اراضي في الطائف , ارائكم :)

[حسن بوأحمد]

بسم الله الرحمن الرحيم



مبارك عليكم الشهررر وتقبل الله طاعتكم

بخصوص الارضي في الطائف ؟ عندي جم فلس ونصحني البعض اشتري ارض في الطائف وابنيها وان مافيها خسارة واسعارها غير مبالغ فيها .

شرايكم ؟ كــ استثمار ؟ وبجم تقريبا الاراضي في الطائف؟؟

 

[صدفه ...!]

ياحسن يابو احمد
مبارك عليك الشهر اولا
واقولك تبي الصج والله اللي قالك ان رايه سديد
وكاني اللحين انا بالطايف صارلي اكثر من 20 يوم كل ماجيت برد الديره مددت
والسبب الجو والامطار والخير
والله مو ناقصني الا التملك اهني بالعقار واخذلي ارض علي قولتك
وابنيها حتي لو دور واحد بس حق المصياف ومو خساره والله
واذا تبي تبني وتستثمر انا اول من يأجر عندك
وبالتوفيق يابا أحمد ( :

 

[snouman]

يا ريت تشوف لي معاك يالغالي

وعلى كم اسعار الاراضي هناك

 

[حسن بوأحمد]

ياحسن يابو احمد
مبارك عليك الشهر اولا
واقولك تبي الصج والله اللي قالك ان رايه سديد
وكاني اللحين انا بالطايف صارلي اكثر من 20 يوم كل ماجيت برد الديره مددت
والسبب الجو والامطار والخير
والله مو ناقصني الا التملك اهني بالعقار واخذلي ارض علي قولتك
وابنيها حتي لو دور واحد بس حق المصياف ومو خساره والله
واذا تبي تبني وتستثمر انا اول من يأجر عندك
وبالتوفيق يابا أحمد ( :

يتبارك علينا وعليك عشت

هذا الراي السديد لكن ابي اعرف عن اسعار الاراضي هناك ومواقعها , واذا في بيوت جاهزة على كم ينباعون ياليت لو تفيدنا طال عمرك

يا ريت تشوف لي معاك يالغالي

وعلى كم اسعار الاراضي هناك

هلا بالغالي ,, ان شاء الله يفيدونا الشباب

 

[فنان999]

اذا تبي تقعد سبوعين او شهر بالسنه ما انصحك لأنك راح تمل وترجع ديرتك
انصحك تاخذ بديرتك احسن واذا تبي تروح الطائف اجر
ودمتم

 

[حسن بوأحمد]

هلا اخوي فنان

اي ان شاء الله للتأجير

 

[ابوعامر]

توكل ع الله ياغالي وخير ماسويت

الاسعار ع حسب المكان

يعني فيه الحويه وفيه الشفاء وفيه الطايف

 

[فنان999]

هلا اخوي فنان

اي ان شاء الله للتأجير

اذا تبي تبني عشان تأجر
راح يكلفك كأنك بالكويت
والإيجار تعبان هناك
والمستأجرين يعلونك هناك ويمكن يضيع حقك
ولذا استثمر بديرتك احسن لك
واذا تبي تصيف روح الطايف وأجر
ودمتم

 

[الحريه وطن]

روح بلاد بني سعد شرق الطايف رخاص ومناطق جبليه وبراد وهبة ريح والاراضي رخيصه
عند جبل كنداث وكلاح وسديره كمصيف حلو

مناطق العتبان حلوه وفله

 

[قطرات المطر]

روح بلاد بني سعد شرق الطايف رخاص ومناطق جبليه وبراد وهبة ريح والاراضي رخيصه
عند جبل كنداث وكلاح وسديره كمصيف حلو

مناطق العتبان حلوه وفله

اخوى يعنى جم تبدى أسعارهم ؟؟

 

[بور-صا]

السلام عليكم :

ياليت احد الاخوان يعطينا خبر عن الاسعار ؟

وشكرا

 

[خبير المؤشر]

بسم الله الرحمن الرحيم



مبارك عليكم الشهررر وتقبل الله طاعتكم

بخصوص الارضي في الطائف ؟ عندي جم فلس ونصحني البعض اشتري ارض في الطائف وابنيها وان مافيها خسارة واسعارها غير مبالغ فيها .

شرايكم ؟ كــ استثمار ؟ وبجم تقريبا الاراضي في الطائف؟؟

اخوي انا انصحك تاخذلك مزرعه بالقصيم عشر الاف متر وتزرعهه نخل وتحطلك فيها مبنا على قدك والقصيم تبعد عن الكويت بحدود 600كيلو والحكومه السعوديه اقرت انشاء خط سريع من القصيم الى مكه بس بقى التنفيذ واذا خلص الطريق راح تكون القصيم سنتر خاصه لاهل الكويت من الكويت للقصيم 600كيلو ومن القصيم الى مكه 700 كيلو راح يكون الطريق سريع والاقرب لاهل الكويت 1300 كيلو
وراح يقتل طريق ظلم الى هو من الكويت الى مكه 1450كيلو ويضيق الخلق
وهم راح يقتل طريق الرياض الي هو من الكويت الى مكه 1600كيلو
وازيدك من الشعر بيت اذا خلص الطريق الجديد الي من القصيم ماراح تمر على (السيل الكبير)الي تحرم منه للعمره او الحج راح تمر من ميقات (ذات عرق) وهو شمال مكه ويبعد عنها 90 كيلو تقريبا
وجهه نطري الطايف مستقبلها بعد الطريق الجديد بالنسبه لاهل الكويت مو شي
على العموم الله يوفقك والي زكرته لك وجهة نظري ويمكن اكون مخطأ

 

[.:. عطر .:.]

و الله خوش راي عسى الله يوفقك و بشرنا عن الاسعار .. اتوقع القرى ارخص و احلى جو .


اما اللي يقول بديرتك و مدري شنو نقوله الواحد لقى بديرته و قال لا ؟ هذا انت شايف الاسعار لا يقعد تحجى عالفاضي .

 

[فنان999]

و الله خوش راي عسى الله يوفقك و بشرنا عن الاسعار .. اتوقع القرى ارخص و احلى جو .


اما اللي يقول بديرتك و مدري شنو نقوله الواحد لقى بديرته و قال لا ؟ هذا انت شايف الاسعار لا يقعد تحجى عالفاضي .

ليش يبا حجي علي الفاضي
يا اخي تبي تناقش ناقش بأسلوب احسن من جذي
تبي تشتري بالطايف روح الله بسهل عليك
احنا نتكلم من تجربه مو من فراغ بارك الله فيك
واذا تبي تفاصيل مستعدين
ودمتم

 

[الهطلاني]

اولا السلام عليكم انا بنفسي رحت حق مكتب عقاري في الطائف والحمدالله عرفت جميع المعلومات الاراضي الزينه الحلوه بتحصلهااااا 400 الف لانه موقعها حلووووو في قريبه من حي شهار وطريق الشفااااا يمكن تحصل اراضي رخيصه لكن علي راس ظلع وموقعاها تعيس والاراضي الرخيصه تبدا من 100 الف الي 200 في حي الوسام وفي بيوت في الحيويه رخيصه ممكن تحصلهاا 400 الف ريال وانا انصح ان تشتري في طريق الشفااااا اخر الطائف قريب من حي شهار لانهااااا جنك شاري ارض في اشبيله لانهااااا اراضي مرغوبه عند اهل الطائف وفي موقع علي النت جداا ممتاز اسمه عقار ستي كل شئ فيه انصح تشترك وتشوف الاراضي نصيحيه قبل شراء الارض اهم شئ تشتري تبيع ما اقول الا الله يوفقك في مشترااااااك يا الغالي

 

[قطرات المطر]

حتى الان كل الى شفناه نقاش ما شفنا الاسعار ؟؟ جم الاسعار لو تكرمتوا سواء بالطائف او القصيم ؟؟ واخ فنان لا تزعل من الردود من حر مافينا الاسعار بالكويت ناااااااااار ومع انه الواحد وده يستثمر بديرته ووسط اهله وقوانينه ديرته الطيبه بس شوفه عينك الاسعار مولعه وعسى الله يرزقك كل واحد الى بباله ويبارك الله فيه ان شاءاالله ودمتم

 

[الهطلاني]

شوف ردي وتعرف يا الغالي

 

[قطرات المطر]

الهطلانى جزاك الله خير وموفق على المعلومات الطيبه عن الاسعار

 

[الهطلاني]

اخي قطرات المطر روح قوقل واكتب عقار ستي ودش مراح تندم راح تلاقي كل شئ

 

[قطرات المطر]

جزاك الله خير على النصيحه الله يكثر من أمثالك اخوى .