*&^%$ ليش ليش ليش ^%$#^

yoyo1983

عضو نشط
التسجيل
22 أبريل 2007
المشاركات
22,665
الإقامة
DaMBy
ليش ساعات ما نتعلم من اغلاطنا و نوقف عن الغلط و بعد فترة انرد انسويه و نتحلطم من عواقبه..

ليش الارادة ما نحصلها بسهولة انحط مليون حلم لكن نادر ما نحط لواحد منهم ارادة..

ليش لما يصير شي مو مثل ما اهو نبيه نقعد نخلق مليون عذر و عذر علشان انبرر موقفنا و نعيش حياتنا نفكر و نتحلطم..


ليش لما الواحد يتخيل الامور بتمشي جذي و جذي لكن يكتشف بالنهاية انها تمشي بطريقة غير عن الي اباله..

ليش احنا لما نتحير بشي نقارن بين نسبة الي يمدح لنا اياه او الي يذمه و نتبع الاكثرية ليش ما نشغل عقلنا و نتأكد بنفسنا..

ليش لما نكون فاقدين الشي نحس بقيمته و لما يتوفر عندنا قيمته تكون شبه معدومة او معدومة..


ليش ساعات نحس بشي اتجاه شخص و نحس اهو بعد يحس اتجاهي بنفس الشي لكن الصدمة انه اجابته تكون النفي و الصدمة ثم الاختفاء..

ليش ساعات حالتك تكون مو مثل حالة الي حوليك و تحس انك بوادي و اهم بوادي ثاني تبي تنتقل واديهم بس مو قادر..



ليش ساعات تكون ملزوم انك تسوي شي ما تبيه و لما تسويه تكون متحلطم و انت تسويه..


ليش عندك طبايع مهما حاولت تدرب انك تغيرها ما تقدر لانه طبيعة جسمك و حركتك فارضة عليك يكون طبعك جذي..

ليش ساعات مشاعرك تتحكم بتصرفاتك و ما تقدر تمنع نفسك من اظهار الي بداخلك..

ليش ساعات يكون عندك احساس انه بصير شي و تظل تفكر انه بصير و اي حس خفيف يخليك اتحس انه بصير يموت قلبك من الخوف..


ليش يقولون الحب مو بس كلمة أحبج لازم يكون فيه تضحية و تصرفات لكن الي نشوفه العكس..

ليش ساعات تتعامل بقساوة مع ناس طيبة و على نياتها لانهم بس اييون بوقت الي مالك خلقهم و تقعد تتحسف بينك و بين نفسك على تصرفك وياه و اهو على نياته مو حاس بالي قاعد تسويه وياه..

ليش نقول لما اكبر بعامل ولدي جذي و جذي و تحاول انك تربي باحسن تربية او انك تقول لما اكبر بعامل الاصغر مني جذي و جذي و لما توصل المرحلة انك تسوي الي كنت تبي تسوي .. تسوي العكس و تحس ليش لما كان الاكبر منك يعاملك جذي..

ليش نحس ساعات انه نخاف نصير مثل غيرنا و انت تدري انه فيه اشياء ما تفهمها الا لما تكبر بالعمر بس تخاف تكبر و تصير مثل واحد تعرفه..

ليش فيه ناس مسوي شي غلط جدامك و يدري انك شايفه و اهو يسويه بس يقعد ينكر يقول لا ما سويت شلون صايرة الناس تفكر..

ليش لما تصير هوشة بين اثنين يكون السبب انه كل واحد فيهم له وجهة نظر و لازم واحد فيهم يرضخ لوجهة نظر الثاني و لكن كل واحد متمسك و معاند فما تخلص الهوشة..


ليش كلمة الحق ننحاش منها و نحاول نرقع علشان نستر على عيوبنا..

ليش اصعب شي انه نزرع ثقة تتقلب على مخاوفنا..

ليش نظل نفكر و نفكر و احنا ندري التفكير هذا لا يودي ولا اييب..

هممم اظن كافي جذي و سوري ..........
 

فضل

عضو مميز
التسجيل
25 يوليو 2008
المشاركات
6,792
الإقامة
بين السماااء والارض
زين ، جان حطيتى لنا خيارات
علشان نقدر نجاوب على ال60 ليش :cool::rolleyes:


يمكن لاننا بشر ونخطىء ، وجل من لا يخطىء​
 

نواره1

إلغاء نهائي
الليش ااااااااااااااااااااااااااااااااااااااااااااااااااااات .. بحياتنا .. ما تنتهي ..

شكرا اختي على الموضوع .....
 

NoOoOoR

عضو نشط
التسجيل
18 أغسطس 2008
المشاركات
10,667
الإقامة
الكــويـــت....:))
لانها طبيعة البشر
الناس ما يعجبها شي ....وعمرها ما تتفق على رأي واحد
شكرا
 

العاشق

عضو مميز
التسجيل
18 يناير 2009
المشاركات
14,324
الإقامة
هنا
باين عليج مهمومه000000000000000000

ليش الدنيا مفيها احد مرتاح :(
 

wow933

عضو نشط
التسجيل
13 مايو 2009
المشاركات
50
السلام عليكم
اختي العزيزه لو تشابهت الاذواق لبارت السلع والناس اجناس صعب المواحد يقدر يقول بصير انساء زين اوكامل والكمال عند الله

بس الانسان تكون عنده موهبه ربانيه صعب انه يتصنعها على سبيل المثال الانسان المرح مو كلنه مرحين ولا نقدر نكون مرحين
والعقل مثل ال الممري كثل ما خزنتي فيه علم تميز صاحب هذا العقل والله يكملنه بعقولنه
ويجعلنه من الصالحين
 
أعلى