اللي يعرف حق اللكزس

[ياتفارق ياتحب]

السلام عليكم
شلونكم شخباركم
عيدكم مبارك مقدما

انا عندي لكزس es300 2006
وسيرفس منتظم عند الوكاله وتحت الكفاله باقي ع الكفاله اسبوع
والمشكله بالحراره الحراره ترتفع تحت الفل بشوي قلت السياره دام انها مكفوله ابي اوديها الساير خذيت ونش وديتها الساير قالولي راح نفحص السياره وندق عليك ودقو علي قالولي لازم اتسوي لها كذا شغله ويكلف 600 دينار منها تشيش الراتيدر وتغير الترمستات وتنظيف الراديتر والبريك والسفايف وكذا شغله
اللي مهم منها ان قالولي اذا بتسوي تشيش راديتر وتنظيف وتغير الترمستات يكلفك 240 دينار وانا ابي اوديها بره بس اللي يعرف كراج شغله حلو ونظيف مو مهم السعر بس يكون ارخص من الساير وشغله مضمون حييل ويعطيكم العافيه

 

[heart]

في محل اسمه ملك الراديترات دخله ميزان اسد تكمل سيده لغايه التقاطع يصير يسارك وعلى اليمين جباله مطعم كناري بس روح عقب رمضان عشان تقط الموتر وتتريق...

 

[شمس الحقيقة]

في كراج اسمه كراج تشالنجر متخصص بلكزس
اهو كراج مال لكزسات اوتو سيتي و اوتو سيتس اذا شريت لكزس يعطونك كفالة على هذا الكراج
لأن الكزس الخليجي ما يدخل الوكالة
اهو مكانة مركز ناصر يم مطعم كناري

 

[أبو فارس 454]

حبييبي شيش الراديتر وبدل الماى اصلى
وبدل كلتشات المروحة
وادعلى الله يجزاك بالخير واخواننا المسلمين

 

[kut]

السلام عليكم

اخوي الغالي في كراج اذكره في الري من عند مكاتب السيارات

اسم الكراج 22 هذا ياقلبي اختصاص لكزس واذكره من سنه 1996 وانا اشتغل عنده لكزس وشغله متعوب عليه لن العماله اللي عنده كانت في الساير واللي يشتغل فيه معهم مندس كويتي روحه وماجك عندي ...

 

[ابو مرايم]

السلام عليكم اخوي ... شيك على غطوة الراديتر يمكن العيب منها او المراوح ماتبرد التبريد المناسب

 

[فاعل خير للجميع]

تأكد من تشغيل المروحه الرئيسيه والمروحه والاضافيه واذا مافي مروحه اضافيه تأكد من كتاوت المروحه
واهم شي شوف بين رديتر الرئيسي ورديتر المكيف يمكن في قراطيس بينهم
واحتمال عندك ترمستات تشكل

 

[al-dbel]

في كراج اسمه كراج تشالنجر متخصص بلكزس
اهو كراج مال لكزسات اوتو سيتي و اوتو سيتس اذا شريت لكزس يعطونك كفالة على هذا الكراج
لأن الكزس الخليجي ما يدخل الوكالة
اهو مكانة مركز ناصر يم مطعم كناري

يا خوي سعر هذا المحل والوكالة مافية فرق بينهم غالي بصورة مو طبيعية مبدل بلاكات جيب لاند 6 سلندر بـ15 دينار ويبدلونها برا بـ 3 دنانير بس والله اني استاهل
كلة من شور واحد من الربع

 

[ياتفارق ياتحب]

يعيطكم العافيه كلكم وماقصرتو

 

[ياتفارق ياتحب]

السلام عليكم

اخوي الغالي في كراج اذكره في الري من عند مكاتب السيارات

اسم الكراج 22 هذا ياقلبي اختصاص لكزس واذكره من سنه 1996 وانا اشتغل عنده لكزس وشغله متعوب عليه لن العماله اللي عنده كانت في الساير واللي يشتغل فيه معهم مندس كويتي روحه وماجك عندي ...

يعطيكم العافيه اخوي وين مكان الكراج وشلون سعره وشغله

 

[Nagooshy]

كراج تشالنجر متخصص بلكزس

وسأل عن سلطان

هذا كان يشتغل بالساير

 

[مهم للغاية]

خذ النصيحة من واحد معصب

اذا انت متأكد 100% ان الكفالة اللي على سيارتك تشمل المكينة واذا خربت المكينة راح يصلحونها لك ابلاش او يبدلونها


دق موترك سلف خل الحرارة ترتفع فل وبعدين انطر ليما يخر الراديتر وتتأكد ان المكينة اختربت وانشعر الراس .... بعدين ودها لهم ... قولهم المكينة خربانه وعلى الكفالة صلحوها ..

بس تأكد انهم كافلينها عدل .... مو نظام ... كله تمام يا فندم

والله يعوض عليك

 

[ياتفارق ياتحب]

اي بس يقولون انه الكفاله ع شركه لاني انا شاريها مستعمل والشركه اتقول احنا مانصلح اشياء استهلاكيه

 

[heart]

اخوي انت مو تبي تشيش الراديتر وتبدل الترمستات لاتحتار مثل ماقلتلك روح ملك الراديترات لانه اغلب كراجات الشويخ يشيشون الراديتر عنده ليش تروح لميكانيكي يقولك خل الموتر وروح بيبطل الراديتر ووديه عند اي محل راديترات يدبل عليك سعر التشيش وياخذ فك وتركيب الي اعرفه انه احسن واحد يشيش راديتر بالشويخ اهو محل ملك الراديترات الي يدور الرخص يودي راديتره عند الحدادين الايارنيين وتشيش الراديتر مو شغله عويصه بس هذا شغله نظيف واذا حده ناصب عليه اتوقع بياخذ عشرين او خمسه وعشرين مع تبديل الترمستات وهم روح عقب رمضان عشان تقط موترك عنده وتتريق بمطعم كناري الي يمه بس لاتنسى تدق علي اتريق معاك

 

[mmf]

تقبل الله طاعتكم

السلام عليكم
اخوي مايمدي موديل 2006 تتشيش راديترها؟؟ والله لو الماي اللي فيه صليبي؟ بس فيه شغله اطوف اكثر العالم اللي اهو اذا دش هواء داخل السلندر من ظعف الغطا او اذا احد مجيك على الماي والسياره حاره وكيف تعرف = اذا احترت وياك طفها وعلى طول شغلها اذا العداد مال الحراره نزل بشكل ملفت لنظر يعني اذا طفيتها واهي واصله فوق النص وشغلتها ونزلت تحت النص هذا يسمونه (كسب هواء) يعني لا زم تسوي لها تنفيس بس من هوز الراجع حق الماي وسبب الحراره دائمآ مثل ماتفضلو لخوان من المراوح او اذا فيه شي داش بين الراديترات او الترمستات تقفل لأن عمر الترموستات الافتراضي لا يتجاوز السنه وتأكد الحراره اذا كنت واقف ولا بالخط اذا واقف المراوح واذا تمشي الراديتر بس هم جيك على الترموستات والله يشفيها ولا تنسى دبات التلوث ترى لها دور كبير في الحراره d​

 

[ابو سالم1]

عدل كلام الشباب ملك الراديترات شغلة نظيف ورخيص

بس تأكد من دقمة الحرارة الى تشغل المراوح اذا احترت مرات تخرب الدقمة الاوتماتيك روح الشويخ دخلت ميزان اسد سيدة اخر شى على اليمين كلهم اختصاص لكزس خلهم يتاكدون منها عسا الله يوفقك ان شاء الله

 

[ياتفارق ياتحب]

يعطيكم اللف عافيه والله ماقصرتو وعيدكم مبارك مقدمأأ وان شاء الله راح اجيك ع كل شي وراح ارد لكم خبر

 

[shoot143]

اخوي انا صارت فيني سيارتي لكزس كانت توصل لي الثلاث ارباع جيك علي مروحة المكيف تلقاها ما تشتغل لنه الفيوز مالها خربان --فيوز ما يكلف 200 فلس تراا خله يشوف بس فيوز مروحة المكيف بس

 

[Hamilton]

خذ النصيحة من واحد معصب

اذا انت متأكد 100% ان الكفالة اللي على سيارتك تشمل المكينة واذا خربت المكينة راح يصلحونها لك ابلاش او يبدلونها


دق موترك سلف خل الحرارة ترتفع فل وبعدين انطر ليما يخر الراديتر وتتأكد ان المكينة اختربت وانشعر الراس .... بعدين ودها لهم ... قولهم المكينة خربانه وعلى الكفالة صلحوها ..

بس تأكد انهم كافلينها عدل .... مو نظام ... كله تمام يا فندم

والله يعوض عليك

انا اؤيد كلام اخوي ( مهم للغايه ) وانا هم بعد معصب شويتين
وين قاعدين باقي على الكفاله اسبوع وتبي تروح تدفع من مخباتك
اذا كلش كلش حماية المستهلك وخل صوتك عالي .. انطح الصياح بصياح وسوّ نفسك ما تفهم وقول لهم ( مو فيه كفاله عيل سووها وغصبن عليكم )

 

[ياتفارق ياتحب]

اخوي الكفاله تكفل المكينه بس الخلل مو من المكينه يعني الخلل من الترمستات وانا بدلتهم وكل شي اوكي الحين الحمد الله
وجزاكم الله كل خير وعساكم من عواده