سؤال بخصوص هايدروليك الحوت

[sub_zero]

السلام عليكم ,,

شباب منو عنده فكره عن العيب او الخلل بهايدروليك مرسيدس الحوت من

موديل 99 ونت صاعد

وليش كله يطيح شنو من سوء استعمال ولا فيه خلل لينه باخذ واحد ومتردد



ولا هنتو يالربع​

 

[الخليج222]

وعليكم السلام

المشكلة في سوء الإستخدام للسيارة يعني لما إطق المطبة على سرعة والحفر الكبيرة إلي بشوارعنا مومقصرة بعد تلعب بالسيارة لعب ولما تصفط السيارة أكثر من يوم وتكون صافطها بمكان أرضيته مومتساويه يعني تكون مايله السياره كل هالأمور لها تأثير كبير على الهيدروليك وأهم وأهم وأهم شي المطبات إلي على سرعة هذي المصيبة الكبيرة إلي تشق الهيدروليك علطوووول والله يعينك على سعره الجديد بحدود ال 200 بالمحلات وبالوكالة 290 والمستعمل يتراوح سعره بين ال75 و ال100 دينار وبدوووون كفالة

وإسمحلي أخوي عالإطالة وموفق ..

 

[فهدQ8]

موفق

 

[GTO]

السلام عليكم
اخوي انا سمعت انه في مشكله بالحوت 99 لانه اول موديل من هذى الشكل ويكون فيه عيوب
بس صلحو هذى العيب بالموديلات 2001 وفوق
وكل عام وانت بخير

 

[DollaR777]

مرحبا اخوي انا عندي حوت 99 والله كل سنه اركب هيدرولك ومرات مرتين بالسنه
اخذهم ب60 دينار و70 لازم تهتم بالسياره يعني كل يوم تستعملها واذا كنت مسافر
خل احد بالبيت يدقها سلف كل يوم شوي ويطفيها يعني الله يعينك الهايدرولك يتعب

 

[الدكتور80]

عزيزي انا عندي حوت موديل 2000 كنت اشتكي من الهيدروليك وتبي الجد فوق القسط صار عرف عندي هيدروليك كل شهرين ) لكن من فضل الله من قطيتهم وركبت معاونيات عاديه وصار الحين لا يعلا عليه ونصيحه لك قطهم وريح مخك واشتر راحت تخسر مره ولا كل مره قبل كانوا ما يضبطونها لاكن الحين 100%

 

[فهد9]

نفس مشكله اخوى
وته باع السياره واللى شراء السياره عنده مكتب
وتكلم عن المشكله قال
انزلهم واحط معاونيات عاديه وتخلص من المشكله
طبعا عرف بعد ما بدل فوق السبع مرات
بالتوفيق

 

[ابوفيصل2008]

انا عندي حوت ومشكلة الهودروليك على جميع موديلات الحوت ولكن تم تعديل الهودروليك من موديل 2001 ومافوق ولكن لم يضبطونه 100% ولايزال يخرب
يعني الواحد يحط ايده على قلبك متى يخرب الهودروليك تصفط بالليل وتقوم الصبح تلقى موترك طايح ... وخاصتن اذا سافرت بالحوت يعني تمشي بالشارع وحاط ايدك على قبلك
ومثل ماتفضلوا اخواني الاعضاء إلغي الهودروليك وحط معاونيات عاديه واشتري راحتك

 

[560SEL]

طيب شباب انا ناوي على الحوت بس خايف من المشكله وابي اعرف طريقة تبديل الهيدروليك بمعاونيات وكم تكلف الاربعه ووين احصلها ووين الكراج اللي يعرف يظبطهم صح بدون مشاكل
لأني سمعت واحد يرهمهم بس مع المطبات تطلع اصوات وقرقعه وابي معلومات من اللي ركبوهم وكيف الراحه والرساوه تصير اقل من اول مع الهيدروليك ولا كيف

 

[ابوفيصل2008]

بالنسبه للتبديل الهودروليك طبعا اهو نفس الهودروليك ولكن يشيل الحشوه إلي داخل ويحطلع سبرنقات مع معاون
كراج هيثم بالشويخ يسويها لك
او كراج سلوى بالفحيحيل يسويها لك
وبالنسبه للقرقعه والاصوات شئ لايذكر والراحه بصراحه مراح تحس بالفرق

 

[احمد البحر]

انا عندي حوت 2001 وغيرت الهيدروليك بمعاونيات عند كراج هثيم بالشويخ الي جدام ب 180 وخذيت الهيدروليك الي يشتغل والمره الثانيه بدلت الي وراء مع البدل بالهيدروليك 140
والحين الموتر 100 وهذا رقمي وانا حاضر 55559811

 

[sub_zero]

تسلمون والله كفيتو وفيتو ,,


يا مال العافيه ,,

 

[MILLENNIUM]

ما قصرتوا الله يعطيكم العافيه ,,,,, وبارك الله فيكم

 

[560SEL]

يعني نتوكل على الله وناخذ لنا حوت وبالنسبه لموديل 2000 و2001 فيها مشاكل غير الهيدروليك

 

[ابوفيصل2008]

اذا الموتر نظيف وخاطرك فيه اخذه وتوكل على الله

 

[مشاري بو ناصر]

أخذ لك bmw الفئة السابعه ... أريح ...

 

[hamed_zd]

والله ماقصرو الشباب
اعطونا فكرة مهمة ورئيسية لمشاكل الحوت

 

[Camaro]

انا كان عندي حوت 99 وصراحه شقني شق خرابات المفتاح اخترب وجوزة المفتاح اختربت وبدلتها مستعمله ب 300 وقفت الموتر اسبوعين جان يخترب الهيدروليك الامامي من الوقفه وبدلته المعاون الواحد ب 100 وتجاري والاصلي ايامها كان الواحد ب 200 وطبعا بدون كفاله ومره وديته التلميع الدولي جان يخترب سنسر الكرنك سعره 45 كل ما اخفف يطفي ولا يشتغل الا بعد ربع ساعه يعني صراحه ماتوفقت فيه وبعته بخسارة

 

[سواح العرب]

انا بصراحه ادور حوت 500 لارج بس مالقيت اللون اللي ابيه ابيض ومن داخل بيج .

 

[ابو عذاب]

السلام عليكم ,,

شباب منو عنده فكره عن العيب او الخلل بهايدروليك مرسيدس الحوت من

موديل 99 ونت صاعد

وليش كله يطيح شنو من سوء استعمال ولا فيه خلل لينه باخذ واحد ومتردد



ولا هنتو يالربع​

حبيب قلبي ما عليك من كلام الناس اللى تقول يخرب ويخرب السياره الحوت من احلا استعمال اكرفها كرف ما تقول اح ولا تخليها واقفه كثير ولا تحشمها تضبط معك

واهم شئ المطبات لا تضربها على سرعه