اسقاط الديون هل سيتحقق؟؟ الرجاء عدم دخول الحساد

الموضوع في 'الوظائف والأعمال التجاريه' بواسطة السهم المجروح, بتاريخ ‏14 سبتمبر 2009.

حالة الموضوع:
مغلق
  1. السهم المجروح

    السهم المجروح موقوف

    التسجيل:
    ‏9 فبراير 2009
    المشاركات:
    760
    عدد الإعجابات:
    0
    http://www.aldaronline.com/AlDar/AlDarPortal/UI/Article.aspx?ArticleID=70683
    بصراحه انا حاليا متفائل لان طلع من الحكومه واحمد الفهد اذا صج هالشي هو اللي قايله يعني مو كلام جرايد معناته الامل كبيير لان الشيخ احمد الفهد من الشيوخ اللي لهم كلمه
    نبي رايكم واتمنى التوفيق لكل ابناء الكويت والله يعطي كل واحد على قد نيته ويبعد عنه الحساد :)
     
  2. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    الشيخ احمد الفهد لو قط كلمه فأهو اكثر واحد ملتزم بوعوده , بس المشكله قضيه اسقاط الديون ماله علاقه بالشيخ احمد الفهد لا من قريب ولا من بعيد ,
    وقناعتي الشخصيه طبعا اتمنى اسقاط الديون سواء كنت متسلف ام لاء وسواء كنتم تستحقون اسقاط الديون ام لاء
    لكن بالنهايه اسقاط الديون شي طيب

    ولكن للاسف كلها مجرد اوهام لايمكن دوله الكويت تسقط الديون لان الحركه سوف تكون استثنائيه على مستوى العالم فما بالك تريد الكويت تتفرد بذلك ؟
     
  3. Hamilton

    Hamilton عضو نشط

    التسجيل:
    ‏23 مارس 2009
    المشاركات:
    355
    عدد الإعجابات:
    0
    الله يسمع منك يالسهم المجروح
    الحل الامثل ليس اشقاط القروض بل اسقاط الفوائد .... واللي ما يسقطون عنه الفوائد يعطونه مبلغ منحه مثلا اربعة الاف دينار وبجذيه تنحل المشكله

    بس مشكلتنا يا عزيزي الحسّاد على قولتك .... ما تشوف اوروبا فيها الفساد والدعاره وديرتهم امطار وخير

    جم مره قلنا ( سقى الله ديار الفساد ولا سقى ديار الحسّاد ) اسألوا نفسكم جم صارلنا من المطر .....
    قولوا آمين هالسنه تيينا امطار نعمه وليس نقمه ... آمين يارب العالمين
     
  4. مساهم11

    مساهم11 عضو نشط

    التسجيل:
    ‏29 سبتمبر 2008
    المشاركات:
    2,234
    عدد الإعجابات:
    0
    مكان الإقامة:
    الكويت
    الله يكفينا شر الحسد والحساد
    واسقاط الديون او الفوائد امرها سهل ولا تكلف الميزانيه شي
    وان بغوا جدلوا الديون واسقطوا الفوائد والي يتحمل الفوائد
    ليس الدوله بل البنوك وبكذا راح ينعشون الاقتصاد المحلي
    ويفكون اسر كثير من الاسر من الديون والحاله المزريه
    والاموال ترجع للدوله علي كذا سنه
    دون اي احمال علي الميزانيه


    والله يسمع منك نسمع كلام قوي
    والي فيه الخير يجيبه رب العباد

    والله يرزقنا الغيث والمطر من عنده
    الي فيه خير للعباد والارض والزرع
     
  5. السهم المجروح

    السهم المجروح موقوف

    التسجيل:
    ‏9 فبراير 2009
    المشاركات:
    760
    عدد الإعجابات:
    0
    يعطيك العافيه على الرد والمشاركه وانا اخوي جنرال لما قلت احمد الفهد يعني قصدي المبادره يت من الحكومه لان دايم هالحجي نسمعه من المجلس والحكومه ترفض دام ان الحكومه تكلمت بموضوع القروض معناته لنا امل والكويت مو الوحيده اللي راح تسقطت الامارات سقطت مرتين مره على عموم الامارات ومره عن امارة دبي
    وانشالله التوفيق لكل الديره
     
  6. السهم المجروح

    السهم المجروح موقوف

    التسجيل:
    ‏9 فبراير 2009
    المشاركات:
    760
    عدد الإعجابات:
    0
    صح السانك اخوي هميلتون اللي مخرب علينا الحسد انا ماتفرق معاي اسقاط القروض او الفوائد لان بكل الحالتين هالشئ من مصلحة الكويتيين لاني اتحسر لما اشوف اخوي او ولد عمي او صديق يمر بضائقه ماليه بسبب الديون والقروض وفلوس الديره تروح يسار ويمين انا عن نفسي الحمدالله قرضي مو كبيير يعني استفادي مو كبيره باسقاط القروض لكن يكفي ان 90% من اهل الكويت مستفيديين بس شنسوي اذا الكل يحسد الثاني
    تصدق اخوي هميلتون ان في واحد من الشباب كان من اشد المعارضين لأسقاط القروض بس من خذا القرض ودخل البورصه وخسر الحيين قاعد ويسأل عن اسقاط القروض قلت دام انك تبي اسقاط القروض انشالله مايسقطونها علشان تحس بالناس لما كنت تعيب وطبعا ناهيك عن اللي كانوا ضد اسقاط القروض والحين يبون قانون الاستقرار المالي الكل يدور مصلحته طال عمرك
    والله المستعان
     
  7. السهم المجروح

    السهم المجروح موقوف

    التسجيل:
    ‏9 فبراير 2009
    المشاركات:
    760
    عدد الإعجابات:
    0

    صحيح كلامك بالاساس اسقاط الفوائد انا اشوف فيها عداله لان كل واحد بيدفع اللي اخذه والحكومه تقدر تحط ودائع بالبنوك وتقول للبنوك فوائدج بالودائع اللي عندج يعني مثل طيحة بنك الخليج كانت تقدر تمشي مع البنوك بهالسياسه لكن اصحاب البنوك ثقلهم اكبر من كل المواطنين
    وانشالله يجي الخير حق كل الديره
     
  8. Hamilton

    Hamilton عضو نشط

    التسجيل:
    ‏23 مارس 2009
    المشاركات:
    355
    عدد الإعجابات:
    0
    اخوي السهم المجروح للاسف سكبوا الماء على شمعة الامل
    اعلان منحه بنك وربه واللي هو نفسه بنك جابر الاسلامي ( الله يرحمك يا جابر الاحمد ويتغمد روحك الجنه )
    هالكلام معناته رد على موضوع زيادة الرواتب والمنحه واسقاط فوائد القروض
    يعني باللهجه المحليه انسى
    وفي رواية اخرى اغسل ايدك :)
     
  9. Hamilton

    Hamilton عضو نشط

    التسجيل:
    ‏23 مارس 2009
    المشاركات:
    355
    عدد الإعجابات:
    0
    تصدق اخوي هميلتون ان في واحد من الشباب كان من اشد المعارضين لأسقاط القروض بس من خذا القرض ودخل البورصه وخسر الحيين قاعد ويسأل عن اسقاط القروض قلت دام انك تبي اسقاط القروض انشالله مايسقطونها علشان تحس بالناس لما كنت تعيب وطبعا ناهيك عن اللي كانوا ضد اسقاط القروض والحين يبون قانون الاستقرار المالي الكل يدور مصلحته طال عمرك
    والله المستعان





    يا سبحان الله تغيّر رايه بعد ما تغيّر حاله


    هذا صاحبك مال يسقطون الفوائد على الكل الا هو يقولون له ( انت توك ماخذ قرض وما تنطبق عليك الشروط ) وعقبها راح تشوفه راكب اول تاكسي متجه الصليبيخات
     
  10. القوي الأمين

    القوي الأمين عضو نشط

    التسجيل:
    ‏11 فبراير 2009
    المشاركات:
    190
    عدد الإعجابات:
    0
    مكان الإقامة:
    الكويت
    الأخوة الأفاضل

    (1)
    من الواضح وجود عدد كبير من مؤيدي اسقاط القروض أو على الأقل اسقاط فوائدها، وفي نفس الوقت وجود عدد كبير من معارضي ذلك. وبغض النظر عن طبيعة الأول أو الثاني (مقترض أو غير مقترض) يبقى الرأي متعدد. كما أن هناك عدد ليس بالقليل ممن ينتقل من الرأي الأول للثاني أو من الثاني للأول، بسبب ما يسمعه أو يقرأه أو يشاهده وهكذا.

    (2)
    حيقيقة موضوع القروض يعود إلى الخطأ في الأساس، القروض يجب أن لا تكون إلا للضرورة القصوى، وبنية سدها في أقرب وقت. المفروض أن يكون عدد المقترضين بالكويت بالمئات فقط، والسبب توفر الخير والنعمة ولله الحمد. لكن المشكلة بدأت وزادت للأسف من سنين، دون إدراك من كثير من الناس لعمق هذا الخطأ، خطأ الإقتراض لأهداف غير أساسية.

    (3)
    لابد أن نتذكر في هذا الموضع الجانب الشرعي للإقتراض الربوي، وهو من الأخطاء الجسيمة التي ينبغي الحرص الشديد على عدم الوقوع فيها.

    (4)
    يعتبر إسقاط القروض ظلما فادحا، بالعقل والمنطق، لأن غالبية المقترضين هم من الأغنياء، أو من كانوا أغنياء، أو من سيصبحوا أغنياء، أو على الأقل من توفرت لديهم سيولة نقدية (القرض) في فترة ما من حايتهم فحققوا بها أحد أحلامهم.

    (5)
    الحكومة عليها تقسيم الأموال على أبناء الوطن تبعا لحاجتهم، فتعطي المريض أكثر من غيره، والمعوق أكثر من غيره والمتزوج أكثر والمتعلم أكثر وأهل المتوفى أكثر من غيره، وهكذا. أما التجار والأغنياء فهم على يقين بأن التجارة ربح وخسارة، كما أنهم على وعي كامل بمبلغ القرض ومواعيد سداده، وما قاموا بذلك إلا وهو على علم بذلك، فأي حاجة توجد لدى مثل هذا؟

    (6)
    في حال حصول إسقاط القروض، لن تحل المشكلة، وستذكرون ما أقول لكم إن حصل ذلك، فسيستمر الإتكال على الحكومة، والعمل على تعطيل العقل وعدم تحمل مسئولية أي شيء واستمرار التخبط التجاري والبورصي

    (7)
    نصيحة لمن لم ينغمر في عالم البورصة بعد، أو لايزال على ضفافها: "لا تستمثر في البورصة إلا ما أنت قادر على خسرانه" عليك أن تترك ما يكفيك ويكفي عائلتك. ولا تقوم أبدا أبدا أبدا، نهائيها بالاستدانة من أجل البورصة.

    والله أعلم
    والله المستعان
     
  11. TNT_q8

    TNT_q8 عضو جديد

    التسجيل:
    ‏21 أغسطس 2009
    المشاركات:
    51
    عدد الإعجابات:
    0
    مكان الإقامة:
    KuWaiT
    والله ياجماعة الخير انشاء الله كل خير لان الكلام كثر على هالموضوع وانشاء الله يصير لان الحاله حيل تعبانه نص المعاش طاير على القسط واللحمدالله على النعمه

    والواحد لازم يحمد النعمه على كل حال
     
  12. الوافي ابو محمد

    الوافي ابو محمد عضو مميز

    التسجيل:
    ‏1 أكتوبر 2007
    المشاركات:
    6,146
    عدد الإعجابات:
    58
    عناوين الصحف اليوم الأربعاء: الأمير: أي قانون لإسقاط القروض سيتم ردّه ومشاريع الخطة الخمسية راح تمشي.. إيران تسلم المحتجزين الكويتيين الخمسة.. اليوم.. تفاهم مجموعتي الخرافي والأوراق حول صفقة زين.. والمطيري أمام النيابة: لسنا إرهابيين.. بل ضحايا 11 سبتمبر
     
  13. الدهليز

    الدهليز عضو جديد

    التسجيل:
    ‏27 يونيو 2009
    المشاركات:
    155
    عدد الإعجابات:
    0
    اخواني انا والله مع اسقاط القرووض واعرف ناس متأذين من هالقروض ويمكن يدشون السجن والكثير منهم مسجون الأن لكن بقولكم بخاطري شي . وعسى الله يفك عوقهم ويكون بعوننا وعونهم

    1- انا اعرف ناس اشترت بيوت وعمارات ومزارع وجواخير ويقوول احنا من المعسرين ومسجل اسمه مع المعسرين طيب وشنو ذنب اللي مااخذ ولا فلس ... شنو استفاد المواطن الكويتي الغير مقترض. وين العداله والمساواه . سالفة القروووض مافيها اي عداله
    العداله والحل الصحيح هو اسقاط فوااااائد القروووووووض هذا هو الحل الامثل كل بنك او شركه تاخذ راس مالها وتتوكل على الله واتفك المساكين من شرها . براي هذا هو الحل الصحيح
     
  14. حداق 75

    حداق 75 عضو جديد

    التسجيل:
    ‏12 سبتمبر 2009
    المشاركات:
    205
    عدد الإعجابات:
    1
    اخوانى مشكله القروض سببها الاول البنك المركزي وتقاعسه ولكن لاحسيب والا رقيب لانا المستفيد هم البنوك والتجار وانتم ياشعب لكم الله سبحانة وتعالى اما بخصوص اسقاط القروض هذى مشكلة الحكومة والمجلس لازم ايحلونها بس مثل محنا جايفين كلمن ايدور مصالحة واتمنا من الله عز وجل ان يصخر للكويت ولابناء هذا الوطن الاوفياء من يخاف الله فيهم ويبعد عن بلدنا الحساد (التجار) الى ودهم ياكلون المواطن لكويتي وانشالله ايطيحون الفوائد القروض
     
  15. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    الصراحه ما فيه عداله شنو انت تاخذ قرض تعيش احسن مني


    وانا شنو ذنبي اتحمل قساوة الدنيا و ما اخذ قرض ؟

    وفوق هذا يا شينك قوات عينك يكرمونك على هالقرض وانا يزيدوني فقر ؟
     
  16. نواف الخالدي

    نواف الخالدي عضو جديد

    التسجيل:
    ‏26 سبتمبر 2008
    المشاركات:
    405
    عدد الإعجابات:
    0
    ياجماعه هاذا عمره 17 سنه حتى مو موظف ياشينك لا بغيت تدخل بين الرجاجيل

    انا اقولك العداله شنو لما تاخذ قرض 15 الف حق زوااج ولا بنيان بيت ويطلع مع فؤاده قوول 25 الف انت تقعد تدفع لين يخيب ثناااك واول ما تقرب تدفع الفوائد كامله يرد البنك يرفع الفايده ثاني مره وتيتي تيتي مثل ما رحتي جيتي وانت تقعد تدفع نفس السالفه اتكرر قولي هل هاذي فيهاا عداله ؟؟ وبعدين انت ما عندك اخوان عيال عم ربعك عليهم قروووض تمناا لاخووك مثل ما تتمنى لنفسك وبعدين ارد وكرر روح دورلك ربع سولف معااهم
     
  17. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    الله يشافيك .........


    العدالة لم يعطون كل مواطن كويتي مبلغ سواء مقترض او غير مقترض
    مو العداله ان يقون انسان و يزدونه ثراء وتمرد على حساب انسان ذنبة ان احترم القانون و نفسه و خاف ربه قبل كل شي و ما اخذ قرض عشان عنده عزة نفس و كرامه و يخاف ربه من الربا

    الله سبحانه و تعالى حرم التعامل بالربا و الي خذو قروض ما تذكرو الله سبحانه و تعالى بعاقبهم على فعلتهم ؟

    بالعكس لازم هذول عبره لمن لا يعتبر


    والعدالة يا نواف الخالدي مو انك تاخذ قرض و تدفع فوايد العداله انك تعاقب الخارجين عن القانون و الشرع :)
     
  18. نواف الخالدي

    نواف الخالدي عضو جديد

    التسجيل:
    ‏26 سبتمبر 2008
    المشاركات:
    405
    عدد الإعجابات:
    0
    مو قلناالك ماتعرف السالفه شكوو تدش فييهاا !!!!
    شووف انا الحمدلله ما علي غيير 3000 دينار ماخذ قرض وقسطي 66 دينار شتبي بعد والله العظيم لا ابي يطيحونهم على ولا شي بالعكس انا لو يطيحوون قروض اهل الكويت كلهم الا قرضي انا موافق ولا بعد مستانس انه هم وطااح عن المواطنين

    اانا ادري انه ماكو عداله بين الي ماخذ قرض وبين الي ما خذى احناا مانبي يطيحون القروض احناا نبي ضبط للبنووك بحيث ما يتلاعب على الفايده حسب الاتفااق بين المواطن والبنك واعتقد اني وضحتلك بالمشاركه الي طافت تلاعب البنك على المواطنين
    وبعدين قولي وين الحل لو المواطن الكويتي لو بغى يتزوج او يبني بيته منين يجيب فلوس البيت او الزوااج ؟؟ وانت اظن عااارف تكاليف العرس او البنياان اكييد راح يلجأ للقرووض ولوو تلاحظ السنين الي قبل ما كاان في شي اسمه قروووض لان كل شي كاان رخييص سواء بنيان او زوااج
    وفي كذا شغله ما اقدر اقولهاا بمنتدى وانشاءالله انك فهمت :)

    وبعدين الامارات لماا طيحوا قروضهم الكل مستانس سواء مقترض او غير مقترض بس المشكله احناا بالكويت منتشره سالفه الحسد بيناا
     
  19. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    يا اخوان فعلا قروض البنوك حرام و ربا وفي غضب من رب العالمين
    لكن مايجوز نقول الي اخذ قرض نسى ان الربا حرام و نسى الله عز وجل , لان يا عالم الناس هذي اخذت قروض تحت ضغوط و ظروف صعبه لايعلمها الا الله وللضروره احكام حتى رب العالمين اجاز للجائع سرقه قوت يومه وبنفس الوقت حكم على السارق قطع اليد والرجل , هل امور يختص فيها الله سبحانه وتعالى وهو رؤوف بالعباد لكن اني اي واقول هذا فلوسه حرام وذاك فلوسه ربا وذلك فلوسه مشكوك فيها لايجوز اطلاقا رمي اخيك المسلم بهل صفات , وبالنسبه لإسقاط القروض بالاول كنت أول واحد اعترض عليها و كنت احمل حقد وحسد ان ليش يسقطون القروض والباقي لم ياخذ قرض لكن صفيت النيه وشفت معاناه اخواني وخواتي (المواطنين) ناس والله العظيم رجال وأرجل مني بأخلاق وشهامه وكرم وكل ماتحمله صفات النبل لكن يمشي بشارع ومعاه 5 عيال ومابجيبه 5 دنانير والله العظيم بلا مبالغه فعلا شي يؤلمني قسما بالله لو يي احد يقولي هذا عنده 5 عيال وخذا قرض وراح سافر نقط الفلوس بالمراقص صدقوني أطيح عليه قرضه من بعد ما اشوف حالته وحاله عياله ياجماعه هذيل عيال الكويت وبكره بيكبرون بيكونون مرفوعين الراس مو يتألم بماضي فقر أبوه وبكره يحرق المجتمع بإلي فيه (لأن محد كان يرأف بالعالم ) فما بالك الي اخذ قرض للبيت واخذ قرض لزواجه واخذ قرض يشبع عياله واخذ قرض يعالج ولده بالخارج (وبنفس الوقت ناس يروحون علاج بالخارج وقاعدين بالبارات على حساب المال العام) واخيرا يا اخوان فعلا في شريحه اخذت قروض وراحت تلعب فيه لكن احنه نتكلم عن الشريحه الاكبر والمصيبه الاكبر , والامارات طيحت قروض مواطنيها وعلى فكره شعب الكويت أجدر شعب وأشجع شعب واكثر شعب مر بالصعوبات (الغزو الغاشم) شعب الكويت شاف الذل ايام الغزو شعب الكويت مايخلوا بيته من أسير و شهيد و فقيد والله يستاهلون كل خير
    والسلام
     
  20. ابو سالم1

    ابو سالم1 عضو جديد

    التسجيل:
    ‏1 مايو 2008
    المشاركات:
    1,715
    عدد الإعجابات:
    0
    مكان الإقامة:
    الكويت أولا
    يستاهلوون اهل الكويت
    قاعد نشووف الى واقفين ضدنا بالغزو ياكلون من خير الديرة وعيالنا حرام عليهم نعم نعم نعم لاسقاط القرووض الشعب اولى عليهم بالعافية اشووفكم ماقلتو عدالة ان الاردن ايخذون فلوسنا و اليمن ياخذون فلوسنا وينكم من العدالة او بس على عيالكم تطبقون مبدأ العدالة لاتوجد عدالة الا بالسماء عليكم بالعافية يا اهل الكويت تستاهلوون من يطيح قرووضكم الحكوومة ماتقصر .

    اتمنا من الناس الى يقولون عدالة نبي نشووفهم وينهم عن عدالة اليمن و الاردن والسودان الى حرقوو علم الكويت ايام الغزو وينكم ماتكلمتم ةهم كل سنه يجون لكويت وياخذون من خيرها وينكم عنها ؟؟؟
     
حالة الموضوع:
مغلق