يااخوان أهل الخبرة بالسوق الكويتي يرحم والديكم

الموضوع في 'السوق الأمريكي للأوراق الماليه' بواسطة zinger, بتاريخ ‏19 أغسطس 2009.

  1. zinger

    zinger عضو نشط

    التسجيل:
    ‏22 يونيو 2009
    المشاركات:
    2,277
    عدد الإعجابات:
    0
    السلام عليكم

    مساعدة وفعل خير بالتوجيه حق شخص خارج المنتدى انا أعرفه شخصيا وطلب مني ان اساعده بأن أنزل له هالطلب بالفزعه حق محفظته يبي يديرها .

    أخواني الأعضاء يرحم والديكم ، الله لايهينكم الريال يبي فزعتكم له ، يقول :-

    خسرت فلوسي وخسرت صحتي والله يا اخوان وخسرت وظيفتي وقاعد صـــــار له 5 شهور يصرف من مستحقاته وديون على رأسه .
    أخواني لاتفهمون الريال غلط ، الريال دور له وظيفة و الأبواب تسكرت بوجهه والريال عنده عيال ومدارس خاصة، ومصروف حق والدته الله يحفظها له ويحفظ أهلكم من كل شر .
    الريال بأختصار خسران بالسوق والله ربع مليون دينار كويتي ، حلاله وحلال الناس وفلوس الجميع ويوجد أثبات بهالمبالغ .
    والريال يسمع ان السوق فيه فرص وفيه لقطات سريعه ، ويقول الريال تعبت كل مااشوف الشارتات اشوف السوق يمشي عكس التيار ، والتحاليل خربت بيته أكثر وأكثر مو عارف شلون يستفيد من السوق .
    وطلب الريال
    يقول ما ابي فلوس أبي أحد من الأعضاء المتمرسين والفاهمين السوق والدارسين وأهل الخبرة بالأسهم يقدر يساعدني بمحفظتي الخاصة شلون اقدر استفيد صح من تذبذب السوق ، متى يبيع ومتى يشتري ومتى يقدر يستفيد ويقدر يطلع له مصروف يدفع ايجار البيت والسيارة والخدامة والمدارس الخاصة حق 5 يدرسون وهالسنة المدارس زادو الرسوم وخربوا بيته أكثر .
    للعلم يااخوان الريال مو كويتي
    واللي يبي التواصل ويا الريال يساعده بأدارة المحفظة يراسلني عالخاص وأخليه يتواصل وياكم جزاكم الله عنه وعني وعن الجميع ألف خير
    والموضوع نزلته هني وأرجوا من أدارة المنتدى ان تسمح لنا ولا تلغي المناشدة والمساعدة بطلب الريال .
     
  2. zinger

    zinger عضو نشط

    التسجيل:
    ‏22 يونيو 2009
    المشاركات:
    2,277
    عدد الإعجابات:
    0
    أسف أنا نزلت الموضوع بالمكان الخطأ
    ونزلته بسوق الكويت للأوراق الماليه
     
  3. duwailah

    duwailah عضو جديد

    التسجيل:
    ‏13 ابريل 2008
    المشاركات:
    215
    عدد الإعجابات:
    0
    مكان الإقامة:
    KUWAIT
    اهم شي اخوي لا يثق في اي احد .. لا اللي ياخذ منه التوصيه يكون فعلا يعطي التوصيه بطريقه محترفه .. لان في اشخاص في هالموضوع استغلاليين ولا يهمهم مصلحه الغير بقدر مصلحه نفسه .. وهو يستفيد من هذا الامر ببث الاشاعات لعل وعسى يتحرك سهمه .. ناسيا او متناسي ان الارزاق من الله وحده وهو مقسمها على العباد .. ولا يعني ذلك ان لا يوجد من هم حريصين على مصلحه الخير فأن خليت خربت ..

    ولكن تذكر اخي الكريم هذه النصائح :
    1. انصح صاحبك بالدعاء والتقرب الى الله والزم الصلاه والح بالدعاء لله وحده ولا تطلب اي شي من غير هو الرازق المعطي الكريم والزم الاستغفار فأن الاستغفار يجلب الرزق وقراءه القران .
    2. عليه بالصدقه فأنها تطفئ غصب الرب وتضاعف الارباح بأذن الله .. وكل صفقه يربح منها يتصدق من الربح ويحمد الله حمدا كثيرا .
    3.الامر الثالث عليه بتقسم المحفظه بحيث يكون 30% فقط للتداول و 70% كاش ..
    4.الابتعاد عن الشركات الورقيه في السوق الكويتي .. وعدم الدخول في السوق نهائيا اذا كان مسار السوق غير واضح .
    5. بالنسبه للسوق الكويتي لا يدخل في اي سهم الا اذا كان التداول اليومي فوق 150 دينار يوميا لمده ثلاث ايام .
    6.لا يأخذ اي توصيه من احد الا من شخص مشهود له بالمصداقيه ويملك علم واختياراته منطقيه ومدروسه .

    دع صاحبك يأخذ بهذه النصائح في البدايه ويطبقها حرفيا وسيتغير حاله من الى حال بأذن الله الواحد الاحد ..

    هذا ماعندي مبدأيا واسال الله واياكم بالرزق الحلال ان شاء الله ..
     
  4. bhams

    bhams عضو مميز

    التسجيل:
    ‏2 مارس 2009
    المشاركات:
    1,989
    عدد الإعجابات:
    0
    مكان الإقامة:
    _______________________ @DrFawaz تويتر_______
    عز الله هذي النصيحه الطيبه والي يحتاجها الرجال .

    الله الرزاق ماغيره أحد


    وثم علم ومعرفه
     
  5. zinger

    zinger عضو نشط

    التسجيل:
    ‏22 يونيو 2009
    المشاركات:
    2,277
    عدد الإعجابات:
    0
    جزاك لله خير