شارك ويانا....ولا تجاملنا

الموضوع في 'إستراحة المنتدى' بواسطة sa3od29, بتاريخ ‏17 أغسطس 2009.

  1. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    السلام عليكم ورحمة الله وبركاته

    شلونكم يا اعضاء المنتدي شباب وبنات كيف حالكم طيبين :)

    اخوكم من زمان مو مشارك بالاستراحه بس اليوم قررت اني اشارك في المنتدى وبكتب ثلاث مواضيع ............واول المواضيع راح اكتبه لديرتنا لاني قاعد اشوف شي مو طبيعي بصراحه.....وراح اضرب مثال على نفسي اول شي ....وراح اتكلم عن نفسي عشان ما اظلم احد


    دولــــــة الكويــــــــــت

    ياشباب انا اكلمكم واعتبروني كاخ لكم وودي اليوم الكل يشارك وبدون مجامله وخلونا نتكلم ونقاش كعائلة واحده .......اتفقنا :)


    راح اقولكم شغلات اغلبنا يشوفها بحياته اليوميه.....الصبح لما اطلع من البيت راح لمراجعه وعلى الخط السريع قمت الاحظ ان البنات المحجبات والمنقبات والسفور الي تسوق سياره ماسكه السكان وبين اصابعها زقاره (مع العلم انا مدخن) وكان الشي هذا صار امر طبيعي في المجتمع الكويتي والمعروف عن المجتمع الكويتي بالمراه منغلق وليس منفتح لدرجة ان المراه قامت ادخن امام الملئ ومن دون مستحى..ولما ادش الوزاره...قمت اشوف الشباب اغلبهم قامو يلبسون قلاده ويحط الوشم على جسمه ويلبس البنطلون الي طايح حده (بصراحه ماعرف اسمه) ويوقف شعره كله فوق ويلبس سواره مادري ربطه على ايده واذا سالته قلت له شنو هاللبس هذا يقولي موضه طبعا الي اشوف انا ان الشباب صارو( غربيين اكثر من الغرب) والمحجبات من اخواتي الموظفات قامت تحط فوق راسه تحت الحجاب شي منتفخ مادري شنو وكأنه شي جمالي لها مع العلم (ان الشي هذا مذكور انه من علامات يوم القيامه الصغرى) واذا رحت ادور عن معاملتك تلقاها ضايعه بين الادراج واذا سالت الموظف قال (ماااااااااادري بنفس خايسه ) وان قعدت شوي لقيت واحد داش ووياه مدير او رئيس قسم يخلص المعامله حق واحد وافد لانه مدزوز من صوب بوفلان ......واذا تنطر ختم موظف قالك الموظف مو مداوم او طالع...وان رحت تسال المسؤول تلقاه ماله خلق ويعطيك موعد بعد اسبوع على مايداوم الموظف.......والموظف الحين صار همه الزياده والعلاوه والاجازه والقرض واذا شاف التجاوز في عمله سكت ولا يتكلم عشان مديره يفلته على كيفه او او او الخ للمأارب الاخرى


    وان فتحت الجرايد الصبح نلقى اعضاء مجلس الامة حاطين حيلهم بمجلس الوزراء والوزراء حاطين حيلهم بالاعضاء وكل اسئلتهم تنفيعيه لناس معينين والكل بالديره شايل همه وهم عياله وتجارته وناسي ديرته


    والله يا شباب وانا اليوم اقولكم يا شباب باجر ان الله عطانا عمر راح نكون شياب .........الديره هذه ان ما اشتغلنا فيها وعمرناها منو راح يعمرها....ان شفنا الوافد قاعد ياخذ من خيرها لانه يشتغل واحنا نطالعه منو راح ياخذ خيرها....يا شباب ان شفتو غلط من مدير او من فراش حاسبوه....لان كلنا مسؤولين عن ديرتنا وكلنا راح نعيش ونموت بديرتنا .......والوافد الي عندنا جاي من ديرته يشتغل وبيرد عشان يعمر ديرته.....صدقوني الي قاعد نشوفه كل يوم والي يحصل كل يوم شي مو طبيعي ,,,,,,,شي خطير......اذا الوافد هو الي ماسك العمران وهو الي ينجز عندنا شي خطير.....والمتنفذ الي يبوق من خير الكويت ترى قاعد يبوقنا ....... المفروض ما نسكت والي قاعد نشوفه بقناة سكوب والصحف كل يوم ترى شي خطير



    والشي الثاني عادات وتقاليد المجتمع قاعد تنضرب وتخترق من الغرب....اذا شباب اليوم كلهم لابسين هاللبس هذا ومايع ومايعرف المستحى باجر اذا تزوج وصار عنده عيال عياله شنو بيسوون.....واذا البنت تدخن وماتعرف تلبس ولاعندها مستحى باجر عيالها شنو بيسوون .....لاتفكرون اليوم فكرو باجر شنو راح يصير بالمجتمع وشنو التغيير الي راح يحصل,,,,,,,,





    صدقوني ما قلت لكم هالكلام هذا الي من واقع انا اعيشه كل يوم واشوفه


    وارجو من عضو في هالمنتدى يقرى موضوعي انه يعلم اخوانه او عياله او بيته على الشي الصحيح ولا يسكت لان الي بيسكت جبان والساكت عن الغلط جبان

    وارجو من الاعضاء التفاعل مع هذا الموضوع والي الموضوع الثاني ان شاء الله



    اخوكم /بوضاري​
     
  2. دنياء غريبه

    دنياء غريبه عضو مميز

    التسجيل:
    ‏5 يناير 2009
    المشاركات:
    12,840
    عدد الإعجابات:
    686
    مكان الإقامة:
    ● فــَي قـًلـب بـًآبـآتيِ ..!ِ~}
    مشكوورا على موضوعك وعلى واجهة نظرك

    بس صراحه . ماتوقعت شباب وحريم الكويت كذا

    بس ان شاءالله الله يهديهم
     
  3. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج

    شكرا على المشاركه


    وحريم وشباب الكويت فيهم الخير ....ويبينون بوقت الشده .........لكن انا اتكلم عن فئة قليل نشوفها بالاماكن العامة

    ارجو انج تفهمين معنى كلامي
     
  4. دنياء غريبه

    دنياء غريبه عضو مميز

    التسجيل:
    ‏5 يناير 2009
    المشاركات:
    12,840
    عدد الإعجابات:
    686
    مكان الإقامة:
    ● فــَي قـًلـب بـًآبـآتيِ ..!ِ~}

    اكيد فهم كلامك

    اصل كل دوله فيه الخيرر والشر

    وكل دوله تختلف عن الاخرى

    باتقليد والاخلاق والصفات

    وانا عرفه ان الكويت دوله فيه الخير والشر
    مثله مثل غيرها

    بس يوم تكلمت عنه في هذا الموضوع
    ماتوقعت ان توصل الا كذا
    والله يهديهم ويهدى المسلمين
     
  5. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    سطرت جروح تدمي في قلوب الكويتيييين المخلصين فقط

    تكلمنا وطرحنا ونقلنا وقلنا عن الي قلته بمواضيع وايد

    واتوقع الحل الوحيد للخل هذا الى الاتجاه الى الله سبحانه وتعالى والانقياد لأوامره واتباع سنة الرسول صلى الله عليه وسلم

    واشتقنا لك لا تقاطعنا

    اختك الصغيره ليلى :)
     
  6. كنكون

    كنكون عضو جديد

    التسجيل:
    ‏27 يونيو 2006
    المشاركات:
    603
    عدد الإعجابات:
    0
    هذا يا خواتى وخوانى ظعف الايمان
    وثانى شي اولياء الامور ولا الواحد تدش عليه بنته وريحتها زقاير ومايقول شي اكيد مصيبه ولا الولد عمر5 18 سنه وطالع من البيت ولابس سلسال اشكره ولابس لي شورت بلله شلون تبيه يصلي الفروض وهو لابس شورت
    والله انا يا اخوان شفت واحد كويتي مسلم حاط وشهم وعليه الصليب
    انا اقول ومن وجه نظرى ان الدين هو الى يصلح الشباب لصار الشخص يصلى صدقونى مستحيل يسوي هل شغلات بس ماقول غير الله يحمي عيالنا ويثبتهم على الدين
     
  7. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    امين ومشكوره على المشاركه :)


    عاشت الزعيمة :) شلونج طيبه وان شاء الله ماراح اقطع اله برمضان بس

    ومشكوره على المشاركه :)


    امين يا رب ومشكور على المشاركه اخوي :)
     
  8. نواره1

    نواره1 إلغاء نهائي

    السلام عليكم و رحمة الله و بركاته ،،،،

    شكرا لك أخي على طرح الموضوع ....

    صحيح ما ذكرت ... و لكن كم حاله من البنات رأيتها تدخن ... ؟؟ هي حالات شاذه و نسأل الله هدايتكم ... هناك الكثير من السلوكيات التي نتأوه منها ونرفضها ولكنها أصبحت دخيله .. و الأسباب معروفة ...
    و لكن الحمدلله الكثير من بناتنا ما زالت تتحلى بحشمتها و ترفض بشده هذا السلوك .. و ما زال هالسلوك نستنكره و لم يصبح أمر طبيعي ... لأن ما زلنا نستغرب و نشمئز منه .....

    و أيضا الشباب وقلايدهم و الوشم و اللويست ... لو تلاحظ هم بعمر معين .. ما زالت مرحلة المراهقة تحيطهم .. أو بعمر قريب من عمر المراهقة وبالهالعمر الشاب عنده رغبه بالتميز و التقليد الخارجي ... و شرط لما يتجاوز هالعمر تلاقيه يترك هالاشياء من نفسه ........

    أنا معك فيه مناظر مخزيه و نتمنى من الأسرةملاحظت ابناءها و توعيتهم ..
    وفي المقابل فيه من الشباب الكثر المتميز بهويته الخليجية و نفخر فيهم وبأخلاقهم ....


    و بخصوص المعاملات أيضا كلامك صحيج و حقيقة أنا لاحظت شي ...
    ليش إذا كان عندنا معاملة عند رجل يخلصها و اذا عند مره تلوع جبودنا والعكس ... يعني معاملة الرجل تسهلها مره و معاملة المره يسهلها الرجل .. و المحسوبية و الواسطة هذا مسلسل قديم و ما زالت حلاقته تبث على كل الوزارات الكويتية ... و كسل الموظف وتجاهله لمسؤوليته ايضا هالشي موجود و صاير كثير منهم ( ماله خلق ) .......

    بس الحمدلله ما زلنا بخير و القضية لم تصبح عامة لأن أيضا هناك الكثير من ابنائنا و بناتنا فيهم الخير و البركة ... والله أنا أعرف حالات بإمكانهم ما يداومون بس عندهم رغبة في تحليل معاشهم ...
     
  9. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج


    كلامج اختي نواره عين العقل.......اول شي انا عن نفسي لما اقعد على مكتبي ما القى شغل كلش ولا عندي شغل وودي اشتغل بس مافي ...بس لازم اقعد او امر دوامي عشان احلل راتبي مثل ما قلتي

    اما بخصوص الشباب فكلامج نعم العقل وهذا الكلام الصحيح ......بس انا اخاف انه يتمسك بالشي هذا وهو كبير.......انا الحمدلله لبسي الي حد الان دشاديش وغترة وعقال ولاعمري دخلت دوانية او مناسبه رسميه لابس جينز او بدلات ....بس الي الاحظه الحين ان الشباب عااادي يدش دوانيه او زياره لابس جينز الامر طبيعي عنده

    بقولج شي

    لو نشوف احنا الدول الخليجيه نلقى ان اغلب شبابهم يعني ماني قايل ميه بالميه لا 80 بالميه منهم محافظ على زيه الوطني الاماراتي والسعودي والعماني والقطري الا الكويتي والبحريني مو متمسك بزيه الوطنيه في المناسبات الرسميه ليييييييييييييييييش؟؟؟؟ لان شعب تاثر حيل بالغرب وخصوصا الجيل المراهق


    وهم انا وياج ان الكل يشمئز من هالمناظر هذه ....بس انا اقول انها لا تستمر ويصبح الامر هذا طبيعي.....الشي الثاني وهو المهم ان لازم كلنا نعلم عيالنا شلون يلبسون ونعلمهم اساس الدين شلون صاير ونوجهم وننصحهم ولازم ان احنا نرافجهم لانهم عيالنا اول وتالي

    وشكرا على مشاركتج اختي نواره :)
     
  10. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    التصرفات السلبيه تكون من فئه قليله من الناس طبعا وليس الكل
    وهذا بسبب قله الوازع الديني عندهم ولا يراعون ضميرهم باعمالهم
    نسال الله لهم الهدايه
    مشكوووووووور ع الموضوووووووع
     
  11. فضل

    فضل عضو مميز

    التسجيل:
    ‏25 يوليو 2008
    المشاركات:
    6,791
    عدد الإعجابات:
    98
    مكان الإقامة:
    بين السماااء والارض
    انا ما شفت بنت تدخن اشكره لالحين

    وبالنسبه للملابس والتقليعات الغريبه شفتها بالافنيووز

    واما بخصوص تقاعس الموظفين فأعتقد انها ظاهره

    فى العالم العربى مو بس بالكويت​


    شكرا لك على تسليط الضوء على

    بعض السلبيات فى مجتمعنا

    لكن نبى حلول واقعيه قابله للتنفيذ​
     
  12. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج

    حياج الله يا نور :) ومشكوره على المشاركه والتفاعل


    الحلول الواقعيه موجوده وصدقوني .........نقدر نسوي كل شي ....بس لازم يكون في عندنا همه واخلاص للعمل

    من ناحية التشبه بالغرب نقدر نعالج الشي هذا بوسائل الاعلام...مع التوجيه الديني السليم للشباب

    اما من ناحية التقاعس للموظفين ....انا من ناحيتي مادري شلون اعالجها


    بس هم ارد واقول في حل,,,,,,مشروطه مع الهمه والاخلاص بالعمل :)


    وشكرا للتفاعل