تكفون يا اعضا منتدى الموشر نت ادخلو على موضوعي

الحالة
موضوع مغلق

q8t4

عضو نشط
التسجيل
17 يونيو 2009
المشاركات
85
سلام عليكم اشلونكم شخباركم سوال بخصوص جيب انفنتي fx35 امريكي موديل 2005 باجر الصبح بروح افحصه ابي قطع غيار اشلونها ومن وين اجيبهم
 

rakan_yes

عضو نشط
التسجيل
24 مايو 2007
المشاركات
2,073
انفنتي
يعني

البابطين

الي اخو نيسان

لاكن تبي نصيحت اخو

اشتر وكاله وريح بالك

او مستعمل وكالت الكويت


اترك الامريكي
ولا ابي اقطع رزق احد

اخوك
بورااشد
 

@جو66666588كر@

عضو نشط
التسجيل
22 يوليو 2009
المشاركات
140
الإقامة
الكويت
كلام اخوي بوراشد عدل

اي سيارة يابانية وارد امريكا

ينصحون بالبعد عنها

لأن أنظمتها الداخليه تختلف مثل نظام الضفيره ( توزيع الكهربا)

شكل السيارة الداخلي مثل المسجل والعدادات

( حساب المسافه بالميل مو كيلو متر)

شكل الرنج يختلف عن رنج الوكاله

نظام الراديتر فيها إختلاف ( فتحتين -مو مثل الوكاله 4 فتحات )

دور وحده وارد الوكاله او وارد الخليج (افضل)

وإنت يا خوي حر --- فلوسك عندك والقرار بيدك
 

DollaR777

عضو نشط
التسجيل
10 أبريل 2009
المشاركات
217
الإقامة
الكويت
اخوي صح كلام الشباب

بس اذا السياره بخاطرك وسعرها مناسبك مو خساره وقطع الغيار بالوكاله
تركب على الامريكي بس لازم تفتح ملف بالبابطين وايد ناس عندهم امريكي
ماشتكو منه الا ال8 سلندر يقولون حراره بس6 سلندر زين وبالتوفيق انشالله
 

vtc_305

عضو نشط
التسجيل
6 سبتمبر 2008
المشاركات
405
قبل فتره نصحني واحد يشتغل بالوكاله قالي الثمانيه سلندر ابعد عنه

السته كويس

بس قطعه غاليه بس مو غاليه غاليه انك تهون ماتشتريهاا

يعني لونقارنهاا مثل الكرايسلر الدوج تقريبا

وهذا كلام الناس الي انا سمعته مو كلامي :)

بس الـ اف اكس 45 روعه لابعد الحدود حسب تجربتي له فره :)
 

560SEL

عضو نشط
التسجيل
13 مارس 2008
المشاركات
731
والله يالغالي الياباني مواصفات امريكا دايم فيه اختلاف ببعض القطع بس مو مشكله تحصل واللي مايركب يوسن له ترهيم ومثل ما قالو الاخوان vtc و dollar777 فيه ناس معهم وماشي حالهم وانا اعرف ناس معهم لكزس ويشتكون من بعض القطع اللي لازم تترهم اما الاستخدام ممتاز
لكن ابعد عن الشر وغني له الا بحالة انك راغب الموتر وما عندك مشكله تطلب من برا بالانترنت تجي نفس المواصفات ولا مشاكل ولا شي
 

بوفهيد

عضو نشط
التسجيل
5 مايو 2009
المشاركات
3,502
الإقامة
الكويت
الله يوفقك و الله مثل ما قالو ابعد عن الشر
و الله يبارك لك فيه و يعطيك خيرة و يكفيك شره اذا معزم علية
 

q8t4

عضو نشط
التسجيل
17 يونيو 2009
المشاركات
85
سلام عليكم
مشكورين على
الرد ولله يعطيكم العافيه على كل حال
وانا ابشركم شريت السياره الحمدلله
بس مشكلتي الحين وحده الي هي فيها خريطة امريكي بركب مالت الكويت اشلون ماني عارف والله يعطيكم العافيه على الردود اهل الخبره ردو علينه
 
الحالة
موضوع مغلق
أعلى