موظف]

للأخوه والخوات المبدعين بالقسم وخدمتهم الطيبه ومجهودهم الرائع بالقسم ولا أريد أن أذكر أسم وأنسى أحد وهم معروفين

عندي قضيه على البنك وجلستي بتاريخ 7 - 9 وأول مره أدش على قاضي شقوله قريت لخالد الزامل أن بأول جلسه تقول أصمم على طلباتي يعني أول مادش على القاضي أقول نفس الكلام ولا أخذ راحتي وثاني جلسه أقول أطلب أجل للأطلاع وأقدر أحد من المحامين يكتب لي صيغة الرد لأن الزامل بعد فشله بلأنتخابات سحب سيفون على الناس وقالتلي موظفه أن في مذكره مهمه لو تقدمها تكسب القضيه كانت عندنا بس بدور لك عليها أرجو التوضيح والمساعده

نقطه ثانيه وقع حادث 2006 وكان واحد دعمني ووجدت رقم القضيه وحكمت المحكمه بغرامه 10 دنانير على صاحب السياره هل يحق لي مطالبة شركة التأمين الأن بقيمة تصليح سيارتي وطبعا ماعندي فواتير بس بحاول أجيب فواتير شلون الطريقه

ولكم الأجر أنشالله والدعوه الطيبه

مايجوووز جزاك الله خير

 

[@ عاشق الريم @]

مايجوووز جزاك الله خير

ماننكر فضل الرجال ونعم فيه وماقصر بيض الله وجهه بس راعي الطيب مايسكر بابه بس الشيطان شاطر ولو كمل وقفته الطيبه ومانزل أنتخابات كان أسمه مثل النجم بسما الكويت بس الى يسكر بابه بوجه أهل الكويت يتحمل النقد على العموم شجاعة الرجل وبطولته ومخاطرته نشهد له فيها

 

[بـوشوق]

موفق بالقضيه اخوووي وكان الله في عونك انشاء الله