شفيه ولد الكويتية !!!

الموضوع في 'الوظائف والأعمال التجاريه' بواسطة وقاص, بتاريخ ‏25 أغسطس 2009.

حالة الموضوع:
مغلق
  1. وقاص

    وقاص عضو جديد

    التسجيل:
    ‏29 يوليو 2009
    المشاركات:
    120
    عدد الإعجابات:
    0
    السلام عليكم ورحمه الله وبركاته

    موضوع يحوس بجبدي قلت اطلعه وين ؟

    ماكو الا انتم صدركم يوسعني ويوسع قرقتي إن شاء الله

    شفيه ولد الكويتية !!!!

    يعني يا جماعه اروح وزارات القى بنقالي ولا هندي على سيارة مالت حكومة

    ومعاشه تقريبا 300 ومو مسلم تلقاه بوذي ولا يعبد واحد من اخوانه

    وولد الكويتية يبيع رقي وتمر بالشارع لما تاكله الشمس ويطيح شعر راسه

    وهو توه 25 سنة !!!!!


    بالله هذا منطق !!!

    بنقالي سيارة حكومية ووظيفته يوصل ممرضه معينه للدوام والبيت وراتبه قوي ربي يرزقه مانحسد احد

    وولد الكويتية يكد على وانيت واخر النهار صايبه دسك وراد بيتهم 3 دنانير بطلعت الروح ومخالفات كود كثر شعر راسه

    والله يا جماعه انا اعرف ناس 9 افراد عايشين بغرفه 4×3 وصالة صغيره !!!

    بناتهم وشبابهم مع بعض

    والله حتى شرعا ما يجوز لازم نفرق البنت عن الولد عند البلوغ

    بس بالله من وين يدفعون

    مو لازم وظايف محترمه

    واحد اعرفه ملتزم بالدين والله انا شخصيا اتعلم منه دايما واحب اسمع له كل جديد بخصوص اراءه دينيا

    انسان ورده محترم خلوق ابو عيال وشباب صغير

    وخريج من هني دولة الكويت وابوه عسكري وامه كويتية

    الله لا يغير عليهم هم بنعمه

    ولكن خريج والثاني متخرج

    واخرتها فرع جمعيه محاسب وغيره شباب يصفطون قواطي

    مو عيب الشغل ولا حرام بالعكس احترام

    ولكن راتب 120 مدري 150 !!!!



    يعني لو واحد منهم لعب الشيطان براسه ونسى ربه واهمل دينه

    واتبع الشيطان !!!!

    هو المخطئ بس ؟؟

    ولا منو يتحمل الخطأ ؟


    زبدة الكلام ............


    شفيه ولد الكويتية

    شغلوه استفيدوا منه لاتقولون بدون او من جنسية عربية !!!!

    وتظلمونه لان امه اختارت الحلال وتزوجت مو كويتي

    يا بني ادم يا من القرار بايدك ارجع لربك وتذكر انك ملاقيه

    وستحاسب على ابسط الامور

    تحياتي واسف عالاطاله بس خلاص الي بجبدي قطيته بالموضوع
     
  2. Number-1

    Number-1 عضو جديد

    التسجيل:
    ‏16 يونيو 2009
    المشاركات:
    94
    عدد الإعجابات:
    0
    الله يرزقهم انشاء الله

    والحل قادم بإذن الله لا محاله

    وشكرا للموضوع
     
  3. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    اخونه العزيز وقاص التعليق على هل موضوع راح يسبب حساسيه وكل صاحب تعليق بناخذ على خاطرنه بتعليقه سواء كان مؤيد لحقوق ابناء الكويتيات أو معارض لحقوق ابناء الكويتيات فالافضل التعليق السطحي دون الطعن فيهم و دون المغالاه في حقوقهم .

    من ناحيتي اكتب هل اسطر القليله
    (اكبر ظلم ان الكويتيه تتزوج من غير كويتي وحقوق الابناء الي راح تنسلب برقبتها لان من اول يوم بزواجها عارفه راح تضيع حقوق جيل كامل (ابناءها) احنه مانتكلم عن افضلكم عند الله اتقاكم هذا الكلام على العين والراس لكن في شي اسمه اصول وقوانين وذكرتني بمقوله الكاتب فؤاد الهاشم يوم قال بالحرف الواحد )
    (الكويتيه تبي تتزوج غير كويتي مبروك عليها واحنه اول ناس نرقص بعرسها لكن لاتي بعدين وتطالب بتغيير قوانين وشريعه الدوله بأكلمها وتحمل الدوله تبعات هذا الزواج )

    ومثالك للبنقالي وراتبه كلامك كله صحيح ومصدقينك لكن هذا مو معيار لقياس عداله الموضوع ولمثال اكثر انا كويتي واخوي كويتي اهو راتبه 2000 دينار وانا راتبي 600 هل يحق لي اقول الدوله غير عادله لان راتبه اكثر من راتبي ؟؟
     
  4. بوفاطمة

    بوفاطمة عضو جديد

    التسجيل:
    ‏27 سبتمبر 2008
    المشاركات:
    7
    عدد الإعجابات:
    0
    الله يكون بالعون، وعسى الله يعجل لهم بفرج من عنده قريب.. إنه قريب مجيب.

    والله يا خوي انا ما شفت متخلفين (رجعيين) مثل المتخلفين اللي يوظفون الوافد ويخلون البدون! خاصة بالوظايف اللي ما تحتاج متخصص

    (عاد الله والوافدين وتخصصاتهم!)

    ولو تشوف الايات بكتاب الله، وتقديم رب العالمين ذوي القربى على اليتامى والمساكين وابن السبيل والسائلين جان عرفت بأن الناس

    لو تهتم بالقريب قبل البعيد جان ما صار فيه يتامى بهذه الحاجة الماسة ولا مساكين بهذا الحجم ولا من يمن يده للناس بكل ديار الاسلام!

    لكن هو ابتلاء من الله لنا.. على ما أنعم به علينا من إسلام وعقل ورخاء و أمن.. (لا نحصي نعمه!)

    جزاك الله خير على ايصالك هالرسالة الطيبة الانسانية (والمنطقية)..

    ولا يضيق خلقك، وسع صدرك بذكر من تطمئن به القلوب.
     
  5. وقاص

    وقاص عضو جديد

    التسجيل:
    ‏29 يوليو 2009
    المشاركات:
    120
    عدد الإعجابات:
    0

    تسلم اخوي على الرد وكلامك حلو وعلى راسي من فوق هو وصاحبه الي اكتبه

    اعلق على نقاط بعد اذنك

    راتب اخوي ربي يحفظه اضعاف راتبك ولكن لاتزعل مني على الاقل انت بوظيفه محترمه وراتبك ان ما كفاك اخر الشهر لكن على الاقل يكفيك شر الحاجه

    اما عن فؤاد الهاشم

    فالحب من الله والكره من الله ولا استطيع القول اكثر من اني لا احبه ولا احب عقليته وتفكيره والحمدالله انه مو صاحب الأمر ومجرد كاتب ولا ضعنا بخرايطها ... ربي يحفظ كبارنا ويخليهم لنا سند وعون

    وحده تزوجت واحد قبل 40 سنة لا تقول لي يا اخوي وقتها كان في تفكير بالجنسية

    وبعدين اسألك بالله وانا متابع كتاباتك واعرف انك ما تجامل ابد

    بنيتك ربي يحفظها لك

    لو طق الباب انسان ملتزم دينيا وانسان تثق فيه وطلب بنتك للزواج شنو ردك ؟؟ لو ماكان كويتي ؟؟

    هل بترفض وتقابل ربك وتقول له اي انا خالفت شرعك ورفضته ما عنده جنسية وتناسيت دينه وانضباطه ؟


    اسمحلي اخوي العزيز اول مرة اخالفك بأمر

    الدين يحكم ويسير القوانين ويكون مرجع اساسي لها وبلا دين لا وجود لقانون

    اي نعم الافضل الاقرب للرب جل و على

    الحين منو قال عن المساواة مو هم طرحوها ونفذوها

    وين المساواة ؟؟ ماكو

    سؤال والله يحيرني وسؤال عام

    اخوك بدون وانت كويتي

    وولد اخوك يبي بنتك ؟

    تقوله لا انت مو احق فيها لانك بدون !

    عموما اسف طولت عليك

    بس ما تمالكت نفسي يوم شفت ردك لاني متابع واحب اشوف اخر مواضيعك فشلون لو كنت راد بمووضوعي
     
  6. وقاص

    وقاص عضو جديد

    التسجيل:
    ‏29 يوليو 2009
    المشاركات:
    120
    عدد الإعجابات:
    0


    بوسه على هالراس الطيبة

    يا اخي والله قريت كلماتك اكثر من 10 مرات

    ربي يحفظك ويحفظ لك من تحب
     
  7. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    اخوي العزيز وقاص والله لو ماكنت عزيز جان ماعلقت بموضوعك
    ويعجبني اسلوب انتقادك لبعض النقاط الي ذكرتها لي .
    اخي العزيز وقاص فعلا ان ياك انسان تحترم دينه وترضى بأخلاقه وتكرم مثواه تزوجه بنتك لكن دعني ادخل شويه بصلب الموضوع عزيزي وقاص مثل ما انا لي حقوق الابوه برقبه بنتي فأيضا بنتي لها حقوق برقبتي بأني اقدم لها عيشه كريمه واضمن حقوقها وحقوق احفادي من بنتي ومع احترامي لكل الاشخاص غير الكويتيين سبب رفضي له مايكون مبني على انه غير كويتي بل تقيمي بيكون مبني على قابليه هل شخص لتوفير حياه كريمه لبنتي أو لاء
    وبخصوص النقطه الي ذكرتها ان قبل 40 سنه ماكان في تفكير بالجنسيه اقولك كلامك نوعا ما صحيح
    اما الصحيح منه ان ماكان في وعي بخصوص السعي وراء الجنسيه .
    اما لخطأ منه ان هذا فيه نوع من الاستهتار بأن الواحد بخس في حقوق اجياله وذريته القادمه بأن كان يستكبر ويقول (انا كويتي وماني بحاجه احصل على اوراق تثبت اني كويتي) مقوله هل جمله منو المفروض يتحمله الابناء الي الحين ؟؟ ولا صاحب المقوله الي قالها قبل 40 سنه ؟؟

    ومن ناحيه انا كويتي وابن اخوي بدون وطلب ايد بنتي هل راح ارفضه ولالا
    الاجابه اهي انا اتشرف ان بنتي تتزوج كويتي أو بدون أو غير كويتي أو أيا كان بس بشرط اضمن حقوقها وحقوق ابناءها
    بس انت فهمتني اني خذيت قاعده دام الرجل غير كويتي فأهو لا يستحق بنتي
    وبالاخر يا وقاص العزيز اقولك ترا العمليه كله مبنيه على خليط لا يمكن تجزئته نهائيا ( الشرع القانون العرف) لذلك ماتقدر تنتصر بهل موضوع أو تاخذ منه حق ولا باطل من ناحيه واحده بل من جميع النواحي الي ذكرتها (الشرع القانون العرف)
    وشكرا جزيلا لك
     
  8. Hamilton

    Hamilton عضو نشط

    التسجيل:
    ‏23 مارس 2009
    المشاركات:
    355
    عدد الإعجابات:
    0
    الله يعجّل بفرجهم كلهم قريبا سواء ولد الكويتيه او اخواننا البدون
    اذا تسمحون لي بهالمداخله فراح اهلّ عليكم ما يجول بخاطري لو بيدي الأمر.....
    اوظف جميع البدون واحاول اقلل من عدد الوافدين قدر الامكان .... البدون اوظفهم في الاماكن الغير متصله بالامن القومي
    واوظف الكويتيين واحط مميزات لهم في الجيش والشرطه
    واحط قانون بدون استثناء لانه ما ضيعنا الا الاستثناء
    يقولك مثلا .... عقوبه الاشاره الحمراء كذا وكذا ما عدا ما استثني (يعني جنه يقول ما عدا اللي عنده واسطه )
     
  9. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    انا اؤيد بشده توظيف البدون واعطاءهم الاولويه في التوظيف بدل الجنسيات الاسيويه والعربيه
    واي لفته كريمه من الحكومه ايضا يجب ان تشمل البدون قبل المقيمين
    لكن للأسف قضيه البدون لا زالت عالقه وفرحنه بخبر توظيف معلمين البدون في التربيه ما ادري هل قرار تم التنفيذ به ولا وضع في الادراج
     
  10. Hamilton

    Hamilton عضو نشط

    التسجيل:
    ‏23 مارس 2009
    المشاركات:
    355
    عدد الإعجابات:
    0
    اخوي جنرال للأسف وضع الادراج .... اجل حاطين وزيره وتبي امورنا تفلح ؟؟؟
     
  11. LoVer26

    LoVer26 عضو جديد

    التسجيل:
    ‏2 ابريل 2009
    المشاركات:
    21
    عدد الإعجابات:
    0
    الظلم ظلمات يوم القيامه
     
  12. hguadv

    hguadv عضو نشط

    التسجيل:
    ‏5 نوفمبر 2007
    المشاركات:
    619
    عدد الإعجابات:
    0
    عندك خبرة بالجمعيات
     
  13. وقاص

    وقاص عضو جديد

    التسجيل:
    ‏29 يوليو 2009
    المشاركات:
    120
    عدد الإعجابات:
    0
    اخوي فهمت الموضوع خطأ

    المووضوع للنقاش العام مو طلب وظيفه !!!!

    ذكرتني بموضوع شفته امس اعتقد

    واحد من الاخوان كاتب موضوع عن نزول تلفون معين بالسوق وقاعد يبشر الاخوان بنزوله

    ولا واحد ثاني داش وحاط رقمه لا وسايم بعد وحاط سعره !!!!!
     
  14. أبوفلان

    أبوفلان عضو نشط

    التسجيل:
    ‏27 يونيو 2008
    المشاركات:
    1,460
    عدد الإعجابات:
    0
    طال عمرك ، مره طلبت مطعم ، اللي رد علي بالتلفون مصري ،،

    واللي جاب الطلب مصري ،، والطلب وصل فيه خنفسانة ميته ،،

    اتصل على المطعم ، وطلبت المدير ،، المدير طلع مصري ،،

    الولد اكل من الوجبة ، وديته الطبيب علشان يغسلون معدته من القرف اللي أكلة ،،

    البواب بالمستشفى مصري ، واللي يعطيك الرقم مصري ، و اللي ياخذ التحليل مصري ، واللي يقز الابرة مصري ،، دشيت على الطبيب ولا الطبيب مصري ، عطاني تقرير بس التقرير كان عليه شعار دولة اسمها الكويت ،،

    رحت للمحكمة ولا البواب مصري ، واللي يسوي لك ملف مصري ، وكاتب العدل مصري ،،

    نطرت وكيل النيابة ، ولا يطلع مصري ، والقاضي مصري ،،

    ثاني يوم رحت الولد المدرسة ولا الحارس مصري ، والمدرس مصري ، والاخصائي الاجتماعي مصري ،،

    اممممم ،،

    عمركم شفتو في الدنيا ، قاضي فرنسي بالمحاكم الالمانية ؟! ولا قاضي مصري في المحاكم السعودية ، ولا قاضي ارجنتيني في الامارات ؟!

    على الاقل القضاء لازم يكون من اهل البلد ، علشان يكون فاهم الحالة الاجتماعية في البلد ،،

    لا لا الا الكويت ،، القاضي مصري هههه

    والمؤذن مصري ، والامام مصري ، والخطيب مصري ، والمدرس مصري و القاضي مصري ووكيل النيابة مصري ،،

    ماشاء الله على الكويت ، هذا ولا حتى استيطان مصري ، هذا صار استعمار ،،

    لا وبعد ، اللي يظيف المواليد بالوازارات مصري ، وعلى الوفيات مصري ، والمالية مصري ، والبعثات مصري ، و الاجازات مصري والشبكات مصري

    ايييييييييه بعد شنو ؟! الخباز ؟ لا لا الخباز افغاني العادة ، بس على ما يشيلونة ويحطون مصري بعد ،،
     
  15. وقاص

    وقاص عضو جديد

    التسجيل:
    ‏29 يوليو 2009
    المشاركات:
    120
    عدد الإعجابات:
    0

    والله إنك عسل يا بو فلان

    ربي يديم الفرحة بقلبك

    والله ضحكت من قلبي

    صج شر البلية

    والله ما انتبهت للأمر هذا الا الحين

    اشوفهم بس ما احسبهم

    تعرف اخوك يعرف يعد لي 98 الف بس وهم طاافوا مليون


    على الطاري اسمع هالسالفه

    عندي اخوي الاصغر مني رحمه الله عليه

    قبل لا يتوفى صارت له سالفه هو ماله دخل فيها

    وربي على الظالم الي قرر انه اقوى البشر وما يعتد

    بـ ربنا جل و على

    المهم اخوي رحمه الله عليه عليمي طيب

    تقوله ابي سلف يبيع سيارته وهو ما يعرفك ياما نصحته لكن طبعه

    ومن هالامر دش بالسالفه

    وين محامينا ما وصل ولا مال النيابة مصري

    حول اخوي المركزي يا جماعه طالب جامعي

    ومبين عندكم ماله خص

    ماكو عمك اصمخ

    وطبعا محامينا وصل بعد نهايه الدوام

    راح اخوي السجن المركزي

    اي الي مسوي السالفه وطاعن وهالبلاوي قال للنيابة

    يبا هذا ماله خص ما يهش ولا ينش دقيت عليه لاني مغرز بس

    عموما تبهدل الولد من المباحث طق 6 ايام للنيابة

    وتالي راح السجن المركزي

    قاضي التجديد مصري

    كل اسبوعين ننطر وتالي جميع القضايا تجديد حبس اسبوعين

    يبا طل بالملف والله الولد ماله خص

    ما يطل بس تجديد واستمر هذا الامر

    تجديد ورى تجديد شهور

    حسبي الله ونعم الوكيل

    واخرتها اشتكينا حق هذا النائب العام مدري المدعي العام والله ما اعرف اسمه

    وبطلعت الروح بطل الملف اخر مرة وشاف ان الولد لاناقه له ولا جمل

    بس يا فرحه ما تمت

    مات الولد وقلبه مكسور

    بعد طلعته بيوم واحد صلى ودعى من قلبه وكلنا نسمعه على الي ظلمه وبعدها بنص ساعه صافط وواقف مع الشرطة بين السيارتين سيارة مسرعه ولد صغير طاير عدمهم بين السيارات

    طلع والله متغير

    اقوله بو حسين خلنا نتوكل على الله

    يقول لي ان شاء الله طال عمرك

    اقوله انا اخوك شفيك تقول لي طال عمرك

    الله عز و جل يرضى ؟؟؟

    تتوقغ شكثر احب المصريين ؟؟
     
  16. Hamilton

    Hamilton عضو نشط

    التسجيل:
    ‏23 مارس 2009
    المشاركات:
    355
    عدد الإعجابات:
    0
    هههههههههههههههه بوفلان أضحك الله سنّك
    يا خوفي يكون .................... مصري بعد :)
     
  17. بوعلي الشمري

    بوعلي الشمري عضو جديد

    التسجيل:
    ‏5 يونيو 2009
    المشاركات:
    380
    عدد الإعجابات:
    0
    مكان الإقامة:
    جنه الله اللى بالارض كويت العز
    السلام عليكم

    اخوى لاتضايق كلها دنيا فانية شوف اهل المقابر كلهم متساوين الحجى بالعمل الصالح مو بجنسية ولاوظيفة شيوخ قبايل يهزون الطوابير صاروا بدون لاكن الله يكفينا شرهاهذى الدنيا لادارت لاكن الانسان ماييأس من رحمة ربة (نبلوكم بالشر والخير فتنة أتصبرون ) وانت كم واحد من اخواناالبدون تعرفة صار فلوس بدال البيت يملك عمارة وبدال السيارة سيارات اهم شي كدوأعمل والتدبير من الله اناكويتى واغلبية الكويتين متوسطى الدخل والله لو يتاخر المعاش شهر اوشهرين ندج وعسى الله يسهل لكل مسلم ودمتم وأسف عالاطالة:)
     
  18. .:. عطر .:.

    .:. عطر .:. عضو جديد

    التسجيل:
    ‏1 مارس 2009
    المشاركات:
    317
    عدد الإعجابات:
    0
    مكان الإقامة:
    الـنـ الـعـ الكويت ـالي ـجـم
    الله يرحم اخوك و كل عزيز و عسى ربي ينتقم من القاضي المصري
    و الله افتكينا منهم يوم الحكومة سوت تكويت بالمدارس و فجأة افتحوا لهم مرة ثانية
    مشكلة الكويت ترضي الدول الثانية بأي طريقة .....

    بالنسبة لولد الكويتية حل مشكلته سهل بس ما يبونها تنحل عشان ما يفكر البدون ان مشكلتهم ممكن تنحل ..... والله مادري منو اللي خط مميزات و تفريقات

    عالاقل يساوون ولد الكويتية بزوجة الكويتي تجي من ديرتها مصرية او مغربية او سورية او خليجية الخ لا امها كويتية ولا ابوها كويتي ولا لها عرج بالكويت و بعد خمس سنوات تاخذ جنسية و تصير كويتية و نصهم يطلقون من الكويتي عقب الجنسية ... تشوفهم تخصص ماشاء الله تجي وحدة تجيب باجي خواتها وراها و تطلع محلات حق خوانها ووو .

    القوانين مسيرها رح تتغير و احنا بديرة تنام على قانون تصحى على عكسه

    اهم شي انت و غيرك لا توقفون تنطرون وظيفة حكومية ... ادري ان السوق فيه ناس عيونها ضيجة ما تعز نفسها عن لقمة الفقير ... بس انت بروحك قارنت وضعكم بالبنغالي و المصري شوف اشلون الواحد منهم يجي حافي منتف و يرد ديرته باني عمارات و شقق تمليك و مزارع .

    موضوعك ضمن قضايا التحدي للعضوات في مجلس الامة .

    سامحونا عالاطالة .. و بالتوفيق .
     
  19. Hamilton

    Hamilton عضو نشط

    التسجيل:
    ‏23 مارس 2009
    المشاركات:
    355
    عدد الإعجابات:
    0
    كلامك صحيح بوعلي الشمري ... قول لو يتاخر 3 شهور ننسجن بسبة الاقساط
    خلوها على الله واتمنى تنحل مشكلة البدون اليوم قبل بكره ويتوظفون ونقلل من هالوافدين اللي دمروا البلد
    البدون اكثرهم منا وفينا وما عرفنا اساسا شنو يعني بدون الا بعد الغزو العراقي
     
  20. بث مباشر

    بث مباشر عضو نشط

    التسجيل:
    ‏14 مارس 2009
    المشاركات:
    556
    عدد الإعجابات:
    0
    ألي يبوق 1000 دينار ينسجن وألي يبوق مليون يخلونه
    الله كريم
     
حالة الموضوع:
مغلق