اللي يفهم بهالاسهم يرد علي اليوم ضروري ..!!

[alz3by]

صباح الخير ..

يعطيكم العافيه جميعا بلا استثناء ..

صارلي فتره متابع لهالمنتدى اللي يسعدني ويسعد الكثير مثلي بتواجده ومساعدته لصغار المستثمرين تقريبا لو صدق القول ..


انا عندي مشكله بسيطه وان شاء الله ماراح تصير مشكله بمساعدتكم لي..


باجر ودي اروح اشتري اسهم ..

ومحتار بين 4 شركات اللي اسمع يتكلمون عنها وانها راح ترتفع ..

(طيران الوطنيه - الصفوه - تمويل الخليج - اكتتاب)

وودي اشتري بوحده فيهم ..


اتمنى اللي يعرف في هالاسهم يرد علي ويساعدني وجزاه الله الف خير ..

س1 اي منهم الافضل للشراء في الوقت الحالي..؟ ولماذا ..؟
س2 متى تتوقع ارتفاع السهم الذي اخترته ..؟
س3 هل هذه الفتره جيده للشراء ..؟
س4 هالسؤال حيل يهمني والشغله صج طافتني .. تابعت في موقعكم ان في دوره وانها بلشت تاريخ 15/8/2009 واكيد طافتني مع ان امبين عليها خوش دوره .. متى راح تبلشون فيها مره ثانيه ..؟ وشلون طريقه الاشتراك ..؟


وسامحوني اذا طولت عليكم بالكلام بس ابي المساعده منكم والمساعده السريعه لان باجر بروح اشتري ..


احترآآمآآتي ..​

 

[مدمن فلوس]

يالزعبي وضح كلامك اذا انت انسان تبي تضارب يعني تشتري اليوم وتبيع بنفس اليوم او بكره
او مستثمر تشتري وتنطر فتره متوسطه او طويله وبعدها تبيع عشان الاخوان يقدرون يساعدونك؟

انا والله ماعندي خبره بالاسهم وانا مضارب اشتري وابيع باجر او بنفس الاسبوع والحمدلله

 

[المحسود]

صباح الخير ..

يعطيكم العافيه جميعا بلا استثناء ..

صارلي فتره متابع لهالمنتدى اللي يسعدني ويسعد الكثير مثلي بتواجده ومساعدته لصغار المستثمرين تقريبا لو صدق القول ..


انا عندي مشكله بسيطه وان شاء الله ماراح تصير مشكله بمساعدتكم لي..


باجر ودي اروح اشتري اسهم ..

ومحتار بين 4 شركات اللي اسمع يتكلمون عنها وانها راح ترتفع ..

(طيران الوطنيه - الصفوه - تمويل الخليج - اكتتاب)

وودي اشتري بوحده فيهم ..


اتمنى اللي يعرف في هالاسهم يرد علي ويساعدني وجزاه الله الف خير ..

س1 اي منهم الافضل للشراء في الوقت الحالي..؟ ولماذا ..؟
س2 متى تتوقع ارتفاع السهم الذي اخترته ..؟
س3 هل هذه الفتره جيده للشراء ..؟
س4 هالسؤال حيل يهمني والشغله صج طافتني .. تابعت في موقعكم ان في دوره وانها بلشت تاريخ 15/8/2009 واكيد طافتني مع ان امبين عليها خوش دوره .. متى راح تبلشون فيها مره ثانيه ..؟ وشلون طريقه الاشتراك ..؟


وسامحوني اذا طولت عليكم بالكلام بس ابي المساعده منكم والمساعده السريعه لان باجر بروح اشتري ..


احترآآمآآتي ..​

الاستثمار في البنوك فرصة ذهبية و لن تتكرر هذه الفرصة اما قطاع الاستثمار عندك الشركات التالية
1-التسهيلات
2-كويتية للاستثمار
3-قطاع الخدمات لاننسى عملاق السوق شركة زين +اجلتي
وشكرا و هذه ليست دعوه للشراء

 

[TAHOE]

لا تستعجل وانا اخوك , السوق على مفترق طرق اما يكسر دعم قوي ويكون خروج او يرتد ويكون الدخول ,,

ومثل ما قال اخونا ابوخالد حاطب ليل ( ربح يفوتك ولا خساره تكسر لك عظم )

والله الموفق

 

[البرنس111]

اهم شي شوف الشركات الي ارباحها في نمو مستمر

 

[alz3by]

يالزعبي وضح كلامك اذا انت انسان تبي تضارب يعني تشتري اليوم وتبيع بنفس اليوم او بكره
او مستثمر تشتري وتنطر فتره متوسطه او طويله وبعدها تبيع عشان الاخوان يقدرون يساعدونك؟

انا والله ماعندي خبره بالاسهم وانا مضارب اشتري وابيع باجر او بنفس الاسبوع والحمدلله

هلا مدمن انا ناوي ان شاء الله اشتري فتره متوسطه تقدر تقول ..

عسى الله يوفقك بالمضاربه مع انها تخوف ​

 

[alz3by]

الاستثمار في البنوك فرصة ذهبية و لن تتكرر هذه الفرصة اما قطاع الاستثمار عندك الشركات التالية
1-التسهيلات
2-كويتية للاستثمار
3-قطاع الخدمات لاننسى عملاق السوق شركة زين +اجلتي
وشكرا و هذه ليست دعوه للشراء

مشكور على هالنصيحه يا المحسود ..
بس انا ناوي وحده من الشركات اللي حاطهم ومحتار باي وحده اشتري ..

وعساك عالقوه..​

 

[alz3by]

لا تستعجل وانا اخوك , السوق على مفترق طرق اما يكسر دعم قوي ويكون خروج او يرتد ويكون الدخول ,,

ومثل ما قال اخونا ابوخالد حاطب ليل ( ربح يفوتك ولا خساره تكسر لك عظم )

والله الموفق

هلا تاهوو ..
شوف وانا اخوك سمعت ومن اكثر من واحد ان السوق يبيله قلب ميت وما يهمه يا ان تضرب معاه او يخسر نفس هالعالم ..

واتوقع هالاسعار جيده للشراء وماراح تخسر لو على المدى الطويل..

وصارلي فتره اقرى بالمنتدى عن هالاسهم الاربعه ومادري شنو اشتري باجر شتنصح فيه ؟؟

وشاكرلك اهتمامك ..​

 

[alz3by]

اهم شي شوف الشركات الي ارباحها في نمو مستمر

شاكرلك يا البرنس على هالنصيحه .. بس وين يبين كل شركه وارباحها ؟؟

ترى اخوك غشيم شوي ​

 

[ابن عمير]

اذا تبي بس من هذه الاسهم فقط اخذ تمويل الخليج ..
انظر صفحة تمويل الخليج لتعرف الاجابه على باقي اسئلتك ...
والراي رايك وبالتوفيق ,,,,

 

[مدمن فلوس]

اخوي الزعبي ولايهون احد

اذا انت مستثمر حط في بالك (( بيتك ))

 

[Logiciel]

الصفوه شركه دايخه ورقيه

طيران الوطنيه شركه جديده تحتاج وقت طوييييييييييييييل للارتفاع


الأكتتاب شركه الحراميه

تمويييييييييييل الخلييييييييييييج علامه ؟؟؟

 

[alz3by]

ابن عمير ومدمن عساكم عالقوه على هالنصايح الطيبه ..

Logiciel ضيعني اكثر يعني شنو اخذ ​

 

[alcataloni]

نصيحة لا تشتري شي باجر.. انطر شوف شنو وضع السوق لانه باجر يا انه يرتد السوق او يكمل نزول فلا تستعجل يمكن يطيح السوق و تاخذ اسهم بسعر التراب

موفق انشالله

 

[abuhbib72]

يامرحبا يالزعبي فيك بين اخوانك

يامرحبا بأهل الحسي​

 

[زياد شحاده]

الصفوة دعم عند 60 وصل اليها الخميس وارتد الى 63 . اذا لم تكسر 60 لعدة جلسات الهدف 66 ثم 71
اكتتاب دعم عند 50-52 اذا لم يكسرها هدف 60
طيران الوطنية عنده فجوة سعرية بين 112 فلس و 122 بتاريخ 22/1-23/1 2009 يمكن ان ينزل اليها
تمويل الخليج دعم اول عند 170 اذا كسره دعم ثاني 156 . اذا صمد الهدف 184 ثم 194
هذه المعلومات بناء على دراسة المتوسطات الحسابية وارقام الدعم خلال ذروة الازمة المالية وانت حر في الاختيار والله اعلم.

 

[jicbz]

ياخوي اذا على مدي الطويل
1-طيران الوطنية
2- تمويل الخليج

على المدي القصير العكس..
الله يوفق الجميع...

 

[نجوووم]

انا انصحك تحفض فلوسك ابرك لان الشركات الي ذكرتهم ماوراهم فايدة

 

[R-W-H]

انتظر جلسة الاحد اذا ارتد السوق ادخل واذا لم يرتد انتظر ابركلك علشان تاخذ السهم من القاع عسى الله يوفقك ووفق الجميع

 

[alz3by]

شكرااااااااا من القلب الى القلب

وباجر من الصبح بحيل الله انا بالسوق وبشوف الوضع وبسمع نصايحكم


احترآآمآآتي ..​