مطلوب وظيفة لحاملة ماجستير شريعة

[سائل التوحيد]

السلام عليكم

الوظيفة مطلوبة لإحدى الأخوات

خريجة كلية الشريعة / حاملة ماجستير في تخصص الفقه المقارن

ترفض التدريس في وزارة التربية أو الأوقاف

لا تريد الاختلاط ،،، لا يهم إن كان قطاع خاص أو حكومة


تتمنى الوظيفة في بنك إسلامي أو شركة إسلامية دون اختلاط .

 

[سائل التوحيد]

الأخت في البيت ممتنعة عن التقديم للديوان عشان شروطها


وأنا بغيت أقترح على أهلها وظيفة مناسبة لها عشان تتحرك وتساعد أهلها

بدال القعدة


اللي عنده مقترحات جزاه الله خير .

 

[.:. عطر .:.]

بيت الزكاة اعتقد مو اختلاط .. و الشؤون اغلب الاماكن مافيها اختلاط عندهم إدارة التوعية و الارشاد .. و البنوك الاسلامية معروفة خل تقدم عليهم .

بس اذا براسها العقدة لا تعب نفسك .

 

[أبوفلان]

أخوي عفوا شنو الإختلاط الي بالتربية التدريس مافيه اختلاط بين النساء والرجال ..!!

حتى وزارة الأوقاف التدريس في دار القرآن دوام العصر ممتاز جدا وفيه تعليم للعلم ..

وعندك أيضا السراج المنير ايضا داوم العصر تدريس للأطفال ممتاز ومافيه اختلاط ..


وعندك طال عمرك مركز الأترجه لتحفيظ القرأن .. هم دوام عصر


كلها اماكن تناسب تخصصها ولايوجد فيها اختلاط ..


مع اني مع جلوس المرأة في بيتها أحسن من التوظف لكن الأماكن الي تقول هي ان فيها اختلاط لايوجد بها إختلاط ..


الله يوفقها

 

[سائل التوحيد]

جزاكم الله خيرا على الرد .



بيت الزكاة وين تقدم عليهم مباشرة وإلا على الديوان ؟


التربية والأوقاف ما فيهم اختلاط بس هي ما تبي التدريس وإلا هم المكانين


اللي 100/100 ما فيهم اختلاط

 

[سائل التوحيد]

إدارة التوعية والإرشاد عندك فكرة شنو طبيعة عملهم وأماكنهم وتليفوناتهم مشكورا لا مأمورا

 

[.:. عطر .:.]

إدارة التوعية والإرشاد عندك فكرة شنو طبيعة عملهم وأماكنهم وتليفوناتهم مشكورا لا مأمورا

ادارة التوعية يا طويل العمر بمجمع دور الرعاية مقابل دوار الامم المتحدة ( العظام )

خل تروح لهم و تشوف و تستفر بنفسها .

بالتوفيق .

 

[سائل التوحيد]

جزاك الله خيرا

 

[Hamilton]

راح اشوف لك بنك بوبيان اذا عندهم وظائف
قبل فتره كانوا مسكرين هالشي بسبب تغيير اعضاء مجلس الاداره
والله يوفقها ويرزقها وباين انها كارهه مهنة المتاعب وهي التدريس ... مع انه للمعلم أجران

 

[ابن ضعيان]

بنك بوبيان أصبح ملك لأحد البنوك الربوية

أرجو التصحيح

 

[Hamilton]

كلامك صحيح ابن ضعيان ولكن منهجية البنك لا يمكن ان تتغير لان هناك قانون فالترخيص لمصرف اسلامي

 

[أبوفلان]

بنك بوبيان أصبح ملك لأحد البنوك الربوية

أرجو التصحيح

لم يصبح ملك وإنما شاركت فيه بحصة

والحكم على البنوك يكون من خلال معاملاتها وليس مسمياتها ..

 

[سائل التوحيد]

راح اشوف لك بنك بوبيان اذا عندهم وظائف
قبل فتره كانوا مسكرين هالشي بسبب تغيير اعضاء مجلس الاداره
والله يوفقها ويرزقها وباين انها كارهه مهنة المتاعب وهي التدريس ... مع انه للمعلم أجران

جزاك الله خيرا ،،،،،،،،،،أنا بانتظارك .

 

[بور-صا]

أخوي إدارة التوعية والأرشاد بوزارة الشئون لهم مبنى مفصول بين الرجال والنساء لهم قسم خاص فيهم ومستقل أعتقد يناسب لكم

وبالتوفيق

 

[سائل التوحيد]

أخوي إدارة التوعية والأرشاد بوزارة الشئون لهم مبنى مفصول بين الرجال والنساء لهم قسم خاص فيهم ومستقل أعتقد يناسب لكم

وبالتوفيق

جزاك الله خيرا

 

[بو عمر77]

بالتوفيق إن شاء الله

 

[topic_love]

بالتوفيق انشالله

بس ياخوي الأخت ماخذه ماجستير

وبكلية الشريعه كانوا يدرسونها دكاتره

يعني هل البنك افضل لها من انها تدرس بالتربيه

انا بس بتكلم عن الإختلاط وانا مو معا الإختلاط

بس اغلب الموظفات اللي حاشمه نفسها ومحصنه نفسها

قاعده بمكتبها بحشمتها تخلص شغلها وتمشي

ولا احد يقدر يكلمها نص كلمه

انا والله هالكلام اقوله بس لأني متحسف على هالتخصص

بالأخير موظفه ببنك

ماجستير يعني انسانه مكانها بكلية الشريعه

 

[q8.1911]

ما شاء الله تبارك الله

شوف أخوي أنا أنصح إنها تعمل بدار القرآن أولا لها أجر عظيم وثانيا مو مثل تدريس التربية

أنا أدري إن فيه ناس متعقدة من التدريس وتفضل أي عمل آخر غيره لكن دار القرآن تحتسب إنها قاعدة تعلم علم شرعي والطلبة كبار ويفهمون ومو واجد وبعدين فيه أماكن شاغره يعني فتره بسيطه يمكن تصير وكيلة يعني يتحول عملها من التدريس إلى العمل المكتبي مع الإحتفاض بكادر التدريس

عندنا وحده من البنات هم عندها ماجستير في الحديث وما شاء الله عليها ألحين مديره بدار القرآن

أو مثل ما قالوا بعض الأخوة تروح للسراج المنير ولا البنوك الإسلامية وأنا بسراحة ما أفضل البنوك الإسلامية لأن هالعلم إلي عندها راح يضيع إلا من رحم ربي لأنها ما أعتقد راح تكون مستشارة شرعية ... والله أعلم

 

[سائل التوحيد]

جزاكم الله خيرا يا أخوان

ماجستير يعني انسانه مكانها بكلية الشريعه

دكتوراة ويبيبلها واسطة عشان يقبلونها بكلية الشريعة

مستشارة شرعية ... والله أعلم

أنا سمعت في الفترة الاخيرة أنها تتمنى باحثة شرعية في أي مكان وبأي

راتب حتى لا تنقطع عن العلم

 

[q8.1911]

جزاكم الله خيرا يا أخوان






دكتوراة ويبيبلها واسطة عشان يقبلونها بكلية الشريعة


أنا سمعت في الفترة الاخيرة أنها تتمنى باحثة شرعية في أي مكان وبأي

راتب حتى لا تنقطع عن العلم

والله صدقت

عندي كم واحد من الربع من حملة الدكتوراة لي ألحين موراضين يقبلونهم الجامعة مع العلم إنهم كلهم امتياز مع مرتبة الشرف وواحد فيهم خاصة خريج الجامعة الإسلامية بالمدينة النبوية درس فيها الجامعة والماجستير والدكتوراة وكل تقاديره امتياز مع مرتبة الشرف الأولى .... لكن المشكلة بجامعتنا يخلون عيالهم ويقبلون المصري والغير كويتي مع احترامي لهم وتقاديرهم اطيبهم جيد جدا هذا إذا مو جيد بعد في الغالب

عموما في بالأوقاف وظيفة باحثة شرعية وفيه بالعدل باحثة وموثقة شرعية بس هذي لا تخلو من الخلطه ...

الله يوفقنا وياها لما فيه الخير