شباب هام جدا محتاج لكم

[كويتي ماركة]

السلام عليكم

شباب انا حاب استشيركم في شي وانشالله احصل الجواب عندكم

انا عندي تاهو موديل 2008

ماشي 45 الف يعني تحت الكفاله

والسيرفر منتظم كل 5 الالف مع الوكاله

فجأه وبدون مقدمات طق القير

دخلت السياره الوكاله قالولي لازم نفتح القير ونشوف شنو المشكله وندزها بالايميل لجنرال موتورز

بعد كم يوم قالولي تعال استلم سياراتك

لما رحت لهم لقيتهم مجفتين القير

قلت لهم ليش ما غيرتوه .. قالولي هذي تعليمات جنرل موترز

طبعا دخلت وتكلمت مع 3 مدراء انهم يغيرون القير مارضوا وقالوا هذا قانون الشركه

رضيت بأمر الله وسألتهم على الكفاله

قالولي نفس ماهي يعني 60 الف وتنتهي

يعني باقي 15 الف بس

المصيبه ان 15 الف تطلعها بشهرين اذا عندك مشاوير

وانتوا عارفين ان القير و المكينه اهم شي بالسياره وتقفيله المصنع غير عن التجفيت

واذا صار شي بالقير بعدها لا سمح الله مضطر ان اصلحه من جيبي

وسعره مو اقل من 1200 دينار

سألت بعض الشباب الى قالي طقق القير ورجعه لهم علشان يبدلونه غصب عنهم

والى يقولي روح اشتكي بحمايه المستهلك

وانا والله ماني عارف شنو اسوي

ياريت نصايحكم

 

[المنظور الشامل]

الله يصبر حالك على بلواك

المشكله الناس بدات تشتكي من الجير من يوم مانزل القصه الجديده سواء التاهو او اليوكن وايد شباب طقت او خربت الجيرات عندهم بس اكثرهم فيه دبل والله العظيم في ناس طقت الجير على 10 الف بس واهي احظوظ ومشكله عويصه يعني انت وحظك .

شوف نسيبي صارت له المشكله وكان ماشي الموتر 59 الف وداه قالوا برمجه والله يعلم شنو هببو بالسياره المهم صار الموتر يمشي وعلى سرعه 160 يحن وضغط rpm بووش راجعهم قالوا عادي هذي برمجة جنرال موتر الولد زهق باعه على خرابه .

حبيبي هذي مو نهاية العالم والحديد بالاخير ان شاء الله يتصلح وتمشي امورك بس انا ما انصحك تكسر او تخرب الجير بعدين يقطونها براسك .

قول لهم عطوني ربورت عن الخراب وخذ التقرير وطير حماية المستهلك عشان تحافظ على حقوقك في حالة طق او اخترب الجير بعد ان تطيح الكفالة .

انا الحين ابي تشوف الرابط هذا وتعرف ان المشكله هذه مو بس انت تعاني منها

http://www.youtube.com/watch?v=Sy87_QBW3-Y

وادعي ان ربك يمشي امورك واسمحلي على تدخلي بس من حرة قلبي علي وعليك وعدني خيك اعين واعاون

 

[بوعلي الشمري]

صباح الخير اخوى

انت لو صايرلسيارتك حادث لاسمح الله ودخلتها الوكالة كان كل شى تبديل لانة على حسابك بس لانه على كفالتهم يصلحون روح التجارة اوراسل الشركة الام ولاشنو فايدة الكفالة

 

[بدون مجامله]

الله يستر بستره توني شاري واحد جديد وبسافر عليه يارب استر

 

[k55amg]

قدم شكووى بالمكتب الاقليمي حقهم وراح يدقوون عليك الوكااله يترجونك عشان تروحلهم يبدلونه

وهذي بياناتهم


Saada Hammad
Regional Communications and Public Relations Manager
General Motors Middle East
Tel.: +971 4 3143333
saada.hammad@gm.com

 

[wooow]

يا زين تعامل شركة ( الاوربيه ) وكيل رنج روفر فى البحرين طلع صوت بالبكسس الامامي والخلفي والسياره ماشيه 50 الف استقبلوني بحفاوه وطلع الفاحص على السياره وقال صحيح وكتب تقرير وبعد 3 اسابيع دقو علي وقالو تفضل الدفرنسات وصلت من الشركه الام و رحت وغيروهم على الكفاله وللعلم الصوت خفيف مو مزعج والسياره وكالة السيف الي بالسعوديه وليس وكالة البحرين

 

[كويتي ماركة]

تسلمون شباب على الردود

ولا حول ولا قوة الا بالله

انا راح اروح حماية المستهلك واشتكي عليهم

وانشالله يرجعون لي حقي

وارسلت يعد للمدير الاقليمي للشركه على الايميل الى حطه اخونا k55amg

وانشالله خير

 

[مليونير بعد سنه]

الله يستر عندي يوكن 2009 سافرت عليه ياكثر مايبدل القير من 120 لي 160

مره يريح ومره يخمد

 

[بوفهيد]

الله يعينك اخوي و الله و انا مع الاخ راسل المكتب الاقليمي لهم و ان شاء الله خير

 

[Nagooshy]

روح اشتكي بحمايه المستهلك

 

[كويتي ماركة]

ابشركم شباب بعد ما ارسلت رساله للمدير الاقليمي

تم ارسال رساله لي بضروره الاتصال بشركة الغانم

وراح اوافيكم انشالله بأخر الاخبار

بعد الاتصال فيهم

 

[Nagooshy]

الله يستر

انا اليوم الي عندي من امشري واضغط ابريك واؤقف على الصفر

اسمع طقه بالبريك