لاهل الخبره في البورصه وخاصه المضاربه .. أرجو الدخول ..!

sound blaster

عضو نشط
التسجيل
13 أبريل 2007
المشاركات
1,003
الإقامة
الكويت
السلام عليكم ورحمة الله

الموضوع شوي غريب يا شباب وماعليه تحملوني .. وأتوقع بيستفيد من الموضوع الكثير من الأعضاء ..

قعدتي بالنت توصل أحيانا لاكثر من ثلاث ساعات.. وقلت نستغل قعدتنا ونستفيد ونترزق الله ..

شباب صراحه أفكر أدش البورصه .. وخاصه بالمضاربه ... لكن :

ما عرف شي بالبورصه كلش .. يعني مُبتدا .. فهل تنصحوني أدخل بالبورصه .. وله أشيل قشي وأطلع ..وجم المبلغ المناسب مبدئيا أضارب فيه .. ومو مشكله الخساره .


وإذا تنصحوني أدخل شلون الطريقه .. ووين أستفيد وأتعلم .. على فكره قعدت مع واحد من الربع اليوم قديم بالبورصه وشرح لي الموضوع ونصحني .. وعطاني فكره سريعه على البورصه .. بس آنا متأكد إن معانا شباب خبره ونقدر نسميهم دكاتره البورصه .. وحبيت أستفيد منهم


آسف على الإطاله .. وكل عام وانتم بخير ..
 

ميكانيكي

عضو مميز
التسجيل
4 نوفمبر 2006
المشاركات
18,671
الإقامة
الكويت
السلام عليكم :)

الله يهنيك على وقت الفراغ .. :)

نصيحه ..

تعلم التحليل الفني بعدييييييييين دش البورصه

واذا عزمت تتعلم التحليل الفني قول :)

بس ترا الوقت طوييييل شوي :)
 

قابل للزيادة

عضو نشط
التسجيل
19 مارس 2008
المشاركات
258
انا من وجهة نظري تترك البورصة واذا ناوي ادش وملزم اترك المضاربه خذ استثمار واذا تبي احد يقولك على الاسهم الي تنفع حق الاستثمار او المضاربه اقسم بالله اني اثق بواحد بالمنتدى مع احترامي للكل وهو ما يعرفني بس انا اتابع كلامه وكل ما قال شي طلع صح عليك ببو فجر ميكانيكي ماهو تزلف بس من واقع تجربه
 

قابل للزيادة

عضو نشط
التسجيل
19 مارس 2008
المشاركات
258
السلام عليكم :)

الله يهنيك على وقت الفراغ .. :)

نصيحه ..

تعلم التحليل الفني بعدييييييييين دش البورصه

واذا عزمت تتعلم التحليل الفني قول :)

بس ترا الوقت طوييييل شوي :)

اقسم بالله اني اثق بكلامك ليش ما ادري احسك صادق وتحب الخير لناس شكرا ابو فجر
 

أبوفلان

عضو نشط
التسجيل
27 يونيو 2008
المشاركات
1,460
والله يا خوك انا مثلك عليمي الى ابعد الحدود

دخلت بمبلغ 4 آلاف نطقطق فيها

وعلى الله وعلى تحليلات الشباب

بس ها لازم اييك جم طراق بسبب النفسية المتقلبه لما تدخل البورصه

يعني اييك احساسين بنفس الوقت تقول حق نفسك خل اصبر ماني بايع وبعدين لما تشوف السهم احمر تقول خل ابيع لا أخسر زياده لما تحط امر بيع تقول لا خل الغيه

ولما تشوفه صعد آخر السوق وانت بايع تقول حسافه ليش بعت


ههههههههههههه

يعني يصير داخلك فلم هندي بس يبيله قلب قوي

انا ماعرفت البورصه الا شهر 7 ودخلت على طول ونتعلم من الشباب شوي شوي

واذا الله كاتبلك رزق بتاخذه


وطبعا لابد من الخسارة مافي احد ماخسر بالبورصه وفي مقابل ذلك يوجد ربح للقلب الشجاع والذكاء والصبر
 

أبو فلسين

عضو نشط
التسجيل
9 مارس 2007
المشاركات
4,498
يا ابو فجر احنى دشينا لما كانت اسعار الاسهم من ربع دينار وفوق والاخ الذى يريد النصيحه الاسعار الان بالحضيض :)
انصحك كما انصح نفسي شوف الاسهم التشغيليه عندك أبيار وعندك دبي الاولى واذا مادشيت بالاسعار هذى من 100 وتحت لا ادش البورصه خلاص :)
 

بيانو

عضو نشط
التسجيل
19 يونيو 2009
المشاركات
2,562
أخوى أذا كنت ناوى تدخل البورصه وتكون مضارب أولا وأهم شى أن تكون قنوع حيث أن القناعة كنز لا يفنى يعنى أذا الشركه أرتفعت فلس واحد بيع وخلك قنوع بالربح لا تطمع يا خوى ترى ما خسرنا ألا الطمع والله يرزقك أنشاءالله
 

Master-Leo

عضو مميز
التسجيل
27 نوفمبر 2006
المشاركات
10,158
الإقامة
الكويت
عليكم السلام

اخوي أفضل نصيحة هي محاولة الإستفاده من أخطاء الآخرين وأقصد هنا من سبقونا في هذا المجال وتفضل ايضا بعض النصائح ان شاءالله تفيدك :

1- لا تاخذ قرض وتدخل فيه البورصه ومن الأفضل الدخول بمبلغ بسيط منت محتاجه بالوقت الحالي

2- قبل لا تبدء بالشراء والبيع جرب نفسك في محفظة وهمية وطريقتها بسيطه نفيدك فيها اذا تحب

3- لاتسمع كلام كل شخص يقول اشتر بهالسهم سواء بالمنتديات أو غيره بدون لا يكون فيه تحليل فني أو خبر ثقه 100% وللعلم حتى الأخبار أحيانا قد يكون تأثيرها عكسي على السهم

4- تعلم التحليل الفني ممتع لكنه متعب اذا تحب تتعلمه يبيلك صبر وطولة بال و الأغلبيه هني تعين وتعاون ان شاءالله

5- حط لك حد معين للربح أو للخساره اذا وصلت لها يعني تبيع سهمك وانت مقتنع برزقك بربح او خساره لاقدر الله

سامحنا على الإطالة حبيت أختصر قدر الامكان وبالمره اسألك سؤال ماشاءالله عليك مسجل من 2007 ليش توك تفكر تدش البورصه :)
 
أعلى