السلام عليكم شباب ابي استفسر عن جيب مرسيدس ml430 موديل 2001 وارد البشر على كلام راعيه ابي اعرف من اللي استخدموه كيف استخدامه وفيه مشاكل معينه وفيه خرابات مستمره وكيف اسعار قطع الغيار والقطع الاستهلاكيه مثل السفايف والدسكات والمعاونيات والبلاكات وكل شي استهلاكي وبالنسبه للدبل المستمر يفصل على سرعه معينه ولا مستمر على طول والدبل فيه مشاكل
السلام عليكم اخوي الي اعرفه انه البشر ما نزل حجم 430 بس انا ما جربته بس يليت من الاخ Old_Nevy يوضح ليش يوخر عنه لانه ماعندي خبره فيه وعلى فكره ترا ال ML صناعه امريكيه مو المانيه
انا عارف هالكلام بس الامارات نزلو 430 وصناعته امريكيه والماكينة ماكينة حوت بس القير يفرق ان فيه الدبل بس نبي نعرف ليه يقول وخر وفي ناس يمدحونه
تكفى انحش والله لو يخرب وتوديه للمصلحين ( كهربائي او ميكانيكي ) لتبيعه ثاني يوم والله خرب الريموت ماقام يشتغل وصلحته وبعته ثاني يوم بخساره 550 دينار علشان خراب ريموت وعليك الحساب
يا اخوي وشو دعوه الريموت جديد من الوكاله ب80 دينار وبرا ب40 واشوف انك تبيعه بخساره على شان الريموت غلط يا اخي شبح خرب ريموته وطلبنا له ريموت جديد ب80 دينار والموتر الى الان عندنا وماشي حاله طيب وش اخذ مرسيدس قلنا حوت قالو انحش قلنا وحش قالو انحش طيب وش اخذ وترى انا ما اقدر اركب الا مرسيدس يعنس لا احد يقول غير وترى كل السيارات وراها مشاكل وانا ما خليت اوبل وشفر كابرس وتريل بليزر وبي ام والله ما ارتاح بالصيانه والاستخدام الا بالمرسيدس
صدقت اخوي قلطان يبيعه علشان رموت على الاقل ركب له رموت تجاري ب20 بس محد يمدح الml بعكس الG الكل يمدحه ومحد يقدر يقول عنه شي بس اذا تبي مرسيدس خلك على الشبح و ال sl احلى مرسيدس بالستعمال الشبح عند الوالد من سنين وجابه على ايده من المانيا ولا فكر يبيعه
اخوي ,,,, نصيحه وخر عنه لانه افشل جيب علي وجه الارض ام ال 320 6سلندر وكاله كله مشاكل كهربا وقير وقطع نار ,,,, مابالك 430 8 سلندر ؟؟
