اسهم صارت ×××××××××

[STOCKER]

يااخوان لاتزعلون مني ومن اسلوبي في هالموضوع

لاني فعلا متضايق وسبب ضيقتي ان سوقنا للحينه يتحكم فيه كبار ويلعبون بالصغار

امس وصلني خبر او معلومة واليوم تاكد منها 100 %

يقولك بعد اقفالات اي يوم تداول تروح اسماء الي اشتروا الاسهم او باعهوا الى كل شركة

يعني انا شريت مثلا سهم بنك برقان بكمية 50000 سهم وبسعر مثلا 300
راح يروح اسمي بكشف مع غيري الى بنك برقان علشان يعرفون منو ساهم اليوم ومنوا باع اليوم

وين السرية في التعامل يابورصة ؟ طبعا البورصة عارفه اللعبة مع الكبار والكبار مضبطين الجماعة ومن عمر على هالشي

شكو تعرف الشركة اني ساهمت في تداول البورصة ؟ وشكو تعرف اني بعت ؟
يعني لو شريت بنفس اليوم وبعت بنفس اليوم الشركة شكو ؟؟؟

وعلشان هالشي موجود بديت افكر ليش شركات البحر نايمة ؟ شركات البحر طايحة ؟

لان والله العالم عندهم اسماء محتفظين باسهم وبكميات كبيرة يبونهم يطلعون ماطلعوا ولا باعوا
فيبونهم يبيعونهم غصب غصب

معقولة جيزان ارباحها اعلى ارباح في البورصة في النص الاول هذا حالها ؟

معقولة شركة عقارات كويت الي ادخلوا فيها محاكم وقضايا وقصص صارت عليها هذا حالها ؟؟

معقولة ايفا الي فيها الوليد بن طلال والي مكتوب بالقبس ان دولة ماعرف اسهما حاطين اسم ايفا في الصفحة الاولى هذا حالها ؟؟


اسهم صارت اكس هي اسهم شركات البحر سامحهم الله على فعلتهم الشينة

مادري اكتب نداء حق الناس الي عندهم اسهم كبيرة اقولهم بيعوا الي عندكم علشان يستفيد الصغار ؟؟

 

[الشورى خالد]

السلام عليكم الاخ العزيز ماقول الا الله يعطيك العافية وفيت وكفيت والله يصبرنا ناس حاطه كل ماتملك والان صارلهم كم شهر في نزول لكن مانقول الا الله يهديهم وابشرك خل ترتفع شوي الناس راح تبيع وتفتك سبقت عليهم كلمة ماراح تعجبهم وان غدا لناظره لقريب

 

[Bo7athen]

سلام

افا عليك يا خوى لا اتضايق
ترا الكبار كانو اصغار فى بدايت حياتهم او الكبار تعودو على الربح من الصغار
او المشكلا مو من الكبار المشكلا من الصغار
انا اقولك اشلون
الكبار انزلون السهم علشان الصغار ابيعون اسهمهم
بس لو تبى اتخلى الكبار ايموتون امبجر لا اتبيع او احتفض بالأسهم او انسا الأسهم جذيه الكبار مطرين ارفعون السهم علشان اجمعون اكبر كمية

هذى سياسة انا صراحه عندى اسهم من البحر او كميات كبيره او ما راح ابيع الى لما يوصل السعر الى ابيه

الحمدالله من ناحيتى انا مو محتاج افلوس هل اسهم
او صدقونى لو 50 واحد ما باعو اسهمهم والله الكبار راح تيهم جلطه او ايموتون او انهم يرفعون سعر السهم علشان الكل يربح

 

[عرباوي]

اخوي اذا ما تبي اسمك يطلع ضمن كشوف الشركة تقدر تشتري عن طريق الاوسط راح يبين اسم المشتري شركة الكويت والشرق الاوسط للاستثمار المالي

وبهلطريقة محد يقدر يعرف اسم الشخص الي شري او باع

 

[Discovery]

أخي الكريم فعلا اعضاء مجلس الاداره لهم الحق بالاطلاع علي اسماء جميع المتداولين باسهم شركاتهم بس اختلف معاك بالتحليل علي ان هذا هو السبب الرئيسي بركود هذه الاسهم وعدم النشاط عليها بالوقت الحاضر

والاسباب باعتقادي هي ان شركات البحر لا تصعد الي بدخول محافظ البحر عليها واعتقد الركود علي شركاته بسبب ان محافظ البحر شغاله علي اسهم اخري مثل المخازن والرابطه والتنظيف والمال

واضيف علي ذلك سهم مثل جيزان مثلا توزيعه العام كانت 200%منحه فاعتقد اللعبه تنتهي عند تجميع الكميات المطلوبه

فلا تييأس وفاز باللذات من كان جسورا أ‘عتقد ان السوق فيه الخير الكثير بالنسبه للمستثمر اما المضارب فيجب عليه الحذر حتي لا ينصاد من لعبه الكبار خصوصا بالتعامل مع بعض الشركات