مواقف حصلت لاعضاء المنتدى ..اذا دشيت لازم تشارك

الموضوع في 'إستراحة المنتدى' بواسطة NICK, بتاريخ ‏31 أغسطس 2009.

  1. NICK

    NICK عضو نشط

    التسجيل:
    ‏23 سبتمبر 2007
    المشاركات:
    2,072
    عدد الإعجابات:
    202
    مكان الإقامة:
    kuwait
    كلنا مرينا بمواقف ........

    خلونا نتعرف على المواقف الي مرت عليكم ونتشارك


    مواقف محرجه ...طريفه ..

    يالله منو يبدا .؟
     
  2. بوعلي الشمري

    بوعلي الشمري عضو جديد

    التسجيل:
    ‏5 يونيو 2009
    المشاركات:
    380
    عدد الإعجابات:
    0
    مكان الإقامة:
    جنه الله اللى بالارض كويت العز
    السلام عليكم

    موقف ماراح انساة بطلت الجريدة الصبح وعلى صفحة الوفيات كالعادة ولا واحد من الجماعة متوفي ضاق خلقى قلت لامى وقمنا نترحم علية المهم رحت لبيت المتوفى ماحصلت احد رحت لبيت ولدعمة ومن زين الحظ ولد عمة ديوانة بعد صلاة الفجر مريت والا السيارات واجد دشيت الديوان وعلى راس وخشم ولد عمة هات يابوس مع كلمة عظم الله اجرك انا قلتها وجة الرجال عطى الف لون فنجال قهوة مع سكانة شاهى حسيت انى سويت مطمة اهل الديوان سكتو والرجال دش داخل انا بهالوقت فكرت بالنحشة قطع تفكيرى دشت راعى الديوا ن وقولتة لى انت غلطان فيى رجال نفس الاسم الثلاثي الفرق بالاسم الرابع ومن محاسن الصدف انهم بنفس المنطقة ومقارب لعمرالرجال رحت لعيالة وتعذرت وهو تاسفت منة وذبحتة بالبوس بس المشكلة صار لها اكثر من عشر سنين واحس انة يكرهنى صراااااحة ما الومة بغيت انقلة للعالم الاخر ودمتم واسف عالاطالة :)
     
  3. دنياء غريبه

    دنياء غريبه عضو مميز

    التسجيل:
    ‏5 يناير 2009
    المشاركات:
    12,840
    عدد الإعجابات:
    686
    مكان الإقامة:
    ● فــَي قـًلـب بـًآبـآتيِ ..!ِ~}
    واااااااااااو يـــا سبحــان الله

    والله كان هالموضوع ع بالي امس قلت بفتح الموضوع اليوم

    بس ماشاءالله عليك فتحت انت

    اشكرك على هالموضوع

    اشكرك على فتح موضوع كنت اتمنى اشوفه في الاستراحه

    يسلمووووو

    لاعدمنــــــــاك



    ساعود وساكتب مواقف ان شاءالله
     
  4. المركز المالي

    المركز المالي عضو جديد

    التسجيل:
    ‏25 سبتمبر 2008
    المشاركات:
    813
    عدد الإعجابات:
    0
    مكان الإقامة:
    الكويت
    خوووش موضوع اخوي :)

    الله يسلمك هذا موقف محرج جدا وطريف جدا بنفس الوقت وتقدر تسميه مسلسل (طاش ما طاش) الكويتي :D _والله ينفع ترى_ لأن من بطولة اثنين (انا وواحد من الربع) طال عمرك ذيك السنة صار عندي شغل بالأردن واول مرة اروح لها المهم حجزت على الكويتية الساعة 9 الصبح وسبحان الله ذيك الليلة ما نمت عدل وقعدت متأخر وباقي ساعة وربع على الطيارة المهم وصلت الكاونتر باقي ساعة الا ربع وماكو احد شفت موظف سالته قال سكرت البوابة :eek: قلتله لازم اروح اليوم لأن باجر الصبح عندي شغل ضروري قالي مو مشكلة في طيارة العصر تقدر تحول التذكرة الحين قلتله على ايدك يا معود شوي وحب راسه :p سبحان الله صدفة واشوف واحد من ربعي (ايام الثانوية) الحبيب ياي متأخر بعد على نفس الرحلة قلتله شعندك بعد قالي قعدت متأخر :cool: قلتله تعال خلنا نحول التذكرة في طيارة العصر والحمدلله خلصنا قالي شرايك نروح البيت واتغدى عندي اليوم قلتله توكل على الله بس اهم شي نطلع مبجر ;) المهم رحنا البيت وخذتنا السوالف لين أذان الظهر صلينا وتغدينا وبعدها على طوووووول المطار الحين الساعة 1.30 والطيارة 3.30 المهم خلصنا وصعدنا الطيارة (الأردنية) وقعدنا يم بعض الحين احنا داااااايخييييين ما نمنا عدل وتونا دابينها يعني ما يبيله بعد نووووم :D وفعلا نمنا وما قعدنا الا على قرقعة الناس بطلنا عيونا ولا الناس تشيل اغراضها قلنا الحمدالله على السلامة وصلنا وما حسينا بالوقت :) المهم شلنا اغراضنا وصفينا بس الغريب ان في ناس قاعدة اللي يقرا جريدة واللي يشرب قهوة :confused: قلنا اكيد ينطرون الزحمة تخف المهم نزلنا ختمنا الجوازات ووقفنا على السير ننطر الجناط :rolleyes: وننطر وننطر وننطر الناس مشت وين جناطنا :confused: لييين فظى السير لا وفظت الساحة اللي واقفين فيها بعد وماكو الا احنا الثنين شسالفة؟ ولا الضابط ياي السلام عليكم وشعندكم قلنا سلامتك بس الجناط ما وصلت قال ممكن التذاكر والجوازات قلنا تفضل ويطالع التذاكر ويطالعنا قال انتوا فين رايحين :confused: قلنا عمّان طال عمرك :rolleyes: قال حياكم الله بالدمام :) قلنا الدمام :eek: قال يا حبايبي هذي الرحلة ترانزيت الكويت-الدمام-عمّان قلنا انزين والحل؟؟ قال المشكلة انكم ختمتوا قلنا يعني شلون؟؟ قال لازم موافقة المدير قلنا يا معود تكفه دبرنا لا تروح علينا الرحلة :( قال ان شاءالله بحاول والله ما قصر الخال الله يسلمه طاااار على مكتب المدير واحنا ننطر يارب تسهل الأمور والله قاعدين نضحك على روحنا صج دايخين :p المهم وصل البطل المغوار :cool: ها بشر؟ قال OK كفو :D بس بسسسسررررررعة عجلوا على بوابة مادري جم نسيت ترى الطيارة متأخرة ثلث ساعة علشانكم وركض على البوابة ولا جدامنا اربع موظفين قالوا انتوا اللي قلنا اي احنا اللي :eek: (الصراحة احراااااج) قال بسرعة لحقوا وركض ليييين باب الطيارة ولا الجماعة واقفين عالباب :mad: واحنا كأن مو مسوين شي :rolleyes: عااااادي ترى تصير وايد :D

    والى اللقاء في الحلقة القادمة​
     
  5. KuWaiT DriFT

    KuWaiT DriFT عضو جديد

    التسجيل:
    ‏9 سبتمبر 2008
    المشاركات:
    2,233
    عدد الإعجابات:
    0
    مكان الإقامة:
    الـــكـــويــــت الحــبــيـــبـــه
    هههههههههههههههه :)

    طاش ما طاش صج :d
     
  6. بو بندر 2000

    بو بندر 2000 عضو نشط

    التسجيل:
    ‏19 يونيو 2006
    المشاركات:
    2,525
    عدد الإعجابات:
    95
    مكان الإقامة:
    وطن النهار
    يعطيك العافية على الموضوع الحلو

    وخذ هذا الموقف المضحك :p

    يوم من ليالي الشتاء راد البيت متاخر وصفطت السيارة ومعاي كيس بقطة فى درام الزبالة الله يكرمكم مريت من يم الدرام وكان مبطل المهم من زود الثقة يعنى بكونها فى الدرام كونتها ههههه ما دريت الا اللى طلع من وسط الدرام مثل البرق والا قطو اسود بغى يدعمنى انا صراحة وقف قلبي قلت لا عادت من نظافة اي والله انزين قطها برا لا مصر الا داخل الدرام وبقوة تستاهل وسلامتكم
     
  7. دنياء غريبه

    دنياء غريبه عضو مميز

    التسجيل:
    ‏5 يناير 2009
    المشاركات:
    12,840
    عدد الإعجابات:
    686
    مكان الإقامة:
    ● فــَي قـًلـب بـًآبـآتيِ ..!ِ~}
    مواقف الاول :
    قبــل فتـــره
    فيه وحده اعرفها بالمدرسه جت الطلعه وخذت عبايتها تبغى تطلع
    كنا تونا لاعبين نتراشش بامويه وصار فيه مويه بالارض
    وانا امشي وهي وراي خذيت شوي وانا اكلمها وماردت علي
    طالعت البنت الا طااااااااااااااااايحه هي وعبايتها بالمويه
    وصارت كلها هي وعبايتها مووووووووووويه



    مواقف الثاني :
    انا افتكر اني مشاغبه من الصف الاول
    لما كنت ابي ادخل المقصف واشتري يكون المقصف زحمه
    وش اسوي ؟؟؟؟؟
    ؟؟؟؟؟؟؟؟؟؟؟؟
    اجي عند المقصف واصرخ صرصااااااااااااااااااار بأعلى صوت والبنات يموتون من الخوف
    ويبعدون <<مسويه قويه
    وادخل اشتري وانا مبسوطه << محد قدي
     
  8. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$
    اول شي الف شكر لك على الطرح الجيد ..


    طبعا حصل لي الموقف مع مديري في الدوام ..

    طبعا طلبت منه اني عندي موعد ضروري في المستشفى مراجعة مهمة والصدق لاعندي موعد ولاهم يحزنون بس كان لازم اروح اراجع مكتب اشتراكات الاتصالات لامر هام .. المهم ..

    انا وياه مطاق عشان يوافق وهو يقول لا صعبه تطلع فيه شغل وانا ماسكه معي عناد الا ابي اطلع المهم قدرت اقنعه وطلعت ..

    وانا انتظر في صالة الاتصالات انتظر دوري دق على جوالي وقالي ابيك تحجز لي موعد في نفس المستشفى
    عاد انا ما توهقت ابد وقلت خلاص تامر امر .. طبعا وهو يعطيني المعلومات مادريت الا انه جالس بجنبي عاد انا ماتوهقت واطالعه ولا شعوري جلست الضحك الظاهر من الروعة ..

    عاد هو يقول انه جاي بالصدفة وشافني ولا صدق ..

    عاد اللحين اذا جيت ابطلع يؤيؤيؤيؤ انواع الاستقعاد اذا طلعت بدا ياشر على جواله يعني ادري وين بتروح مسوي ذيب وهو ماحولك احد ..
     
  9. nabhaan79

    nabhaan79 عضو نشط

    التسجيل:
    ‏28 مايو 2005
    المشاركات:
    3,815
    عدد الإعجابات:
    102
    مكان الإقامة:
    الكويت
    كنت قاعد وجاني ولدي (راكان) 6 سنوات

    راكان : يبا شفت ضاري قالي قول باص وقلتله جان يقولي أبوك رقاص !!!

    أنا : إنزين خلاص .

    راكان : يبــــــــااااا يقوووووولي أبووووووك رقاااااااااص .

    أنا : خلاص إنزين (بكل برود)

    راكان : بكل عصبيه يبا يبا أبوك رقاص يعني إإإإإإإإإنت رقاااااااااص (مع هزة خصر خفيفه)

    أنا : سويت نفسي يعني توني فهمت لاااااااااا لييييييييييش شلللللللون يقول .

    هههههههههههههههههههههههههههههههههه

    الموضوع عادي بس أهو خذاه بكل عصبيه وحسيت إن ولدي عبيط مادري طالع على منو ;)
     
  10. nabhaan79

    nabhaan79 عضو نشط

    التسجيل:
    ‏28 مايو 2005
    المشاركات:
    3,815
    عدد الإعجابات:
    102
    مكان الإقامة:
    الكويت
    وهذا موقف صار مع واحد أعرفه

    طبعا بالبدايه الرجل تزوج وساكن عند أهله والنصايح له ولغيره لا تمدح أحد من أهل زوجتك ولا حتى زوجتك ولا تذكرها لا بخير ولا بشر قدام أمك كونها تغار من المرأه اللي خذت ولدها بارده مبرده وإهي اللي سهرت عليه (طبعا بتفكير النساء)

    راح الرجل الطيب عند أمه وقال

    الرجل : يما تصدقين عمتي فلانه أم زوجتي والله إنها محتـــــــــرمه .

    الأم : طالعت ولدها بكل عصبيه وقالت

    آآآآآآنا اللي مو محترمه آآآآآآنا اللي مو محترمه آآآآآآنا اللي مو محترمه

    الرجل : لا يما مو قصدي ولا قلت آنا أقول بس عمتي محترمه وخوش حرمه وما قلت عنج شي

    الأم : آآآآآآآآنا اللي مو محترمه آآآآآآآنا اللي مو محترمه آآآآآآآنا اللي مومحترمه (علقت من الغيره مسكينه )

    طبعا الرجال إنصفق وجهه ونحاش من البيت مو فاهم شي

    ههههههههههههههههههههههههههه
     
  11. فضل

    فضل عضو مميز

    التسجيل:
    ‏25 يوليو 2008
    المشاركات:
    6,791
    عدد الإعجابات:
    98
    مكان الإقامة:
    بين السماااء والارض

    ايام الدراسه كنت متملل من حصة العربى وسرحان ، وكان فيه ثقب صغير
    فى وسط طاولتى ، وكنت اعبث فيه باصبعى من الملل ، وبعدين فجأه
    نشب اصبعى بفتحة الطاوله :eek: ، حاولت اطلعه بهدوء بس ماكو فايده
    جلست هادى وكأن ما فيه شىء حصل ، وكل ما سنحت فرصه
    حاولت انفض ايدى لعل وعسى
    انتبه الاستاد وقال لى قوم وقف يا واد
    قلت : منو ، انا استاد < يعنى على نياتى :rolleyes: >
    قال : اومال انا :cool:
    المهم انى وقفت نص وقفه ، قال : تعال عاوزك
    طبعا ما قدرت اروح واخلى اصبعى وراى
    واكتشف الاستاد وباقى الصف مشكلتى
    و حاولوا يساعدونى بس ما قدروا ، وتعطلت الحصه ونادوا المشرف
    ويا الله بالزور طلع اصبعى
    طبعا الاستاد مسك على هالموقف ل اخر السنه
    كل فتره يقول لى انت فاكر عملت ايه يا واد ولا افكرك ؟ :cool::rolleyes:
     
  12. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    السلام عليكم اطرف موقف صار بحياتي
    بالدوام كان عندنه مدير مزعج ويوم من الايام صارخت وقلت للشباب الخروف وينه ما اشوف الا المدير يدخل علينه ويقول شسالفتكم مع الخروف قلت له طال عمرك امس شاري خروف واليوم منحاش جان يقول استرالي ولا عربي
     
  13. NICK

    NICK عضو نشط

    التسجيل:
    ‏23 سبتمبر 2007
    المشاركات:
    2,072
    عدد الإعجابات:
    202
    مكان الإقامة:
    kuwait
    هههههههه
    مشكووورررررين على المشاركه
    مواقف حلووه وين الباقي خلونا نتشارك بمواقفنا
     
  14. NICK

    NICK عضو نشط

    التسجيل:
    ‏23 سبتمبر 2007
    المشاركات:
    2,072
    عدد الإعجابات:
    202
    مكان الإقامة:
    kuwait
    تستاهلين ..

    الموضوع تحت امرك
     
  15. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    عندي عيالي اصغار تهاوشوا ويا بعض واحد يسب
    الثاني ويقوله العن ابوك ويرد الثاني يقوله العن ابوك انت
    ومعصبين وطولوا كل واحد يبجي يقول لا تسب ابوي
    والثاني يرد عليه انت لاتسب ابوي
    المهم حليت لهم المشكله وقلت لهم العن ابوكم اثنينتكم بس فكونا​
     
  16. acton

    acton عضو نشط

    التسجيل:
    ‏22 فبراير 2008
    المشاركات:
    6,336
    عدد الإعجابات:
    3
    مكان الإقامة:
    UK-Acton-W3
    الموقف الضريف اللي ماراح انساه طول حياتي
    اول ماتعلمت الغوص رحت منطقه صوب جزيره قاروه كنت مع صديق محترف بالغوص اول مانزلت عمق تقريبا 60 قدم الرؤيه كانت صافيه فجأه صار ضلام طالعت فوق شفت قرش كبير ضخم فوقي اول شي قلت شنو هذي غواصه ماره علي تأكدت قلت لا هذا عزرائيل بياخذك الرعب وصل فيني اللي موقادر اسبح نزلت تحت وانا خايف ادور صاحبي ماشوفه من الخوف والرعب قمت ابجي قلت اخر موتي بلاع في بطن هالحوت واو شسوي وين اروح يمه لحقوني موعارف اتصرف حدي لابد يم قصار(صخره مرجان) وانا اقراه ايات واتشهد اشوي واهو مختفي راح بعيد طلعت طلقه الى الطراد قلت حق صاحي شفت اللي شفته قال عادي قلت وين السيف اي صوب وحد المكاين طلقه كله عبالي وراي وخفت اسبح بعدها وبعد ماسألت عرفت ان اهو من النوع الاليف مايسوي شي عاد اشعقبه عقب ماطلع قلبي فوق :p

    [​IMG]
     
  17. NICK

    NICK عضو نشط

    التسجيل:
    ‏23 سبتمبر 2007
    المشاركات:
    2,072
    عدد الإعجابات:
    202
    مكان الإقامة:
    kuwait


    ياساتر موقف لاتحسد عليه
    :) هاردلك ومشكور على المشاركه
     
  18. NICK

    NICK عضو نشط

    التسجيل:
    ‏23 سبتمبر 2007
    المشاركات:
    2,072
    عدد الإعجابات:
    202
    مكان الإقامة:
    kuwait
    بوبندر تسلم وهاردلك موخوش موقف :) يخرع

    المركز المالي الديوانيه عندي كلهم قاعد يضحكون :) تسلم حبيبي على المشاركه

    جنرااال :) حلوه الترقيعه

    قلم حر شرفنا مرورك خوووش حل :))

    اكتن وشلك بالبحر لو منك بعد احرم مادشه وتسلم على المشاركه




    ياشباب ياشابات المشاهده فوق الاميه

    ماصارت لكم مواقف !!

    شاركونا
     
  19. NICK

    NICK عضو نشط

    التسجيل:
    ‏23 سبتمبر 2007
    المشاركات:
    2,072
    عدد الإعجابات:
    202
    مكان الإقامة:
    kuwait
    اسمعوا اقوى موقف صارلي

    الموقف الاول :

    كنت مار ديوانية واحد من الربع وانا نازل ماسكرت دريشة السياره وحنا قاعدين برا موداخل قلت سهالات خلها مبطله ولما طلعت ودقيت السياره سلف

    ومايمديني امشي الا واسمع خربشه ورى ولف ورى والا اشوف هذاك العتوي اسوووود ياساتر ..:eek::eek:

    وانا ماشوف نفسي الا برى السياره ..شلون نزلت لاتسالوني من الخوف :)

    ومن الخوف خليت سيارتي هذاك اليوم ماخذيتها

    الموقف الثاني

    كنت ادرس برا وجو الربع يودعوني ..وسلمت عليهم بعد ماقعدنا بالمطار
    والنفسيه تعرفون موشي مسافر ومطول والحالي

    ودشيت داخل وقبل لااركب الطيارهمااشوف الا صاحبي داش وياي الطياره

    وكان بسويها فيني ومايبيني اشوفه الا هناك ولكن انتبهت وشفته وفرحتي ماتوصف . وقتها
     
  20. ابو عبير

    ابو عبير عضو نشط

    التسجيل:
    ‏25 يوليو 2008
    المشاركات:
    1,095
    عدد الإعجابات:
    0
    انا صارلى موقف مره كنت بودى بناتى وياى ولا ولد اخوى
    صغير طق براسه بروح ويانا ولا اهلنا كلهم موجودين ولا اقعد واقوله
    اقعد حبيبى واهوه يبجى وشيطان ولا ما احس الا يانى كــــــــــــــــــــــــــتف :( وربى كبست عيونى احس شرار الغتره والعقال طافو القنفه من قوه الطراق