احدى المشاهد الي شفتها بأحد المسلسلات

الموضوع في 'إستراحة المنتدى' بواسطة (@فهد علي@), بتاريخ ‏23 أغسطس 2009.

حالة الموضوع:
مغلق
  1. (@فهد علي@)

    (@فهد علي@) عضو جديد

    التسجيل:
    ‏27 يوليو 2009
    المشاركات:
    175
    عدد الإعجابات:
    0
    .

    المسلسل في قناة الوطن (( الهدامة ))

    الباب يطق تفتح البنية الباب يطلع زميلها الي بعمرها يقولها وين كتابي الي عطيتج اياه ويسولفون شوية عالباب وعادي مافية شي

    ادخلت البنت عشان تاخذ الكتاب وتعطيه حق عبدالله أم البنت سئلتها منو

    قالت عبدالله ولد جيرانا هاوشتها الام قالت لاتسوينها مرة ثانية تدرون ليش

    مو لانه حرام بس لانه الجدري منتشر بكل مكان وخايفة على بنتها من المرض بسسس

    ________________


    السؤال الي يطرح نفسة

    هل كان قبل 70 سنة في احد يوافق او بنت من نفسها انها تكلم ولد جيرانهم

    والام راضية وعادي بس تهاوشها لانها تخاف عليها من المرض مو اكثر والولد ولد الجيران عادي مافيها شيء

    كان في ذلك الزمان ناس اهل طاعة ودين وماعندهم هالسوالف وقلة الحياء والدين

    _____________

    عندي احساس انه لهم اهداف من وراء هذي المشاهد الي مالها معنى

    وناس حاقده على العفة والشرف وطاعة الله والتقرب منه ولهم في هذي المشاهد مئارب أخرى

    يتمنون يجي اليوم الي يشوفون اهل الآسلام تكون قاعده الاخت مع اخوانها

    وفجئة يرن تلفونها يسئلونها اخوانها منو عاد الي يكلمج تقولهم

    هذا صديقي خالد عاد يقولها اخوها صج والله سلميلي عليه من زمان ماشفته فتقول اخته خالد اخوي يسلم عليك ومشتاق لك حييييل

    هذا الي يبونه من وراء المشاهد التي يراد بها باطل

    هم يبون دينكم وشرفكم يبون الناس تنسى العفة والصلاح وطاعة الله ....

    اللهم اجعل كيدهم في نحورهم و إلعنهم لعنن كبيرا يارب العالمين


    .
     
  2. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    الله يهديييهم
     
  3. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    اخوي بقولك شرح بسيط يمكن اقدر اوصل لك المعلومه

    اول ...اهل الكويت في السابق كانو كانهم بيت واحد ...وكانو عايشين على الفطره...لاحظ كلمتي (على الفطرة) وكان الجار يسلم على جارته ويسال عن احوالها....لان زوجها او اخوها او ابوها مايكون موجود ودائما كان في ترحال...الي يروح للغوص ويقعد ست اشهر والي يروح الهند والي يسافر للعراق ويقعد شهر وشهرين فكانت طبيعة الاهالي السؤال عن الحال



    لكن في القران والسنه نلقى في البيت الواحد مايجوز الاخ يكشف على زوجت الاخ ولا الاخت تشوف تكشف على زوج الاخت والعكس صحيح......والمراه بالاسلام كلها عوره :)


    هذا من الي انا اعرفه والله اعلم وبارك الله فيك
     
  4. بوغمازات

    بوغمازات عضو نشط

    التسجيل:
    ‏15 مايو 2007
    المشاركات:
    2,416
    عدد الإعجابات:
    2
    يعني شمعنا احساسك راح للشين مو الزين !!! شنو يعني احساسك يقول راح يهدمون الدين والقيم و و و !!! وليش تكتب احساسك بالاستراحه وااخر شي تدعي علي امة محمد !!!! معتقاداتك خلها لك بينك وبين نفسك !!! (( الله يهديك ))
     
  5. مضارب شجاع

    مضارب شجاع عضو جديد

    التسجيل:
    ‏8 مايو 2007
    المشاركات:
    4,707
    عدد الإعجابات:
    1
    هذه حركات مسلسلات لان هذه المقطع يبين انهم راح يكبرون ويحبون بعض
    و لا تنسى ان حتى الماضى هناك وهناك و عشق فوق السطوح
     
  6. (@فهد علي@)

    (@فهد علي@) عضو جديد

    التسجيل:
    ‏27 يوليو 2009
    المشاركات:
    175
    عدد الإعجابات:
    0

    يالطيب ارحم نفسك شنو هالمعتقد الي براسك انصحك لاتموت وهالتفكير براسك

    لان مشكلتك فيك شك بالدين وهذي مصيبه عظيمة

    لكن نصيحتي لك تصدق بمبلغ محترم واطلب من ربك ينور لك قلبك
     
  7. kazamezaa

    kazamezaa عضو نشط

    التسجيل:
    ‏3 يناير 2008
    المشاركات:
    1,074
    عدد الإعجابات:
    1
    مكان الإقامة:
    kuwait
    اظن اقتابسك خطاً اخي فهد وانت تقصد عضو اخر
     
  8. (@فهد علي@)

    (@فهد علي@) عضو جديد

    التسجيل:
    ‏27 يوليو 2009
    المشاركات:
    175
    عدد الإعجابات:
    0

    المشاهد هذي مقصوده ويبون منها الي قلت لك عليه

    اما المشاهد وشنو راح تؤدي له هذا معروف للمجنون قبل العاقل

    ولم ادعوا على امة محمد عية السلام دعيت على اشباه اليهود

    الحاقدين على العفة والطهارة ويحبون ينشرون الفساد في الآرض
     
  9. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    في الحلقه الاولى وقبل ما يطلع مرض الجدري
    الام قالت لبنتها لاتكلمين ولد الجيران
    يعني الموضوع مو موضوع الجدري
    للعلم فقط​
     
  10. ابو عبير

    ابو عبير عضو نشط

    التسجيل:
    ‏25 يوليو 2008
    المشاركات:
    1,095
    عدد الإعجابات:
    0
    اخوى اول اهلنا على النيه لما طالع بنت الجيران نفس اختك مو الحين لما اطالعا بنظره غير يعنى نظره خبيثه والناس على النيه
     
  11. بويوسف 55

    بويوسف 55 عضو جديد

    التسجيل:
    ‏10 يونيو 2007
    المشاركات:
    133
    عدد الإعجابات:
    0
    للعلم اخوى ترا الام هاوشت البنت قبل لا تعرف ان المرض منتشر
     
  12. بوشيخة ليمتد

    بوشيخة ليمتد عضو جديد

    التسجيل:
    ‏29 نوفمبر 2006
    المشاركات:
    318
    عدد الإعجابات:
    0
    الشق الثاني لصديقها خالد البعض الله سبحانه يهديهم وصلوا هالمرحله

    ولاحوله ولاقوة الي بالله
     
  13. (@فهد علي@)

    (@فهد علي@) عضو جديد

    التسجيل:
    ‏27 يوليو 2009
    المشاركات:
    175
    عدد الإعجابات:
    0

    المشكلة اخوي مو بالمسلسل المشكلة بالردود تكفى إقرأ ثاني وثالث رد

    والله ردودهم تصدم العقول يتهمون الدين بالنقص ويقولون الاسلام يرئ المرأئة عورة اعوذ بالله
     
  14. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج


    لو سمحت .......انت كاتب موضوع....تنتقد مسلسل تلفزيوني صح....وتبي توضح الغلط الي بالمسلسل للاعضاء

    فانا الحين اطلب منك تقولي ....شنو الغلط الي انا كتبته...وشنو المعتقد الي براسي الي مسبب لي شك بالدين وشنو المصيبه العظيمه الي عندي...اكتبها لي الحين علشان يعرفون منو الغلطان انا والا انت
     
  15. انتراوي

    انتراوي عضو نشط

    التسجيل:
    ‏28 ابريل 2009
    المشاركات:
    197
    عدد الإعجابات:
    0
    انا متابع المسلسل وغلط كلامك يالحبيب انت شكلك مو عارف شي ولا متابع المسلسل شفتلك لقطه وقلت خل اسوي موضوع :)

    يبا القصه ومافيها الولد عبدالله كان معطي كتاب جفرافيا حق منيره عشان تشوف الخرايط وهالسوالف لأن البنات كانوا بس يعلمونهم القرآن وما يعلمونهم باجي العلوم .. امها شافتها بره بالشارع تسولف مع عبدالله نادتها وشخطت فيها وزفتها ليش تتكلم مع عبدالله بالشارع وانه عيب ومن هالحجي والناس تتكلم وانتي بنيه عيب تسولفين مع صبيان حتى لو عيال الجيران غلط وعطتها من هالحجي والنصايح .. البنت قالت يمه بس عبدالله كان بيعطيني كتاب جغرافيا يورينا وين يسافرون ابهاتنا ووين الهند وطريج بومبي بالبحر ..

    زفتها وقالت لها لا تعيدينها ولا بتشوفين اللي ما يسرج ...

    اللقطه اللي انت تقول عنها لما عبدالله رد يبي ياخذ الكتاب اهني الام قالت لها قومي عطيه الكتاب ولا اشوفج تاخذين شي منه ولا تكلمينه ..

    هذا مافي الموضوع ومره ثانيه تابع الشي عدل عشان انتقادك يكون بمحله وما تتفشل مع ان نيتك زينه ...
    بس انت عكست الموضوع والمسلسل يبين مدى تمسك اهلنا قبل بالعادات ويشددون عليها حتى مع اليهال ...
     
  16. أبوفلان

    أبوفلان عضو نشط

    التسجيل:
    ‏27 يونيو 2008
    المشاركات:
    1,460
    عدد الإعجابات:
    0
    والله انتوا بعد مسوينها سالفه


    من متى صارت الفضائيات تدعو إلى الأخلاق والشرف


    الفضائيات الي مالها هدف واضح بس همها الفلوس والشهره تحط اي شي يكون فيه مصلحتها سواء طيب او خبيث


    وبعدين من متى الناس تتعلم من المسلسلات وتاخذ اخلاقها منها الناس كانت تتعلم في البيوت الأبو يعلم عياله الصح من الغلط

    الوقت هذا الأبو نفسه يبيله واحد يسنعه عشان جذي الناس بدت تتعلم من الخارج من الغرب من الأفلام


    الله يستر علينا وعلى المسلمين الناس كل مالها واخلاقها في نزول ( بويات - جنوس - شباب نواعم مالهم جنس معين )

    ما اوقفت على هالمسلسل الله يخليكم

    اول الواحد يتمنى يخدم جيرانهم عشان الرجولة والمدح

    الحين الشباب اول شي يفكر فيه اشلون يطيح بنت جيرانهم خلوها على الله بس
     
  17. KuWaiT DriFT

    KuWaiT DriFT عضو جديد

    التسجيل:
    ‏9 سبتمبر 2008
    المشاركات:
    2,233
    عدد الإعجابات:
    0
    مكان الإقامة:
    الـــكـــويــــت الحــبــيـــبـــه
    ونعم الردود :)

    يا شباب خلاص لو يتم اغلاق الموضوع أحسن :)
     
  18. (@فهد علي@)

    (@فهد علي@) عضو جديد

    التسجيل:
    ‏27 يوليو 2009
    المشاركات:
    175
    عدد الإعجابات:
    0

    انت قلت لمه فتحت القران والسنة لقيت الاسلام يرأء المرأة مجرد عورة

    معتقدك هذا مصيبة وطامة كبرىء ولاودي اقول الله يهديك بعدين بترد علي

    تقولي شايفني مجنون لكن بقول ربي ينور قلبك بالايمان وتشوف امر ربك

    انه حكمة وطاعة لله رب العالمين ​
     
  19. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا
    كلامك صح الصح
    والله جنها اختي وحنا جيرانا كانو كلهم حريم انا واخواني كنا نروح وياهم محارم في المراجعات واذابغو شي جنهم خواتي ولانرضى عليهم واليوم كلهم تزوجو وللاه الحمد وازواجهم يمرونا بالمناسبات جنهم انسابنا وهذي تربيه اهل الكويت
     
  20. (@فهد علي@)

    (@فهد علي@) عضو جديد

    التسجيل:
    ‏27 يوليو 2009
    المشاركات:
    175
    عدد الإعجابات:
    0
    ياجماعه شفيكم ياناس

    الي يبي الجنه يعمل بالي يامر فيه الله ورسولة غير جذي نقطه ورا الشمس

    والي بيمشي على هواة ويناقش بامر الله ورسولة الله يهديه
     
حالة الموضوع:
مغلق