الرجاء الدخول

[احمد العايد]

السلام عليكم


ياجماعه انا عندي 6000 ينار وابي اشتري اسهم شنو الي تنصحوني فيهم
بالامانه ​

 

[Zero]

انصحك بالاسهم الرخيصه والى ما عليها خوف يعني مو متعثره ...

مستثمرون - صافتك - جراند - المجموعه د - اكتتاب - انابيب - المدينه
والقائمه تطول والفرص كثيرا ان شاء الله

طبعاً هالاسهم استثمار ولو يكون طويل ان شاء الله بتحصل من وراهم ربح وفير

التوفيق للجميع

 

[بني تميم]

انصحك بالاسهم الرخيصه والى ما عليها خوف يعني مو متعثره ...

مستثمرون - صافتك - جراند - المجموعه د - اكتتاب - انابيب - المدينه
والقائمه تطول والفرص كثيرا ان شاء الله

طبعاً هالاسهم استثمار ولو يكون طويل ان شاء الله بتحصل من وراهم ربح وفير

التوفيق للجميع

انابيب

 

[بني تميم]

اخوي تبي تبيع وتشتري او نظامك استثماري

 

[بني تميم]

اذا استثماري بورتلاند والافضل المشتركه على سعر 1280 والاستثماري الاقوى بنك بوبيان راح يوصل 480 اذا وصل هذا السعر اشتري

 

[حفار قبور]

آنه أقولك حط فلوسك بجيبك قبل لا يبوقونها منك بلاعين البيزة اللي بالسوق

 

[بوفهيد]

يالغالي اذا نظامك استثماري .. اختار احد الاسهم القيادية و نام علية
و اذا بيع و شراء على السريع عندك

مستثمرون - صافتك - جراند - المجموعه د - اكتتاب - انابيب - المدينه

و زيد عليهم هيتس و الصفوة
اهم شئ تشتري برخيص علشان تربح و القرار لازم يكون قرارك

من اقوال المحللين :
الشراء عند الدعم او قريبا منه والبيع عند المقاومه او قبلها

و الله يوفقك

 

[ابن عمير]

آنه أقولك حط فلوسك بجيبك قبل لا يبوقونها منك بلاعين البيزة اللي بالسوق

تعجني تعليقاتك .. وكل ما اقرءها اضحك ...:d

 

[xTrader]

السلام عليكم


ياجماعه انا عندي 6000 ينار وابي اشتري اسهم شنو الي تنصحوني فيهم
بالامانه ​

عيد سؤالك قبل العيد بشوي وانا بقولك احين الشباب يدخلونك بالحائط

يبه السوق مخطور هيومين اصبر وانطر ترى الصبر حلو

 

[mans1234]

أخوي الحين الحين روح بكرى أو عقب بكرى تمويل خليجي و اسكت عليه شهر تلقاه واصل دبل على الساهل

 

[ريكاندو]

ديربالك الحين واذا تبي نصيحتي انطر شوي لانه الاسواق العالميه قاعد تنزل والنفط قاعد ينزل
يعني سوقنا راح يلحقهم
وانصحك انك اتطالع مجالس الادرارات حق الاسهم الي ناوي تسثمر فيها
وعليك والاسهم الربحاااانه ولي طفت خساارتهااا
وترا الرخيص رخيص والغالي يبقى غالي وافهم يا فهيمم

وركز على القيم الدفتريه وراس المال كلما قل راس المال كلما كانت الشركة احسن

وبالتوفيق لك يارب

 

[انوفستي]

انت طلبت الجواب بالامانة شوف حطهم وديعة في التمويل وبالعيد عايد البورصة تبي على الاقل ستين الف يالله تقدر تتحرك واتذكر كلامي لما تشتري سهم والسوق ينزل عليك

 

[خليفه111]

الاخ العزيز. من يدخل السوق ما يروح يكتب في منتدي عام و يقول عطوني اسم سهم. هذا معناه ان ما عندك فكره قويه عن السوق. علشان جذيه افضل انك تحتفظ في افلوسك حتي نقطه عندما تكون عندك معرفه بالسوق بعدين ادخل و اشتري. الحين بس خليك متفرج و طالب علم و معرفه. صدقني هذا افضل لك و احفظ لفلوسك.
اما اذا كان لك مارب اخري من الرساله مثل معرفة نفسيات المتداولين من خلال ردودهم. فاقول لك ان وضع السوق بخير.