السكنية: تخصيص 1500 قسيمة سكنية في صباح الأحمد بعد العيد

[salem-1976]

اخي الكريم الحريه وطن بارك الله فيك

الكلام الانشائي سهل جدا ونقدر نتكلم لي بكرا ونقول خلها تصدي على قولت اخوان السعوديين

بس الواقع يفرض نفسه الحكومه ما راح تعطينا وجه ولا راح تغير مخططاتها المغبره من ايام الحميدي اللي عطانا الشمس بيد والقمر بيد يا اخي والله زهقنا وانا ما اتكلم عن نفسي بس اخواني وربعي و90 % من اللي اعرفهم يبون مدينة صباح

اللي يرفضون الحين اللي طلباتهم قبل 97 لكن شوف لما توصل 2000 وانت صاعد صدقني طق اعصي عند باب الاسكان

وعند خيام الصباح

 

[I T C]

كل شى جايز...

 

[الحريه وطن]

وانا راح اقول لك منطقه تعيسه نفس طريقة ام الهيمان كل اللي اخذوها ندمو وبعدها دفعو دم قلبهم عشان يهجون

والناس احرار اللي يبي يروح انا مو ماسك العالم انا اناقش واقول لك لو يسوون استفتاء علي منطقة صباح الاحمد ماحد راح يروح الها

الناس كارهه المنطقه العاشره والله ويدلك علي الخيل اثمانها شوف كم اسعارهم وشوف المنطقه الرابعه والدائري السادس وفوق

منطقة تعيسه وميته 90 بالميه من الشباب مايبونها

 

[ابو ريتاج]

والله لو تحصل لى اخذ وانا مغمض .. ذبحنا الايجار والشقق الضيقه .... العوض ولا القطيعه يارجال ....

 

[الحزام2007]

شباب انا طلبي 2003 تهقون يحوشني الدور



انا عن نفسي بآخذ وانا مغمض اذا الدور حاشني

 

[SAM7]

وما حيله المضطر إلا ان يركب البحر ...... والله يا شباب اللي ما عنده فلوس يشتري بيت وآجاره غالي اللي يعينه يسكن فيها ، لكن اللي عنده 15 أو 20 ألف يقدر ياخذ السبعين ويشتري بيت حتى لو حالته لك عليها يقدر يعدل فيه بالقطاعي ، لكن قبل أتخاذ اي قرار لازم الواحد يفكر عدل ويستخير لأن هذا بيت العمر .

 

[الحريه وطن]

شباب انا طلبي 2003 تهقون يحوشني الدور



انا عن نفسي بآخذ وانا مغمض اذا الدور حاشني

ان شاء الله يحوشك بمنطقه صباح الاحمد

 

[salem-1976]

ما شاء الله زادو اهل صباح الاحمد يعني جيراني بالمستقبل

يا جماعه حنا بالعشر الاواخر ادعو بالقيام تخلص بسرعه ونسكن ونرتاح

بدنا نعيش .......

 

[I T C]

اي والله بدنا نعيش بس مو بهالمنظقه.....

 

[الحريه وطن]

طبعا من ناحيتي انا بالوفره لو يعطوني مساحة 3الاف متر لن اقبل

الحياه بين الناس ابرك من المناطق النائيه جنك معتقل لان لو تقول اخذ فيها وابدل ماترهم ولو تقول ابيع ماتجيب حتي 16 الف هذا للقسيمه المبنيه ديلوكس

اعيش بشقه بالمهبوله 180 متر ابرك منها علي الاقل اشوف الانوار والناس والشارع مشعلل

 

[TRADING]

يريت يسمحلي بعض الاخوان ان رايهم هو من ضيع تخطيط البلد من ايام الخمسينات
الغالبية يبي بيت يقدر بدقيقة يوصل العاصمة وهذا الدمار

كأن محد سافر خارج الكويت وشاف الدول كيف منتشرة مدنها في كافة المساحات سواءا الجبلية او الصحراوية او الزراعية
صحراء نيفادا من اشد الصحاري حرارة وقسوة لما زحف لها ملاك الحانات والبارات وملاهي القمار صارت مدينة تعجز اي دولة ان تخلق مثلها

الموضوع فقط تغيير الفكر يا اخوان
مو ضروري تنزل السالمية كل يوم
حاجاتك المفروض انها بتتوفر بالمنطقة اللي انت ساكن فيها او قريب منها وصدقوني التجار لو ودهم يبيعونك الهوا اللي اتنفسه فلا تعتقد انهم لما يشوفون مناطق بعيدة ما يركظون علي نشر المولات فيها
كل الناس تبي البحر واول ما فتح الافنيوز الكل قال انه من انجح المولات وهو بالعارضية والشويخ - يعني بالجول والبر

منطقة العارضية الصناعية او التجارية سمها مثل ما تبي اول من اخذ فيها التجار الكبار وكانت منطقة مقطوعة نهائيا وشوفها الحين الكل يتهافت عليها من كبار الشركات والمصانع

ارد واقول الموضوع فكر ونظرة لي جدام ولا تعتقد انك بتمركزك بالمدينه يعني بتعيش براحة - التلوث حسب علمي ومعرفتي موجود بالديرة وبنسبة كبيرة بس بصور ثانية غير الدخان المرئي او الملون بالاضافة الي الزحمة الخانقة
عمركم شفتوا عاصمة نظيفة - مريحة - صحية ؟
الحجة في مناطق الجنوب فقط في القر يبة من المصانع الكيماوية وهو ما يخيف الناس ولا يلام علي ذلك اي جاهل ببعض المعلومات العلمية وبعض الحقائق واللتي يجب كشفها وبالنهاية هذا حجم الدولة ولا بد استغلال جميع المساحات
وكان علي الدولة من البداية تاهيل مناطق الحدود وهذا شي طبيعي بكل بلاد العالم وتنوع بين القريب والبعيد حتي تستطيع توفير السكن بخطة ميسرة عليها ومقبولة من المواطنين

الله المستعان ويرزق الجميع من خيره

 

[look4land]

يريت يسمحلي بعض الاخوان ان رايهم هو من ضيع تخطيط البلد من ايام الخمسينات
الغالبية يبي بيت يقدر بدقيقة يوصل العاصمة وهذا الدمار

كأن محد سافر خارج الكويت وشاف الدول كيف منتشرة مدنها في كافة المساحات سواءا الجبلية او الصحراوية او الزراعية
...

بصراحة عجبني ردك و كلامك صحيح 100% ...تخيل جنوب السرة الحين أرغب منطقة قالوا عنها أول ما انباعت القسايم فيها مو شي منطقة بر كلها عقارب و جثث عراقيين

ما تدري شلون المستقبل يشكل المناطق الجديدة و الله أعلم ...و كل شي له حل حتى البعد و التلوث المزعوم و على قولت الأمريكان
(where there is a will there is a way)

 

[salem-1976]

يريت يسمحلي بعض الاخوان ان رايهم هو من ضيع تخطيط البلد من ايام الخمسينات
الغالبية يبي بيت يقدر بدقيقة يوصل العاصمة وهذا الدمار

كأن محد سافر خارج الكويت وشاف الدول كيف منتشرة مدنها في كافة المساحات سواءا الجبلية او الصحراوية او الزراعية
صحراء نيفادا من اشد الصحاري حرارة وقسوة لما زحف لها ملاك الحانات والبارات وملاهي القمار صارت مدينة تعجز اي دولة ان تخلق مثلها

الموضوع فقط تغيير الفكر يا اخوان
مو ضروري تنزل السالمية كل يوم
حاجاتك المفروض انها بتتوفر بالمنطقة اللي انت ساكن فيها او قريب منها وصدقوني التجار لو ودهم يبيعونك الهوا اللي اتنفسه فلا تعتقد انهم لما يشوفون مناطق بعيدة ما يركظون علي نشر المولات فيها
كل الناس تبي البحر واول ما فتح الافنيوز الكل قال انه من انجح المولات وهو بالعارضية والشويخ - يعني بالجول والبر

منطقة العارضية الصناعية او التجارية سمها مثل ما تبي اول من اخذ فيها التجار الكبار وكانت منطقة مقطوعة نهائيا وشوفها الحين الكل يتهافت عليها من كبار الشركات والمصانع

ارد واقول الموضوع فكر ونظرة لي جدام ولا تعتقد انك بتمركزك بالمدينه يعني بتعيش براحة - التلوث حسب علمي ومعرفتي موجود بالديرة وبنسبة كبيرة بس بصور ثانية غير الدخان المرئي او الملون بالاضافة الي الزحمة الخانقة
عمركم شفتوا عاصمة نظيفة - مريحة - صحية ؟
الحجة في مناطق الجنوب فقط في القر يبة من المصانع الكيماوية وهو ما يخيف الناس ولا يلام علي ذلك اي جاهل ببعض المعلومات العلمية وبعض الحقائق واللتي يجب كشفها وبالنهاية هذا حجم الدولة ولا بد استغلال جميع المساحات
وكان علي الدولة من البداية تاهيل مناطق الحدود وهذا شي طبيعي بكل بلاد العالم وتنوع بين القريب والبعيد حتي تستطيع توفير السكن بخطة ميسرة عليها ومقبولة من المواطنين

الله المستعان ويرزق الجميع من خيره

نعم هذا الكلام الصحيح والناس يحمدون ربهم شوف السعوديه مثلا واحد ساكن بالدمام ودوامه بالرياض ولا هو من اهل حايل وعايش بنجران

الحمد لله ديرتنا صغيره وكل مكان توصله السياره

 

[القحيصان 76]

ارد علي الاخ اللي يقول العوض ولا القطيعه عطني متر في شقه بداخل الديره ولا تعطيني ارض في عرفجان انت من صجك هذا مدينة كلها تلوث بئيه وادارة البيئه حذرت الاسكان غير صالح لي السكن ولا عزاء لي الاطفال وارد علي الاخ اللي يقول 70 الف ماتبني 400 متر شلون تقدر علي 600 متر صح لسانك شلون تبني بيت العمر نظام تجاري انا اقول لي الاخوه الانتضار في اراضي في مدينة المطلاع والصبيه والي عنده فلوس يشتري حتي لو سد بجابر او سعد او بيت حكومي علي الاقل الحمدالله ان احسن من غير الدول اللي ماتشوف الشقق ولا الاراضي

 

[غرندايزر]

وين بتحصلون ابعد من هذه المنطقة ؟؟؟؟؟ على الحدود ...

ويقول مستقبل .... هع ...