المدارس الأجنبية بالكويت

[fayoona74]

صباح الخير اخواني ابي رايكم بمستوى المدرسة الأمريكية للبنات aag اللي بسلوى تنصحون فيها ولا لا وابي كل التفاصيل عنها ومميزاتها ومساوئها وهل معترف فيها من السفارة الأمريكية ومناهجها تتبع اي مؤسسة تعليمية بامريكا واي مدرسة أجنبية تعتبر الأولى بالكويت ومن أي ناحية وبشنو هالمدارس تتميز عن المدارس الحكومية مع العلم اني شايفة طفلين بصف واحد الاول باجنبي والثاني بحكومة وكان اللي بالحكومة اشطر من اللي بالاجنبي
يريت اللي عنده فكرة وتجربة مايبخل علينا فيها ومشكورين

 

[givara]

اختي فيونا

اسالي عن رسوم المدرسة بالاول وبعدين المستوى. اللي اعرفه اني رحتلهم السنة الماضية اسال عن الرسوم حتى اسجل بناتي فيها بالصف الثاني ابتدائي والثاني روضة وطلعت رسومهم اثنينهم 5700 دينار من غير توصيل او اي شئ اخر بمعدل 2750 دينار تقريبا سنويا ورايي لو تدرسين عيالك بمدرسة حكومية او خاصة رخيصة وزينة مثل فجر الصباح او الاخلاص يحوالي 400 دينار سنويا ووفري الميلغ الباقي لهم للجامعة واحسبيها معاي :

فرق السعر بين الامريكية والحكومية او الخاصة حوالي 2300 دينار تقريبا سنويا

باعتبار ان الطالب يدرس سنتين روضة و12 سنة اخرى

2300 دينار * 14 سنة = 32200 دينار

واظن ان هذا الميلغ الذي يعادل 100000 دولار يكفي للدراسة باحسن جامعة بالعالم

اتمنالك التوفيق وشكرا ولا تاخذيني

 

[fayoona74]

شكرا على الشماركة لكن يهمني المستوى قبل الفلوس وبعدين الحكومة صارفة النظر عنها نهائيا مو لان مستواها ضعيف بالعكس مستواها زين وايد واحسن من وايد مدارس خاصة
بس ارغب بالتعليم الاجنبي عشان اللغة اولا وثانيا بناء الشخصية
فيريت تفيدني عن المستويات اذا عندك فكرة وهل افضل من الحكومة او لا بالنسبة للناحية التعليمية

 

[dvd928]

والله اختي كافي المستوى التعليمي اللي يوصل له الياهل يعني كافي لين يوصل يير 2 يقدر يكتب قطعه انشائيه من تأليفه وانا عندي بنتين بنفس المدرسه بس مو امريكيه مدرسه اجنبيه
ويكون اهتمامهم بالطفل موطبيعي ويعلمونه على قوه الشخصيه

 

[(@فهد علي@)]

شكرا على الشماركة لكن يهمني المستوى قبل الفلوس وبعدين الحكومة صارفة النظر عنها نهائيا مو لان مستواها ضعيف بالعكس مستواها زين وايد واحسن من وايد مدارس خاصة
بس ارغب بالتعليم الاجنبي عشان اللغة اولا وثانيا بناء الشخصية
فيريت تفيدني عن المستويات اذا عندك فكرة وهل افضل من الحكومة او لا بالنسبة للناحية التعليمية

اللغة ب1200دينار ثلاث شهور بلندن يطلع بلبل انجليزي

والله الشخصية وغيرة من الوالدين هم الي يقدرون يزرعونها في اولادهم

ونصيحه تصدق بهذا المبلغ بنية ان الله يحفظ هذا الولد ويخلية ذو شخصية

وفاهم وذكي وبتشوف هالشيء هذا بعيونك ان شاءالله

وكثير نعرف ناس مدرسين عيالهم بالمدارس الاجنبية حالهم حال عيال مدارس الحكومة

دروس خصوصية وتقوية وفاهين والله لايبلانا ​

​

 

[fayoona74]

للرفع لاتبخلون علينا بمعلوماتكم خاصة الاكاديمية الامريكية للبنات

 

[بوغمازات]

انا اخوي مدير في جامعة الكويت ,,, ويقول انسوي اختبار ذكاء للمتخرج من الثانويه العاديه و ثانوية المقررات وثانوية الخاص ,,,, والله يقول اذكي ناس الثانوية العاديه وبعدين بالمرتبه الثانيه ثانوية المقررات وااخر شي الخاص !!! وهذا الاختبار كل سنة يسوونه ,,, وااخر شي كل اهلي طلعوا عيالهم من الخاص وودوهم حكومه ,,,!! فلوس وتكلفة علي الفاضي !!! تحياتي لج ,,

 

[fayoona74]

معقول بوغمازات في خريجين مدارس اجنبية منهم الدكتور والمهندس وغيره اخاف اخوك يقصد خريجين الخاص العربية او الباكستانية والهندية لان هذول صج مستواهم ضعيف يعني انا شفت بعيني مستوياتهم طبعا باستثناء المدارس العربية الخاصة القوية مثل فجر الصباح وغيرها
شوف بالمدارس الانجليزية والامريكية ماتسمع المدرس او الابلة يسبون الطلاب بينما المدارس الحكومية تسمع واذا طالب طق او غلط على الثاني يجبرونه يعتذر ويعاقبونه وهذا هم ماتلقاه بالحكومة وبالخاص يعلمونهم احترام الوقت واي تاخير يحسابونهم عليه وهذا ماتلقاه بالحكومة ويعلمونهم التكافل يعني اذا سويت عيد ميلاد لولدك وبنتك وحبيت توزع بطاقات يلزمونك تعزم كل الصف واذا حق ناس وناس يردون الدعوات مايرضون ووايد يحترمون مدرسينهم الطلبة وهذا ماشفته بالحكومة عندهم بناء الذات والشخصية والاعتماد على النفس
لكن كمستوى دراسي الحكومة هم قوية ماتفرق عن الخاص الا باللغة لان هذولاك تعاملهم طول اليوم بالانجليزي
لازلنا بانتظار المزيد من الاراء والمشاركات
للرفع
up up up

 

[بوعلي الشمري]

اسعد الله مساءك أختى

ماشاء الله عليك هذا انتي تخريج مدارس الحكومه بدليل سؤالك اللغه اهم شى العربية ولا الانجليزية حتى امى تقدر تعلمها بثلاث شهور وبالنسبة للشخصيه كل واحد الله كاتب له شخصيتة مانقدر الا ان نشوف الايجابيات بشخصيتة ونميها والعيوب نحاول نصلحها.... بس لو نقابل العيال بالدراسة شوى كان طلعو عباقره بس المشكلة مالنا خلق وانا اولكم

 

[زلابيـــا]

فيونه الامريكيــــــــــــه وبس

 

[fayoona74]

زلابيا اي امريكية فيهم وشرايج بالاكاديمية الامريكية للبنات بنتي فيها ومرتاحة بس مو مجربة غيرها فحبيت اطمن على مستواها اذا عندج اي معلومات فيديني
والكل قاللي التعليم الامريكي اخف دم من البريطاني شرايج

 

[NoOoOoR]

بالنسبه للامريكيه (U, A ,S )

(Universal American School (Kuwait


وهذا موقعهم ....www.uas.edu.kw/

والله يوفقكم