الوقيان: ترقبوا إفلاس بين 4 و10 شركات

[mans1234]

لا يا معود تروح ...شلون يلعبون غيرها قول يحجزوها لين يخافون و يردوها

 

[مشاريع]

انا الي اقوله والله عيب علي الشوارب اذا يسيرونها والله رجال اخر الزمان

 

[fayz 1970]

يالجماعه إذا فلست شركاتنا وراحت فلوسنا

قدامنا حل من إثنين

1- إنك تنطر معاشك كل شهر .

2- تتزوج مدرسه وإذا كانت وكيله أحسن (بعد أربع سنوات يرشحونها ناظره) وتتأكد إن سيارتها كامري أو ماكسيما قديمه يعني خاشه معاشاتها وهني تبدأ من أول جديد بالبورصه وتطلع راس مالك اللي راح

حلوه منك كويتى

 

[ابن عمير]

يالجماعه إذا فلست شركاتنا وراحت فلوسنا

قدامنا حل من إثنين

1- إنك تنطر معاشك كل شهر .

2- تتزوج مدرسه وإذا كانت وكيله أحسن (بعد أربع سنوات يرشحونها ناظره) وتتأكد إن سيارتها كامري أو ماكسيما قديمه يعني خاشه معاشاتها وهني تبدأ من أول جديد بالبورصه وتطلع راس مالك اللي راح

خوفك الواحد يموت وهي تورثه ...

 

[بن عدوان]

اللهم اضرب الظالمين بالظالمين واخرجنا منهم سالمين

 

[باحث قانوني]

اللهم اضرب الظالمين بالظالمين واخرجنا منهم سالمين

آمييين
عجبني هالدعاء

 

[سايق الخير74]

هالتصريح لو كان قبل سنه جان قلنا عنه عبقري وقارئ ممتاز للمستقبل الاقتصادي...لكن الحين وعقب ما صار اللي صار؟ اعتقد لو مو قايله جان احسن لانه اصبح مستهلك جدا....وهذا تصريح لنفس الشخص وقبل سنه شوفوا شنو قايل.

لقاء صحفي مع رئيس مجلس ادارة أعيان العقارية الأخ سليمان الوقيان!

السلام عليكم,

هذا اللقاء تم تلفونيا الساعة 12 (منذ ساعتين و نصف تقريبا)

حقائق: هلا أبو ثنيان شخبارب؟

ابو ثنيان: أوووه.. هلا بمحللنا, شلونك ابو محمد؟ وينك غاطس؟ عندنا غبقة حياك.

حقائق: لا, مشكور.. شفي سهمكم رايح فيها؟

ابو ثنيان: أهو سهمنا بس؟ السوق كله.

حقائق: شنهو صاير من وجهة نظرك؟

ابو ثنيان: السبب قرارات البنك المركزي, حسب تحليلك وين تشوف السوق رايح؟

حقائق: و الله آنه شايف ان نهاية تصحيح المؤشر ما تتعدى المنطقة بين 12900-12350 نقطة باذن الله و أتوقع بأن الصعود يبلش مع بداية الربع الرابع يعني شهر عشرة

ابو ثنيان: كلامك صحيح يا بو محمد," الثور يطلع بشهر عشرة"

حقائق: اشمعنى الثور ما يطلع الا بشهر عشرة؟

ابو ثنيان: لا, هذا الكلام كنا نقوله أيام ما كنا نتداول بالسوق الأميركي, و كنا نلاحظ بأن الصعود غالبا يكون بشهر عشرة.. بس على فكرة يمكن يمكن يوصلون المؤشر الى 12000 نقطة و بس خلاص.. يعني مكاسب الصعود السابق تصبح صفر.. لأن أي نزول أكثر من جذيه يصبح انهيار حقيقي و لا يستحملونه كبار الشركات, و أعتقد أن النزول أكثر من 20% يصبح شبه انهيار.

حقائق: ال 20% تعادل 12800 تقريبا, بس في تصحيح سنة 2006 وصل الى 28%

ابو ثنيان: أيه بس الوضع مختلف..

حقائق: شرايك باللي يقولون بأن السوق أنهى دورته الاقتصادية و مقبل على نزول يصل الى 10000 أو 9000 نقطة؟

ابوثنيان (بعد أن ضحك): اشهالكلام؟ تدري لو يوصل السوق 10000 شنهو يصير؟ شركات و صناديق تعلن افلاسها و هذا غير مقبول و غير وارد و لا يخلونه. و بعدين شنهو انتهاء الدورة الاقتصادية؟ اقتصاد الكويت لازال في دور انتعاش و كان من المفترض ان البنك المركزي يرفع الفائدة بسبب هذا الانتعاش الاقتصادي.

حقائق: طيب ليش ما رفع الفائده؟

ابو ثنيان: ما رفعها لأن الدولار نازل و يصبح ضرر على الكويت اذا رفع الفائدة, لذلك البنك المركزي سوى شغله بديله و هي القرارات اللي طلعت بس هذه القرارات صحيح انها تحد من التضخم و لكن انعكست سلبي على الشركات و البورصة.. حتى ان البنك المركزي ما عطى فرصة! طبق قراراته فجأة و دون سابق انذار أو اعطاء مهله .. و لو فعل ذلك كان ممكن يكون الوضع أهون.

حقائق: هيئة الاستثمار أقرت ضخ 20% للصناديق, بس ما أشوف لها أثر ليش من قبل الصناديق؟

ابو ثنيان: ممكن بس ما راح تشوف شي في الوقت الحالي (لأسباب ذكرها لي ابو ثنيان, ممنوعة من النشر)!
حقائق: طيب شنهو وضع سهم شركة زين و باقي الأسهم؟ لأني شايف انه تقريبا انهى تصحيحه و يفترض انه يبلش في الصعود , بس مو عاجبني تذبذبه في منطقه سعرية معينه كأنه يبي ينزل.

ابو ثنيان: السهم ما أعتقد راح يخلونه, راح يصعد (باذن الله) و اللي راح يشيل السوق الشركات الكبرى بما فيهم مجموعة الخرافي.. و مو من صالحهم ينزل عليهم السوق نزول كبير و لا من صالحهم ان تبقى اسهمهم نازله.

حقائق: اشصار على موضوع "مصفاة البترول"؟ و من المستفيد من الشركات المحلية؟

ابو ثنيان: خلاص, صار من صالح الحكومة, و أول المستفيدين هم شركة السفن و الأنابيب.

حقائق: تسمح لي أن انشر كلامك بمنتدى المؤشرنت؟

ابو ثنيان: على راحتك..

حقائق: يالله نشوفك على خير

ابو ثنيان: تعال .. تعال بو محمد عندي لك سهم تستثمر فيه 3 شهور (من الاسبوع الياي الى شهر 12) و راح تحصل من وراه خير باذن الله, بس لا تقول حق أحد انطر لمن يدخلون عليه بعض من اللي يعزون علي.

حقائق: ايه و لا يهمك ما أقول, بس شنهو هالسهم؟

ابو ثنيان: السهم " الفلاني" (سعرة تحت 200 فلس)

حقائق: مشكور, بس هالسهم ما أبيه و لا أشتهي ملاكة, و بعدين عندي اسهم مقتنع فيهم و الكاش لك عليه شوي.

ابو ثنيان: على راحتك, بس لا تقاطع.

على فكرة الأخ ابو ثنيان يعتبر من أولاد اسواق الأسهم المحلية و الدولية و كذلك العملات منذ أن كان عمرة 18 سنه! و عسى الله أن يوفقه

هذا الحوار الذي دار بيننا الذي أذكره!

و السلام عليكم

وهذا الرابط مالها http://www.indexsignal.com/vb/showthread.php?t=124380



وهذيل رسالتين خاصين لي من العضو kuwaite_zoom بوعبدالله قبل سنه بالضبط وبتاريخ 14-9-2008 دمجتهم مع بعض ونقلتهم لكم بالحرف الواحد كوبي بست.....هذا ما يسمى ( بعد النظر) والله يؤتي العلم لمن يشاء سبحانه...تفضلوا الرسالتين مدموجين :

بالنسبه للسوق صراحه ماحبيت أكتب في المنتدى لأني أدري أنه راح ينزل بعد
لو راح أشرحلك يبيلي ساعه كتابه
لكن بقولك رأوس أقلام

السوق أنتهى بس الحين أنتظر الأرتداد القادم علشان تصرف اللي عندك حتى لو خسران 50%

السوق نزوله يسمى (السقوط الحر ) ما فيه دعم يرده ألا دعم حقيقي وهو (12 ) الف

بقولك رقم أذا أكسره بكره راح يوضح أن السوق راح يدخل تصحيح لسنوات طويله أقل شيء فيها 3 سنوات (12534)
يعني أن السوق صار مثل السعودي يوم وصل 21 الف
يعني التصحيح مطول لفتره طويله

جيزان : أخر دعم 112
أذا أرتد السوق من 12 الف راح يدخل في موجه صعود تصريفيه
جميع الأسهم راح تصعد للتصريف
جيزان أذا صانع السوق ما صرف اللي عنده راح يوديه 212 أن شاءالله
حاول تبيع أذا وصلها

أذا صرف اللي عنده كله يعني يصعد شوي وبعدين يرد ينزل
وممكن بعد سنه تشوف السهم تحت 100 فلس

أذا كسر السوق الرقم اللي ذكرته راح تشوف بعد سنه شركات تعلن أفلاسها

((أرجوا أني ماخوفتك من السوق لكن هذي الحقيقه للأسف ))

أذا كنت ناوي تتناقش مع ربعك في موضوع السوق أخذ هالأفكار هذي وعطهم
_ كل سوق له دوره أقتصاديه كل سهم له دوره أقتصاديه .
- عندما تنتهي الدوره الأقتصاديه ينتهي السهم من الصعود
- عندما ينزل السهم أو السوق عند 20% من القيمه فهذي أول أشاره بأنتهاء الدوره الأقتصاديه
- أذا السوق كسر 12534 فهذا الرقم هو 20% من قيمه السوق يعني الدوره الأقتصاديه أنتهت للسوق

- جميع أسواق الخليج لها دورات أقتصاديه وهي أسواق ناشئه بالنسبه لأسواق العالميه .
- السوق الأمريكي عمره 150 سنه والأوروبي عمره 200 سنه والياباني عمره 70 سنه ووووووووو
أسواق الخليج عمرها 7 سنوات الي 20 سنه

- موجه الدوره الأقتصاديه أو الفتره هي 7 سنوات أذا ما أنتهت عندها تصبح 14 سنه أذا ما أنتهت تصبح 21 سنه أذا ما أنتهت تصبح 28 سنه

- يعني تضيف 7 سنوات

- السوق السعودي بدأت دورته من 98 الي 2005 وأنتهت بعد 7 سنوات وبعدها بدأ بالنزول ولابد أن يكون النزول مابين 3 الي 5 سنوات
- السوق الكويتي والقطري والعماني والأماراتي بدأت دورتهم عند 2001 وهي ((الصعود )) وأنتهت 2008 يعني 7 سنوات

- معنى الكلام أو الزبده أن 15600 هي قمه السوق والسوق أنتهى الصعود بدأ بالتصحيح لمده سنوات طويله ممكن 3 أو 4 أو 5
بعد سنه ممكن نشوف 9 ألاف وممكن 8 ألاف وووو

كل دعم راح يرتد منه ويدخل مضاربات
أنت أستغل الدعومات
والأفضل في الوقت الحالي أذا ماكنت تعرف التحليل الفني تضع سيولتك خارج السوق وتتفرج لمده لاتقل 5 شهور حتى يستقر

أتمنى المعلومه وصلت لك أن شاءالله

 

[مليون دينار]

lممكن نعرف أخطر 10 شركات بالسوق

علشان ما نجرب صوبهم

 

[shark_1]

lممكن نعرف أخطر 10 شركات بالسوق

علشان ما نجرب صوبهم

اعطيك اوصافها

عدم وجود نشاط واضح
زيادة رساميلها بشكل كبير
ليس لديها اداء وانجاز تاريخى
تعدد وكثره مناصب القياديين فيها
كثرة التصاريح فى الصحافه وتضليل المساهمين
اعلان عقود وصفقات اغلبها غير حقيقى
قلة خبرات القائمين عليها والشبهات تحوم حولهم
انفاق دعائى واعلامى مبالغ فيه
تذبذب نتائجها بشكل حاد
ضعف وانعدام معيار الجوده فى الارباح

 

[مليون دينار]

اعطيك اوصافها

عدم وجود نشاط واضح
زيادة رساميلها بشكل كبير
ليس لديها اداء وانجاز تاريخى
تعدد وكثره مناصب القياديين فيها
كثرة التصاريح فى الصحافه وتضليل المساهمين
اعلان عقود وصفقات اغلبها غير حقيقى
قلة خبرات القائمين عليها والشبهات تحوم حولهم
انفاق دعائى واعلامى مبالغ فيه
تذبذب نتائجها بشكل حاد
ضعف وانعدام معيار الجوده فى الارباح

عطني بالأسماء وليس بالمواصفات ما عليك أمر

الدار

والدولية للاجارة

والشبكة

وجلوبل

وغلف

والمعدات



باقي 4 شركات

 

[shark_1]

عطني بالأسماء وليس بالمواصفات ما عليك أمر

الدار

والدولية للاجارة

والشبكة

وجلوبل

وغلف

والمعدات



باقي 4 شركات

اخوى شيل الدار وجلوبل
ماأعتقد معرضين للافلاس صحيح متعثرين بس اصولهم قويه
اما الباقى صحيح توقع افلاسهم باى لحظه

 

[بوسعود97]

ياخوى ا\ى المعدات عليها افلاس رحنا فيها
الله يستر

 

[ابوشروق]

السلام عليكم ورحمه الله وبركاته
اخوى شوفلنا صافتك معاهم واللى لا
شاكر تعاونك معانا

 

[ziad922]

الى يقول في افلاس هاذا ما يعرف اى شي عبالكم الافلاس شي سهل تعلم القانون وتكلم عن الافلاس وراح اتعرف شنو الافلاس:d