مطلوب زد 300 موديل 89 شرط النظافه

الحالة
موضوع مغلق

مشاري بو ناصر

عضو نشط
التسجيل
15 سبتمبر 2008
المشاركات
1,124
الإقامة
دولة الكويت الغالية

مطلوب زد 300 عادي موديل 89 شرط النظافه ... ما أبي تيربو ... حق الدوام ...

قير عادي - فتحات ...

لقيت واحد لونه أسود موديل 89 فتحات ... الماني و فيه لوحات كويتية ... فيه معجون فوق التاير الخلفي بجانب باب السائق ... وفيه زلق على الدعامية الخلفية ويبي له ربل باب السائق ربل الدعامية الأمامية ... يحتاج تبديل تواير ...
كم يسوى ...
 

وقاص

عضو نشط
التسجيل
29 يوليو 2009
المشاركات
120
السلام عليكم ورحمه الله وبركاته

تبي نصيحة من اخو انحشششششششش

من التيربوات عله قلب وتعب وكل يوم واقف عالشارع تأشر

ولا داق غلى واحد من الربع يمرك

الامريكي وطبعا باختلاف مسمياته يعني الي يقولك سويسري والي يقولك استرالي

كله امريكي وطبعا عادي مو جهاز

ما يتعب قلبك بالمكينة ولكن حرارة شي فظيع

يعني ما تشغل مكيف الا وانت عالخط والحراره هم فوق

وطبعا معروفه التيربوات مكيف فاااشل لا دفع ولا نيلة

وطبعا متشيش وتبدل وطالع من الثالث والضغط فوووق

علبالك مشوت ولا سيارة هندي قديمة سابقتك عادي

ميته السيارة حدها

او تاخذ الماني جهاز طيارة يعني والله لو نظيفه وموتر ستوك تلعب لعب

تطبق وتطفي العداد بعد وتشوف الشبات صارت وحده

بس شنو الجير اقوى من المكينة دائما وجهاز عالمكينه يعني

بدل مكينه كل فترة بسيطة واحسب

بس حرارة ماكو واسباب كثيرة يطول شرحها

لو تبي دوام اخذ لك 280 واترك عنك ال300

اخذ 280 موديل 83 شي حلو

نظيف ما يصرف بنزين وخرباته قليلة وتصليحه سهل مثل اي موتر ياباني قديم

وان مالقيت في شباب بالسكراب الثاني اعتقد بدون خبره وتخصص

لا واسعارهم مثل الماي وشغلهم طيب

نصيحة ابعد عن ال300


ولاحظ امر مهم تابع السيارة من تحت يا خوفك تلقاها اوروبية

والبرد والثلج ماكلها من حدر وصاحبنا مقزرها قار يعني خاش السالفه

280 يا حلاتها عالخط لا وموديل 83 والله شغلك سهالات

وحتى بالصيف حرارتها 75 بالمية من الوقت طبيعيه

تحياتي ومجرد نصيحة لك يا اخوي

اي ملاحظة اخيره

الشباب يحبون الامريكي لانه يفتر بمكانه لانه 2 سيت وبككسه عادي

الالماني بكسسه يقلب وفور سيت يعني تاكل نص الشارع اذا بيخمس

وبالدروب يبيله مساحه واخرتها يحذفك بر

كل الي قلته مو لاني متخصص انا ما افهم بالميكانيكا شي

بس من واقع تجربه طوووووووويلة بشبابي واكثر من 13 تيربو مرت علي هذا غير الي عند الربع

وربي يوفقك لكل امر فيه خير قول امين

تحياتي
 

مشاري بو ناصر

عضو نشط
التسجيل
15 سبتمبر 2008
المشاركات
1,124
الإقامة
دولة الكويت الغالية
ههههههههههههههههههههههه

الله يستر عليك وقاص ...

أخوي وقاص أنا اللي أبيه 300 عادي موديل 89 الماني ... ومشكور على النصيحه

أنا أبيه حق الدوام ... جبد ...مخيم ... العبدلي ... دواوين ...

بريح الجيب ذبحني بانزين ...

حاط لي 500 دينار بشتري فيها سياره ...
 
الحالة
موضوع مغلق
أعلى