جميلات جدا

[@ عاشق الريم @]

اليوم تعوذت من الشيطان لين قلت بس

وأستغربت وأضحكت

كانت جلستي الاولى ضد البنك الوطني وحضرت ثلاث محاميات حوريات بجمال أوربي + عربي + خيالي يحملون شعار البنك الوطني على صدورهم وختم البنك على ملفات قضاياهم وصغيرات بالسن
ليش البنك ما أختار أحد مكاتب المحاماه المعروف بالكويت أو وضع محاميين كويتين من أهل الخبره شنو مقصده بهل قنابل النوويه الى تدوخ الى مايدوخ من جمالهم

المهم طلعت السالفه سهله للغايه والقاضي قابلني بأبستامه وبكلام طيب وقدر أني ضايع بالطوشه


وقدم مذكره من قبل ملكة الجمال يقول فيها قصه طويله عريضه وأحس أنه سبني بالمذكره أسلوب الرد أستفزازي جدا ياليت لو أحد يساعدني بوريه المذكره ويقرأها ويشرح لى الطريق أو يمسك القضيه بسعر أقدر عليه علما أن القسط بيوم التقاعد تجاوز 70% بالميه وسددت 13 وكسور ونزل من القرض 1500 فقط يعني بأذن الله كاسب القضيه قانونيا بس محتاج المساعده من أهل الفزعات وشكرا

 

[q8.1911]

للأسف هذي سياسة البنك الوطني

حتى في الوزارات يدزون نفس نوعية المحاميات للموظفين الجدد والقداما يبينون فيها مزايا البنك الوطني ويحثون الموظفين للتحويل من بنوكهم إلى البنك الوطني ، وبعض الشباب وبعض الشيبان من يشوف هالنوعية يقط إلي وراه وإلي دونه ويقط نفسه بجهنم بعد بس علشان يسولف معاها ... وأفا عليك من عيوني أحول للبنك الوطني ... وهكذا تكون صادتهم بشباكها وهي تعتبر الخيط إلي يصيد فيه البنك ، وبعدها تليفون واحد وتنزل قرض بقيمة ٣٠ أو ٤٠ ألف ... وبعدها باي باي عليك ... والله المستعان

 

[general]

لزوم الشغل

 

[rahaly]

لا ياخوي ما يجوز هالكلام ..

هذول بنات ناس وقد يكونوا متزوجات ... ما يجوز نقول عنهم هالكلام

وهذول خواتنا وبناتنا ...

شنو يعني البنك يستغلهم وهم قابلين بالوضع كان عملهم هكذا ؟؟

يا ريت تشطب الموضوع بارك الله فيك .. ما راح نستفيد منه الا الاثام

ورمضان كريم

 

[q8.1911]

لا ياخوي ما يجوز هالكلام ..

هذول بنات ناس وقد يكونوا متزوجات ... ما يجوز نقول عنهم هالكلام

وهذول خواتنا وبناتنا ...

شنو يعني البنك يستغلهم وهم قابلين بالوضع كان عملهم هكذا ؟؟

يا ريت تشطب الموضوع بارك الله فيك .. ما راح نستفيد منه الا الاثام

ورمضان كريم

أخوي رحالي جزاك الله خير وهذا إن دل فإنما يدل على طيبك وعلى طيب معدنك الصافي

أنا ما أدري عن المحاميات وماشفتهم ، لكن أنا شفت إلي يدزهم البنك الوطني للوزارات لإستغلال الموظفين من نوعية ( ساحك على وجهه ) وإغرائهم ... وللأسف المسؤولين بالوزارات في الغالب يفتحون لهم المجال ومايعارضونهم ولابد إنها تمر على المسؤول وتكي عنده اشوي وبعدين يصر الهجوم على الموظفين بمباركت المسؤولين ، هذا ما رأيته رأي العين .. والبنك الوطني يسوي أكبر من جذي ... الله يهدي الجميع لما يحب ويرضى
​