جنون قبيل الافطار

[مساهم11]

من يقرب وقت الافطار تجد بعض الناس بالشارع

مثل المجانين بسواقتهم وحركاتهم

وكأن شي مهم راح يطوف عليهم

الي يطوف الاشاره وهي حمرا والي يلفلف بين السيارات (( يبتون ))

والي مسرع بأقصي سرعه ويكبس بالليتات وان ما افسحت له طلع علي كتف الطريق



ولا ادري شنو هالشي المهم

شفيها لو طافه من وقت الافطار 5 او 10 دقايق

الا يجي علي وقت الفطور وهو طالع متأخر !!!



مدري انتوا مستغربين مثلي الي قاعد يصير



واتمني السلامه للجميع

 

[قلم حر]

يمكن وياه اللبن ومايبي يتأخر على العايله
يمكن العايله ما يفطرون الا اذا اجتمعوا كلهم
يمكن خايف على فخذ الدجاجه لا يروح

لكن الاكيد ان سيكلوجية التجمهر او المجموعه تؤثر على الفرد
يعني اللي يمشي بالشارع يتأثر فيه اذا طاروا طار معاهم
واذا اتمشوا على راحتهم هم معاهم

سيكلوجية التجمهر = مع الخيل يا شقرا​

 

[kazamezaa]

والله ياسيدي الفاضل صدقت في كل كلامك و تري الناس مسعورة علي الطريق بشكل غير عادي و احسة انتحار
اخي مساهم لو تسمحلي ان اتكلم في موضوع اخر يحدث ايضاً في رمضان وموضوع بجد محزن و محرج ومدري ليش الناس اصبحت تتهاون في صيام رمضان ...نعم الناس اصبح عندها الافطار في رمضان امر سهل جدا و هذا الموضوع لمستة من خلال عملي اري شخص يقول لي امس حسيت بصداع و فطرت والاخر منشول و فطرت والاخر انا مقدر علي العطش وصحيت من النوم و فطرت

يا اخوان هذا رمضان ....اين درجة التحمل من البشر ...الحمد الله اجدادنا في الماضي كانوا يصومون ولم يكن هناك السيارة المكفة ولا المنزل المكيف او المكتب المكيف
نحن الان في نعمة ,,و لا تقل لي ان المرض يجبر علي الافطار اخواني النشلة و الصداع ليسوا بأمراض
ما عندي شئ اخر اقولة الا اللهم ارحمنا
السموحه اخوي مساهم اني فتحت هذا الموضوع في موضوعك وتقبلي اعتذاري لانة احزني بشدة

 

[مساهم11]

قلم حر

ههههه حلوة اللبن معاه


kazamezaa
احسنت بالاضافه
وكلامك ميه ميه والله يهدينا ويهديهم
واشكرك لجميل المرور والاضافه

 

[Dr.Fantaq]

المشكله بعضهم مو صايم ، ودايس ، يبي يلحق ع الفطور . !!

ومن العته ما قتل

 

[مساهم11]

المشكله بعضهم مو صايم ، ودايس ، يبي يلحق ع الفطور . !!

ومن العته ما قتل

بعد !!!!!!!!
مو صايم ومسوي زحمه بالشارع
الحمدلله والشكر

 

[البرنس111]

يمكن الفطور عندهم عليه سحب جوائز

 

[الذيبة]

مساهم هالشي الله يصلح الحال حتى بالبيت


استغفر الله لا وصل وقت الفطور يعني بقى 5 او 10 دقايق


مدري شيصر بالدنيا واخواني مغير يركضون بصحونهم للديوانية


وانا هذا شكلي واذا اذن شنو يعني ليش هالعصبية


والتشنج بوقت الفطور ::verymad::


بس سبحان الله هذي عادات بالصائم


وللصائم فرحتين حين صوم وحين يفطر ,,

 

[NoOoOoR]

مادري ليش كل سنه برمضان حزة الفطور

تصير الزحمه بالشوارع والناس طايره ::verymad::

شكلهم اول سنه يصومون

 

[فضل]

ملاحظتك فى محلها اخوى مساهم

وانا دايم انصح اخوانى انهم ما يطلعون بسياراتهم هالحزه

لانها انتحار ، حتى وانت حريص ما تأمن على روحك ​

 

[المركز المالي]

كلامك صحيح وللعلم ترى نصهم معزومين على الفطور وطالعين متأخر من البيت يعني اللي راحت عليه نومه واللي بياخذ معاه اكل والمره ما خلصت وانا صارت فيني كذا مرة وطلعت مستعجل مثلهم

 

[مساهم11]

الله يحفظ الجميع
ولكن هذا انتحار ورعونه وتسبب بحوادث للناس الاخرين

الله يحفظ الجميع
وانا شخصيا اتحاشي المشي بهذا الوقت لان الشارع صاير حلبة سباق

 

[TAHOE]

صح كلامك يا مساهم

مال هذيله تصيدهم وتجمعهم بغرفه يوم كامل وتخلى فطورهم وسحورهم بصل