وانيت متسوبيشي 1991 ماشي بالثمانين الف بحالة الوكاله (صور)

[الصدق منجاة]

اتحداك اذا لقيت نفس موديل ونظافة هالوانيت متسوبيشي حجم 2600 موديل1991 ماشي بالثمانين الف بحالة الوكاله ملاحظه هذا مورقمه انا ماسح منه للتمويه
للي يحب يشوفها علي الطبيعه( الجابريه ق/7 ش/5 مقابل المسجد تحت الشجر)

بإختصار شاريه من مزاد الغملاس لسيارات المطار بدون ارقام السيارة خاليه من الحوادث وشرط الفحص بدي + مكينه + جير (عادي) + شاصي + كهرباء + مكيف + تواير جدد ماركت نكسن كوري اصلي + قفل كيبات حمايه + بطاريه اصليه جديده + مسجل راديوا متسوبيشي باجيروا حديث + صبغ كامل لان المطار شال استيكر الخطوط الجويه الكويتيه بصاروخ عشان جذي صبغته شامل عند كراج التنيب اب 140 دينار كراج محترم له وزنه مو بوهناد + حوض بلاستك متسوبيشي اصلي + قلص خلفي نزلت عليه طراد حجم 16 ثلاث مرات فقط لاغير شغله كله اصلي مو ملعوب فيه نهائيا والشاري راح يشوف ابعينه

لولي حاجه فيها ما ابيعها والله يبارك للشاري مقدما

سمعونا سوماتكم الطيبه لاتبخسون حق الموتر سومه بدون رقم ملغيه

واسف علي الاطاله واخليكم مع الصور

 

[BO NASSER40]

السلام عليكم

سامحني عالسومه

500

99002029

 

[مشعل الكويتي]

السلام عليكم وتقبل الله طاعتكم
540ويكون شرط الفحص 66680897

 

[الصدق منجاة]

السلام عليكم

سامحني عالسومه

500

99002029

جزاك الله خير ومسموح وانا اخوك هذا سوم مافيه شئ لو تقول دينار

السلام عليكم وتقبل الله طاعتكم
540ويكون شرط الفحص 66680897

وعليك السلام ومنا ومنك سائر الاعمال جزاك الله خير اخوي مشعل علي هالسومه لازال المزاد مستمر

والفحص بالرمال الذهبيه وعلي حسابي

 

[BO NASSER40]

حبيبي الله يسلمك هذا من اخلاقك على قولت اخوانا اللبنانيين ( كلك زوق )

 

[الدهليز]

الله يرزق البايع والشاري

 

[الصدق منجاة]

حبيبي الله يسلمك هذا من اخلاقك على قولت اخوانا اللبنانيين ( كلك زوق )

انت المزوق خيو

الله يرزق البايع والشاري

جزاك الله خير

 

[abo riann]

550 شرط الفحص 99734743

 

[المشورة]

600 د.ك على بركة الله .
يستاهل الأبيض .
97242949

 

[ma7aamd75]

620
97784448

 

[الصدق منجاة]

550 شرط الفحص 99734743

انا اللي اشرط فحص حتي لوتقول مايحتاج

600 د.ك على بركة الله .
يستاهل الأبيض .
97242949

تستاهل الطيب ذكرتني بدعاية kdd معا اني ما اشتريه لانه دنمركي

620
97784448

جزاك الله خير يامحمد بس والله ماجبت راسماله بالمزاد واللي راحوا المزاد يعرفون اسعار السيارات اللي ماشيه تحت المية الف

وابي من الاخوان اللي ساموا واللي يبون يسومون يروحون يشوفونه قبل السومه عشان يسوم علي بينه تري السياره تحت الشجر مو مغسوله
والبطاريه لاتخافون فاصل وايراتها معا انه مايحتاج ولكن المتقاعد دايم حريص زيادة

 

[ma7aamd75]

650
ولا تزعل
وانا شراي
97784448

 

[محمد 33]

جم تبي فية من الاخر انا شراي وجاد وابي وانيت من زمان ومومحصل بهالنضافة وانت سيارتك ماشاء اللة نضيفة حيل وعجبتني وايد وايد ولان سيارتك نضيفة انا شراي والرنجات جم حجمهم والجام تماتيك ولا عادي والقير جم غيار 5(4 غيار والمسجل في سيدي والكشن الامامي مفصل ولا عادي تكيفة شلونة وانا ماعرف بالسيارات وابية حق قلص الطراد وموفق وانشاءاللة ترد علي باسرع وقت لاني شراي

 

[كويتي0]

اول شيء قوووول آمينْ .... يارب بهالشهر الفضيل يدخلنا وياك وكل المسلمين الجنه

ثاني شيء خالي / قلت لك خالي يوم تقول انك متقاعد يعني (( شاااااااااااااايب )) ههههههه


اقووول 700 .... ولو سومتي ماترضيك لا تزعل والسموحه طال عمرك ....


عسي الله يوفقك يارب

 

[الصدق منجاة]

650
ولا تزعل
وانا شراي
97784448

الله لايجيب الزعل وجزاك الله خير علي هالسومه

جم تبي فية من الاخر انا شراي وجاد وابي وانيت من زمان ومومحصل بهالنضافة وانت سيارتك ماشاء اللة نضيفة حيل وعجبتني وايد وايد ولان سيارتك نضيفة انا شراي والرنجات جم حجمهم والجام تماتيك ولا عادي والقير جم غيار 5(4 غيار والمسجل في سيدي والكشن الامامي مفصل ولا عادي تكيفة شلونة وانا ماعرف بالسيارات وابية حق قلص الطراد وموفق وانشاءاللة ترد علي باسرع وقت لاني شراي

ماقدر احد من حد لد , والتواير رنجات الوكاله , والكشن مومفصول , والجام عادي , القير 6 غيار والمسجل مال باجيروا 2004 او 2005 علي كلام راعي المسجلات اللي شريته منه راديوا + كاسيت فقط مع وجود مسجل ورادوا الوكاله الاصليين شغالين 100% بس الراديوا فر يدوي وين تلقا جهينه ونت تسوق والمكيف ممتاز اعبيه غاز حق اللي يشتريه فقط اذا تمت البيع لاني انا مابي مكيف والسلام ختام

اول شيء قوووول آمينْ .... يارب بهالشهر الفضيل يدخلنا وياك وكل المسلمين الجنه

ثاني شيء خالي / قلت لك خالي يوم تقول انك متقاعد يعني (( شاااااااااااااايب )) ههههههه


اقووول 700 .... ولو سومتي ماترضيك لا تزعل والسموحه طال عمرك ....


عسي الله يوفقك يارب

هلا بولد اختي شايب منتصف لان الكلمه نصها شباب والنص الثاني شياب = شايب
جزاك الله خير علي هالسومه والله لو تسومها ب700 فلس علي قلبي مثل الثلج لان هذا سوق مافيه السموحه ولاتزعل ونا خالك

ولا زال الابيض علي السوم

 

[كويتي0]

والابيض يستاهل علي قولتك ....

وهو فعلا يستاهل نظيف وعسي الله يعطيك خيره ويكفيك شره


نقوووول 750


بزود على نفسي لان الموتر يستاهل وانا ابيه استعمال والله

 

[الصدق منجاة]

والابيض يستاهل علي قولتك ....

وهو فعلا يستاهل نظيف وعسي الله يعطيك خيره ويكفيك شره


نقوووول 750


بزود على نفسي لان الموتر يستاهل وانا ابيه استعمال والله

تستاهل الطيب والله كل مادقيته سلف تدعيلي

لا وبعد من زود الثقه مني كفاله علي الموتر بعد الفحص والبيع شتبون اكثر من جذي

 

[كويتي0]

خالي يا اخووو امي ....

والله ثم والله لاني اشتغل بالسيارات ولا شيء ابيه لي استعمال

لانه وبكل صراحه نظيف يفكنا من كل شوي بالصناعيه ....


شووف عاد وحده من الاثنين وانت اختار ياتقول بجم تبيه

يا امي اختك هي واسطتي .... (( شرايك فيني ثقه ))

 

[الصدق منجاة]

خالي يا اخووو امي ....

والله ثم والله لاني اشتغل بالسيارات ولا شيء ابيه لي استعمال

لانه وبكل صراحه نظيف يفكنا من كل شوي بالصناعيه ....


شووف عاد وحده من الاثنين وانت اختار ياتقول بجم تبيه

يا امي اختك هي واسطتي .... (( شرايك فيني ثقه ))

هلا بخوي والله انك بقمة الثقه وانا اقولك بدون واسطه تستاهله بس والله مكلفني مبلغ ولا اقدر احد معروف من حد لد انت شوفه ماراح يكلفك شئ علي العنوان اللي مكتوب فوق بالإعلان وصدقني راح يعجبك

ملاحظه مادري متي تنتهي بيمته ؟ بس للشاري بيمه سنه اذا منتهيه

واسف علي التأخير انشغلت بأقسام ثانيه

 

[ma7aamd75]

770
97784448