لجميع استفساراتكم عن ديوان الخدمة المدنية

[pepsi_250]

مشكور على الرد جزاك الله خير انا بنت مو رجال ويعني الحين اروح اقدم استقالتي واشيل اسمي من التامينات وعادي يقبلوني مو انطر سنه صح ؟؟طيب متى التقديم على الديوان

عفوا اختى التوظيف قتلج إطول يبيله وقت ما اقدر احددلج اكثر من سنه اول اقل بس غالبا فوق السنه
بالنسبه للتقديم للديوان انشلله شهر 12

 

[falattar]

يعطيك العافية اخوي و خووووش مشاركة ، أنا مهندس أول بوزارة الأشغال و ناوي أكمل ماستر بالخارج على نفس تخصصي (هندسة ميكانيكية) بس الي موقفني أمريين :
1. سوف يقوم ديوان الخدمة المدنية بقص راتبي و ترسيته على الراتب الأساسي بدون العلاوات.
2. يجب ان أطلع بإجازة دراسية كاملة مع العلم هنالك جامعات نظامهم الدراسي (انتساب) اي حضور اوقات معينه للدراسة فقط . و هذي امرها سهل ممكن اخّذ لها اجازة دوريه.
*طبعا هالمعلومات على حد علمي و هذا الي اعرفه ، أرجو تصحيح المعلومات و ارشادي الى انسب طريقه لأكمال الدراسة و خصوصا بدون قص الراتب

 

[Q8O]

السلام عليكم

شاكرلك وقتك وجهدك اخوي

عندي استفسار بخصوص شروط الترقي بلدرجاة الوظيفيه خاصه بلختيار او الاعمال الممتازه

واذا كنت مضرر وتقاريري السنويه أمتياز لخمس سنوات وبلاخير اترقي بلاقدميه شلحل وشلون اتظلم

 

[pepsi_250]

يعطيك العافية اخوي و خووووش مشاركة ، أنا مهندس أول بوزارة الأشغال و ناوي أكمل ماستر بالخارج على نفس تخصصي (هندسة ميكانيكية) بس الي موقفني أمريين :
1. سوف يقوم ديوان الخدمة المدنية بقص راتبي و ترسيته على الراتب الأساسي بدون العلاوات.
2. يجب ان أطلع بإجازة دراسية كاملة مع العلم هنالك جامعات نظامهم الدراسي (انتساب) اي حضور اوقات معينه للدراسة فقط . و هذي امرها سهل ممكن اخّذ لها اجازة دوريه.
*طبعا هالمعلومات على حد علمي و هذا الي اعرفه ، أرجو تصحيح المعلومات و ارشادي الى انسب طريقه لأكمال الدراسة و خصوصا بدون قص الراتب

الله يعافيك
بالنسبه للراتب بقصون قص يبقى بس الراتب الاساسي والعلاوه الاجتماعيه

شوف بالنسبه للدراسات العاليا الماستر تقدر تاخذ اجازه تادية امتحانات 45 يوم غير اجازاتك الدوريه خلال فترة الدراسه او تقدر تاخذ اجازه دراسيه واتضبط شغلك بالجامعه بره وترد الدوام تقطع الاجازه الدراسيه ( قطع اجازه دراسيه مؤقت ) عشان ارد الراتب كما هو

 

[Prnce]

تستاهلون كل خير
بالنسبه للجنسيات العربيه فالتوظيف يتم عن طريق التعاقد مع طالب الوظيف وتقدر اتراجع ادارة الفتوى و الراى بس تتاكد ان الكتاب وصل الديوان عن طريق صالة المراجعين

مشكور أخوي على ردك السريع

بس أخوي أبي أفهم نقطه وحده يعني ألحين انا اخلي البنت تراجع اداره الفتوى والراي اذا صح كلامي ياليت تفهمني أكثر وأداره الفتوى والراي وين صايره بالضبط وهل اهيا تابعه للديوان او لأحدى الوزارات التي ذكرتها لك من قبل

 

[pepsi_250]

مشكور أخوي على ردك السريع

بس أخوي أبي أفهم نقطه وحده يعني ألحين انا اخلي البنت تراجع اداره الفتوى والراي اذا صح كلامي ياليت تفهمني أكثر وأداره الفتوى والراي وين صايره بالضبط وهل اهيا تابعه للديوان او لأحدى الوزارات التي ذكرتها لك من قبل

ادارة الفتوى والراي الدور الرابع في ديوان الخدمه المدنيه وقبلها صالة المراجعين عشان تتاكد من وصول الكتاب بالدور الارضي في ديوان الخدمه

 

[حســـآيف]

السلام عليكم ورحمة الله وبركاته ..

عندي استفسار ..

انا تم ترشيحي للعمل بوزارة واستكملت اجراءاتي الخاصة بالوظيفه ولم اباشر العمل نظراً لتقديم على طلب نقل ..
واثناء فتره طلبي للنقل تم الغاء ترشيحي للوزارة ونقل اوراقي لوزارة اخرى ..
سؤالي :
هل يمكن اعادة قبول بنفس الوزارة السابقه ؟؟
وماهي الاجراءات ؟؟


وكل الشكر لكم ​

 

[بو عبدالله 007]

شنو شروط شغل الوظايف الاشرافيه وهل يوجد استثناءات

شكرا جزيلا

 

[Knights]

اسمحلي ادري ثقلت عليك يالغلا
ابي انا رجال لي خدمه 3 سنين بالقطاع الخاص موظف بشركه على الثانويه ومسجل بالتامينات هال3 سنين حلو
وبعدين قدمت استقالتي وقدمت للديوان بعد ما اخذت الجامعه ولله الحمد والمنه
ابي اتوظف على الرابعه وجم علاوه وهل تحتسب خدمتي
يعني كنت موظف رجل امن وتخصصي محاسبه هل يحسبون الخدمه ولا لا
وشكرا على مساعدتك اخوانك وعساك ذخر لنا يا رب

 

[mona5]

آلله يعطيك آلعآفية آخوي
ودي آعرف شغله آنآ سجلت بآلديوآن ومر علي خمسة آشهر من يوم آلتسجيل للحين وقدمت آليوم على هيكلة آلقوى آلعآمله وطلبت تسجيلي في بدل بطآله قآلو لي لازم يكون عندي رغبة آني آتوظف في آلقطآع آلخآص وقبلت وسوت آورآق طلبي
آلسؤآل آلحين : هل هذآ يؤثر على تقديمي في آلديوآن يعني بمجرد تسجيلي في آلهيكلة خلاص ينسحب آسمي من ديوآن آلخدمة آلمدنية ؟ مع آلعلم آني آبي وظيفة حكومية بس طولو علي وسمعت آنه من حقي يمشي لي بدل بطآله
هل آنآ خربت على نفسي ولالا آفيدوني رجآءآ
ومشكووووووووووور خوي

 

[شـاعري]

اخوي انا موظف حكومي واداوم العصر

خلصت دبلوم سكرتارية.. وتخصصي مطلوب من قبل كلية التربية وحاب اكمل

في شي اسمه حسب ما سمعت من بعض الاصدقاء " عدم تعارض " وهو كتاب من الديوان

يعني انه هذا الموظف يداوم العصر ويمكن له الدراسه صباحا ولا يوجد تعارض

هل هذا صحيح؟

ياليت تفيدني

ووين اروح وشلون ؟ او عند منو بالضبط ان كان الامر بالفعل صحيح



وتسلم يالعود

 

[الغاربي]

يالغالي بس ابي اسالك سؤال اذا تسمح..
يالغالي الي اعرفه انه الخليجي يعامل ككويتي في اكثر من وزاره ومنها وزارة المواصلات والتربيه
ابي اعرف بعد شنو الوزارات الي يعامل فيها الخليجي ككويتي
ومشكور وتسلم يمناك...

 

[طال انتظاري]

السلام عليكم

يعطيك الف الف الف عافيه والله ماقصرت وانشاءالله في ميزان حسنااتك

عندي استفسار اخوي عندي شهاده ثانويه ودوره 9 شهور مراقبه ابنيه وطرق

ابي اسجل بديوان الخدمه كم تاخذلها فتره على ماتوظف..

واذا ممكن تقولي كم معاش الاشغال او البلديه الي مثل شهادتي

وجزاك الله خير

 

[bofaisal38]

قرار مجلس الخدمة المدنية رقم 25/2006 (الوظائف الإشرافية)

السلام عليكم ورحمة الله وبركاته​

إستفساري في حالة انطباق شروط قرار مجلس الخدمة المدنية رقم 25/2006 الخاص بالوظائف الإشرافية على أكثر من موظف هل للجهة الحكومية حرية الإختيار أو ان هناك ضوابط أخرى يجب تطبيقها .

كل الشكر لك اخى العزيز وجعله فى ميزان اعمالك .

 

[mona5]

وين آلاخ صآحب آلموضوع يآريت ترد على تسآؤلاتنآ لاهنت

 

[تهااني]

مساء الخير على الجميع



اخووي ليش مارديت على بعض الاستفسارات

انطرك ترد عليهم عشان عندي استفساار


؟؟؟​

 

[mona5]

شكله آغمى عليه ولا عض آلسآنه

 

[pepsi_250]

السلام عليكم ورحمة الله وبركاته ..

عندي استفسار ..

انا تم ترشيحي للعمل بوزارة واستكملت اجراءاتي الخاصة بالوظيفه ولم اباشر العمل نظراً لتقديم على طلب نقل ..
واثناء فتره طلبي للنقل تم الغاء ترشيحي للوزارة ونقل اوراقي لوزارة اخرى ..
سؤالي :
هل يمكن اعادة قبول بنفس الوزارة السابقه ؟؟
وماهي الاجراءات ؟؟


وكل الشكر لكم ​

و عليكم السلام

اذا في شواغر بالوزارة تقدر تتوظف فيها
اهني اتراجع ادارة الاختيار تسالهم عن الشواغر الخاصه بتخصصك

 

[pepsi_250]

شنو شروط شغل الوظايف الاشرافيه وهل يوجد استثناءات

شكرا جزيلا

اسمحلى بعبدالله بس كل وزاره واداره لها شروط تخصصات مطلوبه وانا غير ملم بجميع الوزارة
بس تقدر اتراجع اداره ترتيب الوظائف بالدور الخامس في ديوان الخدمه المدنيه او بالشئون الاداريه في وزارتكم

 

[pepsi_250]

اسمحلي ادري ثقلت عليك يالغلا
ابي انا رجال لي خدمه 3 سنين بالقطاع الخاص موظف بشركه على الثانويه ومسجل بالتامينات هال3 سنين حلو
وبعدين قدمت استقالتي وقدمت للديوان بعد ما اخذت الجامعه ولله الحمد والمنه
ابي اتوظف على الرابعه وجم علاوه وهل تحتسب خدمتي
يعني كنت موظف رجل امن وتخصصي محاسبه هل يحسبون الخدمه ولا لا
وشكرا على مساعدتك اخوانك وعساك ذخر لنا يا رب

تامر ماثقلت على
الخدمه تحتسبلك بالتامينات بس الخبره لا تحتسب بالديوان لانها غير مجال عملك الحالي ( محاسبه )