يا شباب انتم ما تقصرون اطلب مساعدتكم

[moussaed80]

السلام عليكم ورحمة الله وبركاته

مبارك عليكم باقي الشهر وكل عام وانتم بخير ...

اخوكم طالب مساعدتكم ونصايحكم الحلوة في مجال استيراد السيارات من امريكا ..

للي عنده فكرة عن السيارات بامريكا ..

انا عندي خلفية بخصوص هالموضوع بس حبيت ازيد معلوماتي واستفيد من خبرتكم .. سمعت من بعض الناس اللي عنده خبرة بالمجال هذا انهم يقولون تروح لمزادات في تكساس و لوس انجيليس وكاليفورنيا .. فياليت يا اخواني اللي مجرب هالشغلة يعطيني خبر على .. هل اني انا احتاج لوسيط بيني وبين اللي يطلع لي السيارة من المزاد ..

و ابي اعرف اشهر الاماكن بامريكا والمناطق اللي تبيع السيارات ..

و حبيت استفيد من اللي عنده خلفية عن موضوع الشحن و خطواته وحدة بوحدة

لان انا بروح بنفسي لامريكا ومحتاج لمشورتكم

وهل تنصحوني بسيارات كندا ؟!

انا اخوكم مساعد ماراح اقصر معاكم ان شاءالله ولا ابخل عليكم باي معلومة تبونها واذا تبون اي شي صوغة منيه مناك لا تستحون من اخوكم ..


الله يخليكم ناطر منكم الاجابة على احر من الجمر


وعساني ما انحرم منكم ...


جزاكم الله خير ​

 

[GTO]

بالتوفق
وان شاء الله الشباب ماراح يقصرون وياك

 

[بو فايز 78]

بالتوفيق اخوي مساعد بس انصحك لوجه الله سيارات وارد برا افتك عنها وانت بخير

جوها مو مثل جونا ترى كذا واحد من الربع يجيب ويبتلش بخراباتها

والله يوفقك وانا هذا الي اعرفه


تقبل مودتي وتحياتي

 

[كالسيوم]

السلام عليكم اخوي مساعد اشهر الاماكن بامريكا تكساس واريزونه وفلوريدا

سيارات كندا احسن ليش عداد كيلو مو مثل امريكا ميل

وبعدين في ناس يشترون من المزاد التامين يكون مدعوم بس دفتر مو امسجل مدعوم وفي مو مدعوم بس ارخيص
وخوش تجاره والله يوفقك

 

[moussaed80]

شباب والله ما قصرتوا الله يعطيكم الف عافية

بس الله لا يهينكم لو تعطوني اشهر اماكن المزادات بامريكا وكندا

بيض الله وجوهكم ...