صدق او لا تصدق

الموضوع في 'اعلانات العقار' بواسطة major2007, بتاريخ ‏29 أغسطس 2009.

حالة الموضوع:
مغلق
  1. major2007

    major2007 عضو جديد

    التسجيل:
    ‏14 نوفمبر 2007
    المشاركات:
    44
    عدد الإعجابات:
    0
    السلام عليكم يا رواد المنتدي
    صدق او لا تصدق مو بس عنوان حطيته لكنه واقع عايشته. انا قاعد ادور لي بيت العمر من فتره وكل ما لقيت اعلان عن بيت وكلمت المكتب طبعا اللي يرد مو صاحب المكتب الكويتي وانما!!!! عاد اساله عن البيت وعن اوصافه والاسئله المعروفه من واحد يبي يشتري بيت...... طبعا السوال الاهم البيت مسيوم.... توقعوا الرد شنهو ( نعم مسيوم ) ركزوا علي كلمة مسيوم لان هذا هو عنوان الموضوع.... صدق او لا تصدق.... والله صاحب البيت يبي هالسعر فاحنا بنؤول للي يتصل ان البيت مسيوم ؟؟؟؟؟؟؟؟؟؟ لا وكله بكوم والجاي بكوم كلمت مكتب اخر وقال البيت مسيوم والراقل اللى سام البيت موجود ولو عاوز اتفضل المكتب اشرب شاي وممكن تطلب الراقل وتسمع منه.... طبعا سالته متعجب من السعر لانه كان مرتفع حيل عن اسعار المنطقه بحوالي 40الف قلت له يا اخي الشخص اللي سام البيت يعرف اسعار المنطقه لان سومته مرتفعه حيل!!!!! رد علي بشي مو صدق او لاتصدق وبس الا مصيبه؟؟؟؟؟ والله اللي سام البيت صاحب المكتب لان الي بيشتري ما كان يعرف الاسعار!!!!!!!؟؟؟؟؟
     
  2. KhaledBenz

    KhaledBenz عضو جديد

    التسجيل:
    ‏16 يونيو 2009
    المشاركات:
    153
    عدد الإعجابات:
    0
    هذا مو شي اخوي انت اذا رحت بتاجر شقه بيقولك الحارس ده عقدها انكتب واديني 50 دينار للوكيل وانا ازبطك والغي العقد ههههههه
    الله المستعان بس
     
  3. sulphuer

    sulphuer عضو نشط

    التسجيل:
    ‏28 أغسطس 2009
    المشاركات:
    190
    عدد الإعجابات:
    4
    الله المستعان , نفس حالتك , الصــــــبر زيـــــــــــــــــــــــــــــن
     
  4. mmm777

    mmm777 عضو جديد

    التسجيل:
    ‏24 يناير 2006
    المشاركات:
    95
    عدد الإعجابات:
    0
    اي والله انك صااااادق

    نصب واحتياال
     
  5. BMW750

    BMW750 عضو نشط

    التسجيل:
    ‏23 يناير 2009
    المشاركات:
    809
    عدد الإعجابات:
    2
    العجيبه ان في ناس يعرضون بيوتهم للبيع لما تتصل يقول مثلا البيت مسيوم ب250 الف
    مع العلم ان البيت مايسوي 150 الف
    ويقولك افرق السومه لو بالف وحلال عليك (لاقينا)
    المهم ارد عليه الله انسام بربع مليون ومابعت؟؟ مه هذي الازمه؟؟
    واقوله نصيحه بيعه علي طول ولا تضيع االفرصه لانك طايع علي واحد ياغني او غبي
    وهذي تكررة معي كثير
     
  6. الحريه وطن

    الحريه وطن عضو نشط

    التسجيل:
    ‏31 يوليو 2008
    المشاركات:
    2,022
    عدد الإعجابات:
    3
    شوف البياع يبيع عادي يعني يبي يبيع ويستلم حلاله
    لكن بعضهم وبياع وتعرف فراغ فشيسوي يعرض البيت بسعر خرافي يعني يفرق عن المنطقه يمكن 60 الف 70 الف يقول ان انباع زين وان ما انباع انا قاعد فيه مابي ابيعه

    واحد عندنا عارض بيت بالرقه من عام 1991 وكان القرض 54 الف اول التحرير وابو الشباب عارضه ب160 الف تصور وبنيان الرقه العادي وعارض معاه شفر فاكه من وكالته عام 1974 ولا الشفر انباع ولا البيت انباع للاسف وللحين عارضه ومصمل ب160 الف تصور 18 سنه عارض البيت والرجال فيه 80 سنه وعندي احساس بيموت وبيته ما انباع واهل الرقه يعرفون البيت لانه موقع ذباح علي الشارع العام وبطن وظهر بس مايسوي 160 الف
     
  7. BoDi

    BoDi عضو جديد

    التسجيل:
    ‏18 فبراير 2009
    المشاركات:
    123
    عدد الإعجابات:
    0

    ذكرتني ارض بالأندلس 750 متر يقول واصل 250 الف يقولي افرق السومة واخذها تركته وخليتة يحاجي نفسة بعد شهرين جيت على مكتب لقيت حادها الرجال 200 الف طبعاً بالصدفة والحين ابي انطر لما تصير 150 عاد هذاك الوقت باخذها اذا الله كتبلي فيها :d
     
  8. major2007

    major2007 عضو جديد

    التسجيل:
    ‏14 نوفمبر 2007
    المشاركات:
    44
    عدد الإعجابات:
    0
    مشكورين علي التواصل

    السلام عليكم يا رواد المنتدي
    مشكورين علي التواصل والصراحه خففتوا من معاناتي علي بالي بس انا اللي مرت علي سوالف هالمكاتب.لكن ما نقول اللا الشرهه علي ربعنا الكويتين اهل المكاتب اللي خلوا الدرعا ترعي وما قابلوا شغلهم ليمن انفقدت الثقه في المكاتب العقاريه اللي كانت في يوم من الايام ثقه وتتعامل بالثقه ( بس اظن هذا كان في عصر الرعيل الاول ) طبعا ما أعم فيه مكاتب يتعاملون بضمير وفيهم خير لكن قليل مقارنه باللي قاعد نشوفه لكن ما نقول الا حسبي الله ونعم الوكيل وربنا علي المفتري .
     
  9. q8-speed

    q8-speed عضو نشط

    التسجيل:
    ‏24 يناير 2009
    المشاركات:
    1,502
    عدد الإعجابات:
    0
    لازم تدخل الحكومة لازم لازم لازم
     
  10. المتفائلون

    المتفائلون عضو جديد

    التسجيل:
    ‏31 أكتوبر 2006
    المشاركات:
    2,046
    عدد الإعجابات:
    0
    للأسف اسعار مبالغ فيها حييل ... اللى يشوف اسعارنا يقول على ضفاف نهر فرنسا والخضره يمينك ويسارك مادرى انه اربع مية متر ولواهيب وغبار .. بصراحه انا من نظري حراام اشتري بيت بالاسعار الغير معقوله هذي .. اللى بثمنها ابني لي قصر كامل واحلى تصميم بحلى جوى .. لازم نعيد التفكير ..
     
  11. ابوفلجة

    ابوفلجة عضو جديد

    التسجيل:
    ‏7 مارس 2004
    المشاركات:
    407
    عدد الإعجابات:
    0
  12. zaid__77

    zaid__77 عضو نشط

    التسجيل:
    ‏18 يونيو 2009
    المشاركات:
    316
    عدد الإعجابات:
    0
    :confused:
    السلام عليكم :)

    عزيزي كل المؤشرات تفيد بأن سوق العقار السكني سيعاود النزول إلى ما كان علية بالسابق فصبراً قليلا وإنشاء الله ستنال ما تريد .

    سوق العقار من دشوا فية لعليمية والمصاروة ، صار الكذب واللف والدوران وبيع كلام مثل شربة الماء ، والله المستعان ، يجب علينا الحرص من هؤلاء والإمتناع عن الذهاب لهم ، ومن يريد شراء منزل ولا يملك الكاش يجب علية أن يصبر على الأقل سنتان هذا لسبب تأثير قانون 8 و 9 2008 على الشركات وإلزامهم ببيع عقاراتهم بالمهلة المحددة .

    ونتمنا لك التوفيق :) وأنصحك بقراءة هذا الموضوع
    http://www.indexsignal.com/vb/showpost.php?p=2339121&postcount=5
     
  13. KhaledBenz

    KhaledBenz عضو جديد

    التسجيل:
    ‏16 يونيو 2009
    المشاركات:
    153
    عدد الإعجابات:
    0
    انا ابي افهم وين اصحاب العماير عن حلالهم تلاقي الحارس ماخذله شقه او شقتين فارشهم وياجرهم مفروش بالليله او بالساعه واذا كان عنده شقه ما ياجرها الا لليدفع اكثر
     
  14. q8.1911

    q8.1911 عضو جديد

    التسجيل:
    ‏11 يوليو 2008
    المشاركات:
    558
    عدد الإعجابات:
    0
    السلام عليكم ورحمة الله وبركاته

    يا هلا وغلا ومرحبا بالجميع ، وتقبل الله منا ومنكم صالح الأعمال

    بما إني صاحب مكتب عقاري فأحب أدلي بدلوي بالموضوع ........ :)

    أولا بالنسبة للسومة الصحيحة هي السومة إلي تتثبت بدفتر الدلالة ، بدفتر السمسرة أو الدلالة إلي ممنوح من قبل وزارة التجارة في بدايته أوراق خاصة بالسوم على العقار وأي واحد يسوم يأخذ منه عربون ويسجل اسمه بالدفتر وتسجل سومته ومن يأتي بعده يزيد عليه يسجل اسمه نفس الطريقة وإذا مازاد على إلي زاد عليه يرجعله عربونه ويأخذ من المزايد الثاني وهكذا حتى ترسي البيعة على المزايد الأخير بعد موافقة البايع على السعر ...

    بالنسبة لإرتفاع الأسعار يشترك فيه في الغالب الطرفان جشع بعض الذين يعملون بالمكاتب ولا أقول ملاكها وطمع البايع إلا من رحم ربي ...

    وأيضا المشكلة في البيعات الوهمية ... يقولك إنباع بيت في المنطقة الفلانية بالسعر الفلاني وفي الغالب يكون هذا الأمر كذب والي يبي الصحيح يذهب للعدل ويعرف اسعار المنازل المباعة ويقارن عليها .. مع العلم بأن الأسعار تتفاوت بحسب موقع البيت ونظافته

    بعض المكاتب هداهم الله يديرها أناس لاصلة لهم بالعقار ، ولكنها اصبحت وللأسف مهنت من لامهنة له مع احترامي للشرفاء الذين يعملون بصدق وأمانه

    للأسف اصبح حراس العماير يدخلون معاك في لقمتك غصب عليك بسبب أن أصحاب العماير ( بعضهم ) مفوضينهم :eek: تصور .. ها عاجبك ولا أديها لمكتب غيرك :)

    والله بعض هالمصريين إلا من رحم ربي اذبحونا ذبح تلقاهم ماسكين مكتب اسم فقط حتى دفتر ادلاله ماعندهم شغالين على الإيجارات وعلى البيعات التي تتم من خلال المكاتب الأخرى .. يعني شركاك في النسب ...

    إلي يذبح ويقهر وكنسلنا كثير من البيعات الكبيرة والصغيره هي سالفة بعض المكاتب تجيبله شراي لعمارة عنده يقولك أنا معاي وكيل ولا مكتب وهو يكذب والله المستعان ... طيب سالفة المكتب يمكن نقوله معليش ونثبت اسماء المكاتب في دفتر الدلالة وتقسم النسبة عليها مع العلم بأنه يجيبله 20 مكتب ما عنده مشكلة إلا من رحم ربي .. نقول معليش هذي نهضمها .. بس المشكلة إذا قالك عندي وكيل المالك مشترط يدش بالعمولة :) هذي والله البلشة والبيعة ما تتم إلا عن طريقة يعني توافق غصب عليك .... أنا بسراحة ما أوافق وأتفل ابعينه عزكم الله وهذي اسبابها يتحملها المالك

    بما أنه محد يعرفني اهني بقولكم على شغلات تتعجبون منها

    مرة من المرات كان عندنا بيعة كبيرة قيمتها تقريبا مليون ومية ألف ، كلمني مكتب واتفقنا معاه ولنا عمولتها نتقاسمها وهي 11000 نعمة ياربي لك الحمد ولا أذكر كم كنا بس تقريبا 2 أو 3 مكاتب .. بس تفاجأت إنه الموظف إلي عندي يقول ترى افلان اتصل وقال وكيل المشتري ( هذا اذا قال للمشتري اشتر هالعقار بهالقيمة يشتريه ) احنا شرينا على مليون ومية بس بشرط ..... اسمعوا الشرط يا جماعة .. الشرط تكتب في العقد مليون ومية وخمسين ألف :) يعني زادوا خمسين ألف والله يا جماعة يعني غاش معزبه وزايد عليه خمسين ألف قلت حسبي الله عليكم والله ما اتم هالبيعة لو على رزقي ورزق اعيالي .. طبعا إلي ما يخاف الله ما عنده مشكلة يا خذ عمولته وبالطقاق .. المهم طردته .. وكلموني بعد كم يوم بأن الخمسين ألف ناخذ منها 20 ألف واهو 30 ألف يعني فوق عمولتنا ناخذ عشرين ألف قلت والله لو على قص ارقبتي ... قالوا لي نجيب هالبيعة من طريق ثاني يعني من مكاتب اخرى قلت ما تشوفون شر وتلقونها قدامكم

    أدري ادوشتكم بمشاكل المكاتب وبلاوي هالمصريين ودخلاء العقار .. ولكن يبقى أن أقول من خلال تجربتي بأن لاتزال هناك مكاتب شرفاء ومصريين يعملون بالعقار أيضا شرفاء ولا يهمهم إلا اللقمة الحلال وعليكم التحري والتثبت

    أدري وسعت الموضوع بس سامحوني كنت برد على نقطه معينه ولكن ايدي ما اقدرت تصبر

    أنا من فتره كبيره مو مركز على السكني شغلي في الغالب على الإستثماري والتجاري لكن إن جاني بيت من واحد من الربع ولا واحد تعنالي ما أرده ولكن ما أسعى وراهم لأن البيوت للأسف في الغالب مشاكلها واجد ، والبلا يتحمله بعض المكاتب العقارية وكثييييير من أصحاب السكن الطماعين

    بعضهم للأسف يكون مقتنع بسعر بيته على أنه بياع بقيمة 150 ألف مثلا ويعرضه عند واحد أمين ويجيبله السعر إلي في باله لكن قبلها يكون قاعد بالدوانية ويشيشونه الربع يبه من صجك بيتك يسوى أكثر لا تبيع هذا مكتب ما عنده سالفة ... ويروح المسكين يكلم مكتب ثاني ويقوله الي بالمكتب ياعم دى بيتك يسوى أكتر :) وعندي الشراي ويروح المسكين يسحب البيت من المكتب الأول ويحطه بالمكتب الثاني ويتعلق اشهور وهو ما باع لي الحين وأخرتها يبيع بسعره الأول ويمكن أقل ... إيه من الأول ليش هالطمع

    وعلشان ما نظلم اصحاب الحلال أيضا يوجد من بعض المكاتب من يكسرون بالحلال علشان يبيعه والله المستعان ... والصحيح إنك تشور عليه إضا طلب المشورة منك بما يرضي الله مو تضغط عليه

    والله مدري شكتب ومدري شقول ... لكن يبقى أن أقول كثير من البيعات كنسلناها بسبب الغش إلي فيها ...... ونصيحة إذا قالك الدلال إلي عنده العقار العقار مسيوم 200 ألف مثلا وحسيت إنه هالسعر مبالغ فيه ويقولك أفرق لو بـ 1000 وحلال عليك اتفل عزكم الله بوجهه لأنه نصاب وإلي يبي يبيع ما يرده 1000 ولا 2000

    اسف على الإطالة . وتقبل الله منا ومنكم صالح الأعمال

    أخوكم / أبو عبد الرحمن
     
  15. Fire MaN-

    Fire MaN- عضو جديد

    التسجيل:
    ‏27 ابريل 2009
    المشاركات:
    1,091
    عدد الإعجابات:
    0
    مكان الإقامة:
    الكويت
    صدقت يابوعبدالرحمن 000 والله لو الله يفكنا من المصريين فالعقار حنا بخير 00 حسبى الله لعبوا فالسوق وغشوا الناااس 00 الله المستعان
     
  16. الأرستقراطي

    الأرستقراطي عضو نشط

    التسجيل:
    ‏17 أكتوبر 2007
    المشاركات:
    7,178
    عدد الإعجابات:
    12
    مكان الإقامة:
    OKBK
    بالنسبة للعقار بشكل عام له نزله ثانية قريبا يعني في مطلع 2010 و هذي الأيام هو في مرحلة الذروة لغاية نهاية السنة ،،، سترجع الأسعار الى مابين ال 50 الف و ال 120 الف على حسب المنطقة و الموقع ،،، أعلى أسعار راح تكون بمنطقة المسيلة بين ال 80 الف و ال 120 الف و الله أعلم ،،، طبعا الكلام مبني على شارت أسعار العقار ،،،
     
  17. life-enginer

    life-enginer عضو جديد

    التسجيل:
    ‏30 يونيو 2007
    المشاركات:
    1,188
    عدد الإعجابات:
    0
    والله نتمنى

    وجزاك الله الف خير

    ويخلون الناس تسكن وبلا هالمصخره بالاسعار وكان الكويتيين مليارديريه
     
  18. major2007

    major2007 عضو جديد

    التسجيل:
    ‏14 نوفمبر 2007
    المشاركات:
    44
    عدد الإعجابات:
    0
    كلامك بلسم يا ابوعبدالرحمن

    السلام عليكم ورحمة الله وبركاته

    يا هلا وغلا ومرحبا بالجميع ، وتقبل الله منا ومنكم صالح الأعمال

    بما إني صاحب مكتب عقاري فأحب أدلي بدلوي بالموضوع ........

    أولا بالنسبة للسومة الصحيحة هي السومة إلي تتثبت بدفتر الدلالة ، بدفتر السمسرة أو الدلالة إلي ممنوح من قبل وزارة التجارة في بدايته أوراق خاصة بالسوم على العقار وأي واحد يسوم يأخذ منه عربون ويسجل اسمه بالدفتر وتسجل سومته ومن يأتي بعده يزيد عليه يسجل اسمه نفس الطريقة وإذا مازاد على إلي زاد عليه يرجعله عربونه ويأخذ من المزايد الثاني وهكذا حتى ترسي البيعة على المزايد الأخير بعد موافقة البايع على السعر ...

    بالنسبة لإرتفاع الأسعار يشترك فيه في الغالب الطرفان جشع بعض الذين يعملون بالمكاتب ولا أقول ملاكها وطمع البايع إلا من رحم ربي ...

    وأيضا المشكلة في البيعات الوهمية ... يقولك إنباع بيت في المنطقة الفلانية بالسعر الفلاني وفي الغالب يكون هذا الأمر كذب والي يبي الصحيح يذهب للعدل ويعرف اسعار المنازل المباعة ويقارن عليها .. مع العلم بأن الأسعار تتفاوت بحسب موقع البيت ونظافته

    بعض المكاتب هداهم الله يديرها أناس لاصلة لهم بالعقار ، ولكنها اصبحت وللأسف مهنت من لامهنة له مع احترامي للشرفاء الذين يعملون بصدق وأمانه

    للأسف اصبح حراس العماير يدخلون معاك في لقمتك غصب عليك بسبب أن أصحاب العماير ( بعضهم ) مفوضينهم تصور .. ها عاجبك ولا أديها لمكتب غيرك

    والله بعض هالمصريين إلا من رحم ربي اذبحونا ذبح تلقاهم ماسكين مكتب اسم فقط حتى دفتر ادلاله ماعندهم شغالين على الإيجارات وعلى البيعات التي تتم من خلال المكاتب الأخرى .. يعني شركاك في النسب ...

    إلي يذبح ويقهر وكنسلنا كثير من البيعات الكبيرة والصغيره هي سالفة بعض المكاتب تجيبله شراي لعمارة عنده يقولك أنا معاي وكيل ولا مكتب وهو يكذب والله المستعان ... طيب سالفة المكتب يمكن نقوله معليش ونثبت اسماء المكاتب في دفتر الدلالة وتقسم النسبة عليها مع العلم بأنه يجيبله 20 مكتب ما عنده مشكلة إلا من رحم ربي .. نقول معليش هذي نهضمها .. بس المشكلة إذا قالك عندي وكيل المالك مشترط يدش بالعمولة هذي والله البلشة والبيعة ما تتم إلا عن طريقة يعني توافق غصب عليك .... أنا بسراحة ما أوافق وأتفل ابعينه عزكم الله وهذي اسبابها يتحملها المالك

    بما أنه محد يعرفني اهني بقولكم على شغلات تتعجبون منها

    مرة من المرات كان عندنا بيعة كبيرة قيمتها تقريبا مليون ومية ألف ، كلمني مكتب واتفقنا معاه ولنا عمولتها نتقاسمها وهي 11000 نعمة ياربي لك الحمد ولا أذكر كم كنا بس تقريبا 2 أو 3 مكاتب .. بس تفاجأت إنه الموظف إلي عندي يقول ترى افلان اتصل وقال وكيل المشتري ( هذا اذا قال للمشتري اشتر هالعقار بهالقيمة يشتريه ) احنا شرينا على مليون ومية بس بشرط ..... اسمعوا الشرط يا جماعة .. الشرط تكتب في العقد مليون ومية وخمسين ألف يعني زادوا خمسين ألف والله يا جماعة يعني غاش معزبه وزايد عليه خمسين ألف قلت حسبي الله عليكم والله ما اتم هالبيعة لو على رزقي ورزق اعيالي .. طبعا إلي ما يخاف الله ما عنده مشكلة يا خذ عمولته وبالطقاق .. المهم طردته .. وكلموني بعد كم يوم بأن الخمسين ألف ناخذ منها 20 ألف واهو 30 ألف يعني فوق عمولتنا ناخذ عشرين ألف قلت والله لو على قص ارقبتي ... قالوا لي نجيب هالبيعة من طريق ثاني يعني من مكاتب اخرى قلت ما تشوفون شر وتلقونها قدامكم

    أدري ادوشتكم بمشاكل المكاتب وبلاوي هالمصريين ودخلاء العقار .. ولكن يبقى أن أقول من خلال تجربتي بأن لاتزال هناك مكاتب شرفاء ومصريين يعملون بالعقار أيضا شرفاء ولا يهمهم إلا اللقمة الحلال وعليكم التحري والتثبت

    أدري وسعت الموضوع بس سامحوني كنت برد على نقطه معينه ولكن ايدي ما اقدرت تصبر

    أنا من فتره كبيره مو مركز على السكني شغلي في الغالب على الإستثماري والتجاري لكن إن جاني بيت من واحد من الربع ولا واحد تعنالي ما أرده ولكن ما أسعى وراهم لأن البيوت للأسف في الغالب مشاكلها واجد ، والبلا يتحمله بعض المكاتب العقارية وكثييييير من أصحاب السكن الطماعين

    بعضهم للأسف يكون مقتنع بسعر بيته على أنه بياع بقيمة 150 ألف مثلا ويعرضه عند واحد أمين ويجيبله السعر إلي في باله لكن قبلها يكون قاعد بالدوانية ويشيشونه الربع يبه من صجك بيتك يسوى أكثر لا تبيع هذا مكتب ما عنده سالفة ... ويروح المسكين يكلم مكتب ثاني ويقوله الي بالمكتب ياعم دى بيتك يسوى أكتر وعندي الشراي ويروح المسكين يسحب البيت من المكتب الأول ويحطه بالمكتب الثاني ويتعلق اشهور وهو ما باع لي الحين وأخرتها يبيع بسعره الأول ويمكن أقل ... إيه من الأول ليش هالطمع

    وعلشان ما نظلم اصحاب الحلال أيضا يوجد من بعض المكاتب من يكسرون بالحلال علشان يبيعه والله المستعان ... والصحيح إنك تشور عليه إضا طلب المشورة منك بما يرضي الله مو تضغط عليه

    والله مدري شكتب ومدري شقول ... لكن يبقى أن أقول كثير من البيعات كنسلناها بسبب الغش إلي فيها ...... ونصيحة إذا قالك الدلال إلي عنده العقار العقار مسيوم 200 ألف مثلا وحسيت إنه هالسعر مبالغ فيه ويقولك أفرق لو بـ 1000 وحلال عليك اتفل عزكم الله بوجهه لأنه نصاب وإلي يبي يبيع ما يرده 1000 ولا 2000

    اسف على الإطالة . وتقبل الله منا ومنكم صالح الأعمال

    أخوكم / أبو عبد الرحمن
    29-08-2009 07:24 pm
    يعطيك الف عافيه الله يرزق الشرفاء اللي يخافون الله الرزق الحلال
     
  19. major2007

    major2007 عضو جديد

    التسجيل:
    ‏14 نوفمبر 2007
    المشاركات:
    44
    عدد الإعجابات:
    0
    الله كريم

    جزاك الله خير وانشاء الله تنزل الاسعار والواحد يحصله بيت بسعر معقول
     
  20. major2007

    major2007 عضو جديد

    التسجيل:
    ‏14 نوفمبر 2007
    المشاركات:
    44
    عدد الإعجابات:
    0
    جزيل الشكر يا اخوي الارستقراطي علي ما تفضلت به وخل الجشع ينفع المكاتب والطمع ينفع ملاك العقار اذا نزل العقار
     
حالة الموضوع:
مغلق