شركة زين للاتصالات (زين)

[Cha3bar]

السلام عليكم

أخي الكريم Cha3bar نبي النصيحة العدلة منك ومن الأعضاء، انخش السهم لين الجمعية العمومية اللي موعدها يوم الإثنين واللا نتخلص منه في أقرب فرصة ممكنة، لأني شايف في فريقين على سهم زين ، فريق يقول اقظب على السهم لا يروح منكم وفريق يقول وخر عنه وانحاش وأنا بين ناريييين مادري وش اسوي

وعليكم السلام أخوي mahmuz

نصيحتي إذا كنت مضارب إتبع التحليل الفني والأخوان بالمنتدى ما شاء الله مو مقصرين يتابعون تحرك السهم خطوة بخطوة وكأن صار له فترة يحاول يخترق حاجز 1500 ومو قادر "في نفس الوقت ما عطى إشارة خروج صريحة للآن" .. أهم شي حط لك نقطة لوقف الخسارة ولا تتردد بالخروج من السهم إذا كسرها مهما كانت الأخبار والإشاعات

أما إن كنت مستثمر المفروض تكون حاط لك خطة إستثمار وعارف متى تبيع وتشتري ومتى توقف الخسارة وأهم شي لا تتردد، وبالنهاية لا تحمل أي أحد غيرك إنت مسؤولية أو نتيجة أي قرار إتخذته في السوق

 

[عندي كاش]

صفقة زين تمة مع الاتصالات الاماراتيه وهاذا من مصدر موثوق فيه و كلام اخوى مانشستر صحيح ميه ميه بعد ماتم التأكيد من المصدر الخاص ولا علم لى بصعود السهم او نزوله والعلم عندالله سبحانه

 

[bu3teeg72]

معلومات مؤكدة عن بدء تسليم شركة زين الكويت بعض اداراتها لشركة اتصالات الاماراتية , وانباء عن نية اتصالات لتغير اسم زين الي اتصالات الكويت بعد ان فرضت شركة زين سعر عالي على علامتها التجاريه

يعطيك العافية بس أخوي اسمحلي هالكلام - لحد الآن - مو صحيح بالمرة وما حصل لا تسليم ادارات ولا شي... قد يحصل بعد الإعلان عن الصفقة واللي ماراح يعلن عنها قبل الجمعية العمومية..

وأنا مسؤول عن كلامي..

والسلام ختام..

 

[نجوووم]

«أم تي إن» تدرس شراء وحدة زين في أفريقيا



كتب خالد كبي:
قال الرئيس التنفيذي لمجموعة ام تي ان للاتصالات بوتوما نهيلكو، في تصريح له على موقع بلومبرغ، ان الشركة قد تنظر في شراء حصة في زين افريقيا المعروضة للبيع، في حال فشلت محادثات اندماجها مع «بهارتي» الهندية للاتصالات.
واضاف ستضع الشركة الصفقة في اعتبارها فقط في حال لم يكن هناك عقبات تنظيمية داخل الشركة.

 

[عندي كاش]

«أم تي إن» تدرس شراء وحدة زين في أفريقيا



كتب خالد كبي:
قال الرئيس التنفيذي لمجموعة ام تي ان للاتصالات بوتوما نهيلكو، في تصريح له على موقع بلومبرغ، ان الشركة قد تنظر في شراء حصة في زين افريقيا المعروضة للبيع، في حال فشلت محادثات اندماجها مع «بهارتي» الهندية للاتصالات.
واضاف ستضع الشركة الصفقة في اعتبارها فقط في حال لم يكن هناك عقبات تنظيمية داخل الشركة.

السالفه خلصة والفلم انتها

 

[نجوووم]

السالفه خلصة والفلم انتها

مافهمت وضح

 

[عندي كاش]

مافهمت وضح

بيع زين افريقيا كانت ايشاعه والسالفه كلها بيع زين الام وحبو يصرفون إلى عندهم وصارو يطلعون ايشاعات مره اهنيه ومره هناك لان لوكانو لاقين شراي لفريقيا ماباعو زين للامارات بل العربي زين افريقيا استثمار خسران وتوهقو فيها وإلى قاعدين ايطلعونه اهنيه يصرفونه اهناك والخرافى رجال مايحب الاستثمار الخسران وحب يصرف إلى عندهم وطالعو نسبة شركة الخير كم صارة نسبتها فى زين

 

[Abdullah Alhajeri]

مخطط كبير والله

حسبي الله ونعم الوكيل

اكل اموال الناس بالكذب والتدليس

لله درك يا مسلم البراك

شكو مادري :>

 

[ريكاندو]

يا جماعه اذا استثمار افريقا حق شركة زين يقولون راح يطلع ارباح عيل ليش يكون يبيعونه ويحرمون الملاك ويحرمون المستمرين من هالاربااح
واذا ملاك شركة زين واثقين منها ليش يبون يطلعون من هالشركه ؟

 

[فيصل 31]

صباح الخير ... انا جد طرحت موضوع وحذرة قبل ثلاث ايام وانا والله صادق بكلامى من شخص ثقه واسمه معروف بالبورصه وكلم واحد من ربعى وقدامى هالحجى وقال اطلع من السوق لانه راح ينزل السوق بعد صفقة زين باللهجة هذى لانه زين اهى القائد بالسوق واذا نزل سهم زين راح يسحب معاه شركات وراح ينزل المؤشر اطلع قبل يوم الأثنين وخل عينك بالسوق وشوف النزول وبعد العيد ادخل السوق اذا استقر كذا يوم واذا استقر سهم زين على وضعه وارجع واعيد النصيحه وراح ينزل السوق بعد الصفقه والحذر الحذر بعد 31_8

 

[فيصل 31]

وهذى نصيحه اقدمها لكم معنى قليل المشاركة والخبره بالسوق هالخبل حبيت انقله لكم ولعلى وعسى ان يكون فى وقت قبل انى يطيح الفاس بالرأس والله والله انى ليسه مخرب ولا لى بالشركة اى سهم وانى اود ان افيدكم بهذى المعلومه ومن يود يسمع كلامى ان يخرب من السوق وينظر ماسوفه يحصل بعد الصفقه ويعرف قيمة كلامى وهذا خبر مأكد ميه بالميه ولا يغركم ارتفاع السهم باجر ويوم الأثنين لانه السهم راح يخفسون فيه وراح يوصلونه الا الدينار وهذى معلومه واتمنى لكم بالخروج رابحين وليس خسرانين وبالتوفيق للجميع وانا والله وفى الشهر الكريم انى صادق بما سمعت وماعندى الا ان انصحكم

 

[المجموعي]

الى السيد بورزيقة ناقل الخبر من منتدى النوادي,

لك كل التحية والاحترام, و التحية تصل الى الأخ الكريم المجموووعي

أنا ليس عندي أي تشكيك في الخبر, و لكن هناك شيء غير منطقي في قمع الخبر. الخبر يتكلّم عن بيع حصّة من الخرافي لشركة أجنبية, و هذا لا غبار عليه, حيث أنّ الجمعية الغير عادية ستعقد لجعل هذا الموضوع جائزا.. و لكن ما جعلني أنظر للخبر بحيرة و تشوّش هو ذكر أنّ الحصة المراد بيعها على المستثمر الأجنبي ليست حصّة عائلة الخرافي المحترمين, و لكن هي حصّة عبارة عن تجميع كميه قويه من السوق من قبل مجموعة الخرافي وبيعها بعد ذلك على المستثمر الأجنبي أيا كان.

يا اخوتي, اذا المستثمر الأجنبي يريد الحصّة الّي بالسوق و ليست حصّة المجموعة, ليش ما يدش السوق و يلقّط بأسعار اليوم و أمس و قبل شهر مثل ما قاعد يحدث الان في السوق, ليش يقول لمجموعة الخرافي اشتروا من السوق بأسعار رخيصة, و أنا أشتريها منكم بسعر 25%-30% أغلى؟

هذا فقط للاستفسار و ليس للتشكيك.. و ياليت أخواني ينورونا بتحليل الخبر..

و لكم جزيل الشكر و الامتنان مقدما..

هو يتجرأ ويعملها !!!

هذا
اذا ماقطعوه قبل لايفكر بهذي الخطوووووه !!!!

وفوق
هذا القانون مايسمح له ,,,

 

[المجموعي]

السلام عليكم أخوي thedon

ما راح أعلق أو أدافع عن تسريبات إتمام أي صفقة كانت على أسهم زين لأي طرف ما لكن لي تعقيب قد يكون توضيح لإستفسارك المشار له أعلاه في الإقتباس

النظام الأساسي الحالي لشركة زين لا يسمح لمستثمر أجنبي بالتملك بنسبة أعلى من 2% فربما يخول وسطاء محليين ومحافظ لتجميع الأسهم لصالحه حتى تتم الموافقة وبعدها تتم عملية نقل ملكيتها سواء بنفس سعر الشراء مقابل حصولهم على عمولة أو على سعر متفق عليه مسبقا ويكون الفرق لصالحهم
والله أعلم

يعطيك العافيه

اذا انا موغلطان بالطريقه هذي تعتبر مخالفه قانونيه
خصوصا انه مستثمر اجنبي بعد ,, يعني القانون راح يطبق عليه بكل ماتحمله الكلمه من معنى
وهم بعد
منو هالوسيط اللي يتجرأ ويفرض شيئ على مجموعة الخرافي ؟؟؟ بدون علمهم ...


وشكرا

 

[mahmuz]

وعليكم السلام أخوي mahmuz

نصيحتي إذا كنت مضارب إتبع التحليل الفني والأخوان بالمنتدى ما شاء الله مو مقصرين يتابعون تحرك السهم خطوة بخطوة وكأن صار له فترة يحاول يخترق حاجز 1500 ومو قادر "في نفس الوقت ما عطى إشارة خروج صريحة للآن" .. أهم شي حط لك نقطة لوقف الخسارة ولا تتردد بالخروج من السهم إذا كسرها مهما كانت الأخبار والإشاعات

أما إن كنت مستثمر المفروض تكون حاط لك خطة إستثمار وعارف متى تبيع وتشتري ومتى توقف الخسارة وأهم شي لا تتردد، وبالنهاية لا تحمل أي أحد غيرك إنت مسؤولية أو نتيجة أي قرار إتخذته في السوق

مشكور وما قصرت

 

[ريكاندو]

فيصل ترا في الفتره الاخير ما صعد اله قروب واحد اهو قروب الخرافي تبع زين
يعني لا قروب المدنية وله قروب البدر وله قروب البحر وله قروب الصفاة وله قروب اجليتي وله البنوك كافه صعدوو مع زين
فليش ينزلون معااهاا واهم ما صعدوو
والي ثقه واسمه معروف بالبورصةليكون اهو يملك الاسهم كله الي بالسوق؟
بعدين توقف هالاقروبات الي قلت عنها سببها صفقة زين والمضاربه عليها فقط
والحين اتوقع يرجعون يضاربون باسهمهم
وقبل يوم صعد السوق من 650 لي 8400 ترا ماكان لزين اي نفس فيه
لكن بعد كلام الصفقه صار حجي ثاني وكان كل قروب شغال بروحه
والله ولي التوفيق

 

[Cha3bar]

يعطيك العافيه

اذا انا موغلطان بالطريقه هذي تعتبر مخالفه قانونيه
خصوصا انه مستثمر اجنبي بعد ,, يعني القانون راح يطبق عليه بكل ماتحمله الكلمه من معنى
وهم بعد
منو هالوسيط اللي يتجرأ ويفرض شيئ على مجموعة الخرافي ؟؟؟ بدون علمهم ...


وشكرا

الله يعافيك أخوي المجموعي

إذا يات السالفة على المخالفات القانونية فأغلب التداولات على سهم زين والأسهم التي تأثرت بإرتفاع زين مؤخرا تداولات مشبوهة .. خلها على الله

كلامي لم يكن إلا فرضية حتى نشوف شنو بيصير في أو بعد الجمعية العمومية أما بخصوص الوسيط فلم ألغي أن يكون الخرافي نفسه هو الوسيط، أو مجموعة سالم العلي مثلا!

وعلى العموم يا جماعة لا تعطون الخرافي أكبر من حجمه

 

[AZIZ77]

أخوي cha3bar
هل تنصح اللي باع السهم يرجع يشتريه مرة ثانية
افكر اشتري باكر!!!! ومتردد
الخوف الربح اللي طلعتها بيتحول خسارة اذا طاح السهم

 

[Cha3bar]

أخوي cha3bar
هل تنصح اللي باع السهم يرجع يشتريه مرة ثانية
افكر اشتري باكر!!!! ومتردد
الخوف الربح اللي طلعتها بيتحول خسارة اذا طاح السهم

هلا أخوي aziz77

ما أنصحك ترجع حق سهم حققت منه ربح ما لم يكن مسار السهم واضح في إتجاه صاعد على المدى المتوسط، سهم زين يتداول حاليا عند مقاومة وهي ليست منطقة دخول أبدا

السوق فيه وايد أسهم ثانية تقدر تضارب عليها والمخاطرة عليها وايد أقل من سهم زين حاليا

 

[بورزيقه]

السلام عليكم أخوي TheDon

ما راح أعلق أو أدافع عن تسريبات إتمام أي صفقة كانت على أسهم زين لأي طرف ما لكن لي تعقيب قد يكون توضيح لإستفسارك المشار له أعلاه في الإقتباس

النظام الأساسي الحالي لشركة زين لا يسمح لمستثمر أجنبي بالتملك بنسبة أعلى من 2% فربما يخول وسطاء محليين ومحافظ لتجميع الأسهم لصالحه حتى تتم الموافقة وبعدها تتم عملية نقل ملكيتها سواء بنفس سعر الشراء مقابل حصولهم على عمولة أو على سعر متفق عليه مسبقا ويكون الفرق لصالحهم

والله أعلم

الاخ Cha3bar و الاخ TheDon

لكم كل التحية والتقدير

اللي فهمته من كلام اخوي Cha3bar انه في احتماليه نطلع اوووت؟؟؟؟؟؟؟؟

 

[TheDon]

هو يتجرأ ويعملها !!!

هذا
اذا ماقطعوه قبل لايفكر بهذي الخطوووووه !!!!

وفوق
هذا القانون مايسمح له ,,,

هاهاها شكلها عجبتك قمع يالمجموعي

بس ليش تكون مخالفة اذا خوّلنا محافظ باللم من السوق و بعدين بعد موافقة الجمعية ننقل الملكية؟ لانّ كلامك كأنه يقول يا تخلّون محافظي تبيعكم يا أخلّي الموضوع انكم انتوا مخالفين!

الاخ Cha3bar و الاخ TheDon

لكم كل التحية والتقدير

اللي فهمته من كلام اخوي Cha3bar انه في احتماليه نطلع اوووت؟؟؟؟؟؟؟؟

اخوي بورزيقه

الاحتمالات كلها واردة الان, و السبب انها كلها اشاعات و لا يوجد خبر واحد بدليل.. انّما نحن نحاول التفكير بصوت عالي مع بعضنا البعض, و محاولة لايجاد أسباب منطقية ترجح هذه الاشاعات, و بالأخير العلم عند رب العباد و من ثم أصحاب الشأن..

تحياتي..