والله قويه( زين ) تنباع وينكم يا هوامير الديره وين هيئة الستثمار وين بيت اللتمويل

والله قويه زين تنباع وينكم يا هوامير الديره وين هيئة الاستثمار وين بيت اللتمويل وين التأمينات وين وين وين....
الوطنيه لقطر الحبيبه
وفيفا للمملكه الشقيقه
وزين للامارات الشقيقه
وين هيئه الاستثمار زين مو احسن من ستي جروب والداو
وبعدين اذا انباعت زين شبقالنا من من قطاع الاتصالات
واذا الخرافي يبي يبيع من حقه رجل مستثمر ويبي يتخارج من استثماراته
ولكن الغلط ان الحكومه توقف وقفه المتفرجين ولا صوت لمن تنادي

اولا زين واجهة للكويت وهي تصنف من اكبر شركات الاتصالات بالعالم وحرام الدوله تفرط فيها

والموضوع الخطير اذا انباعت حق الصندوق السيادي لابو ظبي
عشان لا حد يفهمني غلط والله اني لا حاسدهم ولا اكرهم وبالعكس احبهم وهم اخوان لنا

المهم ان زين هي اقوى شركه بالسوق وكلكم عارفين السوق وعارفين قوة زين لما ترتفع شيصير بالسوق ولما تنزل شيصير فيه

والصندوق السيادي له اهداف فتخيلو لما يمسك عصب السوق الكويتي يقدر يلعب بالسوق على كيفه في صعوده وفي نزوله

والله راح تكون صعبه بيعة زين شركة الهواتف المتنقله اول شركة هواتف كويتيه

الله يوفق ملاك السهم بما فيهم الخرافي ولكن والله يعز علي بيعتها

 

انت من صجك تكلم
الديره كلها راح تنباع بس اصبر شوى

جايك بالطريج الكويتيه
والخطوط الارضيه
والبريد والكهرباء وغيرها

خلصنا من الاحتلال العسكرى وجائنا الاحتلال الاقتصادى ​

 

اي والله الاقتصاد الوطني راح يرووح فيها اذا جذي
احنا مو فالحين اله بهل قطااع
بس يالله ما عليه العوض وله القطيعه انعوض بالقطاع البنكي
والوطني وبيتك لهم كلمه واتوقع الخرافي ما راح يسكت عنهم صدقوني لابد يتملك بشركة قياديه بالسوق الكويتي واذكركم بهل شي

 

ياحبكم حق تهويل الامور والمشاكل والكلام الفاضي

 

مشكور

 

كل لمؤشرات تدل على هذه الصفقه المحتمله ولكن هناك مبالغة بالسعر كثيرا .. مجموعة الخرافي تعاني من ديون عملاقه ويمكن ان تتعرض لنفس السقوط الذي تعرضت له مجموعة سعد-القصيبي .. وهي بذلك تحاول الهروب من شبح الانهيار .. وكما نعلم ان هيئة الاستثمار وبرئيسها المقرب من الخرافي لم يتمكن من تأميم حصة الخرافي في الدول العربيه بعد فضيحة مجموعه الشعبي لرصد مبالغ استثمار بالدول العربيه تصب في مصلحه المجموعه بالتخلص من الاصول لتوفير سيوله لكبح مواعيد الاستحقاقات القريبه ..لذلك قامت المجموعه بخطوة جريئه

 

كلامك مقنع

الخرافي اذا يبي يبيع الله يرزقه لكن زين غير راعيها لازم يكون من هالديره

 

والفحص الفني

 

ضروري الكويتيه تحول قطاع خاص انت عاجبك طيران الكويتيه انا واحد من الناس اركب ترانزيت على اي طيران ولا اركب دايركت على الكويتيه ____ والخطوط الارضيه مافي مانع اذا خلوها بفلوس المكالمات بشي رمزي بسيط مثال الدقيقه فلس ___ والكهربا كذلك __ وازيدك الادويه بالمستشفيات والمستوصفات المفروض بفلوس بشي رمزي بمتناول الجميع مو احسن من ياخذونه الوافدين بالاجازه الصيفيه ويصدرونه برا الكويت اذا صار بفلوس انسى الوافد ياخذ درازن يودي برا الكويت هذا غير الادويه المحذفه بمصافط المستشفيات

 

يعني حنا حلال علينا نشتري كل دبي وعقاراتها وعمان وأراضيها ومصر والاردن وأوروبا والاف محطات البنزين في شرق أسيا وأوروبا ومصافي نفط في إيطاليا وبنوك في البحرين ومصر والمغرب وباكستان وماليزيا وأمريكيا وتركيا ونساهم في المرسيديس وبرتش بتروليوم ونستثمر 45مليار في اليابان وووووو-----وووو---

------------------------ وتشوفون كثير على الناس تشتري شئ منا هذا إذا تم الشراء
هذا السلوك المنتشر إنتشار النار في الهشيم في النفوس ----- ماذا نسميه ----- حسد ---حقد--- فشل---وطنيه --- مغالاه --النظره الفوقيه --

 

اقسم بالله لا هو حسد ولا حقد ولا كبر والعياذ بالله
ولاتكلمنا عن الوطنيه ولا فيفا
لكن زين غـــــيـــــر
هي الي بقت
وهي العمود الاقوى من اعمدة البورصه
ولا ني رافض البيعه ولكن شفيها لو البيعه لشركه كويتيه او مستثمر كويتي او هيئه حكوميه

 

هذا بزنز وما فيه عواطف
الشاري عليه بالعافية
والبايع عليه بالعافية
وانشالله نستفيد من الخبر ومن صعود السوق وعلينا بالعافية

 

أحرجتني بردك الجميل وكنت أطيب مني بأسلوبك الراقي
وأنا مثلك أتمنا أيضاً
ويبقى الامر إسمه تجاره فيها الربح والخساره والفن والشطاره والأيام القادمه مليئه بالمفاجأت

 

حلاله وبكيفه واللي يبي يدش المزاد حياه الله ...
يمكن يبي يطلع من زين ويدش بيت التمويل ...

 

ما يحتاج يدش بيت التمويل ، الخرافي وصناديقه تملك بالوطني وبنك الخليج

 

كلامك صحيح أخوي ، وهي رسالة لمجلس الامة ( ماتبون خصخصة وقوانين الـbot ) راح نبيع المؤسسات الحكومية حق الشركات الاجنبية) ، وهي دليل على أن الحكومة تفعل ما تريد وتدع النواب يطلقون التصريحات الرنانة في الهواء .
ولاحول ولاقوة إلا بالله

 

الكويتيه يا حسافه عليها من كانت احسن شركه طيران بالخليج صارت اسوء شركه
طيران الخليج احسن منها

 

زين بعد زيادة راس المال تضخمت حيل صارت تخوف في ظل التطور القادم اللى الأتصالات فيه سيكون بالمجان اوبأسعار رمزيه والخرافيه تجار من يومهم يعرفون يحسبونها صح

بوهباش الدنيا رمضان وصيام وحاط قلاص عصير بس شنو نوعه وشنو اللي عليه بودر اتقي الله

 

كلامك كله حلو بس ينقصه نظرة الصقر من فوق فوق بالعالي
للفريسة وأنا ما ألومك أبد قلبي وعقلي في ما تفضلت به
ولكن أنت تريد والآخرين يريدون أيضا ً
تابع كلامي للآخر

كلامك أخوي مع الأسف واقعي والبلد أعتقد في هذا الإتجاه
تابع كلامي للآخر

صحيح الرسالة وصلت وعلى قولت القايل صوتك وصل
بس منه يحلله ويقدر يحلله أصلا ً ما لم يكون له نظرة الصقر من فوق فوق بالعالي للفريسة ،،،،،، وأنا وياك وكلامك أيضا ً واقعي

سمعتوا عن من يتحكم بالشأن الإقتصادي سوف يكون لديه القدرة بالشأن السياسي
المنطقة برمتها سوف تتغير وراح تختلط الأوراق بالخليج من الناحية الإقتصادية ومن ثم السياسية

وسامحونا على هذا الطرح الذي هو شر بنظرنا الآن وهو شر لا بد منه
في زمان العولمة

والله الموفق والساتر

 

شنو شعور المذيع عايد العنزى اذا ماقدر الفلاح توقيف زين عن التداول