مطلوب معلم شيشه

[ams]

مطلوب معلم شيشه دوام كامل من الساعه 12 الظهر ولغاية 12 بالليل

 

[general]

مطلوب معلم شيشه دوام كامل من الساعه 12 الظهر ولغاية 12 بالليل

اخوي العزيز
الافضل لك انك تروح القهاوي وتدخن لك شيشه و تسحب المعلم وتكلمه جانبي وقوله عن طلبك لمعلم شيشه وجذي راح يب لك بدال الواحد 10 (هذا اذا مو اهو قالك خذني وزود معاشي 10 دنانير ) بس ان حطيت اعلان بأي مكان راح يي لك واحد مايعرف يمسك زقاره ويقولك يامعلم ده انا اكبر معلم شيشه في شرق الاوسط وكنت بشتغل عند الريس .
وبالنسبه للرواتب المفروض ماتتعدى 130 مهما كان المعلم اوكي .
ولاتاخذ معلم شيشه غير المصري .

 

[general]

ونسيت اذكر لك نقطه مهمه
ترا معلم الشيشه اهو اكبر راس بالمقهى وان غشيم 90% من زباينك بتنحش , لان الي بي لك اول مره وده يي ثاني مره وان شاف الشيشه مو اوكي مايتعب نفسه ويشرح لك عن شكوته , مثال توضيح اكثر
اذا جرسون فاشل مو مشكله في غيره واذا معلم العصير فاشل مو مشكله اذا معلم الولعه فاشل هم مو مشكله بس لايطلع معلم الشيشه فاشل لان راح يخرب شغل الكل .
ودايما معلمين الشيشه تلقاه فاهم عدل يعني واحد من الربع طلب معلم شيشه وحصله عن طريق قهوه كنه نروح له . تصدق لمن جربناه طلعنه قرون
ماسك الشيش ويقول هذا مو زين وهذا زين وهل راس وسيع وصغير وهل زجاج مغشوش وهل خياطه مو شي ويبيلك مسكات مادري شنو وهل ماركه بتسرب هوا وهذا شيشه خليل المأمون مغشوش وهذا الاصلي (قعد يشرح لنه كأنه دكتور ) . مو تيب واحد تقول تعرف جذي يقولك اه اه اه اه اه .
وملاحظه ييب لك واحد شباب مايتعدى 26 سنه ومصري ويكون غشمرجي

 

[ams]

الله يجزاك خير كلامك منطقي