افضل بطاريه للسياره ؟

[مساهم11]

شنو افضل بطاريه للسياره
وهل فيه بطاريات اي كلام يعني غير عمليه
وهل الافضل العاديه او الالكترونيه

وشكرا للجميع

 

[بو جابر]

أفضل بطاريه عندي أسي ديلكو ماركه معروفه ونظيفه وتلاقيها بكل السيارات

 

[wooow]

افضل شي حاليااا البطاريات الكوريه الاكترونيه واللى بالسوق كله صيني وهندي وماليزي انحش عنه

 

[جمس عبارتين 454]

اخوي اقوى وافضل بطارية اسي ديلكو صناعتها سعودية وموردها اذا صار شي بالبطارية يعطونك بطارية مجانية وبطارية ما شفت اقوى منها وسعرها مناسب

 

[Maxima]

حسب التجربة
افضل البطاريات هي البطاريات الكورية

 

[sasasa]

افضل بطاريه على الاطلاق

بطاريه varta الالمانيه بس شوى غاليه تلاقيها بالشويخ شارع المطافى

المحلات الى لازقه بمحلات لحيم القزوزات وتصليح البقيات بعد الدوار الاول

بس اهم شى لازم تحصل نفس قوه الامبير الى بسيارتك

من بعدها البطاريات الكوريه

هذى صوره بطاريه varta

 

[بدون مجامله]

ديلكو ونام قرير العين

 

[ابو ريتاج]

ديلكو وروح بيتكو:d

 

[GTO]

نفس ما قالو الشباب
اي سي ديلكو وبس
وينصحون ببطاريات اوبتيم الي اهي تعمل بالجل بدون سائل
وان شاء الله تلقى الي يناسبك
تقبل مروري

 

[مساهم11]

الف شكر لكم جميعا وانا متابع لكل الردود
والشباب برا ينصحوني بالبطاريات العاديه يقولون افضل

وشكرا شكرا لكم فردا فردا

 

[وقاص]

اي سي ديلكو أكييييييييد ما يبيلها كلام

تعيش معاك سنة وزود شوية

بعد السنة تقطها

وطبعا تقدر تبطلها وتعبيها عااااااااادي

اغلب الاخوان علبالهم ما تتعبى

رخيصه و زينة حدها

بس لما تشتري لا تاخذ الامريكية .. اخذ السعوديه

ولما تبي تبدل بطاريتك لا تقطها بيعها

يعني مثلا قبل شهر بدلت بطارية وحده من السيارات

بعت القديمة 3 دنانير ونص

وخصمهم من سعر البطارية

بس اسأل عن السعر اول

ترى حركات البهارا لما يعرف انك تبيع بطاريتك القديمة ما تقطها

يرفع السعر و يقول لك خصمت فلوسها

وموفق خير​

 

[مساهم11]

اي سي ديلكو أكييييييييد ما يبيلها كلام

تعيش معاك سنة وزود شوية

بعد السنة تقطها

وطبعا تقدر تبطلها وتعبيها عااااااااادي

اغلب الاخوان علبالهم ما تتعبى

رخيصه و زينة حدها

بس لما تشتري لا تاخذ الامريكية .. اخذ السعوديه

ولما تبي تبدل بطاريتك لا تقطها بيعها

يعني مثلا قبل شهر بدلت بطارية وحده من السيارات

بعت القديمة 3 دنانير ونص

وخصمهم من سعر البطارية

بس اسأل عن السعر اول

ترى حركات البهارا لما يعرف انك تبيع بطاريتك القديمة ما تقطها

يرفع السعر و يقول لك خصمت فلوسها

وموفق خير​

بارك الله فيك معلومه جديده
والف شكر لك

 

[mg4153]

بطارية فورد هي الافضل عمرها الافتراضي هو ست سنوات ثم بطارية rocket الكورية حيث ان عمرها الافتراضي هو ثلاث سنوات اما بطارية اي سي ديلكو عمرها من سنة الى سنتين

 

[salem-1976]

اول شي بطارية السياره اللي عليها من الوكاله افضل شي

ثانيا بطارية يوشا الكوريه ممتازه وتعمر اكثر من سنتين

 

[الوالي@]

اول شي بطارية السياره اللي عليها من الوكاله افضل شي

ثانيا بطارية يوشا الكوريه ممتازه وتعمر اكثر من سنتين

اي والله انا وياك يوشا الكورية وبعد ثلاث سنين بدلها عن تجربة

 

[مساهم11]

شكرا شكرا لكم الحقيقه افتدوني

السؤال الريكيت واليوشا هل فيهم بطاريات عاديه مو الكترونيه ؟

 

[بـو خــالــد]

نعم يوشا الكوريه حلوه

 

[Hamilton]

من خلال التجربه فافضل بطارية هي نفس كلام الاخ اللي قال بطارية الفورد وهي Motor craft بصراحه جربتها وتمت اكثر من 3 سنوات ماكو احسن منها ..... طبعا ما عليها كفاله ولا شي
هذا اللي اعرفه .. اي سي دلكو زينه بس مشكلتها انها بعد سنه بالضبط توقف .. تقول مبرمجينها الاخوان

 

[مساهم11]

بارك الله فيكم
ما قصرتوا لا هنتوا

 

[الخبير بوناصر]

أفضل بطارية كتر بلر وكيلها البحر قيمتها 75 دينار ووكالتهم خلف بيت التمويل بشارع البيبسي كولا وعتقد كفالتها 5 سنوات وبعدين تجي البطاريات الألمانية مثل الهوبيكة والفورتا وقيمتهم على 40 دينار ومكفولة 3 سنوات مع الصيانة وتالي عندك اليوشا الأصلية لأن في تقليد بالسوق وأي سي دلكو وكفالتهم سنة وإذا عاشت عندك سنة ونص حب إيدك ولاتركب بطاريات أي شي مثل الماليزي والصيني وغيرها والقديم مثل ماتفضلو الأخوان تبيعها على نفس المحل أو في مجموعة محلات تشتري المعادن عند محلات الألمنيوم بالشويخ لأنهم يستفيدون من الرصاص اللي داخلها ​