من اروع الرديات التي سمعتها ....
لكم الرديّة الرائعة للشاعر الكبير ناصر القحطاني ، وفضيلة الشيخ الدكتور عائض القرني
والتي كانت بعد إهداء الشيخ عائض كتابه المعروف ( لا تحزن ) للشاعر ناصر القحطاني ..
قصيدة ناصر القحطاني
في رضا الله ثم على نهج الصحابة=سيرتك يا عايض القرنـي جليلـة
يا القريب من الفضيلة والنجابـة=بل نجيب الكل بـل كـل الفضيلـة
ما فرحت بشيـخ أهدانـي كتابـه=مثـل ترحابـي بتحفتـك الجميلـة
الكتـاب اللـي بعنوانـه غرابـة=آهـلو عنـوان لا تفـرح بديلـه
بس أظن الجـرح لا زاد التهابـه=صعب جـدًا حبّـة مسكّـن تزيلـه
جـاك مليونيـن يشكـون الكآبـة=عالجوا بس الله أعلـم بالحصيلـة
وإنت خابرنا بالإحساس انتشابـه=يعنـي أفـراح البقايـا مستحيلـة
كيف ما نحـزن ومعظمنـا غلابـة=لا معاش و لا فراش ولا وسيلـة
كم تعيسٍ مـا قِـدَر يخلـع ثيابـه=من صباح الله وشربـه حنظليلـة
كيف ما نحزن وحِنا وسْـط غابـة =البقـاء فيهـا لـلأوازن الثقيلـة
كان ما أنت بذيب تاكلـك الذيابـة=والسموم إن ما استظليت بخميلـة
كيف ما نحـزن وضحكتنـا نهابـه=في زوايانا الحِزن راعـي طويلـة
ما تشوف أعيادنـا نـاي وربابـة=ما تشوف أيامنـا الحلـوة قليلـة
ما تشوف صدورنا ما مِن رحابـة=ما تشوف أجسادنا شهـبٍ نحيلـة
قد ما نشكي من كثير من القرابـة=قد مـا نسعـى لتمجيـد القبيلـة
وقد ما الباطـل فِلحنـا باجتنابـه=قد ما أفلح غـزو تيّـار الرذيلـة
كيف ما نحزن وفالديـرة عصابـة=بين أهلنـا زادوا الحمّـى مليلـة
والمهابة شِف على طاري المهابة =أمّتك خير أمّـة وصـارت ذليلـة
كيف ما نحزن وحِنا أهل الخطابـة=والحكي مِن غير فِعل أكبر فشيلـة
لا .. وبطّلنا القراية والكتابـة=واندمجنا فـي التقاليـد الدخيلـة
أسْوَد الذنب انتفنن فـي ارتكابـه=وأحمر الدينار نلهث في حصيلـه
وأبيض الحق نتجـرأ باغتصابـه=وأخضر القلب نتمادى خلف ميلـه
كيف ما نحزن والأقصى في عذابه=لا نفعه فُراتـه ولا أسقـاه نيلـه
أكثـر البلـدان بالحمّـى مصابـة=بين نوم شعوب وعـروشٍ هزيلـة
طوّلت بقلـوب قادتهـا الصلابـة=ما يليّنهـا سِـوى هـزّة جديلـة
لا رشيد ولا خَـراجٍ مِـن سحابـة=ولا عيونٍ هامت برجـوى مخيلـة
والنهايـة .. كلمتيـنٍ بالنيـابـة=تحمِل مِن الشكر يا القرني جزيلـه
عن هَلَ الحِزن الملاييـن الغلابـة=والخواتم ، جعلهـا دايـم جميلـة
رد الشيخ عائض القرني
مرحبًا باللـي فتـح للشِعـر بابـه=ناصِر ولا غير ناصِر نحتفـي لـه
لابتك قحطـان وأنعـم خيـر لابـة=يوم بارود اللـواء يصبـح ظليلـة
بو محمـد لا عجيـب ولا غرابـة=تشتهـر بالنُبـل وأعمالـك نبيلـة
حَظ مِن حطّك على راسه عِصابـة=البيوت اللـي ربـت مثلـك قليلـة
رايد الساحة سِلم حضـرة جنابـه=جمهورك مِن نجد إلى ديرة أصيلـة
وعايض القرني إذا أهدى لك كتابه=قصده لا تحزن عسى أيامك طويلـة
كيف نحزن وانحن أتباع الصحابـة=وأرضنـا مهبـط رسـالاتٍ جليلـة
وكيف نحزن والله اللي مِن ثوابـه=يرحم العاصي ويعـدل كـل ميلـة
والحَزن ما هو لنا ، لأهل النهابـة=بايعيـن الديـن وأربـاب الفشيلـة
مثل عبّاد الصليـب أهـل الخيابـة =ومثل عبّاد الوثـن عُمـي الدليلـة
والحَزن للي علـى الهزلـة ذبابـة=ما يشوف إلا النقايـص والرذيلـة
وحِنـا للتوحيـد جنـده وجنـابـه=مِن يسابقنا إلـى العليـاء حليلـه
مِـن سوانـا ردّ للعالـم صوابـه=كـل زنـدٍ للعُـلا حِـنـا فتيـلـه
أبيض التوحيـد بأنفسنـا شرابـه=وأحمر الدمّ في سبيـلِ الله نسيلـه
وأسْـوَد البـارود ظللنـا سحابـه=وأخضر الراية ترفـرف كـل ليلـة
وفـي وطنـا زار جبريـل بركابـه=ما وطت لندن ولا باريـس خيلـه
وفي وطنّا ثورته الكبـرى مُهابـة=لاقى أحمد والسعادة فـي سبيلـه
حِنا سعد الضيف ، والسيف ونصابه=والبيرق وأهل الكرم بِنّـه وهيلـه
وأرضنا قبر العـدو يـوم لحرابـة=أبرهة لمّا قصدنـا طـاح فيلـه !
وحِنّا حرّقنا علـى كِسـرى ثيابـه=باعة الدم يوم ما في اليـد حيلـة
للنجابـة والإصابـة والخطـابـة=للجميلـة والأصيلـة والفضيـلـة
أبشِر بسعدك وخـلّ أهـل الكآبـة=اليسر بعـد العُسـر يأتـي بديلـه
وإنت رمز وعزم مجدك في شبابـه=والبطل لا ما عـزم يـروي غليلـه
وإنت سبّـاح المحيـط ولا تهابـه=مـا يهمّـك حاشـده وإلا بكيـلـه
جمـهـورك محبيـنـك شـبـابـه=والعزاوي في مضـر وإلا بجيلـة
والسعوديـة وطـن والعِـز نابـه=ونصرنا عالي بروقه فـي مخيلـه
أحمد المختـار حِنـا فـي ركابـه=بعدما جـارت قبيلـة فـي قبيلـة
يا ناصِر يا كوكب المجـد وشهابـه=بالله لا تحزن تـرى الدنيـا دنيلـة
لكم الرديّة الرائعة للشاعر الكبير ناصر القحطاني ، وفضيلة الشيخ الدكتور عائض القرني
والتي كانت بعد إهداء الشيخ عائض كتابه المعروف ( لا تحزن ) للشاعر ناصر القحطاني ..
قصيدة ناصر القحطاني
في رضا الله ثم على نهج الصحابة=سيرتك يا عايض القرنـي جليلـة
يا القريب من الفضيلة والنجابـة=بل نجيب الكل بـل كـل الفضيلـة
ما فرحت بشيـخ أهدانـي كتابـه=مثـل ترحابـي بتحفتـك الجميلـة
الكتـاب اللـي بعنوانـه غرابـة=آهـلو عنـوان لا تفـرح بديلـه
بس أظن الجـرح لا زاد التهابـه=صعب جـدًا حبّـة مسكّـن تزيلـه
جـاك مليونيـن يشكـون الكآبـة=عالجوا بس الله أعلـم بالحصيلـة
وإنت خابرنا بالإحساس انتشابـه=يعنـي أفـراح البقايـا مستحيلـة
كيف ما نحـزن ومعظمنـا غلابـة=لا معاش و لا فراش ولا وسيلـة
كم تعيسٍ مـا قِـدَر يخلـع ثيابـه=من صباح الله وشربـه حنظليلـة
كيف ما نحزن وحِنا وسْـط غابـة =البقـاء فيهـا لـلأوازن الثقيلـة
كان ما أنت بذيب تاكلـك الذيابـة=والسموم إن ما استظليت بخميلـة
كيف ما نحـزن وضحكتنـا نهابـه=في زوايانا الحِزن راعـي طويلـة
ما تشوف أعيادنـا نـاي وربابـة=ما تشوف أيامنـا الحلـوة قليلـة
ما تشوف صدورنا ما مِن رحابـة=ما تشوف أجسادنا شهـبٍ نحيلـة
قد ما نشكي من كثير من القرابـة=قد مـا نسعـى لتمجيـد القبيلـة
وقد ما الباطـل فِلحنـا باجتنابـه=قد ما أفلح غـزو تيّـار الرذيلـة
كيف ما نحزن وفالديـرة عصابـة=بين أهلنـا زادوا الحمّـى مليلـة
والمهابة شِف على طاري المهابة =أمّتك خير أمّـة وصـارت ذليلـة
كيف ما نحزن وحِنا أهل الخطابـة=والحكي مِن غير فِعل أكبر فشيلـة
لا .. وبطّلنا القراية والكتابـة=واندمجنا فـي التقاليـد الدخيلـة
أسْوَد الذنب انتفنن فـي ارتكابـه=وأحمر الدينار نلهث في حصيلـه
وأبيض الحق نتجـرأ باغتصابـه=وأخضر القلب نتمادى خلف ميلـه
كيف ما نحزن والأقصى في عذابه=لا نفعه فُراتـه ولا أسقـاه نيلـه
أكثـر البلـدان بالحمّـى مصابـة=بين نوم شعوب وعـروشٍ هزيلـة
طوّلت بقلـوب قادتهـا الصلابـة=ما يليّنهـا سِـوى هـزّة جديلـة
لا رشيد ولا خَـراجٍ مِـن سحابـة=ولا عيونٍ هامت برجـوى مخيلـة
والنهايـة .. كلمتيـنٍ بالنيـابـة=تحمِل مِن الشكر يا القرني جزيلـه
عن هَلَ الحِزن الملاييـن الغلابـة=والخواتم ، جعلهـا دايـم جميلـة
رد الشيخ عائض القرني
مرحبًا باللـي فتـح للشِعـر بابـه=ناصِر ولا غير ناصِر نحتفـي لـه
لابتك قحطـان وأنعـم خيـر لابـة=يوم بارود اللـواء يصبـح ظليلـة
بو محمـد لا عجيـب ولا غرابـة=تشتهـر بالنُبـل وأعمالـك نبيلـة
حَظ مِن حطّك على راسه عِصابـة=البيوت اللـي ربـت مثلـك قليلـة
رايد الساحة سِلم حضـرة جنابـه=جمهورك مِن نجد إلى ديرة أصيلـة
وعايض القرني إذا أهدى لك كتابه=قصده لا تحزن عسى أيامك طويلـة
كيف نحزن وانحن أتباع الصحابـة=وأرضنـا مهبـط رسـالاتٍ جليلـة
وكيف نحزن والله اللي مِن ثوابـه=يرحم العاصي ويعـدل كـل ميلـة
والحَزن ما هو لنا ، لأهل النهابـة=بايعيـن الديـن وأربـاب الفشيلـة
مثل عبّاد الصليـب أهـل الخيابـة =ومثل عبّاد الوثـن عُمـي الدليلـة
والحَزن للي علـى الهزلـة ذبابـة=ما يشوف إلا النقايـص والرذيلـة
وحِنـا للتوحيـد جنـده وجنـابـه=مِن يسابقنا إلـى العليـاء حليلـه
مِـن سوانـا ردّ للعالـم صوابـه=كـل زنـدٍ للعُـلا حِـنـا فتيـلـه
أبيض التوحيـد بأنفسنـا شرابـه=وأحمر الدمّ في سبيـلِ الله نسيلـه
وأسْـوَد البـارود ظللنـا سحابـه=وأخضر الراية ترفـرف كـل ليلـة
وفـي وطنـا زار جبريـل بركابـه=ما وطت لندن ولا باريـس خيلـه
وفي وطنّا ثورته الكبـرى مُهابـة=لاقى أحمد والسعادة فـي سبيلـه
حِنا سعد الضيف ، والسيف ونصابه=والبيرق وأهل الكرم بِنّـه وهيلـه
وأرضنا قبر العـدو يـوم لحرابـة=أبرهة لمّا قصدنـا طـاح فيلـه !
وحِنّا حرّقنا علـى كِسـرى ثيابـه=باعة الدم يوم ما في اليـد حيلـة
للنجابـة والإصابـة والخطـابـة=للجميلـة والأصيلـة والفضيـلـة
أبشِر بسعدك وخـلّ أهـل الكآبـة=اليسر بعـد العُسـر يأتـي بديلـه
وإنت رمز وعزم مجدك في شبابـه=والبطل لا ما عـزم يـروي غليلـه
وإنت سبّـاح المحيـط ولا تهابـه=مـا يهمّـك حاشـده وإلا بكيـلـه
جمـهـورك محبيـنـك شـبـابـه=والعزاوي في مضـر وإلا بجيلـة
والسعوديـة وطـن والعِـز نابـه=ونصرنا عالي بروقه فـي مخيلـه
أحمد المختـار حِنـا فـي ركابـه=بعدما جـارت قبيلـة فـي قبيلـة
يا ناصِر يا كوكب المجـد وشهابـه=بالله لا تحزن تـرى الدنيـا دنيلـة
