تجهيز الملاعب وتأجيرها

الموضوع في 'الوظائف والأعمال التجاريه' بواسطة general, بتاريخ ‏21 أغسطس 2009.

حالة الموضوع:
مغلق
  1. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    السلام عليكم
    اخواني واخواتي الاعزاء كثر الحديث مؤخراً موضوع كيفيه عمل ملعب وترخيصه ومن ثم تأجيره واغلب التعليقات كانت غير صحيحه وشرحها غير كافي ووافي لذلك حبيت اخدمكم بحسب المعلومات الي استفسرت عنها والي ابي انقلها لكم .
    اولا غير ممكن (على الاغلب) اخذ قطعه ارض ملك دوله وتجهيزه وترخيصه وانا لو مكانكم استسلم لهل قدر .
    ثانيا الافضل حاليا تأجير قطعه ارض ملك اشخاص (اراضي عمارات) ومن ثم تجهيزها وتسويرها وتأجيرها .

    الاعتبارات الي يجب عليكم الاخذ بها :
    1- السعي وراء الاراضي الي مساحتها من 1500 متر الى 2500 متر .
    2- الافضليه للاراضي المستطيله وليس المربعه .
    3- ان تكون الارض على شارع رئيسي أو عام .
    4- ان تقييم ابعاد الارض (جيرانها) هل سيزعجهم الاصوات كثيرا أم بشكل عادي .
    5- الالتزام التام بالعقد الموقع بينك وبين صاحب العقار حيث دائما التعاقدات تكون لمده سنه قابله للتجديد فهذا النوع من العقود ارفضها بشكل كلي , ويجب ان يكون العقد لمده 5 سنوات قابله للتجديد .
    6- تقسيم الملاعب بشكل جيد حتى تطلع بأكبر عدد من ملاعب (لي درجه معقوله ) .
    7-التريث في تجهيز الملعب واكثر المبالغ التي سوف تصرف تكون للـ (حديد ) الشبك الحديدي لتسوير الملعب وعمل اربع اعمده بكل زاويه لتثبيت 4 كشافات .
    8- عمل ارضيات الملعب (حشيش صناعي) .

    اعتقد هل نقاط من النقاط المهمه وانا ماكثرت بالكلام لان ابي تعليقاتكم واستفساراتكم وراح اجاوبكم وبالاخير يطلع الموضوع كامل من جميع جوانبه

    ملاحظة : دايما انا احذر الاخوان من المشاريع واحثكم على التريث لكن مشروع مثل هذا وانك تلتزم بالي ذكرته فأنا اول من يشجعك
     
  2. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    قبل كل شيء ابيكم تروحون بيند القار الشارع الي فيه سطره مطعم كباب الحجه راح تشوفون ملعب مسور كبير توه مسوينه على ارض ملك (مكان عماره) راح تشوفون شي رائع بكل المقاييس .
    وان تكيسلتوا ومارحتوا فأنتم غير جادين
     
  3. simple23

    simple23 عضو نشط

    التسجيل:
    ‏14 أكتوبر 2007
    المشاركات:
    365
    عدد الإعجابات:
    0
    الله لايهينك ويجزااك خير ومبارك عليك الشهر مقدماا
    وان شاء الله بروح اشوفه ونستفيد
    ويعطيك العاافيه
     
  4. ساحل الليل

    ساحل الليل موقوف

    التسجيل:
    ‏4 ابريل 2008
    المشاركات:
    258
    عدد الإعجابات:
    0
    كفو والله يااخوي جنرال موضوع اكثر من رائع
    طيب يالغالي الحين مساحة 2000 متر كافيه لملعب يكفي 14 لاعب 7 * 7
    وهل تكفي هذه المساحه غير الملعب بناء غرفة صغيره كيربي للحارس ؟
    واخر سؤال يا طويل العمر هل عندك خبر بكم ايجارات ال2000 متر ؟
     
  5. أبوفلان

    أبوفلان عضو نشط

    التسجيل:
    ‏27 يونيو 2008
    المشاركات:
    1,460
    عدد الإعجابات:
    1
    جزاك الله الف خير
     
  6. بوفهيد

    بوفهيد عضو نشط

    التسجيل:
    ‏5 مايو 2009
    المشاركات:
    3,504
    عدد الإعجابات:
    0
    مكان الإقامة:
    الكويت
    جزاك الله الف خير
     
  7. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)

    اهلا بالساحل حبيبي انت من صجك ياي تسألني 2000 متر يكفي 14 لاعب :confused: الـ 2000 متر فيهم 3 ملاعب (هذا اذا مو 4 ملاعب) يعني
    3ملاعب ×14 لاعب = 42 لاعب رااااااهي .
    ولتفهم قصدي اكثر اعيد واكرر روح زور الملعب الي في بنيد القار حطيت عنوانه فوق وراح تعرف كل شيء
    وبالنسبه للايجارات الكلام لك وللاخوان
    ياجماعه الخير هذي ارض فاضيه ومانقدر نحدد ايجار معين وذلك لعدم قدرتنا بأخذ الاعتبارات الواجبه التقييد بها عند تحديد الايجارات مثل (العماره الكامله) فالمسأله بالنسبه للارض عشوائيه تلقا صاحب الارض مستعد يأجره بـ 200 دينار وواحد ثاني يأجره بـ 1000 دينار
    بس على كل حال ارض 2000 متر حرام تقط عليها اكثر من 500 الى 600
    وكلم صاحب الملك انك بتسوي ملاعب وتشجع الرياضه ومشروعك بسيط وبتفيد صاحب الملك بدال مايهد الارض فاضيه تسويه ملعب
     
  8. كل شي للبيع

    كل شي للبيع عضو جديد

    التسجيل:
    ‏6 يوليو 2009
    المشاركات:
    55
    عدد الإعجابات:
    0
    انا اتوقع يجب موافقة البلديه
    واقترح عالي يلقى مكان او أرض للمعلب
    يروح حق هيئة الشباب والرياضه يمكن يفيدونه او يدعمون العمل مع اني ما اتوقع بس مو خسران شي عالأقل يطلع باستكانة جاي :)
     
  9. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)

    اشك حتى انك تطلع من عندهم بإستكانه شاي .
    والطريقه الي ذكرتها (مايحتاج) ترخيص من أي جهه من الجهات
     
  10. ساحل الليل

    ساحل الليل موقوف

    التسجيل:
    ‏4 ابريل 2008
    المشاركات:
    258
    عدد الإعجابات:
    0
    مشكور يالغالي على ردك تسلم والله
    يالغالي يعني ايجارات ال2000 متر على 600 ؟
    والله كنت اعتقد على الفين وطالع
    زين يا طويل العمر وين تنصحني اسوي الملعب باي منطقه
    وشكرا لك
     
  11. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    ياساحل ارجوك يا ساحل لاتروح بعيد مع الموج قاعد اقولك مافي قاعده ثابته نحسب فيها الايجار لانها ارض فضاء ممكن تتأجر بدينار وتتأجر بمليون العمليه عشوائيه وغير تقيمييه .
    انصحك تشوف بحولي + سالميه + بنيد القار + شرق + سلوى (ممتازه)
    بس بشرط بشارع عام أو رئيسي
     
  12. ساحل الليل

    ساحل الليل موقوف

    التسجيل:
    ‏4 ابريل 2008
    المشاركات:
    258
    عدد الإعجابات:
    0
    مشكوووور مره ثانيه يا جنرال وقواك الله يالغالي
     
  13. ماستر الذهب

    ماستر الذهب عضو نشط

    التسجيل:
    ‏25 نوفمبر 2007
    المشاركات:
    794
    عدد الإعجابات:
    0
    السلام عليكم

    بس افضل شي انك تستأذن من البلدية افضل وانا اقول ماراح يوافقون بس اذا حطيت بمكان لحال ومافي شي وبدون رخصه وتتعب على الملعب وبالاخر يشيلونه وراح اتعبك على الملعب
     
  14. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    اخوي ماستر
    اذا اجرت ارض عماره (ملك شخصي ) وسويت عليها ملعب ولا اكبر شنب بالبلديه يقدر يي لك هذي ارض ملك يعني يحتاج اذن من النيابه عشان يعتب ريوله على سور الملعب .ولتوضيح اكثر كأنه داخل بيت سكن
     
  15. حمود الفشقه

    حمود الفشقه عضو نشط

    التسجيل:
    ‏12 أكتوبر 2008
    المشاركات:
    378
    عدد الإعجابات:
    1
    مكان الإقامة:
    فوق الأرض تحت السماء.
    السلام عليكم ورحمة الله وبركاته...

    الله يعطيك العافيه أخوي الجنرال أنت وجميع الأخوان..

    موضوعك ذكرني بمشروع فكرت أني أسويه وأستخرت
    ونسبة نجاحه بإذن الله مضمونه..


    المشروع هو عباره أستأجار أي أرض في جليب الشيوخ أو الحساوي
    تكون منطقه شديدة الأزدحام
    وتسويرها وجعلها مواقف للسيارات...وعلى الله التوفيق..


    نصائح قبل الأقدام على أي شئ
    1- التوكل على الله.
    2-الأستخاره.
    3-سؤال أهل الأختصاص لعدم الوقوع بأخطاء.
    4-توفر سيوله لتغطية أي طارئ.
    5-متابعة حلالك بنفسك.


    ومبارك عليكم الشهر وجعلنا الله وأيآكم من عتقائه وصلى الله على محمد وآله وصحبه.
     
  16. ماستر الذهب

    ماستر الذهب عضو نشط

    التسجيل:
    ‏25 نوفمبر 2007
    المشاركات:
    794
    عدد الإعجابات:
    0
    كم يكلف تأجير ارض عماره واذا رخيص شي ممتاز لشباب
     
  17. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    جاوبت بالاعلى
     
  18. تاجر ولكن

    تاجر ولكن عضو نشط

    التسجيل:
    ‏10 يونيو 2009
    المشاركات:
    132
    عدد الإعجابات:
    0
    سؤال عندي وحدة من الاهل عندها مبلغ بسيط ممكن نفهم اكثر من هالموضوع وشلون تقدر تمشي امورها .. والله يعينها اللي يقدر يساعدها لا يقصر معاها بشورتكم انضحك عليها قبل 4 اشهر ب 18000 دينار قالوا لها مشروع وبضاعة وشيكات وكلتها وقاعدة تحاول ترجع من اول ويديد بس اللي عندها ما يكمل 4000
     
  19. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    هلا فيك على فكره انت من زمان مو مبين اختفيت صارلك فتره :)

    الله يعوض عليها وهذي غلطه جدا كبيره وخساره أليمه لكن المهم عافيه الانسان من بعد رضى ربه .

    الافضل حاليا الاحتفاظ بالمبلغ
     
  20. KUWAIT- STOCK

    KUWAIT- STOCK عضو جديد

    التسجيل:
    ‏19 سبتمبر 2008
    المشاركات:
    998
    عدد الإعجابات:
    2
    مكان الإقامة:
    Kuwait
    اخوى جنرال بالنسبة لإيجار الارض اتوقع وايد اكثر من الللى قلتة 2000 متر اتوقع لا يقل عن 2000 دينار الى 3000 دينار و بالنسبة للثيل الصناعى مكلف ويوصل للملعب 1000 متر مو اقل من 20000 الف دينار يعنى 1000 متر من ثيل و شبك و كشافات و مدرج لا يقل عن 30000 دينار
     
حالة الموضوع:
مغلق