اخي لدية مشكلة

[الزمن القادم]

اتاني اخي يشكو لي وهو موظف في احدي الوزارات بعد 4 سنوات من تعينه يقول لي تعرف ان في المكان الذي اعمل فيه يوجد بدل اشراف وايضا فيه مكافئة للاشخاص اللي يطلعون في لجان للجرد وفيه وفيه اشياء لا اعرفها فقلتله :
ليش ماتروح وتكلم مسئولك قالي انا بصراحة عمري مافكرت بالفلوس وانا بخير بس ليش جذيه يضيع الحق؟ وين الضمير ؟ بصراحة حز بخاطر كلامة قلت خلاص شنو تبي مني قالي ابي اعرف شلون اعرف شنو اللي لي ,واللي علي انا اعرفه مراقبه الله في عملي
والسؤاااااااااااااااااااااااااااال
شلون الواحد يعرف شنو اللي يدور في عمله من بدلات ومكافئات هل فيه قسم في الوزارة ممكن يوضحلك ويقولك بصراحة ان عندكم بدل كذا وبدل كذا حتي تعرف شلون تواجه مسؤلك وتعرف وين تروح الفلوس مع العلم ان اخي يعمل في وزارة الصحة وفي منطقة الاحمدي

 

[fayoona74]

ادارة الشئون الادارية باي وزارة هي الجهة المعنية بما يصرف ويخصم للموظف من مكافآت وبدلات ووو وهم على اتصال بديوان الخدمة ومافي شي ينصرف او ينخصم على الموظف الا عن طريقهم فهم على علم ودراية بالمكافات والبدلات اللي تصرف لاي موظف بالوزارة

 

[qanon]

انا صراحة ما الوم اخوك ولا الوم اى موظف ما يعرف شى عن حقوقه وعن واجباته الوظيفية

والمطلوب من كل موظف من تعيينه ان يسال ويستفسر ويتثقف قانونيا ومو بس يداوم وياخذ راتبه

وبعدين الزمن احين تغير

يعنى الواحد بس يتعين يعرف شنو البدلات اللى تصرف له من خلال مؤهلاته الدراسية

على العموم خل اخوك يروح الشؤون الادارية بالوزارة ويطلب منهم البدلات اللى تصرف له

هذا اذا كانت عنده بدلات لانه يعرفمن خلال شهادة الراتب اما بخصوص اللجان وفرق العمل والعمل الاضافي خل يسال الشئون الادارية بعد بالامور هذى وما يطلع منهم الا عارف كل صغيرة وكبيرة

 

[kwaity1978]

اعتقد سؤال الاخ مو عن البدلات سؤال الاخ عن امتيازات موجوده بالقسم اهوا ما يعرف عنها

مثال في مثلا ممكن يكلف المسؤل الموظفين بساعه اضافيه فوق لدوام ياخذون فيها مبلغ من المال

الموضف هذا مايعرف هل النقطه وماكو احد قاله اكتشفها بالصدفه بعد 4 سنوات

يبي يعرف شنو في بعد
شلون ؟

اعتقد هذا اهوه تسائل الاخ

 

[fayoona74]

كل الطرق تؤدي الى الشئون الادارية لان اهم يطلعون قرارات الاعمال الاضافية