استفسار ياريت احد يفيدني ويجزيكم خير

الموضوع في 'قسم الإستشارات القانونيه' بواسطة شهوب, بتاريخ ‏16 سبتمبر 2009.

  1. شهوب

    شهوب عضو نشط

    التسجيل:
    ‏22 يناير 2006
    المشاركات:
    449
    عدد الإعجابات:
    1
    .
    .
    .
    .
    السلام عليكم .....

    السالفه اني امس داش على حسابي بالبنك " الوطني " اون لاين ...

    ولاحظت خصم مبلغ لصالح شركة "زين " لا ومن حساب الجوهرة مع العلم ما عندي اي خط في الشركة .

    دقيت على خدمة الوطني وشرحت لهم السالفه ... رد الموظف نعم انت امس دافع عن طريق الانترنت لا وحدد لي الساعه والغريبه حزت الفطور بالظبط ... بالله انا فاضي اتفطر ولا اجابل النت لا وادفع بعد ...

    المهم بلغني اني لازم اروح ابلغ شكوي بفرعي وعمل لي بلوك على الحساب ( تحسبا)...

    السؤال شنو الاجراء اللي لازم اتخذه معاهم ...

    بعد حتى بالبنك اذا ماكو امان وين نودي فلوسنا .... تحت الزولية .... والله قهر .

    ملاحظه : مافي أحد بالدنيا يعرف الباسوورد او تفاصيل حسابي الا انا .
    __________________
     
  2. moqawel

    moqawel عضو جديد

    التسجيل:
    ‏15 سبتمبر 2009
    المشاركات:
    57
    عدد الإعجابات:
    0
    اتمنى من الاخوان ان يفيدونك
     
  3. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    لو احنا بامريكا كنت اجوابك جواب ثاني عن حقوقك ...

    بس مدام احنا بالكويت ...

    الجواب :

    تروح لهم ويصححون الخطأ .. ويا دار ما دخلك شر ...

    بتقول ازعجوك واذوك .. هالكلام ما ينفع

    لان بعض القوانين تكتفي بوقوع الخطأ من جانب المخطئ لكي تعوضك .. لانهم يشعرون بشعور بني ادم ..
    في الكويت (قانون فرنسي) ..
    لازم يكون هناك خطأ .. وهناك ضرر (يجب ان تثبته) .. ويكون هذا الضرر حدث بسبب هذا الخطأ(يسمى علاقة السببية) ...... عشان تاخذ تعويض

    طبعا مستحيل انك تقدر تثبت ضرر عشان فاتورة تلفون :)



    قصر الكلام ... روح يصححولك الخطأ ... والعوض على الله


    موفق
     
  4. شهوب

    شهوب عضو نشط

    التسجيل:
    ‏22 يناير 2006
    المشاركات:
    449
    عدد الإعجابات:
    1
    والله انك صاج ياخوي ... وتسلم على هالشرح الوافي .

    وامري لله .
     
  5. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    انا صارت فيني هل حركه واحد دخل بحسابي و سدد فاتوره زين على دفعتين 100 دينار وعقب ساعه 100 دينار ثانيه
    ووسجلت قضيه وحولوني الى وكيل النيابه وحقق معاي وعقب سنه اتصل فيني قالي راجعنه رحت لهم وقالي ترا صدناهم اهم عددهم 3 (من جنسيه يا باشااااااااا) قال لي ماعندهم يدفعون وانت الضحيه رقم مليون وللاسف محد قدم بلاغ غيرك يعني بتنازلك راح افرج عنهم وانا قلت ماني فارج عنهم ووقعت على القضيه وتم حبسهم وسألت وكيل النيابه عن اعترافاتهم بالغصب رضى يقولي السالفه لان انا حيل استغربت من السالفه
    والاجابه كانت كالاتي

    1- عرفوا كلمه المرور مال الموقع اون لاين ودخلوا فيه وسهلت لهم العمليه ان عندي e-pin وطبعا انت عارف شنو يعني , هذا يعطيك الصلاحيات انك تحول الاموال من حسابك , المهم وحولوا من حسابي 200 دينار على دفعتين مع انه الحساب كان في اكبر من هل مبلغ لكن اكتفوا بهل قدر وذلك لعدم اثارتي وتقديم بلاغ (يعني عبالهم 200 دينار ماتسوى اروح ابلغ) وتم تعبئه رصيد لخط بأسم هندي ساكن بصليبيخات (ضحيه ومايدري الله وين قاطه) ومن ثم يقوم ياباشاااا يحول الرصيد الى دوله ياباشااااا ومن هناك عندهم شبكه زين وعندهم صديق يبيع الرصيد
    تخيل وصلت الى اي درجه ؟؟؟؟

    اقولك من الحين اغسل ايدك تحصل الفلوس ومهما غيرت الباسوورد هم راح يبوقونك الحل الافضل الاتصال بالبنك والغاء e-pin
     
  6. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    بو عقيل والله خرعتنا ياخوي ..

    شلون يقدرون يخترقون حسابك ؟!!!!!

    اعتقد هذا السبب اللي خلى الوطني الان يغير طريقة الدخول لحسابك ..

    يا سااااتر .... ماكو الا نحفر في الحوش وندفنهم :)
     
  7. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    فعلا الوطني قام بمحاولات محمومه لجعل الموقع اكثر اماناً , والدليل موقعهم وخطواتهم اليديده
     
  8. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    الوطني من فترة مستواه تردى حيل
    مرة انباقت جنطتي عن طريق كسر جام السيارة ( كنت اسوي رياضة امشي :) ) دقيت على طول على الوطني يوقفون البطاقات والتمويل نفس الشي تخيلو ان التمويل ماشالله عليهم بنفس الوقت الوطني عقب جم يوم اكتشفت انهم مو موقفين والله ستر ان الحرامي ماعرف الرقم السري
    عن نفسي نقلت حساباتي للتمويل فرق دقة ومعاملة وناس تفهم عكس بوبعير الله يهداه بس
    شمعنى التمويل ماتصير فيه هالمواقف
     
  9. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    من صجج ؟؟؟

    التمويل لو يعطوني فلوس وبيت وشاليه وسيارة ويا صبي ....
    ما اتعامل معاهم ....

    جم مرة اراجعهم على شغلات .. يحسسونج جنج قاعده تطرين منهم

    جنهم بنوك سوريا الحكومية ... ول ول ول

    لا يحووووشك
     
  10. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    بالعكس تعاملهم جدا حلو حتى مرة شكيت انهم خاصمين للفيزا اكثر من المطلوب كان تعاملهم جدا راقي وقعدو فهموني لين اقتنعت بالغصب يعني لو الوطني ماتحملوني
    وبعدين يقابلونك يضحكون الوطني كله مادين البوز
     
  11. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,455
    عدد الإعجابات:
    4
    مكان الإقامة:
    الكويت
    حرام عليج .. الوطني اول ما تدشي ابتسامه عرضها متر ..
    وتفضل وحياك الله وامرنا ...

    التمويل جنج داخله مخفر .. مكشرين ... واذا بتسألين يقول " استريح لما اناديك " !!!
    وطبعا كلهم يايين بالواسطه وحاسين ان بنكهم :)

    والله يمكن مع الحريم غير !!! :) :)