شرايكم بالديماكس؟

[Abdulla990]

السلام عليكم
شفت ايسوزو ديماكس و اعجبني و شكلي بشتريه ما ادري شرايكم؟
خصوصا انه الوانيت الوحيد اللي لقيت فيه كل اللي ابي مثل الدفع الرباعي و الحجم المتوسط و القير التماتيك اضافة للشكل الحلو

علما انه ديزل مو بنزين
بس خايف من مكينة الديزل لأني ما عمري جربت سيارات الديزل
اتوكل على الله و اشتريه او اصرف نظر عنه؟

 

[abdullah6868]

السيارة الاولى في اسيا -- اموت عليها -- بس اشتر مستعمل --- لان ماله سوق بالكويت -- اذا شريت وكالة بعدين بيعته صعبة-- موتر متانه -- الله يوفقك

 

[Abdulla990]

الله يجزاك خير
كلامك مشجع و انا فعلا مقتنع فيها بس خايف من مكينة الديزل لأني مو مجرب الديزل من قبل
ما ادري اذا كان لمحركات الديزل سلبيات او ما يفرق عن البنزين؟؟

 

[الدهليز]

اخوي اذا تبي تشتري اشتر بنزين ديزل لايحوووووووشك لاتفكر تشتري ديزل موووووليه
البنزين احسن بالقوه والعزم اسالي بعدين الديزل اي عطال بسيط اتقوووم اددددددخن حيل حيل اتقول شاحنه دير بالك تاخذ ديزل .... الله يوفقك

 

[بوعلي الشمري]

صباح الخير

اخوى اول يقولون اشتر النصيحة بجمل .... والانسان شراى بياع غير تويوتا ونيسان انحش عالاقل هالسيارتين يروحون عالطلب بس هذا لو تحط فوقة فلوس ماراح من جبدك فكر مادام انت بسعة لاتستعجل

 

[Abdulla990]

اخوي اذا تبي تشتري اشتر بنزين ديزل لايحوووووووشك لاتفكر تشتري ديزل موووووليه
البنزين احسن بالقوه والعزم اسالي بعدين الديزل اي عطال بسيط اتقوووم اددددددخن حيل حيل اتقول شاحنه دير بالك تاخذ ديزل .... الله يوفقك

انا هذا اللي مخوفني من السيارة
لو انها بنزين ما ترددت في الشراء بس الديزل ما جربته و خايف من مشاكله
لكن بالنسبة للعزم الديماكس مكينته تيربو ديزل و عزمه مقارب لمكينة البنزين
الله يجزاك خير اخوي الدهليز و مشكور

اخوى اول يقولون اشتر النصيحة بجمل .... والانسان شراى بياع غير تويوتا ونيسان انحش عالاقل هالسيارتين يروحون عالطلب بس هذا لو تحط فوقة فلوس ماراح من جبدك فكر مادام انت بسعة لاتستعجل

التويوتا ممتازة يا بوعلي و النيسان بعد زينة بس ما لقينا تماتيك مع دفع رباعي عندهم
و كلامك صحيح الديماكس ماله سوق عندنا يمكن لأن سعر الديزل مقارب لسعر البنزين عندنا و هذا اللي طيح سوقه لكنه مرغوب في السعودية لأن الديزل هناك رخيص
مشكور يا بو علي على النصيحة و جزاك الله خير

 

[alkhamis]

من اقوى مكاين في العالم ال d_max
مامنها خوف كلش وعلى فكرة افضل من التيوتا والنيسان
ولو بدور بالسوق مستعمل ماراح تلاقي الاغلبيه اللي عندهم مايرضون ابيعون عكس التيوتا والنيسان اشكثرهم بالسوق
السيارة قوية ماعليها كلام
بس صج سعرها بالوكاله وايد لو تلقه مستعمل نظيف توكل على الله شوف من موديل 2004 وفوق
النيسان والتيوتا حدة بالخط 140ك ويشرب بانزين بالنسبه للدبل
اما الوحش 180 ك وانت مرتاح​

 

[Nagooshy]

اخوي ما فكرت اذا خلص عليك الديزل وين راح اتحصله

قليل بمحطاتنا

 

[alkhamis]

عموم المحطات على الخط السريع فيهم
واللي في المناطق بعضهم

 

[فودري]

اخوي انا كان عندي واحد لوووووووووووووووووووول والله كنت لاعن خيره الخير ماكو مكان مارحت له فيه مكيف ثلج وداق خشمه دق انا واخواني وابوي ... توكل على الله واخذه