تكفون ساعدوني

[جاسم الجسوم]

السلام عليكم
انا بنتي توها قاصه الاجازه ودي اشتري لها افالون 2001 او 2002
شنو عيوبها
وثاني شي انا عندي سياره مافيها فتحه وابي افتح لها فتحه وين تنصحوني وبجم

 

[ابو رجا]

اخذ الافالون ولا تشاور سياره لايعلى عليها

 

[جراح السلطاني]

اخووووي جاسم نصيحه اذا بنتك توها ماخذه ليسن أخذلها كامري أبرك لانها توها بالبدايه واذا كبرت ويعطيها طولت العمر وياك أن شااءلله تأخذ سياره ألي تبيها وانا سويتها قبلك

وهذي نصيحة أخو إلي اخوه

وانت أدره بطروفك

وبالتوفيق إن شاءالله

 

[أبوفلان]

توها ماخذه الليسن الله يعين الأرصفه

والله نصيحتي إخذلها كامري ولا التيما وبعدين اذا صبغوا الأرصفه وانحكت السيارة اشترلها شي راقي


الله يوفقك

الأفالون حلوه بس ترا بالبيعه ماتييب شي

 

[بو متعب]

اذا توها مطلعه ليسن سياقة اجر لها سيارة لمدة 3 اشهر تامين شامل بدون تحمل تتعلم عليها بعدها اشتري لها سيارة افضل لك

 

[GMC يفرض هيبته]

السلام عليكم

شور ابومتعب .... حلووو

والكامري ... تصلح للي توه قاص الأجازه .. والافالون قديمة 2002 وقصتها تغيرت

والله يستر عليها ...

 

[بوعلي الشمري]

السلام عليكم

اخوى شور بومتعب طيب او خذ كامرى 2003كويسة ورخيصة وقطع غيارة مناسبة الله يستر عليها الحريم اول سيارة لازم يهدمونها عندى ام العيال ماخلت سيارة ولارصيف ولا كيربية ماحكتهم

 

[مهم للغاية]

اذا توها مطلعه ليسن سياقة اجر لها سيارة لمدة 3 اشهر تامين شامل بدون تحمل تتعلم عليها بعدها اشتري لها سيارة افضل لك

شور طيب من راس طيب

 

[أبو قتاده]

السلام عليكم
انا بنتي توها قاصه الاجازه ودي اشتري لها افالون 2001 او 2002
شنو عيوبها
وثاني شي انا عندي سياره مافيها فتحه وابي افتح لها فتحه وين تنصحوني وبجم

ياخوى كان عندى أفلون 2003

وفاكه من الوكاله سنه وبعتها
وسيعه من داخل

وجيده بكل شئ

العيوب: التكييف لك عليه مو مثل الكرولا
2- بالخط تسمع صوت التواير الاماميه كأنها عند أذونك

وبالتوفيق

 

[جاسم الجسوم]

ميزانيتي ماتسمح الا افالون 2001 او 2002 ممكن اعرف اسعارهم بعدين ولدي اذاني عنده سياره مافيها فتحه يقول ابي اخلي فيها فتحه ممكن اعرف الاسعار مشكورين

 

[جاسم الجسوم]

للرفع

 

[rakan_yes]

بالتوفيق اخوي بوجاسم

شوف الكامري لايعلى عليهاا

لاكن خلني افيدك

شوف

روح لبيت التمويل او اي شركه تاجير بالكويت الله ماكثررررهم

واجر لها سياره بقسط شهري لايتجاوز 180 دينار

طبعا سياره يابانيه

الفوائد الي راح تستفيد من هالتاجير

اولا

الحوادث لاسمح الله
راح تكون على حساب التامين

الاعطال الميكانيكيه على الكفاله راح تكون
افتكيت من طوخة الكراجات والتوفق على الطريق لاتنسى بنت توها صغيره
يعني قليلة التصرف

ماتحاتي اي شي كلشششششششش

والله يستر عليها ويفرحك بعرسهاا يارب


لاكن لو مابغيت التاجير لاي سبب كان

اشتر لها فعلا كامري او كورولا او جالنت ميتسوبيشي

لاكن لاتهملها
خلك مراقبها بالتعليم

يعني لاتقول خلاص قصت ليسن تعرف تسوق
لا

كل يومين والثاني اطلع معاها فره بين المناطق المزدمحه
والخط السريع

بس الله يرحم والدينك تجي صوب الخط الي امشي فيه اخاف من المتدربين هههههههههه اتغشمر اخوي

الله يوفقك لما يحب ويرضى

اخوك
بورااشد