يا شين زين

[الـصانع]

السلام عليكم

طبعا حالي حالكم .. اللي وصلت له مسجات من شركة زين

وعرضهم .. قم بتعبئة 5 تحصل على الضعف .. حلوه

انزين عبيت 15 وحطولي 15 .. انزين بستخدمهم شلون يا زين


دقيت عليهم أستفسر

أول موظف يقول : ان شاء الله اخوي بعد الساعه 12 ودخول يوم الجمعه
يعني الويك إند ينضافون لرصيدك ... مع السلامه

صار يوم الجمعه ماكو شي !

دقيت عليهم استفسر

ثاني موظف يقول : اخوي انته فاهم غلط الرصيد يكون احتياطي لما يخلص رصيدك يتبطل الرصيد الاحتياطي تلقائي لكن مع خطوط زين فقط تقدر تستخدم الرصيد كـ مكالمات صوتيه وفيديو ومسجات .. مع السلامه

انزين قلت خل ادز مسجات حق هالمسابقات اللي المسج بـ دينار هم استفيد من الرصيد .. دزيت وطار رصيدي الاصلي والاحتياطي مثل ما اهوا ؟


دقيت عليهم استفسر

ثالث موظف يقول : عفوا اخوي من قالك تستخدم الرصيد الاحتياطي بالمسجات ؟ بس مكالمات ومع خطوط زين فقط ولازم تستخدمهم خلال يومين وتنتهي مدة الرصيد .. مع السلامه


خلصنا ..


مع ملاحظة ان مع اعلانهم عن العرض هذا .. ما ذكرو هالقوانين السخيفه

وبعدين منو اللي ما عنده شغل بيهذر برصيد 15 دينار خلال يومين .

والاهم ان كل موظف يقولك شغله .. جنهم واحد بأسيا والثاني بافريقيا والثالث بأمريكا الشماليه .. والمشترك بالمريخ ..

المسأله لا رصيد ولا مبلغ ولا غيره .. المسأله

النصب هذا ليش .. وليش خدمتكم فاشله .. وموظفينكم افشل

على الاقدر شي يغطي على شي .. بس يا زين خربتوها مره وحده

والله يعين الهندي والماليزي اللي بيشتري اسهم بشركتكم


بس الحلو فيهم ان لو تدق ظهر ولا عصر ولا فجر ..

لازم يقولك عفوا جميع الموظفين مشغولين بالوقت الحاضر

كونغرس مو زين​

 

[NoOoOoR]

بس الحلو فيهم ان لو تدق ظهر ولا عصر ولا فجر ..

لازم يقولك عفوا جميع الموظفين مشغولين بالوقت الحاضر

كونغرس مو زين ..... .. وانت صاج

وبخصوص مسجات الدعايه انا جم مره اتصل و اوقف الخدمه

وماكو فايده لليوم والمسجات شغاله علي ....عمك اصمخ

 

[ابوساره009]

ياشباب هذى والله شيييييييييييييييييييييين مو زين

فيفا بس هذى الشركه جديده وعندها عروض وخدمات أحسن من الشركه

الله رزقها على ثم أهل الكويت وصارت تشترى الشركات فى الدول الأخرى من خير أهل الكويت

والله يأخوان شركة( شين ) عندها عروض فى الدول الأخرى شى عجيب بس الجعاصه

على هذا الشعب الى خير الشركه منهم والصاحى والله يقاطعهم من الحين

ونأسف على الأطاله0000000000000

 

[الذيبة]

اكيييييييد شين وما اردى من المربوط الا المفتلت ,,,

اول وتالي اي شركه جديدة تفتح الغرض يكون مادي ,,,


ومهما كانت المميزات بتكون عيوبها اكثر من مميزاتها ,,,


يعني لا طبنا ولا غدا الشر ,,,


تقبل مروري ,,,

 

[KuWaiT DriFT]

الوطنيه و بس يا الصانع

فواتير و تعبئه راحه لأخر درجه صدقني

أنا لمن كان خطي تعبئه كنت مرتاح وبالفواتير مرتااح أكثر

طيعني و جرب الوطنيه و بالتوفييق

 

[طنش تعش]

ياجماعه لاتصدقون هالعروض خصوصا بالمسجات
وأنا وصلني نفس المسج عن الرصيد الدبل وعبيت بخمسه وبعدين وصلني مسج يقول ان لك 13 فرصه للفوز ولي يومك ماشفت شي لافرصه ولاهده !!!
واللي يقهر مسجات بو ارسل رد وتربح سياره هوندا أو لابتوب أو 100دينار
وأنا على طول مسح مسح مسح لأن هذا شغل قمار وبرمضان بعد !!
الله يبعدنا عن النصب والنصابين !!
قولوا آمييييييين .

 

[ابوساره009]

اكيييييييد شين وما اردى من المربوط الا المفتلت ,,,

اول وتالي اي شركه جديدة تفتح الغرض يكون مادي ,,,


ومهما كانت المميزات بتكون عيوبها اكثر من مميزاتها ,,,


يعني لا طبنا ولا غدا الشر ,,,


تقبل مروري ,,,

الأبام تثبت لكم أن شاءالله عن فيفا ويبرهن لكم عروضها فى السعوديه و خدمات والله ان شركة ( شيين ) تقعد 100 سنه ماسوت نفس الخدمات والعروض الى مسوينها والتوفيق للجميع

 

[محمد2000]

وابشركم صارووو ملاكهااا هنوووود​

 

[الذيبة]

الأبام تثبت لكم أن شاءالله عن فيفا ويبرهن لكم عروضها فى السعوديه و خدمات والله ان شركة ( شيين ) تقعد 100 سنه ماسوت نفس الخدمات والعروض الى مسوينها والتوفيق للجميع

ياخوفي تكون احد اعضاء هالشركه