ديوانية الإستراحه ((( الجزء الحادي عشر )))

[acton]

السلام عليكم
بسكم نوم قومو صار فطور حسب توقيت شنغهاي
​

 

[المركز المالي]

فضل خلا احد صاحي
ذبانه ازعجته صكها عين مسكينه من يومين
بس تمشي ما تقدر اتطير ولا ذاقت اللقمه​

بف باف مو فضل وين مكافحة القوارض عنه

فضل عندنا طلعة الوفرة الأسبوع الياي نبيك ويانا شوي

 

[المركز المالي]

 

[away1979]

مساء الخير وتقبل الله طاعتكم ​

 

[away1979]

كل هذا نوم والله خوش صيام

متى تقومون إذا قال الله وأكبر ​

 

[away1979]

دام إني بالدوانية بروحي خلني اعطيها توقعات من منهم اثقل بالنوم

اول واحد فضل
بعده الذيبة
قلم حر
الاعاشق
نوووور ​

 

[acton]

الربع موقادرين ينزلون الديوانيه من كثر التعب
​

 

[فضل]

مساء الخير عالحلوين واللى نص ونص ​

 

[away1979]

الربع موقادرين ينزلون الديوانيه من كثر التعب
​

حسبي الله على بليسك وهذول منو إلي بالصورة ​

 

[away1979]

مساء الخير عالحلوين واللى نص ونص ​

هلا والله مساء الخير

صح النوم ​

 

[فضل]

هلا والله مساء الخير

صح النوم ​

نووم يخسا النوم

انا صار لى كم يوم اتابع ام البنات ​

 

[فضل]

يا جماعه لا تنسون اليوم قلم عازمكم على الفطور

عاد ، انا يوم شفت قلم عازمنا ، قلت فى نفسى :

هذى فرصه نادره ، ما تتكرر ، فعزمت جيرانى كلهم

عشان تكتمل الفرحه

وهذا احنا ناطرينه عند القسيمه ​

 

[acton]

وين العنوان
​

 

[فضل]

وين العنوان
​

هههه

راح فيها قلم

عاد يقول مسوى لنا كرش وكراعين

يعنى اذا ما كفى هالاوادم بياكلون كرشه ويمزمزون سيقانه ​

 

[acton]

شايفينا البارحه بسوق اللحم يقول عنده عزيمه بديوانيته
اتهقا شاري تيس او طلي عربي لنا اذا ماكو طلي متأكد بيشتري لنا عجل​

 

[فضل]

شايفينا البارحه بسوق اللحم يقول عنده عزيمه بديوانيته
اتهقا شاري تيس او طلي عربي لنا اذا ماكو طلي متأكد بيشتري لنا عجل​

والله ما اظن وراه فطور

وهقنا ، انا ما عندى احد يسوى لى فطور

قلمووه قب حتى طقوسه ما سواهاا

شكلى بروح الخيمه اللى يم المسجد​

 

[المركز المالي]

​

 

[قلم حر]

اليوم عزومة الفطور للبنات
انتو يالنص ونص باجر

بس الصراحه البنات استمتعوا بالكرش والكراعين
كل وحده قاضبه بيد كرعان والايد الثانيه كرش
وهن ياكلون الكرش جنهن ياكلون قمر دين​

 

[Q8_cat]

اليوم عزومة الفطور للبنات
انتو يالنص ونص باجر

بس الصراحه البنات استمتعوا بالكرش والكراعين
كل وحده قاضبه بيد كرعان والايد الثانيه كرش
وهن ياكلون الكرش جنهن ياكلون قمر دين​

Impossible​

:​

 

[acton]

مسكين فضل ماخذ تاكسي قبل الفطور وللحين مولاقي العنوان يدورك​