الله يلعن الاسهم الامريكيه

[مستثمر جاد]

اللهم امين خسرتني

 

[عائض بن فيصل ال رشيد]

الله يعوض عليك ويرزقك من حيث لاتحتسب

 

[Alsha3er7]

حسبنا الله و نعم الوكيل
الله يعينك
و ان شاء الله تعوضهم

 

[هاب ريح]

مستثمر جاد.... الله يلعنها مليون العنه وانا اخوك.

والحال من بعضه طال عمرك... المشكله ان حنا بيدينا الي رحنالها هذي المشكله

مااقول غير لاحول ولا قوه الا بالله العلي العظيم.

الله سبحانه يعوض علينا وانا اخوك.

وبالنهايه الفلوس بلعنتها اهم شي صحتك وحالتك النفسيه هذي اهم شي صحيح ان الواحد ينقهر لاراحت فلوسه جدامه وهذي اسهم وبورصه ولكن
مااقولك الا اجتهد واصبر وانشاءالله ان الله يردلك خسارتك بربح

والسلام عليكم ورحمه الله....

 

[bu-abdullaziz]

الله يعوض عليك ان شاء الله

شوف السوق اليوم صاعد اغلب الاسهم القياديه صاعده معاه

ان شاء الله فهمتنى

وشكرا

 

[sami77790]

اسعدتم مساء

الله يعوض عليك وعلينا ايضا

الواحد مايصدق يربح 1000 $ وبعدين ما تشوفه الا خسر 5000$

بصراحة
انا قبل ما ادخل الاسهم الامريكية فكرت مرارا في الدخول في الاسهم السعودية
اي ايام طفرة السوق الامريكي دخلت فيه
وكان السوق السعودي نايم في ذلك الوقت
تخيل فمثلا كانت سابك امامي 170 ريال والان 830 ريال
وكانت المواشي 11 ريال والا 100 ريال
هذه بعض الامثلة القليلة

المكتوب مكتوب

الله يعوض كل مسلم خسر في سوق الاسهم الامريكية

تحياتي لكم

 

[zoom]

الله يعوضك

السلام عليكم
عسى الله يعوضك خير يا رب بس صدقني وانا من الناس الخسرانين 70% من راس المال ... سبب الخساره الرئيسي هو سوء الاختيار للاسهم واتحدى اي شخص يقول انه خسران بسهم له وزنه وقيمته بالسوق الا ما ندر جدا ... الخساره وارده سواء بالسوق السعودي او الكويتي او الامريكي او اي تجاره كانت ... اضرب لك مثال لو انك تملك سوبر ماركت بموقع جيد ولكن البضاعه الموجوده فيه من اسوأ البضائع .. هل سيكون وضعه جيد بعد فتره .. انا اتصور واعتقد يوافقني كثير من الاخوان ان الوضع سيكون بالنزول ولكن لو كنت تملك بقاله صغيره وتضع فيها من اجود البضائع سترى البقاله تزدهر وتدر لك بالارباح .. نصيحه لوجه الله ابتعدوا عن الاسهم التعبانه ... عسى الله يوفقكم .. امين
مثال : شريت سهم قبل اربع شهور بدولار وكل يوم بنزول واخرتها امس ... مطرود من النازداك ... اشلون نبي نربح بالله عليكم
اخوكم بو عبدالله

 

[malk]

السلام عليكم جميعا

أخواني الأعزاء في هذا المنتدى الطيب إن شاء الله تعالى

يعز علي أن أرى البعض يستعمل لفظ اللعن على شيء ربما كان سبب رزقه

و قد نهى النبي صلى الله عليه و سلم عن اللعن

بل أمر شخصا لعن دابته أن لا يصحبهم بدابة لعنت !!

فالحذر الحذر

و فقنا الله و إياكم لما فيه الخير